اضحك بقوه على قصه الدلخ !

وشلونكم عقب العيد
<<< مدغدغ مقطع حدى اصابعه يسحبهن لحم هع هع



تراي راعي طويله يعني قفلوا الماسن وكل شي بروسكم قصديبيدنكم



هع هع
في يوم كئيب كالعاده من ايام السنة الداجه وانا ومخي المخيس .. كنت نائما نوما بن *** لدرجة اني ماكنت احس بأي شي بجسمي وكنت متصفط بشكل غريب في فراشي المخملي <<( ايه يالفرااش .. مطرحه ومخده بدون قطن حاطين لك خشبه تنام عليها )



<<< اي موضوع يكتبه لازم يجيب طاري امه هع هع هع
جتني امي كالعاده اليوميه الصباحيه تصحيني اروح ادور على وظيفت(ن) تبزاني ..

طبعا تتوقعون تصحيني تقول قم ياوليدي قم ياقلبي تراك تأخرت .. صح ؟
لا لا لا هذي امهاتكم ..

امي ياطويلين العمر تجي مقلعه تمشي مليون من غرفتها إلين توصل غرفتي وتمحط بالباب

بكل ما اوتيت من قووة ((وطبعا انا مازلت نائم)) ...
ثمن تزعق قم ياملعوون الوالدين قم تراك غثيتني من يوم جبتك وانت ثور ماتقوم الاالين ادخل منديل في خنافرك يالعبد قم لأجيب عصا المكنسه واكوفه على راسك قمممم ((وطبعا انا مازلت

نائم)) ...
وتجي الله يطول لي بعمرها وتدوس في بطني إلين احس ان مصاريني صارت بظهري وانا تعبان مسوي جهد امس بالليل قبل ما انام ((وطبعا انا مازلت نائم)) ...


<< (بلاكم ماتدرون وش اني مسوي بالليل )
وقمت وانا متغلَق ومافيه إلا دعاوي من براطم الوالدة وامر من جنبها وانغزها يقال لك اتميلح

وترن راسي بالملاَس اللي بيدها (قاعدتن تطبخ جريش)
وصحيت وانا خانقتني العبره موب من التصفيق اللي جاني ضايقن صدري لاني جوعان

ومهلووك << كله من شغلك تالي الليل يا***
واروح واخيس في الحمَام يقال لك اغسل خشتي وانا قاعدن على الكرسي ونااااااااااااايم


ومادريت إلا وتجي امي تعاود الكرَه وتخبط ام الباب علي إلين طلع اللي في بطني كله
طلع من الروعه بس اشوى اني كنت على الكرسي نايم وسويتها بالمكان الصحيح...

وطلعت وانا مخيس وفيني النوم وزهقااان وطفرااااان وصاكه فيني الدنيا
وانا طالع من بيتنا رايح احوس في هالشركات والدوائر الحكوميه ادور على وظيفه على شان

اصرف على عمري واسنع اموري واعرس جاني رجال باين عليه التقوى والصلاح
لحيته طويله ... وشكله يعني موب راعي حركات وصخه وانا اللي يقال لي بأحترمه لانه مطووع ويجي ويسلم ويقول معك ابو عتاده ويسولف !! ((مسوي يعرفني من زمان!! ))

يقول لي وش فيك شكلك متضايق ((انبسطت حسيت ان فيه احد يحس فيني )) واقعد اشكي له اني تعبت من الفقر والحاجه ام الاختراع ومدري وش قعدت اخربط واخنبق عليه واني عندي مواهب وتراي منيب سهل بس اهلي مافهموني انا ذكي بس مافيه احد عرف يطلع موهبتي وانا

اشكي له اعيد وازيد ألمح له اني طفراان (ابي حق البنزين)
واني ابي اتزوج ابي اعيش زي الناس تعبت وانا **** < بتبقى طول عمرك زي ما انت


واوضح له شلون حالي كسيف ونحيف كله لأني ماتزوجت
واحاول افهمه ان الزواج زين وانه يحمي المسيكين اللي هو انا من الأمور المحرمه واولها

الهواجيس الله يلعن امها وبصرااحه انا ماقدرت اتحمل كل ماتعمقت بالموضوع اكثر كل ماحسيت شي فيني يكبر
وهو اللي تفاعل معي المسكين وخنقته العبره وجته الصيحه وشوي الا ويقرب يبي يخمني

واصفقه على خشته قلت خير ان شاء الله يوم قلت لك ابي اتزوج قمت تسوي ذا الحركات !!
ويتغير وجهه قال لا بس كنت بواسيك يالمخيس وإلا احد(ن) يبيك انت !!!؟؟
قلت : لاتواسيني جعلك الدمَل اللي ماتقوى تقعد على حيلك منه ..
والرجال اشوى انضبط عقبها ..
وهو اللي جلس يفكر

