[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="inset,4,gray" type=1 line=0 align=center use=ex num="0,black"]
ويلاه من طبع الليالي والأيام= أحدٍ تبرى منه واحدٍ تماشيه
واحدٍ تمر أيام وأيام ما نام= سود الليالي عن منامه تقزيه
يطوي على همه ضلوعه وينضام= ولا يشتكي للناس من ما يعانيه
يخاف من هرجة عدوٍ ونمام= يضحك وما في داخل القلب يخفيه
واحدٍ عثر حظه ونوخ ولا قام= لو صاح بأعلى الصوت محدٍ بيوحيه
يمضي عليه اليوم في حسبة أعوام= كن الزمن قيدٍ يجوّد خطاويه
أحدٍ تهفهف له ذعاذيع الأنسام= وتمشي على كيفه ودايم تباريه
ما عض يوم من الندم رأس الابهام= حظه على طول الليالي مصافيه
ولا تعلّى طير فكره ولا حام= ولا كفخ من جور خلٍ مجافيه
وذي حالة الدنيا بها حظ وأقسام= أحدٍ تسومه هم وأحدٍ تواسيه
ومن لا عرف طبع الليالي والأيام= إن ما تبرّت منه عيّت تماشيه[/poem]

الشاعره/ أصايل نجد