...وقال القلب آه (قصة رومانسية اجتماعية واقعية من اجزاء)..

_badgirl_911 · 27-3-1427, 03:31 مساء

مشكور اخوي ساحر القلوب على مرورك الحلو

ولا تقطع عننا

ام القمر · 27-3-1427, 04:45 مساء

مشكوره على القصه يله نستنا السبت علشان نشوف التكمله

**>>هيفا<<** · 27-3-1427, 05:19 مساء

مشكوووووووووووووووووووووووووورة على التكملة
ويلا برايك السبت بس نبي اكثر من جزء

العصفورة* · 28-3-1427, 03:59 صباحاً

مشكوره على التكمله

**زهرة البنفسجي** · 28-3-1427, 08:12 مساء

مشكورة سلمت يداك وأخيرا حطيت لنا كم جزء

يالله الحين كل سبت ابنتظرك

تحياااااااااااااااااتي

_badgirl_911 · 28-3-1427, 09:06 مساء

العفو يا ام القمر
ومشكورة على مرورك

_badgirl_911 · 28-3-1427, 09:09 مساء

العفو يا هيفا

خلاص ولا يهمك بحطي جزئين

_badgirl_911 · 28-3-1427, 09:10 مساء

العفو يالعصفورة

_badgirl_911 · 28-3-1427, 09:14 مساء

ههههههههههههههههه
الله يسلمك يا زهرة البنفسجي
وانا كمان كل سبت بنتظر ردك

Danmania · 29-3-1427, 04:59 مساء

انشاء الله موعدنا كل سبت معاكي بس لا تنسينا وشكراااا

_badgirl_911 · 29-3-1427, 05:22 مساء

لا ما انساكم

موعدنا السبت انشاء الله

_badgirl_911 · 1-4-1427, 02:55 مساء

الواحد والثلاثون..

الصمت والسكووت والدهشة كانوا اسياد الموقف.. بعد الكلام اللي قالته وفاء لريم وخالد.. الكل منصدم..
خالد قطع هالصمت وهو متفاجئ: عن شنو تتكلم وفااء؟؟ أي ملشة تقصدون؟؟
بدرية: ياولدي اختك امس تقدموا لها عرب زينين وايد واليوم بشرتنا انها موافقه!!
خالد بقهر: وشلون انا ما ادري؟؟!!
ناصر: لأنك ماكنت موجود من امس عشان تدري..
خالد: ريم شلون انت تدرين وتبين تروحين معاي وتتركين اختك اللي محتاجه لك الحين اكثر من أي وقت ثاني؟!
ريم بعد كلام وفاء كأنها تذكرت شي ناسيتنه فقررت في قرارة نفسها انها مهما كان لازم تضل مع اختها تساندها وبعدها تشووف طريقة مع موضوع خالد فقالت بهدووء: خلاص اختي اولى من اني اروح مكان ابي اروحه ومثل ماوقفت معاي انا بوقف معاها.. عن اذنكم بروح غرفتي..
خالد يحس بتعب فضييع: ااه ياخالي شو اسوي الحين الكل عاتب علي ريم من جهه ووفاء من جهه ونايف اللي مابين لي شي متضايق ومع هذا طموحي في جهه..!!
سعود: خالد ياولدي ماعليك منهم الحين هم منصدمين كثر مايحبونك ومتعودين على شوفتك فما يتصورون ان الشهر ونص قصيرة لكن مع الوقت بيتقبلون انت لازم تبني وتثبت نفسك الحين عشان تقدر تعرس بعد شهرين ولا بتظل معتمد علي ههه هااه ؟؟>>قالها اغاظة له..ومزح..
خالد مبتسم ومرتاح من كلام خاله شوي: ههههههه لا اكيد ابي اعرس وانا معتمد على نفسي..
ناصر: صج اني اتضايقت في البدايه بس كلام ابوي هو الصح والله يوفقك ياولد عمتي..
خالد: تسلم نااصر..
تكلمت ليلى اللي كانت تتابع بصمت ولا كأنها موجودة: طيب ووفاء ياخالد؟؟ شلون بتغيب عن اهم يوم في حياتها؟؟ انت ماتدري شكثر هي تحبك؟؟!
خالد يطالع ليلى اللي يبان خوفها على وفاء بعيونها: انا مظطر يااختي شسوي وبعدين هي الا ملجه ان شاء الله بحضر عرسها الأهم من كل هذا .. وانا بروح لوفاء الحين بكلمها وبقنعها بعد.. عن اذنكم..
الكل: اذنك معاك..
ركب خالد لعند غرفة وفاء وطق الباب..
خالد: حبيبتي وفااء فتحي الباب.... لما ماردت وفاء..
خالد: وفااء ياحبيبة اخووك خالد فتحي الباب .. يله عااد لاتخليني واقف واايد ريولي عورتني..
وفاء ماترد عليه وكانت تصيح بقووه وهو يسمعها تصيح وقلبه يتقطع عليها..
خالد: وفاء لاتصيحين حياتي والله مايستاهل الموضوع تصيحين كذا..
وفاء انقهررت: مايستااهل ياخاالد !! ماهقيتها منك والله في حياتي ماتصورتك تقول ان يوم ملشتي شي مايستاهل !! ممكن كنت اتوقعها من ناصر بس انت..!
للأسف خيبت ظني.. > وكملت صيااحها..
خالد: لا وفاء مو هذا قصدي وفاء فتحي الباب خليني
اكلمك..
وفاء: روح خالد روح مالي مزاج اكلم حد..
خالد راح بعد ماعجز منها لانه عارف عنادها اللي مو طبيعي وعارف انها مستحيل تفتح له الباب..

* ** *** ***** *** *** ***
بيت ام راشد كانوا كلهم يتعشوون ماعدا كوثر اللي مابغت تقول مالها نفس وشبعانه .. رن التلفون وقامت ردت عليه: الو مرحبا..
بدريه: مرحبتين هلاا بنتي..
كوثر: هلا فيك خالتي ..
بدرية: هنا امك؟؟
كوثر وهي تطالع في امها: ايه قاعده تاكل..
بدري: خلاص لاتقومينها خليها تاكل بس بشريها قولي لها تقول لك خالتي بدرية مبرووك ان شاء الله البنت وافقت والملشه مثل مااتفقنا الخميس..
كوثر مستانسة: ان شااء الله خالتي الله يبشرك بالخير ..
بدرية: يله حبيبتي مع السلامه وسلمي عليهم كلهم..
كوثر: الله يسلمك.. مع السلامه..
نوار: منو في التلفون يمه؟
كوثر: يمه هاذي خالتي بدرية تقول لكم مبروك البنت وافقت والملشة مثل ماتبون يوم الخميس..
راشد رفع راسة وكانه متفاجأ هو كان يدري ان بيسمع شي من هالقبيل لكن الظاهر شعور الرفض عنده تكرر فتعود عليه.. كانت عيونه بلمعتها مبينه شكثر هو فرحاان..
نوار: الله يبارك فيها .. هاا رشوود مستانس؟؟
حسين: هه مبروك رشوود ..
راشد: ههههه الله يبارك فيكم تو الناس الله يتمم على خير..
نوار: ايه بارك لاخوك دورك جاي بعده ان شاء الله..
حسين تغيرت ملامحه كأنه خاايف: ها يمه شقلتي لا ماسمعت..
الكل:ههههههههههههه
نوار: سمعت ولا لا مو شغلي بنخطب لك بعد اخوك بفترة عشاان ارتاح انا..
كوثر: ايه صج حسوون خذ شهودة مابتلاقي احسن منها..
نرجس: صج والله..
حسين وهو يأشر براسه ان هالسالفه منتهية ومافيه كلام فيها: لا حبايبي انا اللي اختار منو ابي مو انتوا >> وكانت في باله انسانه مهذبه خلوقه مثل ليلى..
نرجس حست باللي في باله بس تضايقت لانها تعرف بحب شهد له..
نوار: صدقهم شهد واايد حللوة وخلووقه ياولدي بس صغيرة عليك احين مايصير اخوكم الصغير زوجته اكبر من زوجة اخوكم الكبير..
الكل سكت كوثر زعلانه عشان شهد بس ما باليد حيله..ولازم توعيها من احلامها لأن ارتباطها بحسين شكله مستحيل.. وهي لازم تتقبل واقعها..

