مواقف طريفه لا تفووووتكم

مرحبااااافيكم اخواني واخواتي اعضاء منتدى سارق القلوب...
في البدايه أحب اعتذر لاخواني المشرفين على هالمنتدى الراااائع
لأني أول مره اكتب مشاركه بالرغم من اني مسجله فيه من فتره<بس ترافتره بسيطه مو من زمان>
طبعا لظروف الامتحانات اللي ماتخلص الله يعديها على خير,,,
المهـــم,,على طاري الامتحانات و الدراسه فيه موضوع أحب اطرحه وياليت الكل يشارك فيه وهوعن
(المواقف الطريفه اللي مرت في أي أحدفيكم في المدرســــــه أوالجامعـــــــه)
وأناعن نفسي ياكثر المواقف اللي صارت لي خصوصا في بداية دراستي في الجامعة
بس بقول لكم بعضهاوأتمنى تعجبكم...
أول يوم لي في الجامعة جلست الف اناوزميلتي في كل المباني وماخلينا مكان مارحنا له<طبعا فرحانين>
وكل اللي يشوفنا يدري اننا مستجدات,المهم باقي مكان واحد مارحنا له اللي هوالمكتبه وعلطووووول ركض
أنا وزميلتي عليها..وبعد مادخلناها قابلتنا وحده غريبه عجيبه ورحبت فينا بشكل موطبيعي
<هلاوالله ببنياتي وشلونكم انشاالله بخير........الخ> وقامت تلمس بشعورنا وتسألنا عن أسمائنا وتمدح فينا,
انا وزميلتي خلاص ماتشوفونا الا احنا رايحين فيها<مسوين فيها مستحين> استغربنا قلناأكيد هذي خطابه
بس باقي نعطيها رقم البيت!!!!
قلنا لها ودنا نتفرج عالمكتبه, وبعد ماخلتنا لفينا المكتبه بسرعة وطلعنا منها ..وحنا نازلين للساحة
ماقدرت أمسك نفسي من الضحك والتعليق على هذيك الحرمه ويااااااليني ماعلقت..اللي حصل وأنا مندمجه مع
الضحك لفيت راسي ورا أشوف صديقتي ومادريت الا< طاااااااااخ>....
آآآآآآآآخ يا راسي صقعت في ماصوره وش كبرها ,., والمشكله ان صديقتي بدل ماتمسكني جلست تضحك علي!!!
أوريــهـــــــا.. وعرفت ان هذي عقوبه من الله لاني جلست اضحك عالحرمه اللي رحبت فيني على نيتها,,,
وبعد ماخف الالم سألت عن ها الطيبه من تكون وشسالفتها وعرفت انها أمينة المكتبة لا وبعد كانت تدرس براومعهاشهادات أكبر منا يعني موحنا اللي تونا جايين ومسوين فيها فاهمين!!!!! وعسى الله يغفرلي ولها....
###الــــــــــــــــــــــموقف الثااااااانـــــــــــــــــــي###
في الصباح الباكر ومع شقشقت العصافير ذهبت للجامعه<مسويه فيها أديبه>
ونفسي في خشمي وبعدماوصلت طلعت انا وزميلتي السابقه الذكر لاحد المباني في الدور الثالث علشان نعدل من أشكالنا شوي ونتزين (طالعين لحفله مو لدراسه) المهم بعد ماخلصنا صار الاصنصير زحمة وقلت خلينا ننزل بالدرج
ونزلنا من الدور الثالث للدور الثاني بسلام,, وأنا نازله من الدور الثاني مالقيت نفسي الا ورجلي زلقت في الدرج
وشبشبي طاااارقدامي ..أنا ماهمتني رجلي جلست أشوف اذا فيه أحد في المبنى يضحك علي والا لا!!!
بس الحمدالله ماصار فيه الا أنا وصديقتي..وعلطول قمت ولبست شبشبي
المشكله وأنا أمشي أحس أني أعرج وبعد ما استطلعت الامر لقيت المصيبه الاكبر,,
الكعب حق الشبشب مو موجووووود يعني انكسر ياربي وش هالصباح أكيد فيه أحد داعي علي!!! وجلست أدور على الكعب ,,وين تتوقعون لقيته؟؟
بعد مايأست وأنا أدورعليه نزلت تحت ولقيته بالدور الارضي!!!وشلون نط من الدور الثاني للدور الارضي مدري..بس أشوى ماطاح على راس احد من البنات والا كان راحت في خبر كان..
المهم دورت على شي ألزقه ومالقيت , وقضيت ذاك اليوم وأنا أمشي عرجاااااء وأحس ان البنات ودهم يتصدقون علي بجزمه ألبسها وانا أشوفهم يناظرون فيني ويضحكون...
ومن يومها وأنا خلاااااص ماصرت أطلع بالدرج الله يخلي الحكومه موفره الاصنصيرات للمرجوجات اللي مثلي!!!!!!
هذي بعض المواقف اللي مرت فيني وأتمنى تعجبكم وما تمرون فيها...
يلله عاد ورونا المواقف اللي مرت فيكم أنا بديت وانتو عليكم تكملون...

