اخيرا وصلنا البحرين.. ورجعنا للشبااب والصبايا اللي وصلوا مدينة الألعاب وقبل لايلعبون جلسوا شوي على الكراسي ..واشتروا لهم أي سكريم وكلوه والحين قاموا يبون يلعبون..
وعند كشك التذاكر..
للعبة اللي اختاروها.. هاذ ي اللي تدوور وتركب فووووق وتدور شوي شوي وترويه العالم من فووق وش حلااته وتوقف شوي وهي فوق وهاادئه هاللعبة مره..
بس ليلى اعترضت: انا ماراح اركب..
كوثر:ليييش ؟؟ حلوة اللعبة..
ليلى منحرجه..
وفاء: خلوها على راحتها هي ماتحب تركب هالأالعاب..
نرجس وحسين فاهمين السالفه لأنها اذا من درج تخاف تركبه لوحدها شلون لعبه تركبها وتوديها فوووق..
حسين مومطاوعه قلبه يركب ويخليها يانااس في شي مو طبيعي يصير لحسين ولتفكيرة .. جالس يفكر لو تركب معاه بيحميها وبينسيها هالخوف بس شلوون ماايصيرر..
ركبوا وفاء وراشد في وحده.. ونرجس وحسن في وحده وكوثر وشهد في وحده.. وليلى جلست ع الكرسي مبتسمة مرتاحه انهم مااصروا عليهاا .. وسوت لهم كلهم من تحت حركة بايدها باي باي..
وكانت الملاهي زحمه طبعا وكلها عواائل واطفاال واعدااد هاائلة من الناس.. فلما كانت ليلى جالسة شافت طفل عمره حوالي خمس سنين وذابح نفسه من الصيااح..ويصرخ ويقول ماما ماما ..
يعني ضاايع المسكين عن امه.. ماقدرت تشوفه كذا وتطنشة راحت عنده..
ليلى: شفيك حبيبي ليه تصيح؟؟
الولد: ابي ماما ..هئ هئ
ليلى: وين ماما راحت؟؟
الولد: ماادري هي ضااعت ..
ليلى في بالها:ههه انت اللي ضعت مو هي..
ليلى: طيب خلاص حبيبي تعال اسكت خلاص الحين بنوديك للماما..
الولد بعده يصيح والفشار بيده نصه تنفر ع الأرض..
ليلى: تعال يله قول لي وش اسمك؟؟
الولد سكت وراح مع ليلى اللي قدرت تشغلة وجلس جنبها ع الكرسي..
الولد: اسمي حسين..
ليلى ابتسمت وطالعت فوق تشوفهم .. ودورت حسن بعيونها بس مالقته الظاهر انه في الجهه الثانية..
ليلى: اسمك يجنن ياحسين..
حسين: وانتي شنو اسمك؟؟
ليلى: انا اسمي ليلى ..
حسين:الله اسمك احلى..
ليلى:ههههه حبيبي انت وباسته على خده..
حسين تناسى الخوف وقام ياكل من الفشار اللي بيده..
نزلوا من اللعبة وكلهم يطالعون في الولد اللي معها بتسااؤول..
شهد: منو هذا؟؟
ليلى: هذا حبيبي حسين..
حسين ذاااب من اللي سمعه واتمنى لو هو موجه له..
نرجس: من هو هو؟؟
ليلى: ضايع والحين بندور له امه..
حسين: اسمك على اسمي ياحسين خلاص بصير صديقك..
حسن:هههه خلاص صديقي..لكن انا اول صديقتي ليلى بعدين انت..
الكل:هههههههه
وفاء وراشد اخر الناس رجعوا..
وفاء بتفاجأ: حسين؟؟ وش تسوي هنا..
حسين قام فرحان لوفاء يسلم عليها بشبقه قويه وهي نزلت له باسته ..
حسين: وفاااء ابي ماما ضااعت..>>شبه بيصيح..
وفاء: طيب لاتصيح حبيبي خلاص انا معاك واذاماشفنا الماما انا اعرف بيتكم صح ولا لا..
حسين هنا ضحك:اييييه ..
راشد: من هذا؟؟
وفاء وقفت وتشوف كلهم عيونهم متسأله..وطالعتفي يلى وقالت: هذا اخو بشاير..
ليلى:اهاا وانا اقول احسه يشبه احد..
الكل:هههههههه
وهو ضل شابص في وفاء وماسك ايدهاا..
موراضي يتركهاا..
وراشد متحقرص منه.. راح جنب وفاء وقال لها: تركي ايده يتبنت الناس ومسكي ايدي..
وفاء مرفعه حاجب: شدعوه عااد الطفل حاس بالأاما معي اتركة..