** **** *** **** ** *** ***** ***

_badgirl_911 · 1-4-1427, 02:56 مساء

جنان لما بلغوها انهم بيروحون مكة فرحت بس تضايقت يوم درت ان حسام بيروح معاهم..
ورغم انها مستانسة انها لأول مره بتسافر مع بنات غيرها مو بس لحالها ..
** **** ***** *** ******** **
مر هاليوم واشرقت شمس يوم الثلاثاء واللي متضايق واللي مرتاح وكذاا..
البنات راحوا دواماتهم.. وخالد اتصل في الشركة وبلغهم انه مابيداوم لأنه يبي يجهز اغراضة وهم رخصوه.. اتصل لريم الحزينه وقال لها بيمر عليها عشان يروح بيتهم ويجهز شنطته وهي تساعده..
البنات التقوا مع هيفااء في الجامعه وارتاحوا لشوفتها بخير ووفاء خبرتهم انها وافقت والكل بارك لها ..
جنان التقت ببدور وقالت لها انها بتروح مكة وهاذي قالت لها تدعي لها عند بيت الله انه يحل مشكلتها وتلتئم عايلتهم من جديد عشان تقدر تكمل خطبتها للي تحبه..وجنان طمنتها انها بتدعي لها من صميم قلبها..وقبل ماتطلع من دوامها خذت اذن من المسؤوله انها مابتحضر بكرة عشان بتسافر مكة ورخصتها المسؤولة بسهوله لعلمها انها من الطالبات المجدات والممتازات ..
*** ***** ***** *** ** **** *** *
العصر في بيت ام عبير..
كانت دانه جالسة جنب امها اللي باينه عليها اثار الحمل واايد ومحللوة بدبتها هههه رغم ان يبان بعد شكثر هي تعبانه .. الحين هي في شهرها السادس تقريبا..
دانه وكتبها ودفاترها حواليها وامها تدرسها .. واحلام كنت منسدحة وتفكرر.. فجأة قامت واتقربت من امها..وهي متجاهله يدتها الي قاعده تسمع راديوا جنبهم..
احلام: يمــه.. ولما ماردت عليها امها عادت: اوه يممممه ؟؟
هدى: ها شو تبين؟؟
احلام: ابي استـأذن منك بشي و ياليت ماترفضين..
هدى:شو تبين ؟ وتكلم روحها: الله يستر.....!
احلام: يمه بكرة الربوع انزين وانا ابي اطلع اغير جو وقلت بروح اتمشى في الحديقة شوي وباخذ معاي دانه عشان تلعب بعد وبتفق مع رجاء صديقتي تروح ونتونس شوي..
هدى: طيب روحي شتبن اسوي لك يعني قولي لأبوك وان وافق روحي..
فاطمة: صدق بنات جيل فااسد احنا نعنبو الدنيا كنا مانعتب من الباب وانت تبين تروحين لارقيب ولا حسيب..
احلام: انا مو رايحه اتصيع يدتي رايحه اتمشى..
هدى: الله يهداك عمتي شو بعد بدون رقيب وحسيب احلام عاقلة وفاهمة ومتربيه ماتسوي الغلط ان شاء الله..
احلام واايد تأثرت من كلام امها وماعرفت شو تسوي... ماتبي تزعل نايف ومثل ماقال بيكون الوضع عادي كلها 5 دقايق اللي بتوقفهم معاه وبترجع على طوول..
دخلت عليهم عبير: سلاامي عليكم..
الكل: وعليك السلاام..
فاطمه: هلاا بنيتي هلاا بالقمر المنور
عبير وهي تبوس راس يدتها: انت القمر اماايه الله يخليك لناا..
هدى: ها عبير تغديتي؟؟
عبير: ايه يمه الحمد لله..صج بقول لكم وفاء انخطبت وملجتها يوم الخميس..
احلام: صج مبروووك والله انها تستاهل..
هدى: منو اخذت؟؟ولد ام راشد؟؟
عبير : ايه يمه والله استغربت يوم شفت ام راشد هناك..
هدى: بعد الريال يبي يعرس ماخذك بياخذ غيرك..الله يوفقها وفاء بنت تستاهل كل خير..
فاطمة: خووش والله الله يسعدهاا..
الكل: آمييييين..
** ***** ** * **** ** ***** *
ليلى حاولت تتصل في سالم بس مقفول جواله وهم جوال جنان مقفول: اكيد مشغولين بروحة العمرة خلاص لما يردون بقول له..
كانت جالسة في الصاله مع بدرية ومع هادي بس ووفاء فوق بعدها متضايقة عشان سفر خالد عنهم وريم مع خالد للحين..وناصر في داره يكلم عبير ..
رن تلفوون البيت والكل متملل يرد قامت بدرية وردت: الو مرحباا السااع ..
منير: مرحباا فيك بنتي مرحباا ملااين..
بدرية واتجمعت الدموع في عيونها: هلااا يبه هلاا فيك شلوونك يبه وشلوون امي ولهناا عليكم..
>> ليلى من سمعت هالطاري فز قلبها وحست بشعوور غرييب وعلى طول طاحت دمعاتها اللي حبستهم وايد..
منير: هههه وحده وحده يابدرية احنا بخير الحمد لله ولهانين عليكم..انتوا شخباركم.. اولادك وخواتك كيفهم؟؟
بدرية ماقالت لأبوها عن الحادث اللي صاب ناصر بس ماتبي تقلقه: الحمدلله يا يبه ناصر خطب من كم يوم ووفاء انخطبت وملجتها يوم الخميس..
منير ودموع الفرح بعيونه: الله يوفقهم ان شاء الله ويسعدهم..
بدرية:وامي يبه شلونها ؟ وش قالوا لكم المستشفى؟؟
منير والحزن باين في صوته على حبيبة عمره: ااه يابنتي والله مثل حالها ماتغير شي الامل واايد ضئيل بس ما اقول الا الله يريحها ..
بدرية دموعها اللي حابستنهم طاحوا على خدها: الله يحفظها ياارب ..
منير: وشلون ام سالم؟ وليلى الغاليه؟؟
بدرية توها تنتبه لليلى اللي قاتلة عمرها من الصياح وتبي تكلم ابوها بسرعه:طيبين يبه هاذي ليلى كلمها..
ليلى وهي تصيح بعدم تصديق وتبي تتأكد ان ابوها صج متصل قالت: بابااا ؟؟ هئ هئ هئ >> صيااح وشهقات متتالية !!
منير: يقلب باابا انت حبيبتي اشتقت لك شلوونك؟؟
ليلى انفجرت صيااح : بابا انا اشتقت لكم ومفتقدتكم وايد ليه مااتصلتوا من زماان وانا احااتيكم شلونها ماما هئ هئ ؟؟
منير وهو يصيح من قلب صج انه افتقد بناته كلهم بس ليلى غيير لأنها دلوعتهم واللي صارت شبه وحيدتهم بعد ماتزوجوا خواتها : لأن الخط توه بس صار مفتووح كانت الشبكة مزحومه في منطقتنا وتونا محصلين مكان ثابت لنا.. وامك بخير يابنتي لاتحاتين..
ليلى بحزن: بابا لاتخبي علي انا مو الصغيرة اللي ينقص عليها وانا عارفة الوضع؟
منير بحززن فضيع وهو عارف بأنه لامحاله بيخسر زوجته : مافي فاايده يابنتي امك خلااص بنخسرها وقام يصيح مثل الطفل..>> لاتلومونه هاذي زوجته وبينهم عشرة عمر ومحبه ..
ليلى تأثرت: بابا حبيبي لا تصييح ادعي لها بالراحة والله يرحمها عايشة ولا ... وماقدرت تكمل بهالبرود وصااحت .. وقالت : وينها ابي اكلمها ؟؟ بابا متى بترجعون اشتقت لكم رجعوا الله يخليك..الكل مفتقدكم بابا وفااء تصيح تبيكم تحظرون معاها ملشتها .. الكل يبيكم ليش انتوا مبتعدين داام النتيجه وحده..!
منير وهو يتقطع من داخل: ليلى عمري انا الود ودي ارجع اليوم قبل بكرة بس لازم نخلص علااج هناا وبعدين بنرد.. وامك الحين تتلقى علاجها بعد ساعة كذا بتكلمكم..
ليلى: بابا اوعدني تتصل لي كل يوم انا ماصدقت اسمع صوتك لا تقطعني ..
منير: ولايهمك ياقلبي انا بكبري ماقدر استغني اسمع صوتك كل يووم وهذا الرقم كتبيه واتصلي متى مابغيتي تكلمينا..
ليلى: احبك بابا واايد احبك واحب ماما وسلم لي عليها ومن ترتاح قول لها تتصل..
منير: واحنا نحبك اكثر وانت تدرين ياعمري وسلمي على وفاء وناصر وسالم وجنان وامهم وزوج خالتك .. وانتبهي لنفسك عدل..
ليلى: ان شاء الله يوصل.. مع السلامه..
وسكرت وهي تمسح دموعها وبدريه تغالب دموعها الباقيه من انها تنزل .. وهادي صااح بعد بس سكت شوي..
نزلت لهم وفاء وشافتهم ينعرف من اشكالهم انهم
كانوا يصيحون ... خاافت.. حست بشي صاير..
وفاء: شفيكم؟؟يمه شصااير؟؟ ليلى شحقة تصيحين كذاا؟؟
هادي: يدي منير اتصل من شوي..
وفاء : هااااا ؟! وبحزن:ليه ماناديتوني اكلمه؟ وقامت تصيح..
ليلى: خلاص وفاء لاتصيحين هم بخيير وهذا هو الرقم قومي كلمي اذا تبين..
وفاء ارتاحت يوم درت انها تقدر تتصل..
وفاء بلهفة خذت الرقم ودقته باصابع مرتجفه..
منير: السلام عليكم..
وفاء وهي دموعها تنزل عشانها سمعت صوت يدها المطمئن: وعليكم السلام هلا يدي شخباارك وحشتوني مووت..

منير مستانس يعرف شكثر تحبهم وفاء مثل مايحبونها مثل ليلى وشلون ماضيعيت ولا دقيقة واتصلت لهم: هلااا بنتي وفااء هلاا والله انك واحشتني اكثرر..شمسويه؟؟
وفاء: انا بخير يدي انت شحالك؟ ويديتي مشااعل شلونها..؟؟!
منير: احنا بخيير الحمدلله .. ايه صج مبرووك يابنتي ..
وفاء : ههههه والله تمنيتكم معاي يدي مو قادرة اتصوركم بعيد عني..
منير: قلوبنا معاك بنتي مو بعييد لاتغلطيين..
وفاء: يدي تذكر يوم قلت لي انت ويدتي اذا انخطبت بترزفون وترقصوون يله ابيك تنفذ كلامك؟؟>>بمزح قالت هالكلام..
منير: ههههههه ايه اذكر بس يابنتي راحت علينا خلاص.. يدتك ماعندها قوه وانا خلاص شيبت مافيني ع الرقص..
وفاء عارفة ان يدتها قريب بتتركهم لأنه السرطان كفانا الله الشر وكفاكم مايرحم :اه وينها يدتي ابي اكلمها مشتااقه لها واايد..
وفاء: عندها علاج بعدين هي بتكلمكم واكيد بتفرح عشاانكم وانت بعد سلمي على الكل...
وفاء: الله يسلمك يدي وبوس لي راسك وراس يدتي نيابة عني..
منير: ههه طيب ولا يهمك يله مع السلامه...
وفاء: مع السلامه..
بعد هالمكالمات قعدوا كلهم مرتاحين ومتطمنين ..
بدرية: ها وفاء شو تبين عشان يوم الخميس؟؟
وفاء: مثل ايش يمه؟؟
ليلى: يابنت بلا ذكاء زايد فتحي عقلك ملشتك يوم الخميس..
وفاء بتفكير: طيب واذا؟؟
بدرية: هاذي اللي بتجنني..يايمه شي اكيد ان راشد بيطلب يشوفك ولازم تلبسين شي حلو وبسيط عشان في الحفله تصيرين غير...
فاء بسرحان وهي تضحك: تصدقون توني منتبهه انه اسمه راشد..
الكل:هههههههههه
وفاء: عادي يمه عندي الثوب البطيخي الي خذته من السعودية اخر مره رحنا فيها وبعده جديد ماصارت مناسبة البسه فيها لانه ناعم وماناسب خطوبة اخوي ..
بدرية: ايه صح حلو خلاص يفي بالغرض.. والمكيااج؟؟
وفاء: عادي بحط لي انا لأني مابي شي مبالغ فيه.. ماصارت ملشة هي مو الحفلة..
ليلى: ههه الله يهديك بس..
** * *** ***** *** **** ***** **

_badgirl_911 · 1-4-1427, 02:57 مساء

عبير كانت تسوولف مطولاً مع نااصر اللي منعزل في غرفته لأنه يكلم عبير وتوه مسكرر .. كانت عبير بتروح غرفتها تنام شوي لما صاح التلفون مره ثانيه راحت رفعته: الو هلاا
زهرة: اهليين هلاا عبيرووه القااطعه..
عبير:هههه هلاا زهوور شسوي والله منشغله..
زهرة: ايه بعد انخطبت وخلاص عاد اربع وعشرين ساعه لازقه في خطيبيها..هههههه
عبير انصدمت وفهمت انه مقلب:هههههه خسك الله لا والله بعد الجامعه المهم انت شخباارك؟
زهرة:بخير الحمد لله انت كيفك مع حياتك الجديدة؟؟
عبير: تمام ماشي الحال..
زهرة: هاا وينها احلام؟؟
عبير: احلام دخلت غرفتها بتنام شوي عشان تقعد وتذاكر..
زهرة: اهاا وبتردد ملحوظ قالت: امم عبير.. انت .ما..؟ وسكتت.
عبير: وشو فيك زهرة قولي ليه خايفه؟؟
زهرة: مو خايفة بس كنت ابي اسألك : انت ماتلاحظين ان احلام متغيرة عن قبل؟؟
عبير باهتمام وتفكير: شلون يعني متغيرة؟
زهرة: مادري بس اقصد تصرفاتها ..عاداتها ؟؟
عبير: امم تصدقين للأسف اني من انخطبت صج انشغلت وماصرت اهتم في احد لكن مشكورة انك وعيتيني لهالنقطة بس انت شو اللي خلاك تسأليني هالسؤال؟؟
زهرة تورطت ماتقدر تقول لها وتسبب لاحلام مشاكل: هااه لا بس يعني انا احسها وايد متغيرة..خصوصا من صارت دووم مع رجاء..
عبير: ايه يالغيورة ههههه الحين عرفت السالفة..
زهرة بحزن واضح: ماعرفتي شي اصلا انت ماتدرين ان رجاء هاذي مو زينه ابد .. سمعتها خاربة عند الكل..
عبير: اها خلاص انا بحاول اشووف تصرفات احلام واشووف اذا متغيرة ولا لا وبحذرها من رجاء هاذي طيب يله بااي زهورة..
زهرةبفرح خفيف: شطوووره ..باي باي..
وسكرت عبير وهي تذكر ان احلام ماكانت تحب الجلسة في غرفتها هالكثر والحين العكس دووم في غرفتها وماصارت تتهاوش مع يدتها واايد اكيد في شي يشغلها وقررت عبير تراقب احلام وتصرفاتها نوتشوف شو بيصير..!!

