قصيدة ياسر التويجري في شاعر المليون !! إستماع وقراءة !

[align=center]قصيدة ياسر التويجري في شاعر المليون !! إستماع وقراءة !

---------------------------------------------




مراااااااااااااااااااااااااااحب




قصيدة الشاعر ياسر التويجري كاملة



أترككم مع القصيدة مسموعة ومقرؤة


للاستماع




[ فقط المشتركين فى المنتدى يمكنهم رؤية الرابط . اضعط هنا للتسجيل ... ]




وهذي القصيدة مكتوبة








ولدت ساطي ومتغطـرس وأحـب الخصـام
ولا أعتـرف فـي إدارة طبـع ولا مـديـر

أوجـدت نفسـي مـن اللاشـيء والانعـدام
ونبـذت فالمجتمـع لانـي صريـح وفقيـر

ماكان تفكيـري الا كيـف أخطـف السنـام
والحمـد لله خطفـت اليـوم كـل البعـيـر

إن لم يكـن مركـزي بالصـف الأول أمـام
ماعاد تفرق معي لـو كنـت قبـل الاخيـر

الله أكـبــر ولله الـبـقـا والــــداوم
وهو الاله الاحـد وهـو السميـع البصيـر

أخذت مـن مدرسـة أحمـد عليـه السـلام
مالا خذيتـه مـن مخـاوى وزيـر وأميـر

وأخـذت مـن تجربـة عبدالعزيـز الامـام
وش يصنع العلم لاخاواه سيف (ن) شطيـر

واخذت مـن فلسفـة هتلـر عـدم للالتـزام
وكسبت نفسي وريحـت القلـق والضميـر

وابشـرك حالتـي دايـم عـلـى مـايـرام
من ركعتين الصبـاح اليـن عقـب الاخيـر

صحيح عندي تحفـظ عنـد بعـض الانـام
مثـل معمـر وابـو مـازن وتونـي بليـر

لكـن انــا مـااحـب اقـلـل الاحـتـرام
واذهب ضحية طموح الغـرب وانـا صغيـر

قوميـة المسلميـن اللـي عليهـا الـكـلام
راحت معا خالـد وعمـرو وعلـي وال***ـر

الله ولا الــذل والتخـويـن والانـهــزام
ياعابديـن العـروش الوضـع جـدا خطيـر

يابو خلف كيـف حالـك عـل حالـك تمـام
انسى القصيدة وهات علـوم اخـوي الكبيـر

شيخ (ن) عرفته وتقريبا لـي اربـع اعـوام
يومنـي اجيـه لا جـايـر ولا مستجـيـر

يشوقني له نشـوق الوسـم عقـب الحيـام
في صفرة (ن) جوهـا ماهـو بفيـة هجيـر

الشيـخ ابـو خالـد محمـد عـداه المـلام
اللي يصيـر مـن الاصـرار مـالا يصيـر

حـد الثمالـه أعـزه لا عـلـي الـحـرام
أنـي احبـه وحـب(ن) لـو درابـه يطيـر

يطير مثل الوحـش لاضـف ريشـه وحـام
وحول على الذايـره بالجـو مثـل المغيـر

إن الملـوك اذا اعطـوك حــب وغــرام
خلـوك مـن سائـر الخـدام يعنـي خفيـر

الا أنـت ياراعـي التقـديـر والاهتـمـام
ياللي رحمت الصغير وشلـت هـم الكسيـر

اذا البـلاط الاميـري والكـنـب والـرخـام
له شاعر يدهلـه فـي صبـح والا عصيـر

فانـا دهلـت الثريـا و القمـر و الغـمـام
وحولت أداهل طرف مشلحك مالـي خشيـر

كفـرت بالناقـصـه والـغـدر والانتـقـام
وآمنـت بأنـك حزامـي بالنهـار العسيـر

مـن لايقـدر ثباتـك مـع عكـاك الزحـام
ماهو بـوالله مقـدر ويـش معانـي جريـر

ياراس عيطا يا مسـك البـدء قبـل الختـام
يالنادر اللي علـى صيـد المكـارم شهيـر

يالمهـدي المنتظـر بالحاجتيـن الجـسـام
المـدة المسكتـه والاخـذ بيـد الضـريـر

ياسيدي ودي افهـق لـك ضلـوع العظـام
واعطيك شي(ن) بصدري وانت رجل(ن) خبير

أنـا ترانـي اعانـي نـوب مـن انفصـام
يوثر على البرمجة فـي راسـي المستديـر

واصير احـس انـي البـارود والا الحسـام
في ساحة الشعر من تبوك لاقصـى عسيـر

ممـا يسبـب لبعـض اعدائـي الاحـتـدام
اللي يحسبون قرض الشعـر مثـل الشعيـر

والشعر وان كانـه المقصـود بـاول مقـام
فالله يرحـم ابـو الطيـب ويرحـم زهـيـر

روح التنافـس وحـب الشيـخ والانضمـام
ماهي بتعني لـدى الكثـرة نهايـة مصيـر

والشاعر اللي معـه عـزوة خـوال وعمـام
تفـداه وايـل وترقـب مستـعـدة مطـيـر

والله فـلا ينقهـر والا يضـيـق ويـضـام
لاجـا اللـزز والملاقـى والقبـس والنذيـر

وجمع الدراهم ماهي باكبـر طمـوح الغـلام
اللي جمع من قلـوب النـاس شـي كثيـر

مـن حبنـي رغـم تفويتـي لـه الانخـدام
واللي كرهني فهذا شخـص ملعـون صيـر

دام المعـارك صغـيـره ماعليـنـا لــزام
ينوب عـن سيفـي البتـار اصغـر جفيـر

قـرأت فيمـا قرأتـه مـن بلـوغ الـمـرام
اللـي تـرك شـي لله عاضـه الله بخـيـر



وسلامتكم


اتمنى ان تعــجبكم [/align]

ألــف شكــر لك يالغاليــه على القصيده الرائــعه،،

ننتظــر جديــدك وقادم إبداعاتــك،،

تقبلـي تحيــااتــي..