حلاالتمر بالدرسين لمنال العالم

هلا بااحلى بنات

اليوم الحلو
بصراحه قمه بالروعه والذوق والفن

وهذا الحلو من مطبخ شيفنا الكبير منال العالم

المهم ياحلوات الشغل يبغاله ترتيب وتجهيز علشان تخلص باقل من ثلث ساعه

المقادير :



3 اكواب دقيق ( الكوب 250 جم )

1 ملعقه كبيرة هيل مطحون وناعم

1 كوب سكر ناعم

250 جم زبده (3 اصابع ونص )

كوبين تمر معجون (يعني 500 جم)

قرفه ناعمه (دارسين)

عسل

الطريقه :

جهزي صينيه وغلفيها بالقصدير ( انا استخدمت البايركس المقاس الكبير وممكن تستخدموا صينيه اصغر منها )


جهزي التمر وذلك بفرده

وطريقه فرده جيبي كيس نايلون وحطي التمر وغطيه بنايلون وافردي

ولازم يكون بنفس مقاس الصينيه

كذا خلصنا التجهيز

نجي للطريقه وهيا سهله جدا

حمسي الدقيق في قدر وقلبي فيه لما لونه يتغير وتشمي ريحه التحميس الحلوة



طفي النارثم انخلي الدقيق بصفايه صغيره جدا علشان تتخلصي من التكتلات


ثم حطي السكر والهيل مع الدقيق وقلبي

وانت تنخلي الدقيق سخني الزبدة كويس

صبي الزبده على الدقيق واضيفي

2 ملعقه عسل وقلبي جيدا



وبكذا خلصنا


نوزع نص الخليط بالصينيه ونستخدم الملعقه لانه حار

ونساويه جيدا

ثم نوزع عسل على الوجه

ثم نحط التمر على العسل

ثم نوزع قليل من العسل على التمر

ثم نضع الجزء الثاني من الخليط

ونساويه جيدا


وعلى الوجه نوزع العسل طبعا قليل مسحه بس


ثم نرش القرفه بالصفايه
وتعطي منظر رااااااااااااائع

ندخلها الثلاجه لتبرد مدة ساعه او اكثر

ثم نخرجها ونقطعها مربعات


وبالعافيه عليكم

تنفع بالايام هذي

ولو جلست كم يوم بالثلاجه الطعم جدا راااااااائع