موتي أرحم

[poem=font="Simplified Arabic,5,deeppink,normal,normal" bkcolor="transparent" bkimage="" border="solid,4,gray" type=1 line=0 align=center use=ex num="0,black"]
موتي ارحم ولا عيشة حياة مغبون= مكرمه للنفوس اللي تعاف المهونة
جيت ادورك في نفسي لقيت الظنون= اشغلتني اعرف اللي هدفكم تبونه
جيت ادورك في صحوي لقيت العيون= حلمها فيك غاية وصل صدق ترونه
جيت ادورك في عقلي لقيتك جنون= آه يا كيف في المجنون حبك يخونه
جيت ادورك في عمر من أجلك يهون= جف وقتك وجاك العمر تمطر مزونه
جيت ادورك في ليلي لقيتك سكون= يهجع القلب في قربك وتبرى طعونه
جيت ادورك في همي لقيتك حنون= مدلهٍ لي عساك تعيش في دوم عونه
جيت ادورك في فني لقيتك شجون= اجمل اللحن في فني تمثلت لونه
جيت ادورك في الدنيا لقيتك تكون= أثمن اللي ملكته في حياتي اصونه[/poem]
(مخاوي الليل)

تسلم اخوي عاشق سراب على القصيده في قمة الروعه


الله يعطيك العافيه


تحياتي لك


دلوعة المنتدى

تسلمين إختي (قمووره14) على مرورك الحلو
وتقبلي تحياتي لك يا أحلى البنات !!

هـــــــــــــــــــــلا و غــــــــــــــــــــلا



بك يا عاشق سراب



لاهنــــــــــــــــــــــــــــــــــت على هالقصيدة الروعه لملك الفن

ابو ناااااااااااااااااااا خالد عبدالرحمن اااااااااااااااااايف


وتسلم يمينك على هالكلام يا شاعرنا



تحياتي
سعود
أمير الشعر والأحساس
ويسلمووووووووووووووووووووووووووووو

مشكور أخوي الغالي (جريح نوف) على مرورك وتقبل تحياتي لك !!

مساء الخير أخوي عاشق سراب


اليوم الصباح كتبت اهداء الي صدى الحرمان مدري وين راحت القصيدة

وش العلم يا عاشق


تحياتي


اخوك سعود

أخوي الغالي والمبدع (سعود) جريح نوف
مساك الله بالنور والسرور وبالنسبة لموضوعك فأنا قمت بحذفه لأن فيه شوية كلام يمكن صدى الحرمان ماتقبله أو يضايقها الي كاتبه أنت فيها . ومثلك عارف مهوب كل واحد توه يدخل لقسم الشعر الشعبي نكتب فيه قصيدة حب من أول دخله يمكن الناس يفسرونها بالغلط ويمكن ينزعجون منها على الأقل خل الأمور تزين شوي حت نصير نمون على صدى الحرمان وبعدين إكتب القصيدة إلي تبيها .
عندك مثلاً قمووره 14 كتبت فيها أنت وأنا لأننا نمون عليها بالحيل كأخت لنا .
وكذلك عندك بنت رجال كتبت فيها أنت قصيدة وتقبلتها منك لأنها من زمان معنا بقسم الشعر وصرنا نمون عليهم .
وبعدين والأهم فيه توجيهات جديدة تقول إن الكلام المعسول لازم يكون له حدود سواءً بقصيدة أو غيره
وختاماً آسف أخوي الغالي (جريح نوف) لأني أطبق التعليمات المناطة بي .
ومافيه مشكلة لو تكتب قصيدة في أي واحد بس تكون بحدود المعقول وتكون القصيدة أخوية وبس .
عشان مانزعل حبايبنا في المنتدى .

بصراحه ما اقدر اقول شي بس

لا هنـــــــــــــــــــــت


وصادق في كلامك طيب اقدر اكتبها مرة ثانيه من دون اهداء لشخص

وبصراحه هالقصيدة يعني ما فيها الكلام اللي يزعل كله مدح وعتاب وغزل

ومشكور اخوي عاشق سراب ولا عدمناك يارب دوووووووووووم مبدع

وهي قوانين طبعاُ ما نقدر نقول شي وتسلم حبيبي على هالمعلومه


تحياتي لك

اخوك سعود

أهنيك أخوي الغالي (سعود) على روحك الرياضية لا عدمناك يا أمير الشعر والإحساس
وبالنسبة لقسم الشعر الشعبي فهو تحت أمرك بأي قصيدة تبي تنزلها فيه بس مثل ماعلمتك وأنا لا ما أمون عليك ماقلت لك الحقيقة . أبد إمكانك تختار أي قصيدة وتهديها لأي شخص تختاره بس تكون في حدود المعقول تكفى ياسعود مانبي أحد يزعل علينا كلكم حبايب قلبي وأنا أخوك .
وتقبل تحياتي وإحترامي لك وشكراً للمره الثانية على تفهمك سياسة الكتابة بمنتدى الشعر الشعبي .
أخوك المخلص !!

السلام عليكم والرحمه ::

كيف حالك شاعرنا ؟؟

حبيت اشكرك على المجهود اللي تقوم به وحنا نفتخر فيك ونعزك بالحيل

الصراحه احيانا اروح منتديات ثانيه ادور على قصيده حلوه انقلها

ولكني والله اني اتعب بالحييل لين احصل قصيده مميزه احطها بمنتدانا المميز

بوجود اعضاءه اللي ما مثلهم بأي منتدى ثاني

وانا متأكده مليووووون ان اي عضو يجي يدخل منتدانا عشان قسم الشعر الشعبي

راح يفرح من كل قلبه على القصايد اللي كل وحده تقول الزود عندي من حلاتها بقسم الشعر

ومتأكده انه راح يغمض عينه ويختار اي قصيده تطيح يده عليها حق ينقلها

الصراحه مافي منتدى شعر حلو مثل منتدانا لأنه يديره المسؤول المميز الغالي علينا ((عاشق سراب ))

الله لا يحرمنا منه والله يوفقه دوووووووووووووووووووووووم


تحياتي لك شاعرنا

دلوعة المنتدى

ربي يسلمك ويعافيك ياقمرهم كلهم على كلامك الحلو المعسول
وأنا في خدمتكم كلكم بدون إستثناء وأتمنى تكونون راضين علي للأبد هاذا هو حلمي إنكم تكونون راضين علي مثل ما أنا هم راضي عنكم .
عسى الله يوفقك دلوعة المنتدى وأكون عند حسن ظنكم بي .
وتقبلي تحياتي لك يا أحلى من خلق ربي بهالكون الوسيع !!