كلمات عامية ومعانيها

إقراء ثم علق

الدلخ : هذا انسان غبي جداً ويرفع الضغط وينرفز وأكثر من يعاني منه المدرسين واهله .

السلنتح : هو قليل الأدب .

المهوي : هو مرحلة متأخرة من التنسيم والمهوي وصل لمرحلة متأخرة جداً بحيث يفقد أهله الرجاء منه .

مزلب : يعني بايعها بتراب .

الفاهي : هذا الله يخلف على أهله مهما تقول له أو تصارخ عليه تلقاه فاتح فمه وبس وإذا كلف عمره وتفاعل معك رد
عليك وقالك هه ..

الحقنه : هو الشخص الغثيث اللي ما يفكك لين تعطيه اللي يبيه منك ومهما تسوي له عشان تصرفه عن الموضوع حقه
ينشب في حلقك .

العربجي : يظن معظم الناس أن العربجي هو الشخص الشديد حق المشاكل واللي مايمشي الا وهو مشخص ببنت البكار بطريقة لبس الشماغ عند العرابجه ، وحاط مفاتيحه في سلسلة ولابس نعال مساجدية ويسحبها تسحيب لين جاء يمشي ودايم فاتح صدره ورازه على فوق وإذا كنت ولد أبوك قله شي ، بس في الحقيقة ظهرت إشاعة تقول بأن العربجي اهو إلي يسوق الحمير أعزكم الله ، لكن صرح مصدر موثوق من عائلة العرابجة بأن هذه إشاعة مغرضة أطلقها عليهم أحد الخكاري .!!