** * * ***** ** **** * *** ***
اريج بعد مارجع محمود من شغله وتغدى ودخل ينام ويريح شوي قامت واتصلت في حسين قالت له يزورها لأنها تبيه في سالفة..
حسين متعود على اريج ومتعود دوم على انها اكثر وحده تهتم فيه وفي تفاصيل حياته واكيد الحين مطلعه له سالفة جديدة وتبي تكلمه وتقنعه فيها راح بيتها وهو مستسلم لها ومرتاح بعد..
حسين: هاا وينه زوجك ؟؟ هالقاطع!
اريج:هههه حرام عليك نايم يرجع من شغله تعبان وينام مايمديه يسوي شي..
حسين:ههه زين ماعلينا منه وينها كرتونتك عجل؟
اريج:هههه تلعب في غرفة الأالعاب هناك ..
حسين: ااه طيب ماقلتي لي اختي المصون شو سبب استدعائك المفاجئ هذا لي؟؟!
اريج:ههههه زين يا اخوي العزيز بقول لك بس انت هدي نفسك وابيك تسمعني عدل وتفهم كلامي .. وتفكر عدل تفكير منطقي..
حسين حس بجدية الموضوع: اوكي كملي..
اريج: شوف حسين انا ملاحظة انك متغير واايد عن قبل .. صرت ماتطلع مع ربعك هم ههه ماتروح المجمعات عشان تغازل مثل قبل وصرت واايد بيتوتي وماتطلع من غرفتك وايد ممكن اعرف سبب مقنع لهالأشياء كلها؟؟
حسين مو عارف شو يرد عليها اللي في قلبة مايعلم به غير رب العالمين فقال لها: تقدرين تقولين ان الناس كلها تتغير من وقت لوقت..
اريج: طيب بس انت قطعت اشياء وايد تحب تسويها رغم انك تقدر تسويها..
حسين بالم: اريج انت ماتدرين باللي فيني انا صرت مسؤؤل الحين عن امي وخواتي وبفضي نفسي لهم وللي هم يحبونه مو اللي انا احبه..
اريج: حسين انت بعدك تحس بالذنب صح؟؟
حسين ماجاوب بس هي فهمته .. وقالت: حسين اللي صار قضاء وقدر مكتوب واستغفر ربك ولا تسوي كذا بنفسك حاول انك ماتحسس روحك بالذنب لأن
الذنب مو ذنبك وانا اقول لك اياها ترى الذنب ذنب امي وابوي الله يرحمه لأأنهم ماخبروك الا لما مات ابوك الله يرحمه..
حسين سااكت مايرد بس قال بضعف: بس انا الي سببت له الجلطة اللي خذته منا كلنا هو رباني ومافرق بيني وبينكم وانا ربيت على ايده وانا اقول له يبه ومو حاس انه مقصر معاي في شي وماكنت افكر حتى بالشخص الأخر اللي يسمونه ابوي الحقيقي..لكن يوم قالوا لي انه مات قبل اسبوع واحنا كنا عارفين انه عايش بس قلنا لك مات عشان ماتبتعد عنا عصبت وحسيته سبب تافه عشاان يخبون علي ان ابوي عايش وقلت اللي قلته في وجه ابوي خليل الله يرحمه وصار اللي صار..
اريج: كلامك صح يا حسين وانت ماتنلام بس اللي ابي اعرفه انت عصبت يوم دريتانه ابوك كان عايش وانت ماشفته لأنهم خبو عنك هالشي بس بعدها ماحاولت تزور قبرة ولا تطلب صورته تشوفه ولا حتى انك تشوف لو كان عندك اخوان او خوات منه .. ليش ماتحاول تعرف عنه شي؟؟! بسألك: من رجعت الحين كم مره زرت قبر ابوي خليل؟؟
حسين بصوت مخنوق: تقريبا اكثر من 15 مره ..
اريج: وابوك الحقيقي كم مرة؟؟
حسين: ولا مرره
اريج: ليش؟؟ هذا مهما كان بعد ابوك ليش ماتزورة؟؟
حسين: بس هو ماافتكر فيني طول مهو عايش ومافكر يزورني ؟!!
اريج: بس مهما سوى هو يضل ابوك؟!
حسين:مادري اريج انا احس اني كذا اخون ابوي خليل لأنه بسبب انسان ماسأل عني ولا اهتم لي تسببت بقتل اللي رباني..ودمعت عيونه..
اريج بتصميم: لا ياحسين لااا انت لازم تزور قبر ابوك لو مره في حياتك!! وعلى فكرة صج ان امي متطلقة منه بس هي كانت محتفظة بصورة له عشان لو طلبت منها يوم توصفه لك تعطيك الصورة بس انت ماطلبت منها وهي مابغت تطلعها دون ماتطلب انت..هو صج ظلم امي وظلمك بس لازم تروح تزور قبرة وتشوفه عشان تسوي فيه خير لأنه ابوك وعشان اولادك في المستقبل يسون فيك خير مثل ماسويت انت لأبوك حتى لو مااهتميت فيهم ..!!
حسين: خلاص يا اريج ان شاء الله بروح ازورة يوم الجمعه ولما ارجع بشوف الصورة عشان ماينقال اني عااق لأبوي اللي هو اصلا ابوي بالأسم بس..!
اريج: الله يهديك يا اخوي..
حسين: مشكورة اريج انت دوم تنبهيني لأشياء واايد انا ما افكر فيها دووم تريحيني انا فخور ان عندي اخت مثلك لو ماكنتي في حياتي مدري شكان بيصير فيني..
اريج ابتسمت: لاشكر على واجب حبيبي..
ريهام دخلت لهم تركض: ماما ماما سوفي سويت صوره..
اريج تطالع في الصورة اللي في ايد بنتها وهي مخربشة على وجهها بقلم حبر ازرق وصايرة تضحك:ههههههههه ..
حسين: شسويتي باللعبة الله يغربلك..
اريج:ههه ريهام عيب ماما يعني لو انا خذت القلم وخربشت في وجهك كذا تصيري حلوة؟؟
ريهام بخفيف: لا
اريج: عجل ليه تخربشي وجهه الصورة ماتعيديها مره ثانية مفهوم؟؟
ريهام: مفهوم.. والتفتت لحسين: اقول لك انت احو لاسد صح؟؟>>انت اخو راشد
حسين اللي مافهم شي:هههه صح
ريهام: وينو حالي مازاب لي سوكلاته النساب..!
>> وين خالي ماجاب لي شوكلاته النصاب؟
حسين:ههههههه نصاب بعد بكرة بيجيب لك..
ريهام: وانت سكلك لزييل ماتستري لي!!
>>وانت شكلك رزيل ماتشتري لي!
حسين يمثل دور المعصب بمزاح:هااه انا رزيل ماعليه لكن يله باي زعلت من بنتك ياريج مابجي بيتكم مرة ثانية..
الكل:ههههههههه

** * ***** ** **** ****** ***** **
ريم مع خالد في بيتهم توهم مخلصين تجهيز اغراض خالد في الشنط وملابسة وكل ضرورياته وبيروح هناك وبياخذ له اكل..وكل شي يحتاجه..
خالد: يله ريم نروح بيتكم بسلم على الكل عشان باقي 3 ساعات وتطير الطيارة لازم اوصل قبل ساعه المطار..
ريم ودمعتها في عيونها:يله..
خالد: ريم.. .. ريم طالعيني ..!
ريم طالعته..
خالد: ريم لاتصيحين اسبوعين وانا عندك ان شاء الله ولما تستقر اموري هناك يمكن اخذك معي بس الحين لازم تبقين عشان وفاء اللي للحين زعلانه علي..
ريم: ان شاء الله خالد.. تروح وترجع بالسلامه ان شاء الله..
خالد: ان شاء الله وكل ساعة بتصل لك بخليك تملين مني هههههه
ريم:ههههههه
وباسها على خدها بهدوؤ..
بعدها راحوا ريم وخالد ونايف بيت ابو ناصر..
هناك كانوا كلهم قاعدين في الصاله .. سعود..بدرية..هادي..ليلى..ناصر..وفاء..وخبر اتصال الجد منير انتشر والكل تطمن عليهم ..
دخلوا خالد ونايف وريم ..
خالد انظارة على وفاء اللي من شافته قامت ركبت غرفتها..
خالد: يله جاي اسلم عليكم بروح الحين..
وسلم على الكل ماعدا وفاء اللي رفضت تطلع له او تسلم عليه وراح وهو متلوم بس الظروف لها احكامها ..
وصله نايف المطار.. ونزل عشان يروح يخلص اجرائاته بعد ماوصى نايف على وفاء اختهم الوحيده واللي يحبونها من ايام الطفولة وربت بينهم وربوا بينها مثل الاخوان واكثر ووصاه يستسمح منها ويسلم عليها ويقول لها انه مابييأس من الأتصال فيها ولازم ترد عليه.. وراح وهو متطمن من باقي النواحي..
** **** ** ** *** *** **** **

_badgirl_911 · 1-4-1427, 02:59 مساء

اما بدرية حاولت تتصل في اختها عشان تبشرها عن امها وابوها وعن وفاء وتعزمهم رغم انهم مستحيل يجون الملجة عادة مايجون الا حفلة الخطوبة بس مالقتهم دوم الخدامه ترفع وتقول لها انهم طلعوا...>كانوا يجهزون اغراضهم لأنهم من الساعه خمس الصبح بيروحون المطار

** **** **** * ****** *** *** *
.... يوم الأاربعاء ....
الساعه خمس الصباح كانوا جنان وسالم وامهم في السيارة متوجهين للمطار عشان بيتلاقون مع قوم
بيت حسام هناك.. ووصلوا على الساعه خمس وعشرين دقيقة وكانوا واقفين يخلصون الاجرائات الأاوليه عشان الطيارة..
** * * * ** * ** ** ***** *
وفاء ماراحت الجامعه مع ليلى الصباح لأان ماعندها محاضرات الا الساعه 9 ونص ومابتروح الا الساعه 9 عشان ماتزهق هناك .. وهي كانت قافلة جوالها عشان ماتضعف وترد على خالد لو اتصل.. فتحته ولقت مسج من نايف اخوها يقول:

****
وفاؤوه يا ال****ة من متى وانا اتصل وانت قافلة الجوال.. من تشوفين المسج اتصلي لي أي اكلمك وابارك لك ههههااي...
** * *
ابتسمت وفاء هذا هو اخوها نايف شقي وشيطان وطيب وحبوب وعمرة مايحب يبين مشاعرة تجاه احد.. صج يحبهم بس يبين حبه لهم بالشتايم والسب ههههه..
بس ما اتصلت لأنها تدري انه احين بالجامعه قالت بتتصل له بعد ساعه..يكون فاضي يمكن..
** ** * ** ** *** ***** ***
عبير الصباح قبل ماتروح الجامعه وبعد ماراحت احلام المدرسة .. دخلت غرفة احلام وراحت تدور جوالها وشافته تحت المخده بس مقفول حاولت تذكر رقمها السري وعرفته لأنها ماغيرته من اول ماشترت الجهاز وحطوا له رقم سري..ودورت فيه رسايل وارقام كان كل شي فيه طبيعي مافيه شي يسيء
لأحلام .. بس مايأست لازم تعرف شو سر هالتغيير اللي في اختها ولو اظطرت انها تسألها شخصياً..!!