راشد:جيبيه انا بمسك ايده وبمسك ايدك عشن يوصل له الامان..
وفاء:هههااي ماتفرق..
راشد: الا تفرق..
وفاء: من أي ناحيه..؟؟
راشد: اني الحين غيراان منه بس لما امسكه ماراح اغاار ..
وفاء سكتت بعدين قالت: ماصار ابو خمس سنواات اسكت والله يرحم والدينك خلني اكلم بشاير اشوف وينهم يجون ياخذونه..
راشد فيه ضحكة يدري انها استحت بس عاادي عنده فقال: يكون احسن بعد..!
واتصلت ببشاير وطمنتهم لأنهم كانوا يحاتون وخايفين عليه يدورونه فجات لهخم مكان اتفقوا عليه وسلمت عليهم وخذته وراحت بعد ماشكرتهم وحمدوا ربهم على هالصدفه اللي صارت لانه لو هم ماشافوه مايندرى شكان صار فيه..!!
وراحوا كملوا طريقهم بيلعبون..
* ** ***
نروح لجنان اللي كانت جالسة تطالع في شاشة الجوال من ربع ساعه..
جنان تفكر:
ماتتصل وتفكني ياولد الناس بقعد وبطني يعورني لين ماتتصل اففف
وانسدحت ع السرير ..
وتوها مغمضة عينها تبي تريح الا يرن التلفون..
على طول قامت ورفعت راسها.. تبي تشوف الرقم.. كان رقم بدون اسم.. وهي تتوقع حسام يتصل يعني هذا هو ماكو غيره..
تسارع نبض قلبها وبكل شجاعة ضغطت زر المجاوبة وقالت:الو مرحبا..
حسام وهو مغمض عيونه يتخيل محبوبته قدامه : مرحبتين..
جنان:...
حسام: طبعا عرفتيني ولاا ؟؟
جنان:امم ايوه حسام ولاا؟؟
حسام: ااخ يامحلى اسمي ع لسانك..هااه ايه حساام..
جنان احمرت من كلامه بس مابينت له انها تأثرت باللي قاله لها
حسام تعمد يقول كذا يبيها تحس فيه وبحبه لها اللي المفروض تعرف عنه ..
حسام: شخبارك شمسوية؟؟
جنان :بخير الحمدلله..
حسام: وكيف الدراسة؟؟
جنان: والله تمام ماشي حالها..
.. .. .. .. .. ..
جنان: وانت كيف احوالك؟؟
حسام:انا احوالي جيده جدا الا ممتازة بسماع صوتك..
جنان:امم تسلم..
حسام:الله يسلمك..
جنان: ايوه ممكن اعرف وش بغيت؟؟
حسام: جنان بالله هذا سؤاال بغيتك انت شبغييت يعني غيررك...!!
جنان تصنمت من كلامه وسكتت..
حسام: اممم واضنك يعني تدرين مو شي جديد وفيه اشياء صارت تثبت لك..
جنان هنا ضحكت.. هو داخ من ضحكتها .. بيمووت عليهاا يبي متى يجي بكرة ويشوفها ويضم ايده لأيديها.. وترتاح نفسه ويسعد قلبه..
حسام: جنان سؤاال ممكن..؟
جنان: تفضل ..
حسام: اففف ماكنت اكسر خاطرك وانا احاول اكلمك وانت ماتعطيني وجهه..
جنان بكل كبرياء: والله اسلوبك كن غلط يعني حتى لو بتكسر خاطري مابيصير وبعدين وش دراني انك صاج ظنيتك تبي تلعب بس..
حسام: افاا انا العب على اخت اعز اخواني وبعدين ليه شايفتني طول يومي العب ع البنات..
جنان:ههه مو قصدي كذا بس ان اسلوب واحد متعود.. >>تنقز نقزاات الأاخت..
حسام:هااه .. والله اخوك اللي علمني يوم ماكنا صغيرونيين...
جنان:هههااي حللوة .. عااد علمك ولا ماعلمك .. مالي شغل الدروس اللي عطاك اياها تنسااهاا..
حسام بيمووت من الونااسه لأن جنان قامت تهتم فيه اكيد بتهتم فيه لأانه بيصير زوجها عقبال مايصير حبيبهاا ..خخخ..
حسام: نسيتهم يوم عرفتك ياجنان نسيتهم كل ابوهم ياعمري..
جنان بعد صمت: اشوى..
حسام:المهم مااطول عليك لان لو على كيفي ماسكرت ولاخليتك تسوين اشغالك.. بس حبيت اتطمن قبل بكرة..
