سولف وقلـي ماتبـي بالتفاصيـل
رايق وجيتك وأنت بالحيـل رايـق
لا تستبيح الصمت يا شمعة الليـل
ساعة لقاك تصيـر عنـدي دقايـق
فرصه تراها مـا تعـوض بتبديـل
ولا احد على الفرصة لقاله وثايـق
ما للعنـا والهـم يمـك مداخيـل
فيك الغلا ورضاك والحسن لايـق
لولاك ماغنيـت بأحلـى التماثيـل
وتباشرت يمـي جميـع الطرايـق
واسهرت عيني والقلم والمعاميـل
وسخرتها في صفحتـك والحقايـق
وأصبحت أغنيها بكـل المواويـل
ولا عاقني برضاك يالترف عايـق
أنت الغلا الشوق والهـم والويـل
وفي شوفتك ضيقات صدري طلايق
آمر تدلل واحكـم العـدل والميـل
لرضاك لو تزعل جميع الخلايـق
قل ماتبي عطني جميـع التفاصيـل
رايق وجيتك وأنت بالحيـل رايـق