بصى يااختى ان كان هو خجول انتى ممكن مع الوقت تخليه يتعود عليكى واحده واحده ابدائى اول حاجه بانك تعرفيه انتى بتحبى ايه وبتكرهى ايه ف اى موضوع عام واسئليه عن رايه والكلام هايجيب بعضه وابدائى اساليه عن رايه فى لبسك ف مكياجك وايه بيحب انك تعمليه وف وسط الكلام طبعا لازم تقوليله رايك وتقوليله الكلام ده بس من غير ما تجرحيه وابدئى مثلا باى شىء عابر قدامك خدى رايه فيه مثلا فيلم او برنامج وقوليله " انا بحب ده انت ايه رايك... انا اتمنى انك تشاركنى رايى ف ده....." او ابدئى معه حوار هادىء وقوليله
" حبيبى احنا دلوقتى مخطوبين وقريب هانكون زوجين وف بيت واحد واحنا المفروض كل واحد فينا كتاب مفتوح للاخر مايكون ف بينا خجل لان احنا ارتضينا ببعض وكل واحد فينا عايز التانى يكون شريك حياته فمينفعش اننا نفضل كل واحد فينا عايش ف اتجاه انا بحلم ان حبيبى يتعامل معايا كذا وكذا واكيد انت تتمنى انى اعاملك باسلوب معين ايه رايك ان كل واحد فينا يحقق للتانى اللى هو نفسه فيه"
او ف طريقه غير مباشره اجلبى له كتابات من النت عن حب المرأه دايما للاحساس باحب والحنان وهتلاقى هنا ف المنتدى كتابات عن كده وخليه يقراها وافتحى معاه الكلام عنها او انتهزى مثلا اى مناسبه رومانسيه واجلبى له ورده وافتحى الباب من هنا قوليله انا بحب الورد وبحبه اكتر لما يكون منك حبيبى وهكذا..............
الموضوع محتاج شويه جرأه منك وصبر ومع الوقت صدقينى هتلاقيه تعود عليكى بس انتى حاولى تكسرى حاجز الخجل بينكم وماتستسلميش وربنا يوفقكم ويهدى سركم وكل المخطوبين يارب |