جنان: على شنو؟؟
حسام: انك موافقه تاخذيني برضاك دون أي اجبار ومقتنعه فيني مثل ماانا مقتنع فيك وحاطة في بالك اني الوحيد اللي ممكن تفكرين فيه وتخلصين له طول الحياه ان شاء الله..ثل ماانا ماخذ عهد على نفسي اسعدك واظل احبك واخلص لك طول العمر..
جنان عجبتها هاللفته منه حست بطيبته في كلامه حست بروحه المرحه من خلال السالفه اللي قالوها قبل حست انها بسهولة تقدر تعيش معاه وتنسى العالم اذا كانت معاه ويمكن تحبه بعد..
حسام: وش فيك مارديتي علي..
جنان: كنت افكر اني بعد هالمكالمه اللي صارت بينا اقدر اقول لك اني اكثر من مقتنعه واني متطمنه ومرتاحه داخليأ عشاني احس بأني اقدر اعيش معك ومع اهلك الحبوبين الطيبين وان شاء الله مااندم في يوم..
حسام: وانا اوعدك انك ماتندمين لاني بحقق لك احلامك وامنياتك وبخليك مرتاحه وحاسه بألامان وين ماتكونين انا عارف انك مو محتجه أي شي ماديا ومعاي ولا بدوني حالك مرتاح والحمدلله بس اللي بعطيك اياه اكثر من كذاا ومن ماده ياجنان بعطيك عاطفه تحسسك بالحب والمودة وتعيشك في عالم اتمنى ترضين تعيشينه معاي وتبادليني هالعاطفه..
جنان ابتسمت وهو حس بابتسامتهاوردت عليه: ان شاء الله الله يقدرني على ذلك وبعدين عمرها المادة اهمتني ولا نظرت لها ودووم اتمنى لو كان مستوانا المادي اقل من كذا لأن فيه اشياء ماتتوفر الا عند الفقير اشياء تنوجد بالبيت وتجمع بين اهلة مو موجودة عن الاغنياء وانا هالاشياء ابيها تكون متوفره ببيتي وهي عندي اهم من فلوس العالم كلها ..
حسام فهم قصدها: الا وهي الترابط الحب الموده والتعاون كلها اشياء انا مابقبل في هي مو موجودة فيه..
جنان ارتاحت اكثر: حسام اشكر لك تعاونك معاي تراني الحين مرتاحه ومستانسة بعد اني وافقت عليك..
حسام بيطير من الفرحة يانااس حبيبته قاعده تقول اشياء قبل فترة ماحلم يسمعها منها: وانا مستانس اكثر منك والله يشهد على كلامي..
جنان حبت تتنيحس قبل لاتسكر فقالت له:بس تعرف شلون.. انت كنت الأانسان الوحيد بالدنيا اللي تقهررني كرهتك في البداية بكل ماللكلمه من معنى ..
حسام يشهق: ااي ياقلبي بيوقف.. ااااه
جنان:هه سلامة قلبك لاتورطني تخليه يوقف وبكرة اضل بلا رفيق..
حسام: اااخ وهو يقدر يورطك .. هو بس الود ودة يجي بكرة عشان يصير قريب منك وخلااص.. طيب كنتي تكرهيني واقهرك والحين؟؟
جنان: اممم صرت مريحني ومونسني..
حسام: بـــس؟؟؟!! بخيـــله..
جنان:هههه طيب وماصرت اكرهك..
حسام: بعد لو بعدك هاذ مشكله اموت انا بعدين..
جنان: اسم الله عليك من الموت لاتفااول ياحماار..>>قالتها بدون ما تحس..
حسام:ههه ايووه ياحبيبتي طلعي على حقيقتك قااال حماار قاال..
جنان: عشان ماتعيد هالكلام الزفت..
حسام: طيب طيب ولو عشاانك مااعيده..
جنان: طيب ..
حسام:مليتي هااه تبين تسكرين..
جنان:هااه لااا مو كذاا يالله .. انت على كيفك بس تجيب اسباب من عندك وتصدقهاا..
حساام: ههه وش فيك طيب امزح معك والله..
جنان: بلا هالمزح اللي ماله معنى..
حساام: اااف ااففف ياجنان طلعتي مو راعيتها .. خلك مرحه حبيبتي لاتاخذي الكلمات بحذافيرها امزحي..
جنان: مااحب امزح باشياء مثل كذا المزح له حدودة حبيبي..
>>هي قالتها كذا مع الكلام عشان يمشي مثل ماهي متعوده دوم تقولها بس حسام مجرد مانطقتها خلاص حس انه راايح فيهاا..
حسام: تكفين جناان عيديها..
جنان مو فاهمه قصده: شنو هي؟؟
حسام:الكلمه الاخيرة اللي قلتيها..
جنان انحرجت: اووه يله بااي بروح اتعشى..
حسام:هههههههه طيب يله بااي..
