أبو نيه وأبو نيتين

سلااااااااااااااااااام على احلى منتدى واحلى اعضاء ....

كيفكم ؟؟؟؟

اناجايبه لكم قصه حلوه انشاء الله تعجبكم

.
.

.

.

.

كان فيه رجال اسمه أبو نية،وكان يسوق سيارته ومتوجه إلى بلدة السلطان، وهو في طريقة إلى البلدة كان في الطرق رجال انقطع عنه السبيل فوقف صاحبنا ابو نيه وسأل الرجال وقاله: وين تبي تروح؟ قال الرجال:والله بروح لبلدة السلطان،قال خوينا ابو نيه: طيب اركب معي اوصلك، طلع الرجال وسأل خوينا : الاسم الكريم؟ فقال خوينا : محسوبك ابو نيه، وانت،قال : محسوبك ابو نيتين،قال: ونعم والله ، المهم وهم يمشون في الطريق خوينا ابو نيه شاف بير مويه وقال : هذا البير صار لي ، قاله ابو نيتين : ليه؟ قال : لأني شفته قبلك: فقال ابو نيتين :طيب خلاص صار لك، يوم وصلوا عند البير قال خوينا لابو نيتين انزل جيب لنا مويا، قال ابو نيتين انا والله ما اقدر انزل اخاف من الظلام، انزل انت، قال خوينا : طيب انا بأنزل وانت انتبه على الحبل لا ينقطع، فقال ابو نيتين :طيب، يوم نزل خوينا للبير طمع فيه ابو نيتين وشاف سيارة خوينا محمله بالبضائع، فقام قطع الحبل ،وطاح خوينا في البير ، واخذ ابو نيتين سيارة خوينا وسرقها، المهم لما راح ابو نيتين واخذ السيارة استوقفوه قطاع الطرق وطقوه واخذوا كل البضائع اللي معاه وطبعا اخذوا سيارة خوينا، نرجع لخوينا، لما طاح في البير قعد 4 ايام بدون اكل وطبعا كان يشرب مويه من البير ، وفجأة وهو قاعد في البير سمع صوت شباب الجن وسمع الحوار التالي:
الاول:هاهاهاها
الثاني: وش فيك تضحك عسى ما شر؟
الاول: بنت السلطان تعبانه وما لقولها علاج وعلاجها بسيط لكن ذولا الانس دلوخ، تدري وش علاجها؟
الثاني: وش علاجها؟
الاول: شفت النبتة الفلانية في المكان الفلاني، هذا هو علاجها، لكن مثل ما قلت لك الانسيين دلوخ ولا عندهم علم بالطب ولا هم يحزنون.
طبعا كل هذا وهم ما يدرون ان فيه واحد طايح في البير، وخوينا يوم سمع هذا الحوار لاحت له في الافق فكرة جهنمية، وكان ينتظر فقط من يأتي من المسافرين عشان ينقذه، كلها يومين وتجي قافله ويوقفون عند البير يوم نزلوا الدلوا تعلق فيه خوينا ، يوم بدوا يشدون الحبل حسوا انه ثقيل، في هذي اللحظة وش اللي طرا على بالهم؟ طرا على بالهم ان الثقل نتيجة ذهب علق بالدلو، ويشدون ويشدون، شوي إلا طالع لهم راس آدمي، يوم طلع من البير سألوه: وش عندك يبو الشباب في ذا منطول؟ فقال لهم القصة يوم طيحه ابو نيتين، ولكنه ذكي فما علمهم بقصة علاج بنت السلطان، قالهم:وين رايحين؟ قالوا: بلدة السلطان، قال: خذوني معكم، يوم وصلوا للمدينة شكرهم خوينا وتوجه فورا الى قصر السلطان، واصطدم بالحاجب فكان الحوار التالي:
الحاجب: وش عندك جاي مسرع، هي وكالة بدون بواب والا ايش؟
خوينا: اسمع لا يكثر يا عبنده، ادخل عند السلطان وعلمه اني لقيت علاج لبنته
الحاجب: لا والله طرار ويتشرط، شين وقوي عين، تمقلع ما في دخول