* ** **** *** * * ***** ** ** **
لما كانوا قوم سالم يتابعون الأجرائات وصلوا قوم حسام...
دخل حسام وجنبه امه ووراهم خواته ايثار ومناهل..
وكانت مناهل تساسر ايثار وهي تضحك وتطنز: مو مصدقه اني بكون في طيارة وحده مع سالم هههااي..
ايثار: ههه غربلك الله عيب يابنت تأدبي..
مناهل: شوو خليني اعبر عن مشاعري لأني صرااحةً ما اصدق اصلا ان عند اخوي صديق اسمه سالم فالحين هي لحظة الحقيقة..
ايثار:هههههههه انت مابتجوزين من هالسوالف ..
ووقف حسام قدام سالم وسلم عليه..
حسام: شلونك خالتي؟؟
ام سالم: بخير ياولدي عساك بخير؟
حسام: بشوفتكم والله..>> واسترق نظرة لجنان البعيده كليا كانت تطالع في جهته صج لكن سرحاانه..
ام سالم: اقربوا حياكم..
ام حسام: هلاا والله بأم سالم اخيرا ليقناكم شعلومكم شخباركم؟
ام سالم: بخير الحمد لله.. ودزت جنان اللي توها منتبه لوصولهموقالت لها: سلمي عااد..
جنان بخجل: هلاا شلونك خالتي عساك طيبه..
ام حسام رق قلبها لها وهي تسمع صوتها الرقيق:
بخير يابنتي انت شلونك؟؟
جنان: الحمد لله..شلونكم بنات ان شاء الله بخير؟
ايثار: تمام الحمد لله..
مناهل: بخير طبعا دام اخيرا شفنا سالم المصون..
ايثار:ههههه
ام حسام: اوه مناهل تأدبي عيب..
جنان:ههههههه ليش؟؟
ايثار: ماشي بس هاذي هي مو مصدقه انه في شخص اسمه سالم يعرف اخوي من زمان لأنها ولامره شافته..فالحين صاير عندها معجزة..
الكل:هههههههههه
سالم تقرب منهم ومعاه حسام : افا ياخالتي ماسلمتي علي!!
ام سالم: طالع هذا مو المفروض انت اللي تسلم مو هي اللي تسلم..
الكل:ههههههه
ام حسام: لا شدعووه عزيز وغالي شلونك ولدي؟؟شلون الشغل معاك؟
سالم: بخير خالتي الحمدلله انتوا شو مسوين ان شاء الله كل شي عندكم اوكي وجاهزين للسفر؟؟
ام حسام:ايه الحمد لله..
وراحوا يخلصون اجرائات مع بعض والأمهات يسولفون والشباب يسولفون بس البنات يستحون تعرفونهم ههااي بعدهم ماخذوا على بعض... بس ان شاء الله بياخذون..
***** ******* ** ****** ***
وفاء اتصلت على نايف اللي ماطولها وقال لها يسكتها انا جاي لك الحين بيتكم..
وفي عشر دقايق كان الجرس يدق.. فتحته وفاء بسرعه عشان ماتصحي امها من النوم..
وفاء: ادخل ادخل يالسبال شو فيك خوفتني..!
نايف: الناس تقول تفضل..صباح الخير وانت سبال مره وحده..؟!
وفاء ابتسمت: سووري ماي بروذر اتفضل.. صباح الخير..
نايف وهو مبتسم ابتسامه عريضة:صباح الورد والسكر ياسكر..
وفاء: احم طبعاً طبعاً وش فيك نيووف؟؟
نايف: اممم مبروووك خيتوو واخيرا بتصيرين مره
وفاء قفطت:ههه الله يبارك فيك وانا مره من زمان يالياهل انزين..وبحلست عليه
نايف: انا ريال قوي بعد >> كانوا من صغرهم يتهاوشون كذا انا مره وانا مو يهال
الكل:هههههههه
نايف: ايه قلت انا الله يعين ريلك هذا اللي بتدلعين عليه ليل نهار الخوفه يردك لنا من ثاني يوم..
وفاء انقهرت: لا والله احلف اقوولاطلع برا بيتي جاي وتهينني بعد شو يخصك قاعده على قلبك انا ؟!!
نايف يدري انها تطنز فضحك وقال بأسى: ايه يابنت الناس قاعده على قلبي حبك خانقني مو قادر اتنفس منه ..
وفاء:هههههههههههه غربل الله بلييسك..
نايف:هههه عشان تعرفين اخوك حركاات..
وفاء:ايه اعررف انا انك حركاات خصوص يوم بتلاحق البنات ياللي ماتستحي..
نايف يغير الموضوع: ماعلينا انا عندي لك رساله..!!
وفاء: رسالة؟! من منو؟؟
نايف: سمعي يااختاه ترى خالد سافر وهو وايد متضايقانك ماسلمتي عليه ولايم نفسه بعد حرام عليك رحميه هو قال لي استسمح له منك واسلم عليك وقال لي يرجوك انك تردي عليه لانه ما بييأس وبيتصل لك ..
وفاء سكتت ودمعة عيونها تكلمت:بس نايف هو اخوي واللي اقرب لي من ناصر حتى شلون مايحضر معاي اهم يوم عني يوم بيغير حياتي كلها..
نايف يغايظها ومسوي نفسه زعلان: يعني انا ما اكفيك ياوفاء ماهقيتها منك والله يعني الحين هو اخوك وانا لاا لكن ماعليه بروح ومابرجع لك بعد..
وفاء:ههههههه تعال لاتسزي نفسك ماقصدت كذا بس انا نفسي تكونون كلكم حواليني عشان مااخاف واتطمن..
نايف: لاتخافين عمري احنا معاك وبعدين عذري خالد السبب ظروفه هو ماتعمد هالشي وهو اصلا يتمنى وجوده معاك اكثر منك يمكن..
وفاء: خلاص نايف الراسله وصلت .. الا تعال شلون انت هنا مو عندك جامعه...
نايف يساسرها وكانه خايف حد يسمع: هربت من الجامعه..
وفاء:ههههههههههههه عنلااتك يالخام ماتدرس ابد ..
نايف: ملل والله..
وفاء: ممالت عليك اقول بس استنى لاتروح بروح ابدل ملابسي عشان توصلني بطريقك الجامعه وترجع جامعتك..
نايف: ان شاء الله عمتي أي اوامر ثانية؟؟
وفاء وكأن الدور مناسبها: لا سلامتك شكرا..
الكل:هههههههههه

******* ****** *** ** *** ****** ****

كوثر اللي صارت شاحبه زياده ويبان عليها التعب كانت في الصف جالسة جنب نرجس اختها والأستاذه تكلمها وهي ابد سرحانه..
دزتها نرجس على خفيف عشان تنتبه للأبله..
كوثر دارت لنرجس وبصوت خفيف قالت:شنو؟
نرجس طالعت في الابلة وانتبهت كوثر الى ان كل الأنظار عليها وهالشي ضايقها..
الأستاذة: شو فيك كوثر؟ تعبانه؟
كوثر: لا شكرأ ابله..
الأاستاذه عارفة ان كوثر ممتازة واكيد فيها شي يشغلها عن الدس: متأكده؟؟
كوثر: ايه ابله بس راسي يعورني شوي لكن اقدر اواصل الحصة..
الأستاه: طيب يله نكمل وحاولي تركزي معانا لأن هالدرس مهم ويجي منه في الأمتحان..
كوثر: ان شاء الله..
نرجس كانت متلومه من نفسها وزعلانه على الحالة اللي وصلت لها اختها وهي مقرره تسألها عن اللي مضايقها وتحاول بأ يطريقة تساعدها عشان ترجع لهم كوثر القديمه المرحه الحبوبة..!!
في حين كانت كوثر مقررة تقول لشهد تنسى حسين لأنه مامنه امل ولازم ماتخليها عايشة بوهم!
****** ****** ***** ********* ****

_badgirl_911 · 1-4-1427, 03:01 مساء

راشد كان فرحان.. بكرة ملشته.. وبكرة بيلتقي بأنسانه وبيتعرف عليها.. انسانه جديدة في حياته..مصمم انه يحبها ويسعدها ويعطيها كل حقوقها ويخليها تبادلة بالمثل.. وينسى الماضي المر اللي دخل الحزن والهم لقلبه.. بكرة بيشوف وفاء واخيرا وبيبتدي معاها حياه هانئة وسعيده مثل مايتمنى..
>> راشد كان باني بيت ورا بيتهم حللو ومجهز بأحدث التقنيات بس ناقص انه يفرشة ويأثثه والحين بيصير بيته هو ووفاء وبيخليها تأثثه مثل ماتبي..
هو بناه ايام خطيبته السابقة وكان يبي يفاجأها فيه بس الظاهر انها هي اللي فاجأته بطلب الأانفصال!!!<<

**** **** *

مشاهدة نتائج الإستفتاء: هل تستحق القصة التثبيت؟ (ارجو التصويت).
نعم	2	100.00%
لا	0	0%
استفتاء متعدد الإختيارات. المصوتون: 2. أنت لم تصوت في هذا الإستفتاء

27-3-1427, 05:19 مساء	#223 (permalink)
>>هيفا<< شخصية هامة تاريخ التسجيل: Feb 2006 الدولة: >>عمري الشرقية<< المشاركات: 4,716 مشاركات اليوم : لايوجد المواضيع: 15 الـردود: 4701	مشكوووووووووووووووووووووووووورة على التكملة ويلا برايك السبت بس نبي اكثر من جزء من مواضيع >>هيفا<< 0 بقاله المنتدى 0 لعبة السوبر ماركت 0 اسماء الزوجات في موبايلات الازواج 0 العثور على جنين في حمام مدرسة ابتدائية....؟ 0 امصعي اذن التمساح الي يعجبك فراشتي العزيزة 0 بليززززززززززز ابي مساعدتكم 0 بدك تنطرد من المدرسة ادخل وشوف 0 ولد العم &&قصه روووووعه 0 منعه الله من تصويرها 0 ممكن نرحبوا فيني ؟؟؟ 0 مزحة...جعلت اخ يقتل أخته... 0 اخطف اي عضو عند الرقم خمسة 0 عد للسبعة وارمي أي عضو من السطح توقيع >>هيفا<< [ فقط المشتركين فى المنتدى يمكنهم رؤية الرابط . اضعط هنا للتسجيل ... ] [grade="4B0082 800080 FF1493 008080 00008B"]اشكر اختي سوسنة الحب على التوقيع الحلو[/grade] [align=center]قصة حقيقية عاشها انسان مل من الصبر وعذاب الأيام ارتمى للحزن بأوراق واقلام وأشتكى بالحبر على اوراق الغرام بدايتها احبك ونهايتها دمعة من عاشق ولهان وكلمة اخيرة قبل الختام مشاعر حب لأغلى انسان[/align]