جنان: حساام..
حسام بيروح فيها اليوم تجننه لما تقول اسمه:ياعيون حساام..
جنان: سلم على امك وخواتك..
حسام: يوصل ان شاء الله تآمرين امر انت..
جنان: مايآمر عليك عدو..يله مع السلامه..
حسام: الله يسلمك ..
وسكروا عن بعض وكل واحد سارح في عالم..
حسام:عالم الحب والخيال والرومانسية..!
وجنان: عالم الراحه والسعاده والاطمئنان ..!
ومزيج العالمين ان شاء الله يكون النجاح والسعادة مدى الحياه..
*******
**
نايف ماسك الدفتر ماللي حق احلام وجالس يكتب فيه:
حلم ام حقيقه ؟
محبوبتي الجميله
هل هو حلم ام حقيحقة
يخيل الي وكاني رأيتك على دربى
مصادفة وعلى مسافة قريبة
وكانت عيناك في عيني ايتها الحبيبة
وكانت خدودك الورديه
تعكس أشعة الشمس الذهبية
وتنير لقلبي طريقه
وابتسامتك الجميلة تطفئ حريق روحي
فهل هذا حلم أم حقيقة ؟
اجيبي ايتها الحبيبة ..
واخيراا ارتاح قلبك يانايف وتطمنت للي في بالك..
ولما خلص اللي كتبه قام يفر في الدفتر..وطاحت عينه على ورقه
*مكتوبه مو بنفس خط احلام كان خط مو بترتيب خط احلام لكن حلوو اكثر من حلاة خطهاا بس مهما يصير عنده خطها احى من كل خطوط الفن..
كان مكتوب:
عتاب من حبيبه حبت انسان مالقت منه الا العذاب
في يوم أسود ماطر
والرياح تغازل الأمطار
والظلام حلك جبار
جلست والحزن بعينيها
تحاوره بقلب مكسور
والدمع يراقص جفنيها
وانات الالم تخرج في غرور
قالت :
يا حبي لماذا فعلت ما فعلت
لماذا جعلت الحب هو المغدور
لماذا أيقظت الكرة
بعد نوم هانئ مبرور
لماذا تركت من تحبك
وادرت وجهك بكل غرور
ولكني سأقول لك ..
يامن اتخذت قرارا بنسياني
اتدري..انك مازلت تهواني
لأني نقشت في قلبك الحب بكل المعاني
اثرت في نفسك الشوق حيثما تراني
ادميت في فؤادك جرحا لطالما ابكاني
ورسمت في مخيلتك ..
صورة الأميرة
التى تمتطي في قلبك
وفي النهاية مكتوب: اختي وصديقتي احلام حبيبتي خلااص انسيه ولاعااد تفكرين صدقيني ان هذا لصلاحك ادري انك تبذلن جهدك والل بيكون شاكر لك تخيلي لو ان امك ولا ابوك عرفوا انك سويتي هالخطأ كان بتروحي فيها وبتطيحين من عينهم احمدي ربك واشكريه انك وعيتي لنفسك وحافظتي على سمعتك وسمعة بيتك وهالشي يخليني فخورة فيك يااغلى الحبايب ..
صديقتك زهرة.. كتبتها لك لما كنتي بغرفة الصحه في حصة الفيزياء وهذا اللي اشوفه من حالك بلييز فكيها عنك مااقدر اشوفك كذا ياحبيبتي يااحلى صديقة..
أي لوف يو..
زهرة..
** *
نايف تاكد الحين اكثر من ان هاذي هي احلام الل يحبها.. وهو الحين مصمم يصلح كل اللي صاار.. فياترى وش بيسوي؟؟
ريم وخالد يتمشون ع البحر من جهه.. ومن الجهه الثانية عبير وناصر..
ودانه وهادي عند الأرجوحه دانه قاعده تلعب فيها وهادي يطالعها ويسولف معاها وهم يضحكون ببرااءة الأطفال..
دور بعيونه يبي يشوف احلام ولقاها واقفه عند نخله طويله وتطالع ناحية البحر وتفكر..
قم راح ناحيتها بحجة انه بيعطيها الدفتر..
نايف: احم احم..
احلام : افف نعم؟؟
نايف: تفضلي دفترك ومشكورة..
احلام: العفو..
نايف:اممم ليه قاعده بروحك؟
احلام: والله تشوف فيه احد ممكن اقعد معاه.. كل وحده مع خطيبها انا شسوي بينهم..
نايف: افاا الحين انا مو مالي عينك؟
احلام: سفطته ودارت عنه تشوف فيه وقاحه عجيبة..
نايف: طيب ليه متضايقة؟؟
احلام: متضايقة منك يااخي وش عليك مني روح في حالك وخلني في حالي..!