خوينا: والله بكيفك لكن اذا صار شي لبنت السلطان ترا انت المسؤل مو انا
فكر الحاجب وقلب المسأله براسه،وطلع فعلا انه بيكون المسؤل الاول والاخير عن ما يحدث لبنت السلطان فقال لخوينا: اسمع انت، انا بأخليك تدخل لكن ترى انت بتتحمل كامل المسؤلية عن اللي يصير لبنت السلطان، فقال خوينا:OK ،لما دخل عند السلطان شاف ذيك البنت الحلوووووووووووة، وفغر فمه وقعد مبحلق فيها ، والسلطان يقول: هيه هيه هيه، وخوينا مفهي ، آخر شي قال السلطان : انت وش عندك؟
قال خوينا بعد ما سوى نفسه عالم بالطب: مولاي انا بإذن الله لقيت علاج لمولاتي الاميرة، ولكن فقط للتأكد احب اكشف عليها عشان اشوف العلاج يناسبها او لا( طبعا هو قصده شي ثاني من الكشف على الاميرة) المهم بعد ما سوى نفسه كشف عليها قال: الحمدلله إن شاء الله انا جاي بكرة واجيب العلاج معي ، ولكن مولاي عندي شرط، قال السلطان: هاه وش شرطك؟ قال خوينا: انك تخليني رئيس لجنة الاطباء في البلدة، قال السلطان: طيب، بس اهم شي بنتي تشفى من المرض.
من بكرة حضر خوينا الى القصر وجاب العلاج اللي سمعه من الجن وقال لبنت السلطان: اشربي هذا العلاج، وفعلا شربت العلاج ، ويوم جا بكرة الا بنت السلطان متشافيه من المرض، فأصدر السلطان قرار بأن يكون خوينا رئيس لجنة الاطباء، وفي يوم من الايام دخل رجل غريب الى المدينة وكان تعبان ومكسر وشكله كنه نعامه تشيش، فقال لرجل من اهل البلدة: تكفى واللي يرحم والديك دلني على احسن طبيب عندكم، قال الرجل الثاني: اسمع وانا اخوك، جا عندنا طبيب ماهر، تصدق انه عالج بنت السلطان اللي ما احد لقالها علاج الا هو، وترى عيادته تبتل مع ذا الطريق اللفة الخامسة على اليمين ثالث محل على اليمين، فقام هذا التعبان وما صدق خبر ويمشي لم العيادة، يوم وصل ودخل العيادة انصدم خوينا، فإن اللي دخل عليه كان ابو نيتين اللي قطع عليه الحبل في البير، فتذكر انه في مكان مرموق في المجتمع ولا يقدر يسوي هواشه معه والا كان وراه شغله، فقال خوينا لابو نيتين: وش فيك كذا؟ فحكاله قصة قطاع الطرق والطق اللي جاه منهم، وابو نيتين سأل خوينا كيف وصل لهذي المكانة المرموقة، فحكاله القصة من طئطئ للسلام عليكم وانه سمع كلام الجن وانهم هم اللي يعرفون العلاج، ابو نيتين ما صدق خبر وطلع وكأنه مو مريض واخذ اسرع **** وتوجه للبير، ونزل للبير، لما استقر في قاع البير سمع شباب الجن يتحدثون بالحوار التالي:
الاول: اخ اخ من القهر والله بنفجر من القهر
الثاني: وش عندك تراك مزعج امنا؟
الاول: لقوا العلاج لبنت السلطان
الثاني: طيب وش اللي صار
الاول: ما احد يعرف العلاج إلا انا وانت، بس تدري يمكن فيه احد قاعد حوالينا وسمع اسم العلاج، خلنا نقوم ندور، يوم بدأوا يدورون لقوا ابو نيتين، فقال الجني الاول: ها ها ، انت يال......... اللي سمعت اسم العلاج، لكن جاك الموت يا تارك الصلاة، وهدم البير فوق راسه.
وتوته توته خلصت الحتوته
اتمنى تكون قصة اعجبتكم