متى ياعيد ترجع وترجع ماضي الاعياد..

الأخوة الأعزاء

السلام عليكم ورحمة الله وبركاته

أبارك لكم حلول عيد الفطر المبارك .. وجعله الله يوم مسرة

وفرح علينا وعليكم وعلى الأمة الإسلامية جمعاء ..

أهديكم هذه الأبيات التي قرأتها فأعجبتني



متى ياعيد ترجع وترجع ماضي الاعياد..



على ذكرى هذاك العيد...



على ذكرى طفولاتي ..



على ذكرى شجن للامس..



على ذكرى حلاو العيد..



على ذكرى ابتسامه عيد..



على ذكرى قبل ماتكون انت بعيد..



قبل كان الفرح في العيد..



يملك شفة الاطفال..



ويملك كل احاسيس البشر معها..



تجي امي ... يجي عمي..



وناخذ من حلاو العيد..



ونستانس ... ونتعيد..



ونطق كل ابواب .. هالعجز والشيبان..



نبي منهم حلاو العيد..



ويعطونا مع الضحكه .. مع البوسه ..



توفي او شوية قريض..



وهذا هو اجمل مافي صباح العيد..



فلا هم يغطي في عيون اطفال ..



ضحك العيد.. ولا هم يشتت من لياليهم ..



حلا ذيك الليالي البيض...



ولكن جاء هذا الوقت ..



وطارت فرحة العيد..



ولا عاد حتى للطفل فرحة بهذا العيد..



تغير هالزمن مره ..



تغير لون ضحكاته..



تغير مبسمه حتى..



تخفى عن عيون الغيد..



نبي نرجع على الماضي..



نبي نفرح نهار العيد..



نبي نلعب نبي نغني..



نبي نرجع ماضي اخفى حلاو العيد..



نبي نلعب على السيكل ..



نبي نركب على الدباب..



هذا منتهى امالً في يوم هذا العيد..



نبي ناكل حلى بيض الصعو..



نبي نلعب على الدنينه..



نبي نرمي شروخ العيد..



نبي نحرق ملابسنا .. بضربة من شروخ العيد..



الله يذكر بسطة سوير .. هذيك البسطه اللي..



اعشقها يوم كنت صغير...



ولكن امنيه طالت ...



متى ماضي تركنا يرجع وينصف فينا صباح العيد...