[poem=font="MS Sans Serif,4,black,normal,normal" bkcolor="transparent" bkimage="" border="double,4,white" type=0 line=0 align=center use=ex num="0,black"]
دخلت انـا الاسهـم عشـان التجـارة=نبغـى ننافـس مـع كبـار الهواميـر

لكـن ماشفنـا يـاكـود الخـسـارة=يالله عسى فالامر خيـرة وبـه خيـر

واشوف انافالسوق وضحـى وسـاره=وحمود مع محماس وسعـود ومنيـر

احـد يقـول السـهـم ذا فالـصـدارة=واحـد يقـول السـوق مافيـه تدبيـر

كـلٍ يبـي المكسـب ورجـع دمـاره=ذولا الضعـوف الـي كلوهـا خوابيـر

الكسـر كـايـد مالقيـنـا اجـبـارة=طـاح المؤشـر مالقيـنـا تفاسـيـر
.
كـم واحـدٍ بـاع الغنـم والعمـارة=وكم واحـدٍ بـاع النخـل والمواطيـر

وكـم واحـدٍ همـل دبشـه وعقـارة=.دايم وراء الشاشه مع الصبح وعصير.

حتى هـل الورشـات واهـل النجـارة=واهل المعـارض والابـل والصقاقيـر

والجنـدي الـي سلـمـوه الخـفـارة=.اصبـح مب**ـط مايجـي فالمخافيـر

ولاجيـت اراجـع حاجـةٍ فالـوزارة.=ماشفـت انـا ياكـود راجـو وشبيـر

كـم واحـد منـول يصـرر اصـراره=.طلع افلوسـه ميـر جتـه المقاديـر

والـي منـول يدعـي بالشـطـاره .=كب اللكاعه وان حصـل درب بيطيـر.

واحـد نشـب بالقسـط والرهـن داره=غـروه ربعـه بالطمـع والمهـاذيـر

الخفـظ والتوقيـف صـار الـشـراره=في سوقنا الي صار مثـل الاساطيـر.

من فوق عشر ايـام ناصـع حمـاره=والـون الاخضـر الغـي بالمأشـيـر

ولاحد عرف ويش السبب في انحـداره=والـي يحلـل كذبـتـه التقـاريـر .

راحت فلوس النـاس عقـب انهيـارة=بين المصافـي والمكيـرش وتعميـر

.والي ارتفع ضغطـه وجتـه المـراره=من عقب ماهبـت عليـه المعاصيـر

يامكثـر الجلطـات عقـب انهـيـاره.=فـي روس نـاس يجمعـون الدنانيـر [/poem]





للشـاعـر المبـدع/ عبـدالعـزيـز ين سعــود الحمـد السبيعـــــي

(( أبــــــــو سعــــــــــود ))