اذا عزمتي الرحيل

سامحيني واسمحي لي كان عزمتي الرحيل = واذكريني بس يابنت الحلال بكل خير
اذكريني اذكريني لابتدا الليل الطويل = واذكريني كل ماغرد على الاغصان طير
اذكر اللي مانوا انه يبدلك ببديل = اذكري من هو بحبك مايشير ويستشير
ايه انا احبك واحبك حب فوق المستحيل = ايه ماحبيت مثلك لاصغير ولاكبير
غير شخصن لاذكرته قامت الدمعه تسيل = من عيون اللي عيونه دمعها دايم غزير
في عيوني ياعيوني للشقا اكبر دليل = وفي فؤادي يافؤادي احمل الشي الكثير
احمل من الحزن جوفي شي ماظنه قليل = حزن والله مايطيقه غيري انا انسان غير
والله اني خايف الفرقا على القلب العليل = خايف ان الوقت الاقشر عكس ماودي يسير
كان واني في حياتك بس مجرد دخيل = احسن ارحل من حياتك قبل تاكيد المصير
اذكريني كل صبح وكل عصر وكل ليل =اذكريني يوم جيتك واذكريني فالاخير
وسامحيني واسمحي لي كان عزمتي الرحيل = واذكريني بس يابنت الحلال بكل خير