((كنه ابوي وهو متوهق الين جا يقول لأمي تالي الليل خن نروح للغرفه نرقد )) <-- واطي
ثمن التفت علي قال شف يالثور انا بخليك تشتغل وبصرف لك راتب وبعطيك اللي تبي بس
((على شرط)) ....
انا على طول فهمت وش يبي وعصبت عليه وقعدت اناظره بالعين الحمراء


واتفل بوجهه وقلت له انا من شفتك متفاعلن معي وخانقتك العبره ومسوي في امها راحمني وجاين تبي تخمخمني وانا عارفن نواياك الخبيثه ياحيوان كل شي الا الشرف يالوصخ
وهو اللي يتقلب وجهه يقول انت وراك وصخ !!

انت اللي يشوف وجهك يكره الجِماع ولاعاد وده يعرس يالشين
انا بصرااحه توهقت ما ادري وشو الجماع خبري به اسمه اسهل من كذا
سألته قلت ماذا تقصد يابو عتاده بالجماع ؟
قال: ثكلتك امك


قلت الحين ماعرفنا الأولى فنعرف الثانيه
قال الجماع هو السبب اللي جابك في هالدنيا
قلت ايه عرفته تقصد بطن امي


رفع عيونه ويناظرني وهو ميت(ن) من الضحك قال سلم لي على اللي جابك لهالدنيا يافتى
انا حسيت بنظرته فيها خبث وانه يسب بالفصحى بس مابغيت اتجالد انا وياه بصراحه هو عير قلت مالها سنع يلعن خامسي
فمشيتها له وقلت الله يسلمك وان كان ودك اشوف اللي جابك لهالدنيا ترا نتشرف


فجأة بعد ماكان وش حليله يضحك انقلب مزاجه وعصب حسيت اني قايلن شي غلط بس مدري وشو !!
وزعل شوي ثمن قال لاتقعد تغثني انت وخشتك تبي تسمع الشرط وإلا لا ؟؟
قلت : ايه بسمعك الله يبلشك
قال : تعاهدني على السراء والضرااء انك ماتفضح بأمرنا ..
انا بصرااحه مدري وش القصه لاني ما افهم هالطلاسم العربيه


قلت يعني شلون؟
قال حنا شغلتنا مافيه اسهل منها وفلوسها واجد ومتى مابغيت تداوم بأي وقت على كيفك
قلت : موافق بس كم تبون تعطوني؟
قال : لك 1500 شهريا هذي وانت نايم في بيتكم لكن ان شفناك مُخلص لنا وتشتغل بضمير عطيناك زود هذا غير البدلات وخارج الدوام وضابط خفر ..


انا يوم قال ضابط خفر شغلت مخي الوصخ اللي مافيه إلا صروال هندي ميت له سنتين
قلت بس هذا اكيد انه وزير الداخليه سمع بموهبتي وجاي يوظفني عنده بدال ابو كرشه
هاللي من خبرة عمري وهو ماسكن منصبه الظاهر اللي مثله مهوب يتقاعدون إلا الين ماتوا
وطرت لامي ابي ابشرها ولقيتها نايمه ...

واخبط باب غرفتها واصقع ام الباب ودخلت بقووة <--(يرد لها حقت الصبح)
واقعد ازااااعق يمممممه لقيت وظيفة وبلعب بالدراهم لعب وافتك منتس انتي والخمسين اللي تدسينها لي كل اسبوع تحت المخده وإلا عند الشرَاب منتيب عاقله ياماما نويل

وهي اللي بدون ماترفع راسها تخبطني بنعالها وتصن في نص جبهتي وانا اللي انطم وآآكل تبن واسكت
وقامت علي بكشتها وتناظرني بقمة الحقد .. وانا اتنافظ من الخوف وراسي يعورني من النعله اللي شلخت راسي رجلينها تقل رجلين باكستاني ونعالها مقاس 43 تقريبا غطَت الضربه مساحة وجهي كامل وتمسكني مع اذني بيدها اليمين وتمعط شعري باليسار وقالت : يابن الكـلب

لاتزعجني وانا نايمه ...
وطلعت موطوطن راسي للصاله احتريها ودي ابشرها بوظيفتي العسكريه

وانا قاعدن احتري امي تصحى من النووم وانا نصي نووم طق باب بيتنا اثاريه بو عتاده يقول

يالله امش معي بنروح عندنا اجتماع وانا ماودي اروح الين ابشر امي <--شكلك تبي منها فلوس يالطفراان
واروح معه للاجتماع حقهم وانا داخل مصدق نفسي ضابط امشي قدام بوعتاده
واحرك بيدي لو سمحتوا فحزوا فحزوا لطويل العمر


