من ابداعات الامير عبدالرحمن بن مساعد




أخـــــطـــــــيـــــــــت


أنا مدري وش إحساسك ؟.. و مدري وش تظنيني؟..
أنا الصادق في عينك كنت .. و صرت الكاذب الخوان !

أنا أخطيت .. ما أنكر .. و لا في عذر يكفيني ..
سوى أني أحــبــك حيل..و أني دائماً انسان..

أنا أدري بمدى جرحك .. و أدري الحظ جافيني..
يطول الوقت ما أخطي .. و إذا أخطيت كل شي بان..

أنا شفت الزهر مايل و ظنيته يناديني !
قطفته ..يوم ضميته..لقيته للأسف ذبلان!

عرفت أنك زهر عمري .. عرفت أنك بساتيني..
و غيرك قيظ ما يروي .. سرابٍ يسقي العطشان..

أنا لو ما حصل ما كان .. و شو اللي يدريني..
بأنك ما سواك أنتي سكنتي القلب و الوجدان ؟

أنا آسف على أعذاري .. عجزت ألقى عذر فيني ..
يليق بغلطتي في حقك .. و يرجع كل شيءٍ كان ..

أحــبــــك كثر أخطائي .. و أدري أنك تحبيني ..
و أدري لو تفارقنا .. فلا نقدر على النسيان..

إذا تقوى على فراقي و بعدي عنك .. خليني..
أنا مليت من دور الكرامة..لعبة الغفران..

قليل العمر ياللي أنتي دموعك ما تساويني..
حرام أنه يضيع فراق .. هي من قلها الأحزان..



ان شالله تعجبكـــــــــــــــــــــــــــــــــــــم....


**خشف**