الاخت
ربا

اولا
-----

مرحبا بك في اي وقت (البيت بيتك )

وننتظر مشاركاتك بفارغ الصبر


ثانيا
------

اعجبني فيك
خفت دمك الواضحة
وتصرفاتك العفوية


وموضوعك حقيقي
من احداث واقعية


ليسة منقولة او منسوخة
او مكررة او ملطوشة


اتمنى لك دوام السعادة


وانا لا اذكر الان موقف

ولكن لي عودة

مواقف محرجه وطريفه جدا

موضوع شيق تستحقين عليه رفع القبعات

تحياتي

أهلا بك أختي,,,

ونرحب بمشاركاتك الجميله,,,

ومواقفك المضحكه,,,


أشكرك عالموضوع الرائع,,,,,,,

مشكوره علي موضوعك الرائع المتفرد
ومرحبا بك في سارق القلوب
ولي عوده مره اخري

ههههههههههههههههههههههههههههههههه

شكراً لك اخي الكريم على هذا المقال

مشكورين على الردود اللي اسعدتني
وبصراحه مااقدر انا على هاالمدح خلاص كبر راسي
وأنتظر عودتكم وكتابة مقالبكم بفارغ الصـــبر
تحياتي ربـــــــا

مشكوره علي موضوعك القيم

اهلا ربا بنائا على رغبتك سجلت في المنتدى وانا صديقتها سابقه الذكر وحصلت لي مواقف اكثر من مضحكه في الجامعه بس في الاول هحكي الموقف الي صار لي مع ربا كنا في اصنصير احد المباني(ما تلاحظين اننا دائما نتفشل في الاصانصير) زكنا في الدور الاول وطبعا جميع انواع الكسل اننا ننزل للدور الارضي بالدرج المهم كان في دكتوره راكبه المصعد وطلعت من الدور الارضي فالمصعد وقف في الدور الاول علشان حضرتنا وكانت معانا صديقه اخرى لنا فلما ركبنا المصعد وشافتنا الدكتوره نضغط على الدور الارضي وهي طالعه للدور الخامس فقالت كل هذا عجز يلا تستاهلون بتطلعون للدور الخامس وطلعت من المصعد بعد ما وقف في الدور الخامس وفجاه وقف المصعد في الدور الثالث وفتحت دكتوره الباب بس المصعد صغير وهي معاها حموله واكياس و.....الخ المهم قفلت الباب ونزلنا اول ما وصلنا للدور الارضي كانت الاخت ربا وصديقتنا الاخرى يلعبو بتليفون المصعد بحجه انهم يدورون ازرار الارقام الي اكتشفو انها في السماعه فلاننا تاخرنا فنقفل الباب وطلعنا ثاني لدور الثالث الي كانت واقفه فيه الدكتوره الي معاها حموله وشوفو شكل الدكتوره لما شافتنا اننا احنا نفسنا لسه في المصعد (الي يشوفنا يقول ما عمرنا شفنا مصعد)
الموقف الثاني وهو مع احدى زميلاتي في المصعد كمان كنا في الدور الثالث ونريد ان ننزل للدور الارضي وركبت معانا عامله الصيانه الفلبينيه فوقفت قدام الباب كانها ساداه فلا وقف في الدور الاول طلعت من المصعد تحسب ان في احد يبغى الدور الاول وبدون اي شعور ضغطت انا وزميلتي زر اقفال باب المصعد ولما شفنا وجهها عرفنا انها تبغى الدور الارضي زينا بس صراحه كانت هتضربنا ^_^
وفي مواقف اخرى ولي عوده ان شاء الله
اريجاتووووووووووووو ربا على الموضوع وسوف انتقم منك في الجامعه وافتح موضوع بعنوان مذكرات منتقمه^o^

أهليييييييين vicky أحلى مفاجأه منك تسلميييين
بصراحه نور المنتدى بوجودك
بس خلاص لاتطلعين فضايحنا يكفي اللي كتبناه
وحللوه( مذكرات منتقمه ) هذي تبين تنتقمين مني هاه؟؟ أنا اوريك

##وأحب أشكر كل اللي ردوا علي## يعطيكم ألــــف عــــــــــــــافيه


تحياتي ربــــــــا

تسملوا علي هذه المواقف الحلوة والطريفه في آن واحد
سعدنا بالضحك والابتسامة التي زرعت فينا في زمن قلت فيه الابتسامات