27-3-1427, 03:31 مساء	#221 (permalink)
_badgirl_911 ::كنز من كنوز القلوب:: تاريخ التسجيل: Mar 2006 المشاركات: 4,163 مشاركات اليوم : لايوجد المواضيع: 23 الـردود: 4140	مشكور اخوي ساحر القلوب على مرورك الحلو ولا تقطع عننا

27-3-1427, 04:45 مساء	#222 (permalink)
ام القمر ::قـلـب مـبـدع:: تاريخ التسجيل: Jan 2006 المشاركات: 384 مشاركات اليوم : لايوجد المواضيع: 34 الـردود: 350	مشكوره على القصه يله نستنا السبت علشان نشوف التكمله

28-3-1427, 03:59 صباحاً	#224 (permalink)
العصفورة* ::قـلـب فـعـال:: تاريخ التسجيل: Feb 2006 المشاركات: 105 مشاركات اليوم : لايوجد المواضيع: 0 الـردود: 105	مشكوره على التكمله

28-3-1427, 08:12 مساء	#225 (permalink)
زهرة البنفسجي شخصية هامة تاريخ التسجيل: Mar 2006 المشاركات: 815 مشاركات اليوم : لايوجد المواضيع: 10 الـردود: 805	مشكورة سلمت يداك وأخيرا حطيت لنا كم جزء يالله الحين كل سبت ابنتظرك تحياااااااااااااااااتي

28-3-1427, 09:06 مساء	#226 (permalink)
_badgirl_911 ::كنز من كنوز القلوب:: تاريخ التسجيل: Mar 2006 المشاركات: 4,163 مشاركات اليوم : لايوجد المواضيع: 23 الـردود: 4140	العفو يا ام القمر ومشكورة على مرورك

28-3-1427, 09:09 مساء	#227 (permalink)
_badgirl_911 ::كنز من كنوز القلوب:: تاريخ التسجيل: Mar 2006 المشاركات: 4,163 مشاركات اليوم : لايوجد المواضيع: 23 الـردود: 4140	العفو يا هيفا خلاص ولا يهمك بحطي جزئين

28-3-1427, 09:10 مساء	#228 (permalink)
_badgirl_911 ::كنز من كنوز القلوب:: تاريخ التسجيل: Mar 2006 المشاركات: 4,163 مشاركات اليوم : لايوجد المواضيع: 23 الـردود: 4140	العفو يالعصفورة

28-3-1427, 09:14 مساء	#229 (permalink)
_badgirl_911 ::كنز من كنوز القلوب:: تاريخ التسجيل: Mar 2006 المشاركات: 4,163 مشاركات اليوم : لايوجد المواضيع: 23 الـردود: 4140	ههههههههههههههههه الله يسلمك يا زهرة البنفسجي وانا كمان كل سبت بنتظر ردك

29-3-1427, 04:59 مساء	#230 (permalink)
Danmania ::قـلـب جـديـد:: تاريخ التسجيل: Mar 2006 المشاركات: 40 مشاركات اليوم : لايوجد المواضيع: 0 الـردود: 40	انشاء الله موعدنا كل سبت معاكي بس لا تنسينا وشكراااا

29-3-1427, 05:22 مساء	#231 (permalink)
_badgirl_911 ::كنز من كنوز القلوب:: تاريخ التسجيل: Mar 2006 المشاركات: 4,163 مشاركات اليوم : لايوجد المواضيع: 23 الـردود: 4140	لا ما انساكم موعدنا السبت انشاء الله

1-4-1427, 02:55 مساء	#232 (permalink)
_badgirl_911 ::كنز من كنوز القلوب:: تاريخ التسجيل: Mar 2006 المشاركات: 4,163 مشاركات اليوم : لايوجد المواضيع: 23 الـردود: 4140	الواحد والثلاثون.. الصمت والسكووت والدهشة كانوا اسياد الموقف.. بعد الكلام اللي قالته وفاء لريم وخالد.. الكل منصدم.. خالد قطع هالصمت وهو متفاجئ: عن شنو تتكلم وفااء؟؟ أي ملشة تقصدون؟؟ بدرية: ياولدي اختك امس تقدموا لها عرب زينين وايد واليوم بشرتنا انها موافقه!! خالد بقهر: وشلون انا ما ادري؟؟!! ناصر: لأنك ماكنت موجود من امس عشان تدري.. خالد: ريم شلون انت تدرين وتبين تروحين معاي وتتركين اختك اللي محتاجه لك الحين اكثر من أي وقت ثاني؟! ريم بعد كلام وفاء كأنها تذكرت شي ناسيتنه فقررت في قرارة نفسها انها مهما كان لازم تضل مع اختها تساندها وبعدها تشووف طريقة مع موضوع خالد فقالت بهدووء: خلاص اختي اولى من اني اروح مكان ابي اروحه ومثل ماوقفت معاي انا بوقف معاها.. عن اذنكم بروح غرفتي.. خالد يحس بتعب فضييع: ااه ياخالي شو اسوي الحين الكل عاتب علي ريم من جهه ووفاء من جهه ونايف اللي مابين لي شي متضايق ومع هذا طموحي في جهه..!! سعود: خالد ياولدي ماعليك منهم الحين هم منصدمين كثر مايحبونك ومتعودين على شوفتك فما يتصورون ان الشهر ونص قصيرة لكن مع الوقت بيتقبلون انت لازم تبني وتثبت نفسك الحين عشان تقدر تعرس بعد شهرين ولا بتظل معتمد علي ههه هااه ؟؟>>قالها اغاظة له..ومزح.. خالد مبتسم ومرتاح من كلام خاله شوي: ههههههه لا اكيد ابي اعرس وانا معتمد على نفسي.. ناصر: صج اني اتضايقت في البدايه بس كلام ابوي هو الصح والله يوفقك ياولد عمتي.. خالد: تسلم نااصر.. تكلمت ليلى اللي كانت تتابع بصمت ولا كأنها موجودة: طيب ووفاء ياخالد؟؟ شلون بتغيب عن اهم يوم في حياتها؟؟ انت ماتدري شكثر هي تحبك؟؟! خالد يطالع ليلى اللي يبان خوفها على وفاء بعيونها: انا مظطر يااختي شسوي وبعدين هي الا ملجه ان شاء الله بحضر عرسها الأهم من كل هذا .. وانا بروح لوفاء الحين بكلمها وبقنعها بعد.. عن اذنكم.. الكل: اذنك معاك.. ركب خالد لعند غرفة وفاء وطق الباب.. خالد: حبيبتي وفااء فتحي الباب.... لما ماردت وفاء.. خالد: وفااء ياحبيبة اخووك خالد فتحي الباب .. يله عااد لاتخليني واقف واايد ريولي عورتني.. وفاء ماترد عليه وكانت تصيح بقووه وهو يسمعها تصيح وقلبه يتقطع عليها.. خالد: وفاء لاتصيحين حياتي والله مايستاهل الموضوع تصيحين كذا.. وفاء انقهررت: مايستااهل ياخاالد !! ماهقيتها منك والله في حياتي ماتصورتك تقول ان يوم ملشتي شي مايستاهل !! ممكن كنت اتوقعها من ناصر بس انت..! للأسف خيبت ظني.. > وكملت صيااحها.. خالد: لا وفاء مو هذا قصدي وفاء فتحي الباب خليني اكلمك.. وفاء: روح خالد روح مالي مزاج اكلم حد.. خالد راح بعد ماعجز منها لانه عارف عنادها اللي مو طبيعي وعارف انها مستحيل تفتح له الباب.. * * *** * * * بيت ام راشد كانوا كلهم يتعشوون ماعدا كوثر اللي مابغت تقول مالها نفس وشبعانه .. رن التلفون وقامت ردت عليه: الو مرحبا.. بدريه: مرحبتين هلاا بنتي.. كوثر: هلا فيك خالتي .. بدرية: هنا امك؟؟ كوثر وهي تطالع في امها: ايه قاعده تاكل.. بدري: خلاص لاتقومينها خليها تاكل بس بشريها قولي لها تقول لك خالتي بدرية مبرووك ان شاء الله البنت وافقت والملشه مثل مااتفقنا الخميس.. كوثر مستانسة: ان شااء الله خالتي الله يبشرك بالخير .. بدرية: يله حبيبتي مع السلامه وسلمي عليهم كلهم.. كوثر: الله يسلمك.. مع السلامه.. نوار: منو في التلفون يمه؟ كوثر: يمه هاذي خالتي بدرية تقول لكم مبروك البنت وافقت والملشة مثل ماتبون يوم الخميس.. راشد رفع راسة وكانه متفاجأ هو كان يدري ان بيسمع شي من هالقبيل لكن الظاهر شعور الرفض عنده تكرر فتعود عليه.. كانت عيونه بلمعتها مبينه شكثر هو فرحاان.. نوار: الله يبارك فيها .. هاا رشوود مستانس؟؟ حسين: هه مبروك رشوود .. راشد: ههههه الله يبارك فيكم تو الناس الله يتمم على خير.. نوار: ايه بارك لاخوك دورك جاي بعده ان شاء الله.. حسين تغيرت ملامحه كأنه خاايف: ها يمه شقلتي لا ماسمعت.. الكل:ههههههههههههه نوار: سمعت ولا لا مو شغلي بنخطب لك بعد اخوك بفترة عشاان ارتاح انا.. كوثر: ايه صج حسوون خذ شهودة مابتلاقي احسن منها.. نرجس: صج والله.. حسين وهو يأشر براسه ان هالسالفه منتهية ومافيه كلام فيها: لا حبايبي انا اللي اختار منو ابي مو انتوا >> وكانت في باله انسانه مهذبه خلوقه مثل ليلى.. نرجس حست باللي في باله بس تضايقت لانها تعرف بحب شهد له.. نوار: صدقهم شهد واايد حللوة وخلووقه ياولدي بس صغيرة عليك احين مايصير اخوكم الصغير زوجته اكبر من زوجة اخوكم الكبير.. الكل سكت كوثر زعلانه عشان شهد بس ما باليد حيله..ولازم توعيها من احلامها لأن ارتباطها بحسين شكله مستحيل.. وهي لازم تتقبل واقعها.. * ** * * *