نايف معجب في انها ماتعطي الرجال وجهه معناته انها صج متربية خوش تربيه واللي صار منها معاه غلط واستفادوا اثنينهم منه هي انها تعلمت واستفادت درس وهو انه عرفها وناوي يربط مصيره بمصيرها..
نايف مشى وهو مبتسم .. وهي مستغربه منه احد يتهزأ كذا ويبتسم والله انساان عجيـــب؟؟!!
** **
في مدينة الالعاب ..
كانوا يمشون ويركبون مع بعض ليلى كانت تركب اللي عادي وما
تخاف منهم اما اللي
ماتستحملهم تعتذر وتجلس والحين هم في لعبه هي مارضت تركبها وهم حسين
ماركبها..
حسين يبي يفتح موضوع بينهم: ليش تخافين من المرتفعات هل ان صار لك شي خوفك منهم ولا كذا بس تخافين منهم؟؟
ليلى: امم مادري يمكن صار لي شي وانا صغيرة بهالخصوص بس مااذكر كل اللي اذكره ان من ذاك اليوم كرهت المرتفعات خصوصا الدرج..
حسين في باله: وساكتين عليك الله يسامح اهلك اللي ماحاولوا يخلصونك من هالخوف
ويبتسم بينه وبن نفسة ادري بك دلوعة البابا والماما وماكانوا يقدرون انهم يعرضونك للخوف لكن حتى اذا اخذتك بتضلين دلوعتي بس هالخوف بخلصك منه.. فجأة وقف نفسه اذا اخذتك .. انا قررت اني اخذها .. أي والله هذا هو تفكيري وانا مادري به اصلا انا انجنيت يوم فكرت راشد خذها .. ااه انا لازم اسارع واخبر امي اني ابيها ..
ليلى: والنهاااية؟؟
حسين انتبه: شنوو؟؟
ليلى: صار لي ساعه اتكلم .. وانت راايح فيها..
حسين:ههه سوري وش كنتي تقولين؟
ليلى: كنت اسألك ..وش يعني 134؟؟؟
حسين انصدم توقعها تسأل اذا انت اللي كاتب
ولا لا بس هي سألت وش يعني وهالشي اللي صعب يقوله لها..
>>صعب مو لأنه مايبي يقوله لها الا وده يقوله لها هي غير عن الناس كلهم لكن اذا قاله لها ماراح يقدر يقوله لها وقت اللي يحب يقوله لانها بتفه وهو مايبيها تفهم لأنه مايبيها تعرف لأنه مو وقته..
>>> الكلام لك ياجااارتي ياحبيبتي هههاااي
حسين:هااه .. مايعني شي..
ليلى: اهاا طيب.. بس حلو تعبيرك.. انت اتغربت؟؟
حسين: ايوة مده طويلة اول شي في هولندا بعدين في مكة..
ليلى: محد ضرك على ايدك وقال لك روح..
حسين ابتسم لانها ماتدي بشي..
نزلوا من اللعبه اللي كانوا فيها وجاو ناحيتهم..
كوثر: يله نبي قطار الموت..
حسين:يلـــــــه..
نرجس: ونااسه خلونا نركب بسررعه..
شهد: ماني رااكبه انا اخاااف..
وفاء: ولا انااا
راشد يطالعها بعين وعين: شنوو؟ تخافين؟؟
وفاء: ايوة اخاف بقعد مع ليلى وشهد..
ليلى: من قال لك اني مابركب انا بركبهاا..
الكل يطالع فيها مستغرب الألعاب اللي مايخوفون كثر قطار الموت تخاف تركبهم وهذا ماتخاف.. صج عجب..!
نرجس: والله انك عجيبه..
الكل:هههههههههه
راشد:اص بتركبين معاي وجنبي ..
وفاء:راشد تكفى لاتجبرني اخااف ..
راشد: وانتي معاي مافيه خووف..
وفاء: امووت بعدين..
راشد وصل حده من هالكلمه وهي فهمته بس قالت عشان لايتكلم: عجل ليش يسمونه قطار الموت؟؟!!!
راشد: خلاص بتركبين معاي يهون عليك اصير لوحدي..؟؟
وفاء سكتت.. ومشت معاهم..
وركبوا ..
وفاء جنب راشد في عربه..وليلى جنب نرجس وكوثر جنب حسين.. وشهد مارضت تركب..
واول مابتدى يمشي خلاص وفاء خاايفه بقووة.. كانت ماسكة الحديدة بقوووة تركتها وشبصت براشد بقوووة لدرجة انها تحس انها ماتتنفس..
وكانت مغمضة عيونهاا بقووة..
