صدود سارة

يوم صدت عنك ساره أظلمت كل الخطــــــــاوي @@@ وجرحتني ثم نستني آه يا أغلى خليــــــــل
ليتها ما هيضتني من شجوني والبــــــــــــلاوي @@@ عقب ما جفت جروحي عاد جرحي للعويـــل
عدت أنادي يابنيّه مات قلبي بالرجـــــــــــــــاوي @@@ عدت أصوت يافلانه ودمعي من عيني يسيـل
يومها بس تلفت لي يرتعش قلبٍ هــــــــــــواوي @@@ ليتها تعرف غلاها تسوى عندي كل جيــــــل
ليتها بس يوم صدت ذبحتني بالخـــــــــــــــلاوي @@@ ودمي من شانه هديه لا تطالب بالقتيــــــــل
مت أنــــــــــــــــا من يوم راحت ذابلٍ والله وذاوي @@@ ما بقت في عيني دمعه تحتمل حرق الفتيل
آه من هم بقلبٍ جرب أنواع الشقــــــــــــــــاوي @@@ آه من جرح لفكرٍ مالقى لحبك دليـــــــــــــــل
كنت وربي يوم جتني شايفٍ فيها هقــــــــــاوي @@@ كنت أشوف العمر فيها وانتظر وانا العليــــــل
ضعتي ساره من يديني وصار صدري كنه خاوي @@@ كود دقات لقلبي تنتظر طيفك يخيـــــــــــــــل
ضعت انا وضيعني حبك والله إني صرت غــــاوي @@@ ما أظن إني أبنسى ياهوى بالي الإيميـــــــل
ليت لو بس لي تكرم في صدودك ويش نــــاوي @@@ خبّر القلب المعني فات عقبك كم ليــــــــــل
ساره وانتي بالفعل عشقٍ لشخصٍ فيك هاوي @@@ سارة وانتي في مسيرك مالك بعيني مثيـل
لو نسيتك ما نسيتك ويعلم الله ماني قــــــاوي @@@ ولو عطيتك عمري كلّه والله إنّه لك قليــــــــل
وإن رسمتك في عيوني برسمك نجمٍ سمـاوي @@@ بس أشوفك من بعيد وفي وصولك مستحيل
اسمحيلي بس كلمه شوفي حبك فيني ضاوي @@@ إيه أحبك ثم أحبك ثم أحبك ياجميـــــــــــــل
يكفي يعني في هوانا تضوي لو بعض الخطاوي @@@ لو تداري بي جروحي وما تخليها تسيـــــــــل

وشكرا ً

مشكور اخوي على النقل الراائع والمميز وتقبل تحياتي لك !!

شكرا لمرورك الكريم عاشق السراب

و دمت بود

مجنون ساره
صح لسانك يالغلا والف شكر لك
ودمــــــــــــــــــت بحــــــــــــــــــــب