{الجمـــــس}

يا موتري ناوي بك اليـوم مشـوار يالله عسى دربـي ودربـك تياسيـر
يالجمس ما غيرك خـويٍ للأسفـار وأنت العوض في ماضي الخيل والعير
حتي غدى لك في الملا صيت واذكار ومطيـةٍ عقـب النضـا للمناعـيـر
كسبت لك جمهور في كـل الأقطـار أنشهد إنك صرت"نجـم الجماهيـر"
حتي خيال الشعر في وصفك إحتـار تقصر عن أوصافك جميع التصاويـر
مصممك ماهـر وطـورك بأصـرار حتي تميز بك علـي صنعـة الغيـر
طبق بك الجـوده مقاييـس وعيـار وحطم بك أرقـام وتجـاوز معاييـر
يا ليت منتـب صنعـة يديـن كفـار لارحـم أبوهـم ماكليـن الخنازيـر
حنا بـك أولـى لكـن الوقـت دوار ولولا الطمع ما أصخوك حمرالدناقير
يا محلا لا من قـدح سلفـك النـار وزاد اللهيب طرمبتـك والمواسيـر
وقامت قزوزك تهدر بصـوت جبـار قصف الرعـد والا دوي المعاصيـر
هيض علي صوتك هواجيس وأفكـار والرأس فيه من الحماسـه سعاطيـر
ثم دق في صدري من الهـم مزمـار و ما يطرد همومي سوى تلة القيـر
حتـي يوقـع تايـرك عنـي إقـرار في القاع سطريـن طـوال محافيـر
وأنا الذي عودتك تـدوس الأخطـار وأنته معودني علـي سبقـك الطيـر
أفهق معـاك ديـار ونقـرب ديـار ونطوي البسيطه طي مكراتك السيـر
وإن جارك الله من تصاريف الأقـدار وهو الوحيد اللـي عليـه التدابيـر
عصيرٍ من الظهران بأجلد بك القـار ساعة زمن لا سهل الله لنـا السيـر
دربك تعرفه زين وقد ردتـه أمـرار وياما وطيت الدرب ورد ومصاديـر
وجّه جنوب وغاية القصـد مسيـار لدارٍ لها في صفحة المجـد تسطيـر
دار الحسا وإن قيل دارٍ فهي "الدار" كم زبّنت مضهود وأغنـت مفاقيـر
والفتها ولف الندى وجـه الازهـار وإن غبت عنها أشغلتنـي التفاكيـر
نلفي على الموسى هل المدح والكـار ما اتعبت رجلي لغيرهـم بالتداويـر
أهل تراحيـبٍ وأهـل شبـة النـار ودلال عطّـر هيلهـا الجـو تعطيـر
نبع الكرم والجود في يسر وإعسـار بيت الشرف والطيب والفضل والخير
وحنا وهم جيران و"الجـار للجـار" جيرة وفاء تشرى بغالـي الدنانيـر
وعن واجب الأصحاب ما أقدم أعذار بوقت الرخاء ولا بوقـت المعاسيـر
مانيب من يهزع عن الواجب يسـار لو تعترض دربي صفوف الطوابيـر
واليوم طابت لـي تماثيـل الأشعـار وللضيـف أقدمهـا معـزه وتقديـر
أبيات لك يا ضيفنـا الوافـي البـار ويا فهد حقـك مـا يوفيـه تعبيـر
يامرحبا بـك عـد همـال الأمطـار وسميـةٍ جـادت بماهـا شخاتـيـر
القاع منها يجـري سيـول وانهـار حتـي إختلـط شلالهـا والنوافيـر
تستاهل الترحيب يا نسـل الأحـرار ترحيبـة فاحـت بطيـب العطاطيـر
قدمتها لـك مـع زماليـق الأزهـار مـن حولهـا ورد الحدايـق تناثيـر
حيثك في سوق الطيب يالقرم سمسار عمولتك فالنـاس كسـب المفاخيـر
والفضل ما ننساه لو صـار ماصـار يكتب ويرفـع بـه بـلاغ وتقاريـر
ولا يغط الطيب يـا كـود الأشـرار أهـل العلـوم الخايبـات المثابـيـر
والشكر لك مني ومن واف الأشبـار ابن الكثير ونثنـي الشكـر تكريـر
وتشكرك فرسان الحسا كبار وصغار والله يعـز معسكـرات المسامـيـر

منــــــقوله لشاعر :سعيد الحمالى :

صح لسااااانك

وصح لسااااااااان سعيد الحمالي

ولا هنت يالقرم على النقل

خالد


الله عليك يا غالي وعلي نقلك المميز


لاهنت يا الذيبان ،

ولاهان راس سعيد الحمالي


وصح اللساان

وصح جسمك وجمسك

صح لسااااانك