هذا الحب والا بلاش (( شعر حزين ))

قصه القصيدة.... واحد اسمه خالد جاه مرض و قالوله انه بيموت كتب الشعر لصديقه يقول له فيه انه يحب حبيبته و يبي من خويه هذا انه يخليها تنساه اقرأ القصيده والله تستاهل .... وراح تعرف معنى الحب الصادق




وصاتي لك من بعدي ........ تموت فيها علشاني

ابيها تعيش و تحيا بك ........ واظل بالذاكره مفقود

وصاتي لك تنسيها ........ ملامح وجهي و تنساني

وتعزفها قصيدة حب ........ على عكس اللي عزفته بعود

وصاتي لك تبعدها ........ عن اشعاري وقيفاني

تراها مغرمة بالحيل ........ ويشهد لي عدد الردود

وصاتي لك تسايرها ........ ترى فيها من احزاني

طلبتك لايضيق بالك ........ طلبتك والطلب مردود

وصاتي لك تناديها ........ حياتي..عمري..ازماني

انا عودتها دايم ........ ادلعها وانا موجود

وصاتي لك تعاملها ........ بطيبه قلب و احساني

تراها تذرف الدمعه ........ ودمعتها بليٌا حدود

وصاتي لك تحفظها ........ سور وآيات قرآني

وتخبرها عن الميت ........ رحل لايمكنه بيعود

وصاتي لك ترسمها ........ على قبري وأكفاني

ابيها لوحة تبقى ........ على طول الزمن محدود

وصاتي لك تمازحها ........ وتشوف الضحكة بأسناني

سعيتك ياضحك هالكون ........ طلبتك لاتصير جلمود

وصاتي لك تقهويها ........ من دلالي و فنجالي

تراها تعشق السمرا ........ ويكفيها دخون العود

وصاتي لك تركبها ........ على خيلي و على حصاني

وربي فارسة من قلب ........ شهادة ماهي لشهود

وصاتي لك تسفرها ........ بلاد الشام و لبناني

ترى يحلالها تقطف ورده ........ وردة من بلد الورود

وصاتي لك تراقصها ........ على الحان رحباني

ترى فيها عرق خالة ........ وفيها من جنون السود

وصاتي لك تحببها ........ فأبونورة بعد هاني

وتنسيها ندم غلطة ........ انا فيها ترى المقصود

وصاتي لك تكرهها ........ في تاريخي و عنواني

أبيها تلعن اللحظة ........ وتلعن كل فرح موعود

وصاتي لك تكلمها ........ عن المجني وعن الجاني

وتخليني انا الظالم ........ وانا من حرق الاخدود

وصاتي لك تشبهني ........ بدم أحمر قاني

وانا هالقاتل السفاح ........ مجرم من عصر نمرود

وصاتي لك تحلفها ........ تتوب تحبني ثاني

ترى يكفيها ماعانت ........ ويكفي حيلها مهدود

وصاتي لك تنسيها ........ وصية قالها لساني

أنا اخبرك رجل موقف ........ وانت قدها وقدود

صديقي مالقيت غيرك ........ يعرف وشلون تنساني

أمانه ضمها بقلبك ........ ترى خالد....رحل مايعود




هذي هي الدنيا الطيب مايدوم والصادق والخير

لكن هل في حب جذي فعلا؟

حتى خالد قبل لايموت حاول ان يخلي حبيبته تنساه بأي طريقه عسى ماتتعذب

صراحه الله يعين هالصديق اللي يقدر يوفي بتنفيذ وصيه صديقه والله يعين المحبوبه ... اذا قرت هالابيات وتقدر تنساه العكس راح تحبه اكثر حتى وهو ميت

والله يرحمه

ان القلب ليحزن وان العين لتدمع

حب صادق في زمن قل فيه اخلاص الاحباء

ما اصعب لحظات الوداع وخاصة عندما

تودع اغلى من بادلتهم الحب والصفاء

الله يصبرمفارق حبيبه

اشكرك اخ فهودي على هالقصة التي

تعطي املا بان هناك حبا ما زال ينبض في القلوب

اجمل مافي الكون حباً صادق مع وفاء

القصيدة روئعة
دمت في رعاية الله

إن الإنسان الذي عرف الحب بهذا العمق .....ومنحه بهذه الغزارة وهذا الكرم اللامتناهي .....لا يستحق الكره في حياته ولا النسيان في مماته حتى وإن كان هذا ما أراده..؟؟ولا أعتقد أنها ستنساه !مشكور على هذه المشاركة اللطيفة وكان الله في عون المحبين..........عاشق عيون الرّيم............................................ .........................

فعلاً هذا هو الحب ولا بلاش

الصراحة قصيدة روعة لشخص يحب بكل روعه...
تحياتي.

فهوووودي جده

القصيدة رائعة فعلاً و حب فريد غير أناني

لا اعتقد له نظير

و يؤسفني أن لا تبقى هذه المشاعر بين همسات القسم الادبي

لأنها ستنقل حيث تنتمي ,,,, القسم الشعبي

و تبقى مدين ٌ لنا بمشاركة جديدة

يانتظار جديدك

كن بخير




شــــــــهرزاد