تحياتي لبلبة الحلوة
اتمنى تكوزني بخير وتكون والدتك بخير الان
بالنسبة لموضوعك وبما ان الزواج تم بعد قصة حب قوية احيانا الزوج او الزوجة يضعوا لانفسهم تصور كبير وخيالي جدا بعد الزواج ولكن متى ما تم الزواج يتضح لهم ان الحياة الوزاقعية غير ما كانوا يتخيلوا او يحلموا وطبعا معظم الاسباب تعود لطبيعة الحياة وامشاغلها ومشاكلها يعني لا تفكري انه زوجك تغير او حبه بدأ يقل او يختفي
انتي من ناحيتك حاولي بقدر الامكان تتحملي بهالفترة ولا تشعريه انه تغير بالعكس تقربي منه بدون ما تعاتبيه اذا قصر او ما سأل
وحاولي من خلال معرفتك فيه تركزي على الامور او الاشياء اللي يحبها وكثري منها
مثلا بالنسبة للاكل اعملي الاكل اللي يحبه
بالنسبة اللباس البسله اللباس اللي يحبه ويغريه
بالنسبة لاي شيء يحبه كثري منه
واذا ما تفاعل معك لا تعاتبيه
وكذلك حاولي تستغلي اللحظات الي يكون فيها مرتاح ومبسوط كثير واسأليه عن احواله
وخبريه انك اشتقتي لحبه وكثري من العبارات اللي تشعريه فيها انك مبسوطة ومرتاحة وتحبيه كثير
المهم اصبري عليه ولا تحملي الامور فوق طاقتها
انا عارف انه هالشيء صعب خاصة انكم في بداية حياتكم لكن هاذي الحياة ومصاعبها ومشاكلها لازم نتعامل معها بحكمة وهدوء وبعيدا عن الانفعال
اسأل الله تعالى ان يسعدكم
تقبلي تحياتي
العاشق 7