قصيدة سجين تاب ومات شهيد ؟؟؟

البارحة ونيت من جور ما صاب
قلب من افراق القرايب عطيبي
شاف العداوة من قريبين وأصحاب
من عقب صك الباب صرت الغريبي
من أول كنا الولايف والأحباب
واليوم راحو ضيعو كل طيبي
ياكم سعيت لهم على فك الأنشاب
بأسبابهم صار الشقى من نصيبي
هذا جزى من هو تخير ولا صاب
الصاحب الصادق ونسله عريبي
الصاحب اللي لا نصيته بنى باب
دون المصايب يمنعك لا تصيبي
هذا كلام مجرب من الخطا تاب
بانو له أصحاب الرخا في المضيقي
بانت له الدنيا مع كل الأبواب
وميز بها الصافي قبل كل عيبي
فيا بو محمد عزوتي ردو الباب
دوني ودون آشوفكم يا عضيدي
يابوي أنا قلبي من الهم قد ذاب
من خلف بيبان وشبك قطيبي
ذقت المراره من ورى خمسة أبواب
ما شفت منك واحد يستجيبي