شباب الامارات

شباب الامارات .. كيف تعرفهم من أي امارة ؟؟

بوظبي ..

تحصله مسوي تقشير للوجه و النعال لازم انطونيو و الكندوره طربال و يسوي المستحيل علشان يشتري سياره حلوه و ضارب مخفي شامل .. و يحووط في الحاره .. طبعا عمره 40 و لا يشتغل ( الله يخلي الوالد طبعا ) اما اذا كان عنده استيشن و ما فيها مدعميه و لون ضروسه بنياات و فيه كشه تراه من هل الغربيه ..


شباب العين ..

طبعا كلمة ( لو سمحت ) هي ممحايه من قاموسهم اذا كنت في السينما تسمع صوته من اخر الصاله و اذا راغ بنت عادي يروغها من وافي لين راس الخيمه .. و تحصله في شارع الضيافه طبعا معلق الكندوره ورا .. و السيارة غبرا و كاتب رقمه ورا .. و اللي يشوفه يقول هذا حاجز في برج العرب مب جنه بينسدح في السيح ..

شباب دبي ..

الناس في شهر سبعه يكون كاشخ كندوره سودا قفل طبعا و معلق دباديب ورا في سيارته .. و ييلس في ستار بوكس من الساعه 4 العصر لين الساعه 12 فليل ..

شباب الشارجه ..

لا مفر من كلمة (لاه) و لا بس كندورة شفافه بدون فانيله لا بد من العقال الضعيييف والساعة الرولكس مال بانكوك ويوم ترمسه كلمتين عربي و الباقي فارسي ..

شباب عجمان .. طبعا لازم يكون عنده (gt) و كاتب احدى العبارات ورا على سيارته .. ( المتيم ، عيمان بوي ، باد بوي ، المهاجر .. ) .. ما يتعدى طوله عن 150 سم .. و ما يفرق بين شتا ولا صيف على طول منزل الجامه .. طبعا لانه المكيف خربان معاش الجيش كله رايح على السياره بس ..

شباب ام القيوين ..

السيارة المفضله الكابرس و اقصر واحد فيهم طوله مترين .. و احلى واحد فيهم يشبه خالد الملا ..

شباب راس الخيمه ..

مربي كشه و طاوي السفره ( الغتره ) و راصنها على راسه لين يتناطرن اذنيه و عنده سوزاكي .. و حاطله ستين اريل و عليه ( حكومة راس الخيمة ) و لا كشف بعد طبعا ما اييوزون عن كلمة شحالش ؟ ..

شباب الفجيره و المناطق المجاوره ..

هم حبوبين و طيبين بس لو يودرون الفانيله الكت و طبعا الدوام لازم في بوظبي و السكن شقه تتكون من غرفه واحده زائد حمام مجموع اللي ساكنين فيها 15 واحد ..

المناطق المجاوره ,, ***اء ، خورفكان ، الذيد ، دبا ،، ..

مستحيل تحصل واحد منهم يزيد وزنه عن 40 كيلو و هديته المفضله كرتون همبا خضر طبعا اذا حصلتهم يوم الخميس على نهاية الدوام في الخط لابد من الكيرسيدا و عدد الركاب اللي فيها من 7 الى 9 في السيارة هذ اذا كان بعد محد في الدبه .. جرب عطهم فول ليت اذا لف مره وحده يمين بسرعه و كل اللي في السيارة التفتو ورا يطالعونك .. تأكد انهم من المناطق المجاوره للفجيره ..

ولا تزعلون يا جماعه الموضوع للضحك بس

السمووووحهـ

شباب ام القيوين ..

السيارة المفضله الكابرس و اقصر واحد فيهم طوله مترين .. و احلى واحد فيهم يشبه خالد الملا ..

ههههههههههههه

يعطيكي العافية

وبانتظار جديدك

مشكووووووووووووووووووووورة على ردودكم الحلوة

ههههههههههههههههههههههههههههههههههههههه

الله يكون فى العون
يسلموووووووووووووو

ههههههههههههههههههه.....يسلمووووو ..على هيك موضوع

هههههههههههههههههه
والله حركات شباب العين ما عندهم شغل الا البنات
مشكوره اختي على الموضوع