راشد طالع فيها وجاته ضحكة على شكلها لأنه مايخوف بس هي تخوف نفسها قام مسك ايدها وقال لها فتحي عيونك..
وفاء: راشد امسك لاتطيح..
راشد:ههههه طيب جيبي ايدك نمسك الحديدة مع بعض.. وعطته ايدها.. يله فتحي عيونك وخلك طبيعيه..
سوت اللي قال لها عليه.. وحست اللعبه بايخه وان اللي يصارخون مو صرااخ خووف وانما لعب وسخاافه.. وارتاحت رغم ان بطنها يعورها لما يلف القطار بس دام راشد جنبها كل شي يسوى ..! واخيرا خلصت اللعبه ووقف القطار ونزلوا..
نرجس وكوثر يحسون بالشفقة على وفاء..كسرت خاطرهم وهي داايخه مو قادرة تمشي.. وراشد السخيف يضحك عليها وهي تطقه بخفيف.. ياحليلهم..!!
اما ليلى فدار راسها شويه بس مابينت هالشي لأحد .. حسين داخلياً كان يحاتيها وخاطره لو يعرف السبب اللي خلاها تركبه يعني عقلا خافت من الأشياء البايخه وهذا اللي صج الناس تخاف من اسمه بس ركبته..!!
الحين صارت الساعه 9 .. فقرروا يطلعون من الملاهي ويروحون مطعم يتعشون عشان يرجعون البيت وينامون ..خلااص تعبوا.. فنشت الطااقه هههههاااي..
** * ** **
في الجبيل..
تجمعوا كلهم مره ثانيه وطلعوا العده والدجاج واللحم وابتدوا يشوون
>>مسوين لهم حفلة باربكيوو<<
طبعا كانوا كلهم مستانسين .. كانوا كل واحد مع اللي يحبه...
نايف طبعا مستانس بس احلام المسكينه ماتدري ان اللي تحبه بقربهاا...
وانه مشكلتهم تقريباً انحلت بنظرة.. وهو مايدري اذا كان الموضوع بيتيسر له ولا
بتكون فيه عقبات ..!!
واثناء ماهم قاعدين اللي يشتغل واللي يسولف واللي يطالع..
احلام: عبير..
....
احلام:عبــــير
عبير:هااه ..وش تبين؟؟
احلام:عطيني جوالك بتصل دقيقة بس..
عبير:اووه سووري جوالي طفأ مافيه شحن..
احلام:اووف ..نصووور بليز دقيقة ابي جوالك..
ناصر: روحي انقلعي يله عندك جوال مخبيته وتبين جوالاتناا.. ابي افهم ليه مو راضيه تطلعين جوالك..
احلام:افف مالك شغل الشرهه مو عليك على اللي يطلب منك طلب..
نايف يلوم نفسه ع العذاب اللي مسببه لأحلام يعني انها هي اللي شايلة الجوال مو امها..
يابعد عمري يااحلام صج ان معدنك اصيل وطيب رغم انها تحبني الا انها ضحت عشان اهلها دليل الاخلاص.. ااه احبهااا..
عبير اللي تدري بوضع احلام:نصور لاتعاندها عطها الجوال..
ريم: خذي خذي جوالي ولا تمننون البنت ..
ناصر: خذوا هاللقافه ان مع حماتي ننجاز انت شيدخلك..
نايف طلع جواله قبل ريم : خلاص جوالي ولاتزعلون قاعدين لي مبهدلين البنت خلوها تجري مكالمتها دون حنه ورنه..
وهو ماد لها الجوال..
ناصر: تبي جوال ويوم عطوها ماتاخذه.. احلام سحبته ورم انه عندها تضل بدون ماتكلم ولا تاخذ من عنده شي بس عشان لاحد يبين ردة فعلها غلط سحبته وقامت شوي على جنب بس ينسمع صوتها وشنو تقول..
احلام: الو هلا زهرة
زهرة: هلا وينك انت ماقلتي انك بتطلعين..
احلام: شسوي بس رجعنا من المدرسة الا هم مجهزين كل شي وانت نمتي ماقدرت اكلمك.. ااخ سكتي راسي بينفجر ابي انااام..
زهرة: نامي اا تعالي وين انتوا؟؟
احلام: في السعوديه في الجبيل..
زهرة:اهاا..وهذا رقم منو؟؟
احلام:اممم بعدين اقول لك اوكي يله ماققدر اطول.. بااي..
زهرة: اوكي بااي..
احلام: تعااالي..
زهرة:شنوو؟؟
احلام: بتوحشيني..
زهرة:ههه وانت اكثرر..
احلام: بكرة ولا بعده حدك وانت جايه تشوفين اختي سمعتي..ترى الكل يقول انها تشبهني مرره..
زهرة:اجل اكيد قمررر...
