موقف يموت من الضحك لايفوتكم بلييييييز

السلام عليكم

تحية لأحلى ناسي في أحلى وأعذب منتدى 00
الموقف أوالقصةهذي ماهي من نسج الخيال القصة واقعية وصارت لأحد أخوياي ولكم القصة0

كانوا مجموعة مكونة من ثمانية أشخاص ومن ضمن الثمانية بينهم واحد أعمى والغريب أن هذا الأعمى منسم يعني مصفي حقوقه يعني زاحف بالعربي وشلون ؟؟؟؟؟؟؟؟؟؟؟
اذا كان في بيته ماعنده شغل ولا مشغله يتصل على كل بيت من بيوت أخوياه طبعا يمشي عليهم واحد واحد يدق على خويه أول واحد وأذا ردت زوجت خويه عليه على طول يقلد صوت حرمه ويقول: وين فلان طبعا زوجة خويه تستغرب وش هي ذا الحرمه الي تسأل عن زوجها وتقولها : من أنتي يرد الأعمى وهو مقلد صوت الحرمه أنا زوجته ويقفل على طول في وجه زوجة صديقه بعد مايقفل تطق حرارة الزوجه عشرة ألأف والضعيف زوجها مايمديه يجي البيت الى أنواع البقوس والركب ومايدري وش الطبخه الضعيف وصار يمشي عليهم واحد واحداللي طلع مجلود واللي عينه مزرقه واللي حرمته دزت لأهلها المهم في الأخير عرفوه الشباب حقدوا عليه الربع قال واحد منهم : خلوه علي أنا أوريكم فيه جاء بعد فتره أتصل الرجال هذا على الأعمى وقاله : أنا ياأبو سلطان أبغى أروح لمكه وش رايك تروح معي محفول مكفول
قال الأعمى والله بخاويك تكفى مبطي عن العمرة سو فيني خير الرجال أصلا عنده أوراق يبغى يسلمها لأرامكوا اللي بطريق خريص على طريق الشرقية الرجال مر الأعمى في الصباح مشوا الثنين المهم قرب يوصلون قال الرجال للأعمى : أبو سلطان ترى قربنا من الميقات طبعا الأعمى ماحس بالمسافه اللي قطعوها وصدق خويه الرجال وقف عند محطة بنزين قبل مايوصل الشركة بشوي وقاله : أسمع ياأبو سلطان وصلنا الميقات وأبقربك عند المغاسل عشان تحرم الرجال قربه عند دورة المياه تكرمون ودخله فيها الأعمى وقال له :ألبس أحرامك وأذا خلصت وطلعت أنتظرني عند المغاسل ولا تتحرك حتى أجيك ولبي قل لبيك اللهم لبيك بصوت عالي وأنا بدور موقف وأجيك الرجال خلى الأعمى وراح للشركة يسلمها الأوراق طبعا ماهي بعيده بالحيل من المحطة الأعمى الضعيف أحرم وطلع عند دورة المياه تكرمون وجلس يلبي لبيك اللهم لبيك بصوت عالي المهم الناس شافوا الأعمى محرم ويلبي في طريق الشرقية وخذ أنواع الضحك عليه اللي يقول أنه جاي من البحرين فاقد واللي يقول يطر ويبغى الناس يوصلونه وخذ أنواع الصرف الرجال رجع للأعمى وقاله : يالله ياأبو سلطان نمشي الضعيف ركب الرجال والأعمى رجعوا للرياض بعد ماقضى شغله وخذ سوالف الين أوصلوا الرياض والرجال وقف الأعمى عند بيته بالضبط وقاله: وصلنا ياأبو سلطان الحرم أبدور موقف للسيارة وأرجع لك لا تحرك الأعمى نزل عند بيته ومعه عفشه الرجال رن جرس بيت الأعمى بدون مايحس الضعيف وركب سيارته ومشى الأعمى واقف عند بابه فتح الباب ولد الأعمى طقته البوهه وقاله : يبه وراك محرم الأعمى خاف من الصوت اللي يناديه وقاله: من أنت ؟؟
ماعرف صوت ولده ؟ قال الولد :يبه أنا علي ولدك الأعمى قال : علي يا ((ملعون الوا000 ))
ملاحقني حتى لمكه أفتك منك في الرياض وتحلقني لمكه قال ولده : يبه أنت في الرياض !!
قال الأعمى الله ياخذه ال؟؟؟؟؟؟؟؟؟؟؟؟؟؟؟؟؟؟ يسب ويلعن في خويه 0
أتمنى تعجبكم مشاركتي ولكم تحياتي0

يسلمممممممو وتسلم الأنامل اللي كتبت الموضوع >>>>>تعب المسكين
كثيير أعجبتني
ولا تحرمنا جديدك أبو جروح
تقبل مروري
مع السلامه >>>وين رايحه >>>بروح أناااام

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههه

احلى موقف والله..احسن يستااااهل هالاعمى ماجاه

يعطيك العافيه خيوو ع الموضووع

كثر لنا من هالمواقف ماتحرمناااااش >>عجبتها السالفه

ههههههههههههههههههههههههههههه
ههههههههههههههههههههههههههههههههههه

والله يااح ـــــراام كللهم غ ــــلطاانين ومقاالبهم ببـــ ع ـــــض قوووووووويهـ


يسلموووووووو خ ـــــــيو يكفي ج ـــرووح ..

مشكور سارونة على الرد الحلو اللي مثلك ويعطيك ألف عافية0000

مشكورة ربوية على مرورك الحلووووووووووووو وانشاء الله عجبتك مشاركتي0000

يعطيك ألف عافية pink angel على طلتك الحلوة وتقبل تحياتي0000