وهو يناظرني ويقول الحمدلله ربي رزقنا بواحد(ن) خبل
وانا امشي اقول قق قق يقال لك دوريه يعني << مهبول هع هع هع هع
والله واشوى يقوم لي واحدن منهم يوم شافني ماخذ مقلب بنفسي ويقول لي :تراك فاهم

الموضوع غلط لا انت ضابط ولا شي

قلت : اجل وش انا يامال اللي مانيب قايل
قال حنا جماعة نشتغل بالدنيا شغلة اسمها الجهاد وناووين نروح للجنه قلت يعني ماشاء الله بتدخلون الجنه على النيه ((والله وناسه اجل بوش بيدخلها ))
المهم انهم طيروني بالعجة وهم يسولفون وانا مثل الاطرش بالزفه مطيرن عويناتي بالسقف

واصبعي السبابه افررركه في خشمي همن اطيّر النغاف للسقف وانا مستمتع اشوف النغافه


تطير من اصبعي وتنشب في السقف وتدودل وانا مبسوووط مادريت إلا ذا اللي قايمين علي وملبسيني حزاام وعطوني خريطه و مفتاح
(احسبهم يبوني اجيب لهم الكنز المفقود طرالي ذيك اللبنانيه اللي تجي بالتلفزيون يرقون


الجبال ويروحون يدورون الكنز ويعيشون في البر ...)
ويزعق الشيخ حقهم (ابو انس)شغلوا السيارة وجهزوها وعطونا البطل
قلت لالا مابي البطل تكفى جب لي معك ليز بالجبنه اثابك الله


قال اقول صك فمك ورح اندزلع شغل السياره وخلك جاهز انا عاد لازلت طيب وعلى نياتي
قلت يمكن اني ضابط وشغلتي اسوق بالملك ,,((اللي هو ابو انس))
وشغلت السياره وجاني (ابو انس)قال شفت ذا الخريطه فيها الموقع

قلت : أي موقع ؟
قال : الموقع اللي ستذهب اليه ..


قلت : طيب ماكتبوا الموقع دوت كوم والا دوت نت


قال : يابطل انت بتحرر المسلمين من المجرمين والفاسقين ايها الشهيد

قلت : لاياشييييييييخ بالله اجل محدن محررهم إلا انا !!

قال : ليه عندك اعتراض !!

قلت : ايه طيب وش اسوي؟ <-- ذرق

قال : تدل المكان المرسوم على الخريطه؟

قلت : ماعليك اللي يسأل مايضيع



مشيت بالسياره وانا لابس الحزام الناسف اللي بمجرد كبسة زر برووح غلطه المهم اني مادليت

واحوس وادوس وبرضوا مادليت الين شفت لي واحد بالشارع وقفت اسأله ,, قال خلاص ماعليك بركب معك واوديك للمكان بنفسي قلت الله يجزاك خير ..


وركب معي الرجال واحتريه يتكلم احتريه يقول شي الرجال ساكت !!
قطعت السكوت وقلت ياخوي لك ربع ساعه راكب وحنا واقفين ولا قلت ولا كلمة وين اللي بيوديني؟؟


قال ياخي ماتشوف الطريق زحمه يعني وش تبيني اسوي ؟؟

(( رغم اننا كنا واقفين والشارع فاضي الساعه 2 بالليل ولافيه ولاسياره !! ))
قلت ياخي شكلك محشش انت !!


قال يلعن شكلك يالجني وش درااك بس تكفى استر علي ! ((طلع صدق محشش ))
قلت طيب تدل انت الحين وإلا انزل !!

قال شف أي شي تبي تجيبه وانت قاعد وبدون تعب مالك إلا انك تحشش
قلت يعني شورك آخذ لي وحدت(ن) من هالحشيش اللي معك ؟


يعني لو ابي اصير الملك احشش واصير ملك!!! << سجن الحاير يحتريك بس خلص موضوعك اول..
قال صدقني انت جرب وبتشوف جاك شيراك جنبك

قلت طيب لو ابي النصر ياخذ بطوله مثلا ياخذها ؟
للأمانه هو ناظرني بنظرة وتمتم قائلا: ايه يكون خير واسمع واحد(ن) من الجن معصب يقول ايه بهذي تبطي عاد


وآخذ موشه وثنتين وزقارة وزقارتين إلين عجعجت الدنيا ولاعاد ادري إلا بواحد يطق قزازة ولا عطيته أي اهميه احسبه طرًار..


واشوف خويي يصارخ يقول حكووومه انحش الحكووومه ..
اناظره وميت(ن) ضحك وقلت:ياربيه شكلك حششت ووصلت السحاب ومرتفع وبتقعد تخورها علينا
قال ناظر يا*** العسكري عند الشبًاك يا***


واناظر والقاه صدق عسكري واناظر خويي قلت ماعليك حنا عساكر وبنعرف نتفاهم مع بعض << للحين مصدق انه ضابط


وافتح الشباك قال الرخصة وإلاستمارة ..وانا اللي اقعد اضحك قلت ياخي ذا الحركات ميب علينا
وهو اللي يناظرني ويقووول خير ووش فيك
قلت ماعرفتني ؟؟
قال : لا !!


