[poem=font="Simplified Arabic,5,purple,normal,normal" bkcolor="transparent" bkimage="" border="inset,4,gray" type=1 line=0 align=center use=ex num="0,black"]
الله على رفقة صديقٍ أثق فيه= لا ضاق صدري من همومي نحرته
مخلص وأمين ولا يظن الرداء فيه= ودايم ورايه واقعي لا استشرته
صديق صادق بالوفاء ما ابتحل فيه= يمون علي ولا بغيته قدرته
ابدي عليه أهموم صدري وأنا جيه= اللي أشرحه بإسهاب واللي اختصرته
واصارحه عما بصدري أخفيه= إلى طرأ عن كل شخصٍ سترته
من خوفي أنه يسمعه جاهلٍ فيه= ويستعبره في موضعٍ ما اعتبرته
متفاهمين بكل شيء نسويه= نظره بعيد ويفتهم ما حزرته
ماهو من اللي دوم رأيه يبديه= لو كان يخطي ما يطيع أن عسرته
ورأي خطأ كيف أتبعه واقتنع فيه= ووشلون ابي آمن صاحبه ماحذرته
ولا هوب من يمشي بدربٍ أعاديه= ما فيه وعيٍ يفتكر ما افتكرته
ولا واحدٍ لو هو صديقٍ اماشيه= إلى بدت لي حاجةٍ ما انتظرته
وأظن كلٍ حاضره مثل ماضيه= ومهما بقي يبقى على ما خبرته
وإنك لاتهدي من تحبه بتوجيه= العود لو عدلت عوجه كسرته[/poem]الشاعر/نافل بن علي