احلام:هههااي من ذوقك ياحبيبتي .. يله يله لانطول لما اشوفك نكمل سوالف..
زهرة:اوكي باي..
احلام:بايات..
وسكرت ومسحت الرقم ورجعت..
احلام: تفضل.. مشكوور..
نايف: لاشكر على وااجب..
** ** *
في ناحيه ثانية في الجبيل عن الأالعاب قاعد يصير حوار بريء لطيف يحزن القلب ويفرحه في آن واحد ..بي طفلين بريئين لين الأان ماشافوا من الدنيا شي..
كانت دانه جالسه مقابل هادي ع الأرض عشان تصير في مستواه..
وكان هادي يسألها: امم داانه..
دانه:هااه
هادي: بسألك سؤاال..
دانه: اسأل احد ماسك لسانك؟؟
هادي:ههه لاا شوفي لو انك لما تكبرين ويقولك واحد ما يمشي مثلي انه يبي يتزوجك توافقين؟؟
>>وكان هادي يقروض في اظافرة من التوتر ..هههااااي
دانه بتفكير جدا جدا بريء :اممم مادري.. ايه عاادي بلعب معاه مثل ما العب معاك..
هادي: اووه دانه بتصيرين كبيرة ماتلعبين مثل عبير ووفاء..
دانه: خلاص بعطيه رجل من رجولي واصير انا وحده وهو وحده ويصير عاادي..
هادي سكت وابتسم على ان طريقة التفكير غبيه بس ماتدل الا على انه صاحبته تملك اطيب قلب في الكون اذا بتضحي برجلهاا..
دانه يوم شافته ساكت قالت :اصلا حتى اللي مايمشي عادي اكو انت ماتمشي بس انا احبك لأنك طيب وانت حليو بعد ومو نحيس..
هادي حس تجاهها بذيك اللحظات بالحب والأامتنان لانها تحسسه بالثقة وبأنه له وظيفه في الحياه..
شكرها بقلبة بقوة وهو ناوي يرد لها جزء من الشي العجيب اللي سوته له اليوم..
اطفال صغاار برااءة طاغية جنااااان ..>>لو نضل طول عمرناا اطفاال ااخ..
>>يقولون لكم لو الاطفال اللي يحكمون العالم كان صار بخير..!!
ناداهم ايف بصوت عالي ان تعالوا تعشوا لأنه استوى..
وجلسوا كلهم يتعشوون وهم مقررين على الساعه 12 بالكثير يرجعون عشان ينامون يرتاحون ويحضرون حفلة جنان مصحصحين..
احلام احتجت انها ماتبي تبات هنا تبي ترجع بيتهم عشان مايصير امها بروحها .. وعبير بعد قالت الشي نفسه وهم دانه وراهم..
فاتفق ناصر مع خالد انه يوصله هو وريم ونايف يباتون هناك وهو بيرجع عبير وخواتها ومابيجي الا بكرة مع امه وابوه ووفاء..
نايف:انا برجع ماعندي شي هنا تبي اروح البيت عندي اشغال..
ناصر:طيب يا ابوا الأشغال..
الكل:هههه ههههه
وقعدوا ياكلون بصمت وطمأنينه..
** * **
** * **
عند قوم راشد وحسين..
توهم مخلصين عشاء والحين بيطلعون من المطعم.. ليلى اول وحده خلصت وقامت دورات المياه غسلت ووقفت تنتظرهم عن اباب .. وبالصدفه حسين بعد كان مخلص.. ورايح بيوقف لهم في نفس الجهه التقت عيونهم دون كلام التقت من بعيد بس القلوب كانت قريبه .. ماكانوا اسين بالعالم من حواليهم ..
ماانتبهم انهم يطالعون في بعض حتى.. التقت عواينهم وصار بينهم هالحوار الخيالي بس صدقوني صااااار هههاااي:..>>مو يقولون ابلغ لغة بين المحبين لغة العيون >>طبعا لغتها بالعربية الفسحه نياااهههااا..
عيون حسين تقول: هل تسمعيني؟؟
عيون ليلى ترد:اسمعك!
حسين: لااقصد صوتي!
ليلى:تقصد قلبك؟؟
حسين:ولا قلبي!
ليلى:لا اعرف اصواتاً اخرى!!
حسين:هل تسمعين صمتي!؟
ليلى:على أي موجة ايذاع هذا الصمت!؟
حسين:موجة الحب !
ليلى: واي جهاز يلتقطها !؟
حسين: جهاز القلب !
ليلى : ام جهاز رسم القلب !؟
حسين: ممكن !
ليلى: كيف؟
حسين:عندما يهتر القلب بالحب تزيد ضرباته!
ليلى:وتظهر في الرسم!!
