يسبق هذا كله تجهيزات العروس النفسية .. و الجسدية .. من ناحية المساجات و الأقنعة و الريجيمات ( لو استدعى الأمر ) و ممارستها للرياضة ( لو كانت لا تمارسها بالأساس ) .. و العناية بالبشرة و الشعر و الحمامات المغربية .. وما إلى ذلك ..

-1-

خذي المهر .. و قسميه .. بعد ما تكونين فكرتي زين .. وحددتي مطالبك حسب الميزانية و حسب الأولوية ..



-2-

ابدأي بالذهب و المجوهرات .. لأنها الأغلى .. و الأهم للعروس ..

محلات الذهب و المجوهرات في الرياض من الأغلى إلى الأرخص :
معوض ..
فتيحي ..
المعلم ..

ولا تنسين الأشياء الخفيفة حقت كل يوم .. وممكن تأخذينها من أي محل ذهب .. أو من المحلات اللي فوق .. أو من TIFFANI وموجود في الفيصلية و المملكة ..




-3-

الساعات :

JAHAN.. في آخر العليا العام
الفردان .. في العيا العام
الدهام .. ( ساعاته حلوة .. بس الألماس تركيبهم هم .. يعني ساعات مثل ساعات الفردان بس بنص أو ثلثين السعر ) .. موجود في الفيصلية .. و في شارع العليا العام .. و العويس
bvlgari في العليا العام ..
و فيه تشكيلة ما عليها في المعلم ..


-4-

فساتين سهرات ..

ساكس فيفث أفينيو في مملكة المرأة ..
هارفي نيكولز في الفيصلية ..
عماير السيريكون ..
دونا كارن في نجود ..


-5-

هدوم .. ابتداء بهدوم العزايم الكبار .. و محلاتها نفس محلات السهرة .. إلى الهدوم العادية .. everyday clothes ..

عاد هذي ما يبيلها .. 3 أيام إلى أسبوع فرّت أسواق و تقضين ..


-6-

الشنط ..

ساكس فيفث أفينيو في المملكة ..
هارفي نيكولز في الفيصلية ..
بيفتح قريب LUIS VITON
GUCCI

FENDI - CRISTIAN DIOR - PRANDA - SELVADOR FERAGMO هذي تلقونها في المملكة ..

اف سان لوران - CELIN - GELIANO تلقونها في الفيصلية ..


-7-

الجزم ..

الألوان الغريبة .. تلقونها دائماً في ميلانو سكوير في شارع العليا العام مقابل المملكة ..

أما الماركات .. ففي كل محل ماركة تلقون عندهم كورنر جزم ..

وفيه تشكيلات حلوة في ناين ويست .. و دونا كارن ( نجود ) .. وفيه محل جنب دونا كارن اللي بنجود بس مادري وش اسمه .. حلوة أشياءهم ..




-8-

العبايات و الطرح ..

طبعاً يبيلك طقوم عبي .. للمناسبات ..

المحلات :
ماي فير ليدي ..
لمسة ..
فاشن توب ..
بدون اسم ..
MIDNIGHT في مجمع الستين ..
ومحلات العبي كثير ..



-9-

العطور و الدخون

محلات العطور :
وجوه ( FACES ) بالعليا العام ..
هارفي نيكولز ..
قزاز في شارع الثلاثين ..

وأصرف لك صراحة .. السويلم ..
واللي ما يعرفه يسأل عنه كلن يروح له .. وخلوا عنكم البرستيج ..

محلات الدخون :
عالم جنيد ..
العربية ..
القرشي ..

والأفضل من كذا .. لو تعرفون ناس سيوون مخلطات .. مهما كانت غالية .. ترى تبقى ..





-10-

المكياج ..


قبل كل شي .. اشتري شنطة للمكياج و أبدأي تعبينها ..

طبعا المكياج لازم تاخذينه قبل فتره بس ما تكون بعيدة لأنه ممكن يذوب من الحراره ويطلع مثل الدهن حاولي تنوعين في الماركات لانه ممكن تطلع هالماركه اللي خذتيها مو اوكي فعندك اشياء ثانيه من ماركات مختلفه
(( لذوات البشره العاديه )) ممكن تاخذين الاشياء المعطره لانها ماراح تأثر على البشره
(( البشره الدهنيه )) لا تاخذين كريم الاساس المخلوط بزيت خذي oil free .
(( البشره المختلطه ))لازم تاخذين لها نوعين من الكريم الاساس لي خالي من الدهون وتحطينه على المناطق الدهنيه في وجهك اما النوع الثاني فيه كميه من الماء على ما اعتقد فتحطينه على المناطق الجافه.
(( البشره الحساسه )) خذي لي بدون عطور .
المهم راح اعطيكم امثله على بعض الماركات مثلا خذي من ماركة لانكوم (المرطب اللي ينحط قبل الاساس لانه راح يرطب البشره وعندهم بعد كريم العنب ينعم اليدين وكريمات اساسهم اوكي )
روشاس ( البودره المضغوطه اللي عندهم حلوه معظم عارضات الازياء يحطون منها) ,
جيرلان ( مرات تكون عندهم اشياء متكامله يعني مثلا يحطون لك ايشدو معاه مسكارا خاصه بنفس اللون وروج ودايما تكون الوانهم مختلفه )
كريستيان ديور ( من فتره نزلوا علب ايشدو وفيها لون اسود حلو فيه لمعه )
كلينك ( هالماركه راح تكون مناسبه لذوات البشره الحساسه لانها خاليه من العطور ممكن تاخذين من عندهم الكريم اساس لانه ما راح يهيج البشره , في عندهم ماسكارا خفيفه تنفع للطلعات العاديه )
فرساتشي ( الوانه صارخه وجامده )
(HR ) ( منتجاتهم للعنايه للبشره ممتازه اما مكياجهم فهو من النوع الهادي والخفيف )
(THE BODY SHOP) ( كريم اساسهم عادي لكن عندهم اشياء مميزه اغلب المشاكل اللي نعاني منها لما نحط الروج والغلوس بعد فتره ينزل و يسرب و يطلع خارج الشفايف وهم عندهم شي القلم الشفاف هذا تحطين وتحددين به الشفايف قبل ما تحطين الروج والغلوس فيظل ثابت ويحافظ على شكل الشفايف ).




-11-

معطرات الجسم

( كريمات الجسم _معطرات الجسم SPLASH _بودرات الجسم )
اولا كريمات الجسم ممكن تاخذين اكثر من ست اي طقم يعني كريم ومعاه عطره , كريستيان ديور عندهم كريم دولتشي فيتا صح العطر قديم بس كريمه اكثر من رائع كريمه مخلوط بحيبات صغيره مثل حبات المسك المطحون مجرد ما تدهنين تختفي وتطعر جسمك ساعات طويله .
روشاس عندهم كريم يجي مع عطرهم اللي على شكل محاره لونه تركوازي تقريبا الكريم احلى من العطر .
في محلات نزلوا كريمات فيكتوريا سكرت معاها مطعرا الجسم سبلاش وجل .
وفي بعض الحريم يعملون كريمات للجسم بعد حلووه اسالوا وراح تحصلون .

معطرات الجسم مثل ما قلنا فكتوريا سكرت والمحلات اللي تهتم بهالاشياء راح تلاقين عندهم اشياء مميزة مثل الـ BODY SHOP ..

اما بودرات الجسم فمنها انوع ( بلمعة أو بدون ) ..كل وحده على حسب ذوقها تختار .. وهو موجود في كل الماركات ..
----


تحياتي لكم

ملكة الشووق