فش خلقك :وتكلم عن حاله حب عندك
وحده داقة على قناة ستراك برنامج يتكلم عن الحب
الوووووو أهلين كيفك ( تتكلم بصوت ناعم مره )
المذيعة : نحمد الله كيفك للآنتي حبيبتي
البنت : انا فايييين أه ه ه ه ه ه ه
المذيعة : حياتي ممكن توطي على T.V وتقولي من معاي
البنت : انا جود من الرياض أه ه ه ه
المذيعة : اهلين جود شو مشكلتك
البنت : انا كنت احب واحد وبعدين مدري اختفاء عني واي ي
فيصل وينك اه اه انت حي ولا ميت ليه ماتكلمني على
جوالاتي ترى كل جوالاتي مااقفلهم انتظراتصالك (طوط طوط طوط انفصل )
المذيعة : اتمنا يافيصل انك الحين تسمع نداء حبيبتك وترجع
لها وبهذي المناسبه نهديك يافيصل غنيه اصاله ( ارجع
لها ) .
· سوالف كثير بهالبرنامج من بنات وشباب الخليج وخصوصا السعوديين ، فشلونا صراحه واعطوا صوره جدا سيئه مانقول الا الله يهديهم .
هنا بعض المواقف خوينا المشفوح
· هذا واحد اعرفه مريض من يسمع سالفة أو نذكره بموقف مع بنات على طول يحط يده على راسه ويفكر ( تقول فيه صداع او رسب بمادة ثلاث مرات ) مافي امل يتعرف ( يشبك ) بنت, مره طالع من الكلية الي بعليشه ويشوف له باص بنات ويقعد يلحق هل الباص وهو يقول ( ياروحي ياباصات ابوسرهد ) ويشوفهم يأشرون بيدينهم وقال اكيد ابتسملي الحظ المهم هو في البداية قال لا اكيد غلطانين بس شاف رفعت اليدين كثرت بشكل غير طبيعي قال اكيد هالبنات طمعانين فيني قعد يلاحقهم في عز الشمس من الساعه وحده لحد الساعه ثلاثه ونص وفي الاخير وفيه وحده دبا راكبه ورى في الاخير ( الباص رافع غزاله بسبتها ) وهو وراهم واخر شي طلعو المساكين البنات طرمان ويتكلمون مع بعض بالاشارة وخوينا الله يهديه فاهم غلط يحسبهم يئشرون له او ينادونه .
· ومره موقفين عند د/كيف ويشوف جمس مظلل واقف وقال اكيد فيه بنات ونزل من السيارة وراح للجمس وكان لابس كاب ويرفع الكاب ويقرب منه مره ويحط جبهته الكبيره اللي تقول زحليقه على القزاز ويحط يدينه اللي كأنها رجول عند وجهه ويقعد يقز ويناظر ويطالع ورجع لي وقال يابرطم نمله فيه بنات كاشفات وقاعدين يشربون قهوه عطني ورقه وقلم برقمهم المهم خوينا رجع وقعد يطالع مره ثانيه وهو يرفع يده يبغى يعطيهم الرقم فعلا البنت استجابة لطلبه وفتحت الشباك ورمت عليه كبتشينو حار على ثوبه وقالتله ياحيوا............ الخ بس الصراحه البنت حلوه .
· ومره بسوق العقارية ساعتين وهو يلحق بنت ولا عطته وجهه تخش محل ملابس نسائية داخليه يدخل ولا يهمه شي تدخل محل يكون مليان عوائل عادي يخش وراها يعني بالعربي وجهه (مغسول بمرق) وهو كل شوي يمد يده ويقولها تفضلي الرقم وهي تقول ( اففففففف ف وتحرك راسها الصغير يمين ويسار ) اخر شي ملت منه واشرتله وقالت في نفسها تعال ياملعون الوالدين راحلها وقالتله هات الرقم واخينا ماصدق على الله عطاها الرقم وهو يفق خشته وبدت عليه ملامح الانتصار ( ويمشي بسرعة وهو رافع يده كانه ماجد عبدالله جايب هدف ) وطلع ابتسامته العريضه اللي كلها كبرياء وظروسه الصفر اللي مايعرفه يقول هذا مركب( اسنان ذهب ) المهم يوم بعد مسافة عنها ويلتفت لها ويشوفها وهي تاخذ رقمه وتشقه بسرعه ( تشوووق تشووق ) وترميه على الارض بحركه خطافيه ويقعد يناظرها نظرات حزن وهو ينزل شوي شوي على الارض ويجمع فتات الورق .
خوينا : ياخي شقت الرقم وذبته انا احس اني مجروح .
برطم نمله : خلاص ياخوي امش عادي انت اصلا متعود .
خوينا : حرام يصير فيني كذا وانا توني في زهره شبابي .
برطم نمله : أي زهره شباب وانت كل يوم تتعشى صبه امش بس ثاني شي
وشوله تجمع الورق والله لو انها شاقه شيك ولا شهاده الثانويه .
· فيه واحد نفر قالنا قصه
هذي سالفة بنت تكلم خويها وتقول له قصتها خوينا يقول لنا القصه بطريقه مئساويه وترجيديه نكمل بعد فاصل اعلاني (استمتع بخلطه معسل الكبش وشاهي امبوما الماركه ) شوي ويبكي علينا يقول .
قد يكون في هذا الزمن قصه من الواقع عن فتاة لم يقل عمرها عن 23 سنه وكانت من بيت عز ونعمة , سافرت الآم الي الخارج بسبب خلاف مع ابيها فتزوج الاب بزوجة اخرى ثم تعرفت الفتاه على شخص لا يعرف معنى الحب والفتاه احبته وتعلقت به وطلب الشاب من الفتاة ان تبتعد عنه لانه وجد فتاة احلامه ولا يستطيع الزواج من فتاة خانة اهلها بتصرفها بان تكلم أي شاب .
ومع مرور الزمن اصبحت هذه الفتاة تعاني من مشاكل مع زوجة ابيها وتزوجت مغصوبه برجل لا تحبه وتريد الانتقام من زوجها لانها تحب شخص اخر وتعاني من مشاكل تعيسة الي اليوم .
وهنا انتهت القصة ...
بصراحه انا مافهمت ولا شي بس باين ان القصه حزينه وتبكي صح
:: المــــــــــــــــــلاحظات ::
انا اكره حركات الترقيم وما اداني الي يظايق بنات الناس والتفحيط
مع أني ماادري وش دخل التفحيط
أنا مااحب الاسواق والاماكن اللي فيها حريم
أنا مااحب ريحت العطور النسائية تسبب لي كتمه
أنا عمري ماواعدت بنت الحمد لله مااواعد الا تماسيح
أنا من النوع اللي اعض اليد اللي تمتدلي فرجأ ماابي مساعدة احد
ياعالم انا مقطعني الحيا والخجل
على فكره ترى الكبش وامبوما هذولي واحد من العيال لقبين بشخصيه وحده
منقووووول......