قلت : انا اللي توني متعين اليوم ضابط مكان ابو كرش اللي مع وزير الداخليه
قال : تستهبل علي انت اقول لايكثر وعطني رخصتك واستمارتك..
واعطيه الاستمارة وبطاقة الصراف ..


قال : السيارة بإسم مين؟
قلت : وانا ميت ضحك باسم صاحبها


ويصفقني على خشتي بذاك الكف اللي ابن *** طبعت اصابعه على خدي
وخويي المحشش يضحك علي يقول : بتسكت له!!


قلت : لابس حنا عساكر ونتفاهم مع بعض وهذا مزح جنود الوطن ..
المووووهم العسكري ايقن وتأكد اننا محششين يوم قال انزلوا مادريت إلا وانا حاط(ن) رجلي

في بطن دعًاسة البنزين وافحط بوجه العسكري وانحاش ..
والعسكري وراي بسيارته ويطلب الدعم من القوات الامنيه والإف بي آي
وحنا نمشي وورانا دوريات الرياض كلها غير المبزره الملاقيف اللي يلحقوون الدوريه يبون



يعرفون وش السالفه
وانا اشفططط بذا الحشيش
واتنافض من الروعه
وصاكتني ام الركب من الخوف



ماجا في راسي شي اروح له إلا (ابو انس ) بحكم انه الكل بالكل اكيد بينقذني


وادعس للإستراحه اللي هم متجمعين فيها ((ابو انس وشلًته )) واوصل للإستراحه على سرعة وادخل عندهم انا وسيارتي والحزام على خصري من الروعه يوم شفت ابو انس بيثوَر فيني


قلبتها رقص مصري وساعدني الحزام لاعب دور رقَاصه مصريه ههههههههههههه ودخلوا الدوريات واقتحموا المكان العساكر والقوا القبض على اللي بالاستراحه بعضهم يصنعوون اسلحة ويجمعووون ذخيرة
وبعضهم يعدون الفلووووس (( بالملااايين ))
والباقي يصلحوون خموور << (مصدر الرزق)
والشرطه لاحقيني على اني محشش مادروا عن هالإرهابيه ونواياهم الملعووونه يوم شافوا (ابو انس)وربعه مسكووهم ولعنوواا جدهم واحد(ن) واحد وركبوووهم الباص وعلى السجن على طول ..
وانا احسبهم بيمسكووني معهم بس اشوى عرفووا اني **** ولانيب ارهابي ولا اعرف للحشيش

ولاعمري بحياتي سويت شي صح .. بالعربي دروا اني كمخه
فقرروا انهم يكافؤني ويكرمووني وصرت انا والحشيش السبب بالقبض على اكبر خليه ارهابيه كانت تهدد امن الوطن
وسووا لي حفل تكريم وحضرة الملك عبدالله بن عبدالعزيز ويوم سلمت على مولاي خادم


الحرمين قال لي بالحرف الواحد :
(( لاعاد تحلَم بمثل هالحلوم لألعن خامسك محنب ناقصين مشاكل مع بريطانيا والإرهاب الداخلي ))

مايستفاد :.
قم لدوامك الصبح زي التسلب ولاتسلم على احد(ن) ماتعرفه

الخلايا الإرهابيه منظمات تعرف كيف تستغل فقر وطفش الشاب لمصلحتها من خلال توفير الماده لهم
((ياحكووومه استغلي الشباب لمصلحتك والله الله بالوظايف )

قايلن لكم ان الحشيش له فايده لو اني ماحششت ذاك الوقت كان مامسكوا الإرهابيين




تمت كتابة الموضوع وتنسيقه والتدقيق عليه في الضوء الخافت وسط تعاطي المعسل

منقوووووول

الكلمآت المشفره _كلـب_ملـعون

شكرا ياقمرر ويسلم راس المعسل هههههههههههههه اقصد راسك..........

ههههههههههههههههههه

حلوووووووووووووووة

خخخخخخخخخخخ

الله يرجك

يسلموااااااااااااا

قصه روعه...


مشكوره على نقلها........


تقبلي

مروري

يعطيك العافيه على الموضوع الحلو وتقبل تحياتييييييييي

يسلمو
على
القصة
الرائعة

يسلموووووووو ياقمر على السااااالفه الحلوه
ويعطيك العافيه
وتقبل مروووووووووري

هههههههههههههههههههههههه

يسلمو على القصة اللي تهبل

وتقبل مروري

فعلنا تهبل
يا أخي ساعة وأحاول أدخلها بمخي وماتدخل ممكن الترجمة