شباب معتقلين بسبب النساء

لي خمس سنين وانا نومي غير طبيعي يعني مرة انوم انا اطالع التلفزيون ومرة انوم على السرير بالعرض ومرة انوم وانا اكل ومرة ومرة...واذا جا الصبح تصحيني امي بالتليفون او ترسل لي الشغاله(عيب لاتفكرون كذا معها كوب الحليب)الا في هذا الصباح صحيت على صراخ وطق ودز وصراخ ولاهو صوت امي ولاصوت شغالتنا ولاصوت واحد من عايلتنا حتى وافتح عيوني المغمصة والا اربع عسكريين (ماعرف شي في الرتب العسكرية) المهم هذا يجرني من يدي وهذا يشد شعري وذا يشدني من رجلي بغى يسحب السروال الى ان فزيت بعد كل ذا وما افز وانا اسئل وش فيه والا رئيسهم يقول اسكت بس وتعال معنا يالله هناك تعرف والجيزاني اللي فيهم يقول امشي كوذي وانا اتلصق في الارض وش السالفه وامي تصيح واخواني الاثنين المتزوجين يتفرجون ساكتين واحد منهم يقول للثاني جهاز اوربت لي والكمبيوتر لك وابوي يترجاهم –العسكريين-على الاقل يلبس ثوب الخروج وشماغه (ياهوووه يايبه ياابرستيج انتا ايش هالثقة كلها ...هذا اللي قدرك الله عليه ...كلامي)والشغاله ياحياتي بكوب الحليب وتسئلني ايس يبي على غدا متفائلة صح المهم بعد مالبست الثوب الابيض وخذيت شماغي رجعوا يجرجرون فيني ساعتها ابليس لعب في راسي راح تفكيري على موقعي وقلت لروحي الله ياخذ الساعه اللي فكرت اسوي فيها موقع وش فيه موقع كله لينكات يعني الا اتفلسف واحكي في مواضيع اكبر مني وانتقد مالت علي واتخيل ذاك الجيب الاحمر(المباحث العسكريه)ولا الفان الاسود(من وراء الشمس)ولا اطلع معهم واشوف ذاااك ذااااك ذااك شوقتكم صح ماعلينا اشوف ذاك الاتوبيس المليان شباب على اخره مو معقوله ان ذولي اصحاب مواقع ارتحت شوي واطمئنيت وقلت لنفسي حشر مع الجماعه عيد....ركبت الاتوبيس بالدف والطق والتشويت.

وطول ماحنا في الاتوبيس نسئلهم وش السالفه وش القصة وش سووينا الا ان شفنا اتوبيس ثاني معبا شباب زينا واتوبيس ثالث ومسكنا طريق ديراب واحد يتفلسف قال شكلهم بيطبقون التجنيد الاجباري ساعتها ولد دبي ربي يخلييه لاهله اسمه نايف قال لهم انا واحيد امي وابوي والا يشوته العسكري مع بطنه انقلع هناك يالله بس نايف ماسكت سوا حركة حلوة قال لهم مافي شي اكله جوعان والله قال له رئيسهم (كل...........)كل واحد وذوقه يفسرها المهم الساعة الاولى انتهت وانتهى الخوف معها وبدت السواليف شفت شلة شباب كويحات(عبندة=سوووود)بدوا يطبلون ويغنون اخووكم مااصدق خبر خش معهم جو وغنينا كل الاغاني لنا الله زنجبار ودلووعه ماخلينا اغنية في بالنا الا غنينااااها والا توقف الاتوبيسات عند ارض فاضيه مسوورة بسوور شبك ونزلونا فيها ارض فاضيه مافيها شي الا خيام كبيرة وطاولات عليها اكل وموية والا يطمر نايف كما الفهد في سرعته لايسبقه أي شي ....المهم تقريبا وصل 55 اتوبيس كلهم محملين شباب.

وبعد نص ساعه طلع لنا واحد عسكري ذو جسم رياضي (مكرش )باين عليه ان رتبته العسكريه عاليه طق الكل له تحية عسكريه تقدم الصفوف ومسك مايكروفون قديييم من حقات العروووس القديمة وبدا يتكلم اول شي ماكنا نسمع وش يقول وبدينا نصارخ عليييه صوت ..صوت ..صوت