1-4-1427, 02:56 مساء	#233 (permalink)
_badgirl_911 ::كنز من كنوز القلوب:: تاريخ التسجيل: Mar 2006 المشاركات: 4,163 مشاركات اليوم : لايوجد المواضيع: 23 الـردود: 4140	جنان لما بلغوها انهم بيروحون مكة فرحت بس تضايقت يوم درت ان حسام بيروح معاهم.. ورغم انها مستانسة انها لأول مره بتسافر مع بنات غيرها مو بس لحالها .. * * ****** مر هاليوم واشرقت شمس يوم الثلاثاء واللي متضايق واللي مرتاح وكذاا.. البنات راحوا دواماتهم.. وخالد اتصل في الشركة وبلغهم انه مابيداوم لأنه يبي يجهز اغراضة وهم رخصوه.. اتصل لريم الحزينه وقال لها بيمر عليها عشان يروح بيتهم ويجهز شنطته وهي تساعده.. البنات التقوا مع هيفااء في الجامعه وارتاحوا لشوفتها بخير ووفاء خبرتهم انها وافقت والكل بارك لها .. جنان التقت ببدور وقالت لها انها بتروح مكة وهاذي قالت لها تدعي لها عند بيت الله انه يحل مشكلتها وتلتئم عايلتهم من جديد عشان تقدر تكمل خطبتها للي تحبه..وجنان طمنتها انها بتدعي لها من صميم قلبها..وقبل ماتطلع من دوامها خذت اذن من المسؤوله انها مابتحضر بكرة عشان بتسافر مكة ورخصتها المسؤولة بسهوله لعلمها انها من الطالبات المجدات والممتازات .. * * * * * * العصر في بيت ام عبير.. كانت دانه جالسة جنب امها اللي باينه عليها اثار الحمل واايد ومحللوة بدبتها هههه رغم ان يبان بعد شكثر هي تعبانه .. الحين هي في شهرها السادس تقريبا.. دانه وكتبها ودفاترها حواليها وامها تدرسها .. واحلام كنت منسدحة وتفكرر.. فجأة قامت واتقربت من امها..وهي متجاهله يدتها الي قاعده تسمع راديوا جنبهم.. احلام: يمــه.. ولما ماردت عليها امها عادت: اوه يممممه ؟؟ هدى: ها شو تبين؟؟ احلام: ابي استـأذن منك بشي و ياليت ماترفضين.. هدى:شو تبين ؟ وتكلم روحها: الله يستر.....! احلام: يمه بكرة الربوع انزين وانا ابي اطلع اغير جو وقلت بروح اتمشى في الحديقة شوي وباخذ معاي دانه عشان تلعب بعد وبتفق مع رجاء صديقتي تروح ونتونس شوي.. هدى: طيب روحي شتبن اسوي لك يعني قولي لأبوك وان وافق روحي.. فاطمة: صدق بنات جيل فااسد احنا نعنبو الدنيا كنا مانعتب من الباب وانت تبين تروحين لارقيب ولا حسيب.. احلام: انا مو رايحه اتصيع يدتي رايحه اتمشى.. هدى: الله يهداك عمتي شو بعد بدون رقيب وحسيب احلام عاقلة وفاهمة ومتربيه ماتسوي الغلط ان شاء الله.. احلام واايد تأثرت من كلام امها وماعرفت شو تسوي... ماتبي تزعل نايف ومثل ماقال بيكون الوضع عادي كلها 5 دقايق اللي بتوقفهم معاه وبترجع على طوول.. دخلت عليهم عبير: سلاامي عليكم.. الكل: وعليك السلاام.. فاطمه: هلاا بنيتي هلاا بالقمر المنور عبير وهي تبوس راس يدتها: انت القمر اماايه الله يخليك لناا.. هدى: ها عبير تغديتي؟؟ عبير: ايه يمه الحمد لله..صج بقول لكم وفاء انخطبت وملجتها يوم الخميس.. احلام: صج مبروووك والله انها تستاهل.. هدى: منو اخذت؟؟ولد ام راشد؟؟ عبير : ايه يمه والله استغربت يوم شفت ام راشد هناك.. هدى: بعد الريال يبي يعرس ماخذك بياخذ غيرك..الله يوفقها وفاء بنت تستاهل كل خير.. فاطمة: خووش والله الله يسعدهاا.. الكل: آمييييين.. * * ** ***** * ليلى حاولت تتصل في سالم بس مقفول جواله وهم جوال جنان مقفول: اكيد مشغولين بروحة العمرة خلاص لما يردون بقول له.. كانت جالسة في الصاله مع بدرية ومع هادي بس ووفاء فوق بعدها متضايقة عشان سفر خالد عنهم وريم مع خالد للحين..وناصر في داره يكلم عبير .. رن تلفوون البيت والكل متملل يرد قامت بدرية وردت: الو مرحباا السااع .. منير: مرحباا فيك بنتي مرحباا ملااين.. بدرية واتجمعت الدموع في عيونها: هلااا يبه هلاا فيك شلوونك يبه وشلوون امي ولهناا عليكم.. >> ليلى من سمعت هالطاري فز قلبها وحست بشعوور غرييب وعلى طول طاحت دمعاتها اللي حبستهم وايد.. منير: هههه وحده وحده يابدرية احنا بخير الحمد لله ولهانين عليكم..انتوا شخباركم.. اولادك وخواتك كيفهم؟؟ بدرية ماقالت لأبوها عن الحادث اللي صاب ناصر بس ماتبي تقلقه: الحمدلله يا يبه ناصر خطب من كم يوم ووفاء انخطبت وملجتها يوم الخميس.. منير ودموع الفرح بعيونه: الله يوفقهم ان شاء الله ويسعدهم.. بدرية:وامي يبه شلونها ؟ وش قالوا لكم المستشفى؟؟ منير والحزن باين في صوته على حبيبة عمره: ااه يابنتي والله مثل حالها ماتغير شي الامل واايد ضئيل بس ما اقول الا الله يريحها .. بدرية دموعها اللي حابستنهم طاحوا على خدها: الله يحفظها ياارب .. منير: وشلون ام سالم؟ وليلى الغاليه؟؟ بدرية توها تنتبه لليلى اللي قاتلة عمرها من الصياح وتبي تكلم ابوها بسرعه:طيبين يبه هاذي ليلى كلمها.. ليلى وهي تصيح بعدم تصديق وتبي تتأكد ان ابوها صج متصل قالت: بابااا ؟؟ هئ هئ هئ >> صيااح وشهقات متتالية !! منير: يقلب باابا انت حبيبتي اشتقت لك شلوونك؟؟ ليلى انفجرت صيااح : بابا انا اشتقت لكم ومفتقدتكم وايد ليه مااتصلتوا من زماان وانا احااتيكم شلونها ماما هئ هئ ؟؟ منير وهو يصيح من قلب صج انه افتقد بناته كلهم بس ليلى غيير لأنها دلوعتهم واللي صارت شبه وحيدتهم بعد ماتزوجوا خواتها : لأن الخط توه بس صار مفتووح كانت الشبكة مزحومه في منطقتنا وتونا محصلين مكان ثابت لنا.. وامك بخير يابنتي لاتحاتين.. ليلى بحزن: بابا لاتخبي علي انا مو الصغيرة اللي ينقص عليها وانا عارفة الوضع؟ منير بحززن فضيع وهو عارف بأنه لامحاله بيخسر زوجته : مافي فاايده يابنتي امك خلااص بنخسرها وقام يصيح مثل الطفل..>> لاتلومونه هاذي زوجته وبينهم عشرة عمر ومحبه .. ليلى تأثرت: بابا حبيبي لا تصييح ادعي لها بالراحة والله يرحمها عايشة ولا ... وماقدرت تكمل بهالبرود وصااحت .. وقالت : وينها ابي اكلمها ؟؟ بابا متى بترجعون اشتقت لكم رجعوا الله يخليك..الكل مفتقدكم بابا وفااء تصيح تبيكم تحظرون معاها ملشتها .. الكل يبيكم ليش انتوا مبتعدين داام النتيجه وحده..! منير وهو يتقطع من داخل: ليلى عمري انا الود ودي ارجع اليوم قبل بكرة بس لازم نخلص علااج هناا وبعدين بنرد.. وامك الحين تتلقى علاجها بعد ساعة كذا بتكلمكم.. ليلى: بابا اوعدني تتصل لي كل يوم انا ماصدقت اسمع صوتك لا تقطعني .. منير: ولايهمك ياقلبي انا بكبري ماقدر استغني اسمع صوتك كل يووم وهذا الرقم كتبيه واتصلي متى مابغيتي تكلمينا.. ليلى: احبك بابا واايد احبك واحب ماما وسلم لي عليها ومن ترتاح قول لها تتصل.. منير: واحنا نحبك اكثر وانت تدرين ياعمري وسلمي على وفاء وناصر وسالم وجنان وامهم وزوج خالتك .. وانتبهي لنفسك عدل.. ليلى: ان شاء الله يوصل.. مع السلامه.. وسكرت وهي تمسح دموعها وبدريه تغالب دموعها الباقيه من انها تنزل .. وهادي صااح بعد بس سكت شوي.. نزلت لهم وفاء وشافتهم ينعرف من اشكالهم انهم كانوا يصيحون ... خاافت.. حست بشي صاير.. وفاء: شفيكم؟؟يمه شصااير؟؟ ليلى شحقة تصيحين كذاا؟؟ هادي: يدي منير اتصل من شوي.. وفاء : هااااا ؟! وبحزن:ليه ماناديتوني اكلمه؟ وقامت تصيح.. ليلى: خلاص وفاء لاتصيحين هم بخيير وهذا هو الرقم قومي كلمي اذا تبين.. وفاء ارتاحت يوم درت انها تقدر تتصل.. وفاء بلهفة خذت الرقم ودقته باصابع مرتجفه.. منير: السلام عليكم.. وفاء وهي دموعها تنزل عشانها سمعت صوت يدها المطمئن: وعليكم السلام هلا يدي شخباارك وحشتوني مووت.. منير مستانس يعرف شكثر تحبهم وفاء مثل مايحبونها مثل ليلى وشلون ماضيعيت ولا دقيقة واتصلت لهم: هلااا بنتي وفااء هلاا والله انك واحشتني اكثرر..شمسويه؟؟ وفاء: انا بخير يدي انت شحالك؟ ويديتي مشااعل شلونها..؟؟! منير: احنا بخيير الحمدلله .. ايه صج مبرووك يابنتي .. وفاء : ههههه والله تمنيتكم معاي يدي مو قادرة اتصوركم بعيد عني.. منير: قلوبنا معاك بنتي مو بعييد لاتغلطيين.. وفاء: يدي تذكر يوم قلت لي انت ويدتي اذا انخطبت بترزفون وترقصوون يله ابيك تنفذ كلامك؟؟>>بمزح قالت هالكلام.. منير: ههههههه ايه اذكر بس يابنتي راحت علينا خلاص.. يدتك ماعندها قوه وانا خلاص شيبت مافيني ع الرقص.. وفاء عارفة ان يدتها قريب بتتركهم لأنه السرطان كفانا الله الشر وكفاكم مايرحم :اه وينها يدتي ابي اكلمها مشتااقه لها واايد.. وفاء: عندها علاج بعدين هي بتكلمكم واكيد بتفرح عشاانكم وانت بعد سلمي على الكل... وفاء: الله يسلمك يدي وبوس لي راسك وراس يدتي نيابة عني.. منير: ههه طيب ولا يهمك يله مع السلامه... وفاء: مع السلامه.. بعد هالمكالمات قعدوا كلهم مرتاحين ومتطمنين .. بدرية: ها وفاء شو تبين عشان يوم الخميس؟؟ وفاء: مثل ايش يمه؟؟ ليلى: يابنت بلا ذكاء زايد فتحي عقلك ملشتك يوم الخميس.. وفاء بتفكير: طيب واذا؟؟ بدرية: هاذي اللي بتجنني..يايمه شي اكيد ان راشد بيطلب يشوفك ولازم تلبسين شي حلو وبسيط عشان في الحفله تصيرين غير... فاء بسرحان وهي تضحك: تصدقون توني منتبهه انه اسمه راشد.. الكل:هههههههههه وفاء: عادي يمه عندي الثوب البطيخي الي خذته من السعودية اخر مره رحنا فيها وبعده جديد ماصارت مناسبة البسه فيها لانه ناعم وماناسب خطوبة اخوي .. بدرية: ايه صح حلو خلاص يفي بالغرض.. والمكيااج؟؟ وفاء: عادي بحط لي انا لأني مابي شي مبالغ فيه.. ماصارت ملشة هي مو الحفلة.. ليلى: ههه الله يهديك بس.. ** * * * * ** *