حسين: بالضبط!
ليلى:اذن حبيب القلب هو طبيب القلب!
حسين:تماماً.!!!
ليلى:كنت اظنها في الاغاني فقط؟
حسين:حبيب القلب لايتخرج من كلية الطب!
ليلى:من أي كلية اذن؟؟
حسين: من كلية الحب!!
ليلى: الحب له كلية!
حسين:له جامعة فيها الف كلية!
ليلى:هذة اكبر كالية في العالم...
حسين:بعدد المحبين!.
ليلى:ياااسااتر...!!
هنا حسين ابتسم.. ومن ابتسامته ليلى ماقدرت تطول نظرااتها وتخليها ف عيونه فغيرت اتجاههم لمكان ثاني وهي مظطربة..ومتوترة يمكن..
شوي وطلعوا الباقي وتوجهوا كلٍ الى بيته.. وكلٍ مرتااح..
وكانت شهد اكثرهم راحه يمكن لعلمها اليو انها تخلصت تقريباً من الوهم اللي كانت معيشه نفسها فيه لأنها شافت شلون حسين مايعملها الا مثل كوثر ونرجس ولاحظت بعد نظراته المهتمه بليلى .. فخلاص انتهى دورها بحياته ومع ذلك بيضل عندها غاالي..
** **
في الجبيل كانوا يضبون اغراضهم بيروحون الدمام يوصلونهم بيت جدهم ويرجعون الباقي للبحرين..
وفي السيارة عم الهدووء ..وضع مختلف عن الجيه.. لأنهم خلاص استهلكوا طاقتهم وغازهم كمل هههااي..
بعد فترة نص ساعه يمكن وصلوا بيت جدهم وعطاهم ناصر المفتح ونزلوا هو ونايف ينزلون لهم الاغراض..
وعبير كانت جالسة جنب احلام تتكلم معاها لانها شافت شكثر بالها مشغول وكان يدور بينهم هالحوار ونايف كان راجع بيركب السياره لأن الاغراض الباقيه ناصر يقدر يشيلهم لحاله بس يوم سمع اللي قالته عبير لأحلام وقف يسمع باقي الكلام دون مايحسون بوجودة..
عبير: احلام وش فيك؟؟
احلام بملل: ولاشي..
عبير: طيب ليه عيونك فيها دموع..
احلام:وين مافيها..
عبير: خصي احلام قولي وش فيك..
احلام: يعني ماتدرين شفيني.. خلاص مو قادرة اتحمل اكثر من كذا ابي انسااه مو راضي يتركني في حالي ..شسوي يعني..!!؟
عبير: احلام انت وعدتيني ماترجعي...
احلام قاطعتها: وانا عند وعدي ومستحيل ارجع اكلمه بالتلفونهو ولا غيرة اصلا ماراح اطلع التلفون هذا بس عشان لااكلم فيه احد ارتاحي لكن مو قادرة انساه عطيني حل..
عبير: صلي على محمد واله حبيبتي والوقت اللي بتفكرين فيه به اذكري الله واقري المعوذات وهو يروح من بالك..
احلام: انت مو فاهمه شي.. طيب خلاص رجعي مكانك بيرجعون الحين..
نايف يتألم بقووة ووندماان بقوة ع اللي سببه لها خلاص دمعاته بيخونونه وهو الرجال .. يتألم لأنها تتالم.. وده لو يقتل نفسة ولا انه تتألم كذا..لازم يسرع بحل هالمشكلة.. !! فركبوا بعدها وكملوا مشوارهم ولا كأنه شي صاير.. بس من الملل حس انه يبي يكتب شي وقال لأحلام:ممكن دفترك ابي اكتب شي ملل..
احلام مالها خلق ترادده فعطته الدفتر بدون نقاش ..
كتب وهو مقرر اليوم قبل بكرة يكلم عبير دام باين انها تدري بالسالفه وبيشرح لها الموضوع كله من بدايته لنهايته عشان توقف معاه ومع اختها في هالورطة اللي طاحوا فيها {ورطة الحب}:
وكتب:
هل هي نهاية ام بداية هذا الطريق؟
هل ينتهي حبنا ام يتجدد الحب العتيق؟
هل اصبتُ عندما نشرت الأوراق؟
ام تسرعت وتماديت واشعلت الحريق؟
اعلم ان فؤادي لايستطيع ان يتغيب عنه حبيب ولا حياتي ان تظل بلا رفيق !!
وانك غارقه في نهر عميق..
والأيام تزداد ضيقاً يلي ضيق..!
هل سنجد من اهلينا من هو شفيق ام نجعل اللأقدار تختار لنا الطريق؟!
وبخط كبير كتب:نـــايــف !!