شوربة تحافظ على رشاقتك والرجيم.

الســـــــــــــلام عليكم ورحمة الله وبركاته

الشوربة دى أنا مجرباها وهى خفيفة جدا وسريعة التحضير غير كده إنها مابتضرش رشاقتك ولا الرجيم.

المقادير: ( لشخص واحد )

حبتين كوسة
حبتين جزر مقشرة
مرقة دجاج
قيل من المياه
ملح
كمون
ليمونة
التحضير:
نغلى حولى 2 كوب من الماء.
الكوسة نغسلها كويس جدا ونتأكد أن مفيش أى عوالق بالقشرة الخارجية و بعد كده نقطعها حلقات.
الجزر بعد ما نغسله ونقشره نقطعه حلقات.
نحط الماء المغلى فى الحلة ونحط الخضار المقطع فى مصفاة الامونيوم ونحطها على الحلة و نغطيها ونسبها حوالى 15 دقيقة او لحد ما يستوى الخضار.
بعد كده نحط الخضار فى الخلاط ومعاه قليل من المياه يعنى عشان تحددى سمك الشوربة اللى انتى عايزاه بعد كده انقلى الخليط فى حلة وحطى المرقة وقليل من الملح والكمون والليمون.
و بالهنـــــــــــا والشفــــــــــــــــــا.
رمضان كريـــــــــــــــم.