1-4-1427, 02:57 مساء	#234 (permalink)
_badgirl_911 ::كنز من كنوز القلوب:: تاريخ التسجيل: Mar 2006 المشاركات: 4,163 مشاركات اليوم : لايوجد المواضيع: 23 الـردود: 4140	عبير كانت تسوولف مطولاً مع نااصر اللي منعزل في غرفته لأنه يكلم عبير وتوه مسكرر .. كانت عبير بتروح غرفتها تنام شوي لما صاح التلفون مره ثانيه راحت رفعته: الو هلاا زهرة: اهليين هلاا عبيرووه القااطعه.. عبير:هههه هلاا زهوور شسوي والله منشغله.. زهرة: ايه بعد انخطبت وخلاص عاد اربع وعشرين ساعه لازقه في خطيبيها..هههههه عبير انصدمت وفهمت انه مقلب:هههههه خسك الله لا والله بعد الجامعه المهم انت شخباارك؟ زهرة:بخير الحمد لله انت كيفك مع حياتك الجديدة؟؟ عبير: تمام ماشي الحال.. زهرة: هاا وينها احلام؟؟ عبير: احلام دخلت غرفتها بتنام شوي عشان تقعد وتذاكر.. زهرة: اهاا وبتردد ملحوظ قالت: امم عبير.. انت .ما..؟ وسكتت. عبير: وشو فيك زهرة قولي ليه خايفه؟؟ زهرة: مو خايفة بس كنت ابي اسألك : انت ماتلاحظين ان احلام متغيرة عن قبل؟؟ عبير باهتمام وتفكير: شلون يعني متغيرة؟ زهرة: مادري بس اقصد تصرفاتها ..عاداتها ؟؟ عبير: امم تصدقين للأسف اني من انخطبت صج انشغلت وماصرت اهتم في احد لكن مشكورة انك وعيتيني لهالنقطة بس انت شو اللي خلاك تسأليني هالسؤال؟؟ زهرة تورطت ماتقدر تقول لها وتسبب لاحلام مشاكل: هااه لا بس يعني انا احسها وايد متغيرة..خصوصا من صارت دووم مع رجاء.. عبير: ايه يالغيورة ههههه الحين عرفت السالفة.. زهرة بحزن واضح: ماعرفتي شي اصلا انت ماتدرين ان رجاء هاذي مو زينه ابد .. سمعتها خاربة عند الكل.. عبير: اها خلاص انا بحاول اشووف تصرفات احلام واشووف اذا متغيرة ولا لا وبحذرها من رجاء هاذي طيب يله بااي زهورة.. زهرةبفرح خفيف: شطوووره ..باي باي.. وسكرت عبير وهي تذكر ان احلام ماكانت تحب الجلسة في غرفتها هالكثر والحين العكس دووم في غرفتها وماصارت تتهاوش مع يدتها واايد اكيد في شي يشغلها وقررت عبير تراقب احلام وتصرفاتها نوتشوف شو بيصير..!! ** * * *** **** * * * اريج بعد مارجع محمود من شغله وتغدى ودخل ينام ويريح شوي قامت واتصلت في حسين قالت له يزورها لأنها تبيه في سالفة.. حسين متعود على اريج ومتعود دوم على انها اكثر وحده تهتم فيه وفي تفاصيل حياته واكيد الحين مطلعه له سالفة جديدة وتبي تكلمه وتقنعه فيها راح بيتها وهو مستسلم لها ومرتاح بعد.. حسين: هاا وينه زوجك ؟؟ هالقاطع! اريج:هههه حرام عليك نايم يرجع من شغله تعبان وينام مايمديه يسوي شي.. حسين:ههه زين ماعلينا منه وينها كرتونتك عجل؟ اريج:هههه تلعب في غرفة الأالعاب هناك .. حسين: ااه طيب ماقلتي لي اختي المصون شو سبب استدعائك المفاجئ هذا لي؟؟! اريج:ههههه زين يا اخوي العزيز بقول لك بس انت هدي نفسك وابيك تسمعني عدل وتفهم كلامي .. وتفكر عدل تفكير منطقي.. حسين حس بجدية الموضوع: اوكي كملي.. اريج: شوف حسين انا ملاحظة انك متغير واايد عن قبل .. صرت ماتطلع مع ربعك هم ههه ماتروح المجمعات عشان تغازل مثل قبل وصرت واايد بيتوتي وماتطلع من غرفتك وايد ممكن اعرف سبب مقنع لهالأشياء كلها؟؟ حسين مو عارف شو يرد عليها اللي في قلبة مايعلم به غير رب العالمين فقال لها: تقدرين تقولين ان الناس كلها تتغير من وقت لوقت.. اريج: طيب بس انت قطعت اشياء وايد تحب تسويها رغم انك تقدر تسويها.. حسين بالم: اريج انت ماتدرين باللي فيني انا صرت مسؤؤل الحين عن امي وخواتي وبفضي نفسي لهم وللي هم يحبونه مو اللي انا احبه.. اريج: حسين انت بعدك تحس بالذنب صح؟؟ حسين ماجاوب بس هي فهمته .. وقالت: حسين اللي صار قضاء وقدر مكتوب واستغفر ربك ولا تسوي كذا بنفسك حاول انك ماتحسس روحك بالذنب لأن الذنب مو ذنبك وانا اقول لك اياها ترى الذنب ذنب امي وابوي الله يرحمه لأأنهم ماخبروك الا لما مات ابوك الله يرحمه.. حسين سااكت مايرد بس قال بضعف: بس انا الي سببت له الجلطة اللي خذته منا كلنا هو رباني ومافرق بيني وبينكم وانا ربيت على ايده وانا اقول له يبه ومو حاس انه مقصر معاي في شي وماكنت افكر حتى بالشخص الأخر اللي يسمونه ابوي الحقيقي..لكن يوم قالوا لي انه مات قبل اسبوع واحنا كنا عارفين انه عايش بس قلنا لك مات عشان ماتبتعد عنا عصبت وحسيته سبب تافه عشاان يخبون علي ان ابوي عايش وقلت اللي قلته في وجه ابوي خليل الله يرحمه وصار اللي صار.. اريج: كلامك صح يا حسين وانت ماتنلام بس اللي ابي اعرفه انت عصبت يوم دريتانه ابوك كان عايش وانت ماشفته لأنهم خبو عنك هالشي بس بعدها ماحاولت تزور قبرة ولا تطلب صورته تشوفه ولا حتى انك تشوف لو كان عندك اخوان او خوات منه .. ليش ماتحاول تعرف عنه شي؟؟! بسألك: من رجعت الحين كم مره زرت قبر ابوي خليل؟؟ حسين بصوت مخنوق: تقريبا اكثر من 15 مره .. اريج: وابوك الحقيقي كم مرة؟؟ حسين: ولا مرره اريج: ليش؟؟ هذا مهما كان بعد ابوك ليش ماتزورة؟؟ حسين: بس هو ماافتكر فيني طول مهو عايش ومافكر يزورني ؟!! اريج: بس مهما سوى هو يضل ابوك؟! حسين:مادري اريج انا احس اني كذا اخون ابوي خليل لأنه بسبب انسان ماسأل عني ولا اهتم لي تسببت بقتل اللي رباني..ودمعت عيونه.. اريج بتصميم: لا ياحسين لااا انت لازم تزور قبر ابوك لو مره في حياتك!! وعلى فكرة صج ان امي متطلقة منه بس هي كانت محتفظة بصورة له عشان لو طلبت منها يوم توصفه لك تعطيك الصورة بس انت ماطلبت منها وهي مابغت تطلعها دون ماتطلب انت..هو صج ظلم امي وظلمك بس لازم تروح تزور قبرة وتشوفه عشان تسوي فيه خير لأنه ابوك وعشان اولادك في المستقبل يسون فيك خير مثل ماسويت انت لأبوك حتى لو مااهتميت فيهم ..!! حسين: خلاص يا اريج ان شاء الله بروح ازورة يوم الجمعه ولما ارجع بشوف الصورة عشان ماينقال اني عااق لأبوي اللي هو اصلا ابوي بالأسم بس..! اريج: الله يهديك يا اخوي.. حسين: مشكورة اريج انت دوم تنبهيني لأشياء واايد انا ما افكر فيها دووم تريحيني انا فخور ان عندي اخت مثلك لو ماكنتي في حياتي مدري شكان بيصير فيني.. اريج ابتسمت: لاشكر على واجب حبيبي.. ريهام دخلت لهم تركض: ماما ماما سوفي سويت صوره.. اريج تطالع في الصورة اللي في ايد بنتها وهي مخربشة على وجهها بقلم حبر ازرق وصايرة تضحك:ههههههههه .. حسين: شسويتي باللعبة الله يغربلك.. اريج:ههه ريهام عيب ماما يعني لو انا خذت القلم وخربشت في وجهك كذا تصيري حلوة؟؟ ريهام بخفيف: لا اريج: عجل ليه تخربشي وجهه الصورة ماتعيديها مره ثانية مفهوم؟؟ ريهام: مفهوم.. والتفتت لحسين: اقول لك انت احو لاسد صح؟؟>>انت اخو راشد حسين اللي مافهم شي:هههه صح ريهام: وينو حالي مازاب لي سوكلاته النساب..! >> وين خالي ماجاب لي شوكلاته النصاب؟ حسين:ههههههه نصاب بعد بكرة بيجيب لك.. ريهام: وانت سكلك لزييل ماتستري لي!! >>وانت شكلك رزيل ماتشتري لي! حسين يمثل دور المعصب بمزاح:هااه انا رزيل ماعليه لكن يله باي زعلت من بنتك ياريج مابجي بيتكم مرة ثانية.. الكل:ههههههههه ** * *** ** ** * ريم مع خالد في بيتهم توهم مخلصين تجهيز اغراض خالد في الشنط وملابسة وكل ضرورياته وبيروح هناك وبياخذ له اكل..وكل شي يحتاجه.. خالد: يله ريم نروح بيتكم بسلم على الكل عشان باقي 3 ساعات وتطير الطيارة لازم اوصل قبل ساعه المطار.. ريم ودمعتها في عيونها:يله.. خالد: ريم.. .. ريم طالعيني ..! ريم طالعته.. خالد: ريم لاتصيحين اسبوعين وانا عندك ان شاء الله ولما تستقر اموري هناك يمكن اخذك معي بس الحين لازم تبقين عشان وفاء اللي للحين زعلانه علي.. ريم: ان شاء الله خالد.. تروح وترجع بالسلامه ان شاء الله.. خالد: ان شاء الله وكل ساعة بتصل لك بخليك تملين مني هههههه ريم:ههههههه وباسها على خدها بهدوؤ.. بعدها راحوا ريم وخالد ونايف بيت ابو ناصر.. هناك كانوا كلهم قاعدين في الصاله .. سعود..بدرية..هادي..ليلى..ناصر..وفاء..وخبر اتصال الجد منير انتشر والكل تطمن عليهم .. دخلوا خالد ونايف وريم .. خالد انظارة على وفاء اللي من شافته قامت ركبت غرفتها.. خالد: يله جاي اسلم عليكم بروح الحين.. وسلم على الكل ماعدا وفاء اللي رفضت تطلع له او تسلم عليه وراح وهو متلوم بس الظروف لها احكامها .. وصله نايف المطار.. ونزل عشان يروح يخلص اجرائاته بعد ماوصى نايف على وفاء اختهم الوحيده واللي يحبونها من ايام الطفولة وربت بينهم وربوا بينها مثل الاخوان واكثر ووصاه يستسمح منها ويسلم عليها ويقول لها انه مابييأس من الأتصال فيها ولازم ترد عليه.. وراح وهو متطمن من باقي النواحي.. * *