ورفع صوته وقال(كلكم مايعرف ليش احنا جبناكم هنا لاتخافون مو علشان فضايحكم وبلاويكم وكل اللي كنتم تسوونه ...لا بس نظرا لان مجلس الوزراء قرر السماح للمرأة بقيادة السيارة وللحفاظ على الامن تم وضع خطة لتنظيم هذه العملية قررت وزارة الداخلية اعتقال جميع الشباب العزاب لمدة اسبوع ولاتخافون راح تلقون هنا كرم الضيافة ونرجو الالتزام بالقواعد والتعاون معنا...ولكم الحق في استخدام جوالاتكم او التليفونات الموجودة هنا للاتصال على ذويكم)هو قال هالكلمتين وقلنا كلنا بصووت واحد يااهووووووووه مااقصرت المهم طلع نايف قال ياحضرة الضابط (خسف بالتاج والنجوم اللي على كتفه) ممكن تجيبون لنا كنتاكي وهارديز وبرجر –اووتش طمب-طاحوا طق هالضعيف قبل مايكمل .......ماعلينا كل راح يكلم اهله دقيت على بيتنا رد علي ابوي يبه خل امي تجهز لي شوية ملابس وخل واحد من اخواني يوصلها لي ما امداني اكمل كلامي الا سمعت ابوي يبكي قال امك من الصبح يوم سمعت بالقرار خذت موتري وتوها طالعه به الاتصدم بموتر مرة الجيران وسلموا على بعض ورجعت امك خذت سيارتك الكراون فيكتوريا ...قلت نعم نعم نعم ليه تاخذ سيارتي قال ابوي قالت لي بروووح اتمشى يكفي كبت 30 سنة قلت له طيب ليه ماخذت سيارة واحد من اخواني والا اسمع صوت اثنين يجرون البكوة جنب ابوي قلت عندك ضيوف قال ابوي ذووولي اخوانك حريمهم خذوا سيارتهم وطلعوا من الصبح ولا رجعوا الى الان –كان وقت صلاة العصر-واسكر السماعه وانا منصدم والا واحد ماصل ولد نعمه كان يدرس معي بالثانوي اسمه فواز يناظرني ويضحك ويطلع جواله ويدق على رقم تطلع رسمة قلب على الجهاز معه (يعني خويته)ويتمتم بموسيقى ماصله زيه وشوي ولاحد يرد وينتظر وينتظر اخرتها رد صوت ناعم (نعم )رد عليها حياتي قالت له مشغولة مشغولة يووه انت ماتفهم وتسكر السماعه في وجهه والله اللي انا فطست من الضحك عليه...مشى وقال بروح اخذ لي سندويتشه وانا اضحك عليييييه .

احب ان اشير الى ان كل ماسيرد في هذه القصة هو من وحي الخيال ولاينم عن فكر او هدف او أي شيء من ذالك .... منقول

(احب ان اشير الى ان كل ماسيرد في هذه القصة هو من وحي الخيال ولاينم عن فكر او هدف او أي شيء من ذالك ....)


اخت افتقد حبيبي ..

قصة تموت من الضحك ولكن فيها من العبر الكثييير وهل البارت فطسني ضحك :
( سمعت ابوي يبكي قال امك من الصبح يوم سمعت بالقرار خذت موتري وتوها طالعه به الاتصدم بموتر مرة الجيران وسلموا على بعض ورجعت امك خذت سيارتك الكراون فيكتوريا ...قلت نعم نعم نعم ليه تاخذ سيارتي قال ابوي قالت لي بروووح اتمشى يكفي كبت 30 سنة قلت له طيب ليه ماخذت سيارة واحد من اخواني والا اسمع صوت اثنين يجرون البكوة جنب ابوي قلت عندك ضيوف قال ابوي ذووولي اخوانك حريمهم خذوا سيارتهم وطلعوا من الصبح ولا رجعوا الى الان)



يا خوفي اخت افتقد حبيبي يوم تمسكون الطارة ؟؟

الله لا يقولها !

اشكر مرورك داندي وع فكرة اجيد السواقة منذ طفولتي حتى الشاحنة الصغيرة سقتها بس في مزرعة والدي يعني ماطلعت برا ولا اويد النساء للقيادة لانها راح تفتح ابواب الشر والله الرجل السعودي مو مقصر مع زوجته يوديها وين ماتبغي بس هي متطلبة بزيادة

حبيبتى افتقد حبيبى قصة جد مضحكة
°°°°°°°°°°°°°°°°°°°°°°°°°°°°°°°°°°°°°°°°°°°

ولا اويد النساء للقيادة لانها راح تفتح ابواب الشر

ليه حبيبتى ما تؤيدى فكرة القيادة للنساء ,شىء عادى ان المراة تسوق السيارة على الاقل تريح زوجها من كثرة الطلبات ,( كل مرة ودينى عند اهلى ) ,فى نظرى المراة تسوق السيارة بنفسها افضل من ان يكون عندها سواق ,واذا كان على المعاكسات من طرف الشباب فاظن انهم لما يتعودو يشوفو النساء يسوقو السيارة مش حايعكسوهم ,مثلا عندنا كل النساء يسوقو السيارة وما فيه حد بيهتم بالامر ,عادى ,يعنى المسالة مسالة تعود فقط .

هههههههههههه الله يوسع صدرك بعافية سرد رااااااااااااااااع للقصة

يعطيك العافية افتقد على هالقصة الرائعة وإن كانت من نسيج الخيال الا أنها تحمل داخلها أشياء حلوه ومسكين نايف هالدب همه الاكل وبس

وياعيني على السحالي يبون اقرب فرصه بس مو على كيفهم وصدقوني بتتعبون وخصوصا وحنا يالعزابية مشغلينكم وانتم ما سقتوا اجل لو سقتوا وش بيصير ؟؟؟؟؟؟؟؟؟؟؟؟؟؟؟

وخليك يا افتقد في المزرعه وبسسسسسسسسسسسسسسس


مشكوووووووووووووووووووووووووووره

حلوا القصة ياغاليتى افتقد حبيبي انا فطست من الضحك مشكور على الموضوع تحياتتى لكى بود