ظلم
ظلمني الوقت وضيّع أحلى أيامي وآمالي
يحسدني على الفرحة على البسمة بشفاتي
تركني وراح , أصارع همي وأحزاني
و أشغلني عن أحلامي
خدعني بضحكة صفرا وضيعني
نسيت الفرح والضحك , نسيت الحب
أبي أجمع بقايا جروح منسية
أراقب وقتي الضايع , لعل ويا عسى أنسى , أنا ما أنسى
ألا ليت الزمان يعود
وكيف يعود ؟ أنا مدري , وكيف أدري ؟
غلط
حساباتي غلط , وين الغلط ؟
حسبت انك تحبيني
فهمت أنك تعزيني و تغليني
أبد ما أنسى ضحكاتك وهمساتك و غمزاتك
رسمتك صوره بخيالي
عيونك , آآآآآآآآه يا عيونك
ونظراتك سهام تصيب ما ترحم
وكلماتك , سحرتيني بكلماتك
جمالك شيء غير عادي
سلب عقلي وتفكيري
سرق نومي من عيوني
تركتيني وسافرتي
أحس الهم و أعيشه
الملم باقي أوراقي
وأندب حظي العاثر
إنتظار
أنا قاعد أنتظر, عودة المحبوب
ساهر ليلي ما أنام , والعاشق عمره ما ينام
الفرحة غابت من زمان , والحب ماله أمان
إنت يا حبي بحر , دايم تطعن في الظهر
تخطي وأسامح تزعل و أصالح
قوللي متى الردّة , يا خاين العشره
يا حبي المنسي , إن كنت أنا المخطي
سامحني هالمرة , وخذني معك
خلني خاتم باصبعك , ودي أمسح دمعتك
ودي أسمع ضحكتك
يا حبي الأول ويا حبي التالي
مختارات
من أجيكم لا تفز يا سيدي ارتاح
وبعيونك لا تخز النظر فضاح
أنا أدري انك تبيني وهذا سر بينك وبيني
ما ابي السر ينكشف ما أبي الحب ينعرف
ابعد شوي النظر لاحظ عيون البشر