1-4-1427, 02:59 مساء	#235 (permalink)
_badgirl_911 ::كنز من كنوز القلوب:: تاريخ التسجيل: Mar 2006 المشاركات: 4,163 مشاركات اليوم : لايوجد المواضيع: 23 الـردود: 4140	اما بدرية حاولت تتصل في اختها عشان تبشرها عن امها وابوها وعن وفاء وتعزمهم رغم انهم مستحيل يجون الملجة عادة مايجون الا حفلة الخطوبة بس مالقتهم دوم الخدامه ترفع وتقول لها انهم طلعوا...>كانوا يجهزون اغراضهم لأنهم من الساعه خمس الصبح بيروحون المطار ** * **** * *** * .... يوم الأاربعاء .... الساعه خمس الصباح كانوا جنان وسالم وامهم في السيارة متوجهين للمطار عشان بيتلاقون مع قوم بيت حسام هناك.. ووصلوا على الساعه خمس وعشرين دقيقة وكانوا واقفين يخلصون الاجرائات الأاوليه عشان الطيارة.. ** * * * ** * ***** * وفاء ماراحت الجامعه مع ليلى الصباح لأان ماعندها محاضرات الا الساعه 9 ونص ومابتروح الا الساعه 9 عشان ماتزهق هناك .. وهي كانت قافلة جوالها عشان ماتضعف وترد على خالد لو اتصل.. فتحته ولقت مسج من نايف اخوها يقول: ** وفاؤوه يا الة من متى وانا اتصل وانت قافلة الجوال.. من تشوفين المسج اتصلي لي أي اكلمك وابارك لك ههههااي... * * ابتسمت وفاء هذا هو اخوها نايف شقي وشيطان وطيب وحبوب وعمرة مايحب يبين مشاعرة تجاه احد.. صج يحبهم بس يبين حبه لهم بالشتايم والسب ههههه.. بس ما اتصلت لأنها تدري انه احين بالجامعه قالت بتتصل له بعد ساعه..يكون فاضي يمكن.. * * * * عبير الصباح قبل ماتروح الجامعه وبعد ماراحت احلام المدرسة .. دخلت غرفة احلام وراحت تدور جوالها وشافته تحت المخده بس مقفول حاولت تذكر رقمها السري وعرفته لأنها ماغيرته من اول ماشترت الجهاز وحطوا له رقم سري..ودورت فيه رسايل وارقام كان كل شي فيه طبيعي مافيه شي يسيء لأحلام .. بس مايأست لازم تعرف شو سر هالتغيير اللي في اختها ولو اظطرت انها تسألها شخصياً..!! * * * * *** لما كانوا قوم سالم يتابعون الأجرائات وصلوا قوم حسام... دخل حسام وجنبه امه ووراهم خواته ايثار ومناهل.. وكانت مناهل تساسر ايثار وهي تضحك وتطنز: مو مصدقه اني بكون في طيارة وحده مع سالم هههااي.. ايثار: ههه غربلك الله عيب يابنت تأدبي.. مناهل: شوو خليني اعبر عن مشاعري لأني صرااحةً ما اصدق اصلا ان عند اخوي صديق اسمه سالم فالحين هي لحظة الحقيقة.. ايثار:هههههههه انت مابتجوزين من هالسوالف .. ووقف حسام قدام سالم وسلم عليه.. حسام: شلونك خالتي؟؟ ام سالم: بخير ياولدي عساك بخير؟ حسام: بشوفتكم والله..>> واسترق نظرة لجنان البعيده كليا كانت تطالع في جهته صج لكن سرحاانه.. ام سالم: اقربوا حياكم.. ام حسام: هلاا والله بأم سالم اخيرا ليقناكم شعلومكم شخباركم؟ ام سالم: بخير الحمد لله.. ودزت جنان اللي توها منتبه لوصولهموقالت لها: سلمي عااد.. جنان بخجل: هلاا شلونك خالتي عساك طيبه.. ام حسام رق قلبها لها وهي تسمع صوتها الرقيق: بخير يابنتي انت شلونك؟؟ جنان: الحمد لله..شلونكم بنات ان شاء الله بخير؟ ايثار: تمام الحمد لله.. مناهل: بخير طبعا دام اخيرا شفنا سالم المصون.. ايثار:ههههه ام حسام: اوه مناهل تأدبي عيب.. جنان:ههههههه ليش؟؟ ايثار: ماشي بس هاذي هي مو مصدقه انه في شخص اسمه سالم يعرف اخوي من زمان لأنها ولامره شافته..فالحين صاير عندها معجزة.. الكل:هههههههههه سالم تقرب منهم ومعاه حسام : افا ياخالتي ماسلمتي علي!! ام سالم: طالع هذا مو المفروض انت اللي تسلم مو هي اللي تسلم.. الكل:ههههههه ام حسام: لا شدعووه عزيز وغالي شلونك ولدي؟؟شلون الشغل معاك؟ سالم: بخير خالتي الحمدلله انتوا شو مسوين ان شاء الله كل شي عندكم اوكي وجاهزين للسفر؟؟ ام حسام:ايه الحمد لله.. وراحوا يخلصون اجرائات مع بعض والأمهات يسولفون والشباب يسولفون بس البنات يستحون تعرفونهم ههااي بعدهم ماخذوا على بعض... بس ان شاء الله بياخذون.. *** *** **** * وفاء اتصلت على نايف اللي ماطولها وقال لها يسكتها انا جاي لك الحين بيتكم.. وفي عشر دقايق كان الجرس يدق.. فتحته وفاء بسرعه عشان ماتصحي امها من النوم.. وفاء: ادخل ادخل يالسبال شو فيك خوفتني..! نايف: الناس تقول تفضل..صباح الخير وانت سبال مره وحده..؟! وفاء ابتسمت: سووري ماي بروذر اتفضل.. صباح الخير.. نايف وهو مبتسم ابتسامه عريضة:صباح الورد والسكر ياسكر.. وفاء: احم طبعاً طبعاً وش فيك نيووف؟؟ نايف: اممم مبروووك خيتوو واخيرا بتصيرين مره وفاء قفطت:ههه الله يبارك فيك وانا مره من زمان يالياهل انزين..وبحلست عليه نايف: انا ريال قوي بعد >> كانوا من صغرهم يتهاوشون كذا انا مره وانا مو يهال الكل:هههههههه نايف: ايه قلت انا الله يعين ريلك هذا اللي بتدلعين عليه ليل نهار الخوفه يردك لنا من ثاني يوم.. وفاء انقهرت: لا والله احلف اقوولاطلع برا بيتي جاي وتهينني بعد شو يخصك قاعده على قلبك انا ؟!! نايف يدري انها تطنز فضحك وقال بأسى: ايه يابنت الناس قاعده على قلبي حبك خانقني مو قادر اتنفس منه .. وفاء:هههههههههههه غربل الله بلييسك.. نايف:هههه عشان تعرفين اخوك حركاات.. وفاء:ايه اعررف انا انك حركاات خصوص يوم بتلاحق البنات ياللي ماتستحي.. نايف يغير الموضوع: ماعلينا انا عندي لك رساله..!! وفاء: رسالة؟! من منو؟؟ نايف: سمعي يااختاه ترى خالد سافر وهو وايد متضايقانك ماسلمتي عليه ولايم نفسه بعد حرام عليك رحميه هو قال لي استسمح له منك واسلم عليك وقال لي يرجوك انك تردي عليه لانه ما بييأس وبيتصل لك .. وفاء سكتت ودمعة عيونها تكلمت:بس نايف هو اخوي واللي اقرب لي من ناصر حتى شلون مايحضر معاي اهم يوم عني يوم بيغير حياتي كلها.. نايف يغايظها ومسوي نفسه زعلان: يعني انا ما اكفيك ياوفاء ماهقيتها منك والله يعني الحين هو اخوك وانا لاا لكن ماعليه بروح ومابرجع لك بعد.. وفاء:ههههههه تعال لاتسزي نفسك ماقصدت كذا بس انا نفسي تكونون كلكم حواليني عشان مااخاف واتطمن.. نايف: لاتخافين عمري احنا معاك وبعدين عذري خالد السبب ظروفه هو ماتعمد هالشي وهو اصلا يتمنى وجوده معاك اكثر منك يمكن.. وفاء: خلاص نايف الراسله وصلت .. الا تعال شلون انت هنا مو عندك جامعه... نايف يساسرها وكانه خايف حد يسمع: هربت من الجامعه.. وفاء:ههههههههههههه عنلااتك يالخام ماتدرس ابد .. نايف: ملل والله.. وفاء: ممالت عليك اقول بس استنى لاتروح بروح ابدل ملابسي عشان توصلني بطريقك الجامعه وترجع جامعتك.. نايف: ان شاء الله عمتي أي اوامر ثانية؟؟ وفاء وكأن الدور مناسبها: لا سلامتك شكرا.. الكل:هههههههههه ***** ** * * **** كوثر اللي صارت شاحبه زياده ويبان عليها التعب كانت في الصف جالسة جنب نرجس اختها والأستاذه تكلمها وهي ابد سرحانه.. دزتها نرجس على خفيف عشان تنتبه للأبله.. كوثر دارت لنرجس وبصوت خفيف قالت:شنو؟ نرجس طالعت في الابلة وانتبهت كوثر الى ان كل الأنظار عليها وهالشي ضايقها.. الأستاذة: شو فيك كوثر؟ تعبانه؟ كوثر: لا شكرأ ابله.. الأاستاذه عارفة ان كوثر ممتازة واكيد فيها شي يشغلها عن الدس: متأكده؟؟ كوثر: ايه ابله بس راسي يعورني شوي لكن اقدر اواصل الحصة.. الأستاه: طيب يله نكمل وحاولي تركزي معانا لأن هالدرس مهم ويجي منه في الأمتحان.. كوثر: ان شاء الله.. نرجس كانت متلومه من نفسها وزعلانه على الحالة اللي وصلت لها اختها وهي مقرره تسألها عن اللي مضايقها وتحاول بأ يطريقة تساعدها عشان ترجع لهم كوثر القديمه المرحه الحبوبة..!! في حين كانت كوثر مقررة تقول لشهد تنسى حسين لأنه مامنه امل ولازم ماتخليها عايشة بوهم! ** ** * ***** **

قسم الرواية الطويلة

...وقال القلب آه (قصة رومانسية اجتماعية واقعية من اجزاء)..