قصيدة غزلية رائعة

[poem=font="Simplified Arabic,6,black,normal,normal" bkcolor="transparent" bkimage="" border="solid,4,gray" type=1 line=0 align=center use=ex num="0,black"]
ماجور ياغِروٍ سقاني بريقه= أنهل وعل إلين بريت جروحي
لويت كفي بالبيوت الدقيقة= وكنيت من ريحته وردٍ يفوحي
هميت واذكر للعهود الوثيقة= يقول امانٍ يابعد روح روحي
مااحلى على متنه تدعثر دليقه= ضافٍ على سنم الردايف سبوحي
لاشاحمٍ جدا، ولا بالدقيقة= فلوٍ معزلها حليب المسوحي
إن سار يصْغيه الهوا عن طريقه= نبنوب موزٍ وانْ تمايح ردوحي
حِلْياه من حِلْيا جوادي مويقْه= بطنٍ ووركٍ للقزيزي رموحي
زرع الحشا من شد هجره حريقة= قلبي مع العنقا الهنوف الطموحي
والله مايجلي عن الصدر ضيقه= إلاّ ملاعب كل خودٍ مزوحي[/poem]الشاعر / عثمان بن صالح

ابيات جميله .. ورائعه

صح لساانك عااشق .. وصح لسان شاعرها

عثمان بن صالح

مشكور اخوي عاشق على النقلة الحلوة

بس تصدق اغلب ابياتها مب مفهومة

المصطلحات الي فيها مب واضحة

الشاعر مالها من اي بلد اذا تعرف قلي وما عليك امر

«®°·.¸.•°°·.¸¸.•°°·.¸.•°®»رنة خلخال«®°·.¸.•°°·.¸¸.•°°·.¸.•°®»

ياهلا والله بأخوي(بدوي) ومشكور على المرور .

هلا وغلا بإختي(رنة خلخال) ومشكوره على مرورك وإن شاء الله تكون القصيدة نالت رضاك .. وصاحب هاذي القصيدة اهوه الشاعر/عثمان بن صالح من (السعودية) وبالنسبة للابيات مافهمت عليك وشتقصيدين مهيب واضحة من أي ناحية؟
ارجو التوضيح وإبشري يالغالية أنا تحت أمرك أنتي وباقي الأعضاء .
وتقبلي تحياتي !!