[align=center]ذوّب حروف اسمي بسكر كاسـك الحالـي
واترك مزيـج الكـاس يركـد ويصفالـك
ياللـي ملكـت القلـب وسميتـك الغالـي
جعـل السعـادة والهنـا دوم مـن فـالـك
جيتك بكل الشوق ولوتدري عـن أحوالـي
ولو تدري بحبى لذيـذ النـوم ماجـا لـك
جيـت بتحيـة حـب مادمـت تهنـا لـي
من بعد طول غياب جيت اسأل عن أحوالك
لا جيـت اهوجـس أشوفـك دايـم قبالـي
يسرح بـي الهاجـس علـى دار منزالـك
مـن غربتـي شديـت بالشعـر ترحالـي
ودي يعانـق بالهـوى طـيـف ترحـالـك
ماغيـرك مـن النـاس يازيـن يزهـالـي
خلك بوسط القلـب تبقـى وأنـا وابقالـك
يازهرة(ن) من فوق غصن الهـوى دالـي
ما أنتي رخيصة ولا احد(ن) بالهوى طالـك
حبك عفيـف وطبعـك اليـوم يحـلا لـي
من زين طبعـك ملكـت القلـب بخصالـك
أنـا تــرى يـازيـن ابـغـاك تبقـالـي
في شرع ربي…. وماخالف فيه بوصالـك
مانـي مـن اللـي حبهـم صـار بالتالـي
جـاك بعلاقـة ود ويضـيـف جـوالـك
يقـول احبـك وحبـك صــار قتـالـي
وعنـده كثيـر أحبـاب وبالزيـف يهنالـك
يوصف مرار الحـب فـي قالب(ن)حالـي
ويخفي مـراره بالهـوى ليـن يحـلا لـك
واعرف ترى يازيـن الوقـت لـو طالـي
الكـذب حبلـه قصيـر ويدمـي حبـالـك
بيت المعـزة والشـرف شامـخ(ن) عالـي
وبيـت المذلـه والـتـرف رث متهـالـك
وأنـا معـك صـادق وحطيتـك فبـالـي
ومادمت في بالي عساني اليوم فـي بالـك
جيتـك وذبـت بسكـر كاسـك الحـالـي
ومن بعد طول غياب جيت اسأل عن احوالك
منقول [/align]