اغليك واتمنى اشوفك ساعة
واعيش في جـوّك والمّ احضانك
صوتك مايكْفيني على السماعة
مايكفي الا شوفتي لاوجانك
ياصاحبي لامرك سَـمَاعْ وطاعة
يفداك قلبٍ ياالغلا ماخانك
القلب ينسى فيك كل اوجاعه
مادام حبي يجري بشريانك
المركب اللي قد رفعت شراعه
مايرسي الا في حدود اوطانك
ياصاحبي شاري الغلا ماباعه
جعل الخلايق فدوةٍ لاعيانك
ارجوك لاتصبح من القطـّـاعة
يصعب علينا صدك وهجرانك
والله مااتحمل غيابك ساعة
ياكيف وانا طامع ٍ باحضانك!!!