الجزء الثاني والثلاثون
جات عيون وفاء بعيون راشد وكانت الصدمة!!!
راشد فتح عيونه ع الاخر..!!! وفاء انشلت مو قادرة تتحمل تحس ريولها ماتشيلهاا....
راشد ابتسم..ابتسامة انتصار..
وفاء قالت بشبه عصبيه: هذا انت؟!!!
راشد مرتااح يحس جمالها استولى ع عقلة وانه مستحييل ينسى هالوجه الجميل يحس انه خلاص مايستغني عنها .. يمكن عشان الموقف اللي صار من قبل ويمكن لأنها حلوة وتدخل القلب
راشد: ايه انا..!! ولا مو عاجبك؟! ورفع حاجب من حواجبة!!
( المسأله كانت كأنها تحدي في تحدي مو كأنهم اثنين توهم عاقدين وبكرة بيصيرون من اقرب اثنين لبعض)
وفاء كانت متلخبطة ومو عارفة شتقول ولا شو تسوي بس قهرها الغرور اللي تشوفه فيه.. وقالت بنظرة استهزاء: لا مو على مو عاجبني بس ماتوقعت ان خطيبي يكون مثلك كذا !!وهي تطالعه بجرأة من فوق لتحت..!!!
راشد حس بشي غريب اول مره بنت تطالعه بهالنظرة .. طول عمرة البنات يمدونه بنظرات الاعجاب والحب من اول نظرة..ويرضون غرورة بس وفاء..!! والأانسانه اللي المفروض ترضيه اكثر من اي شخص ثاني ماارضت غرورة لا وبعد هزت ثقته بنفسة لوهلة بس سرعان مااستعادها مذكر نفسة بأنها من صدمتها بشوفته تبي تقهرره وابتسم لها مره ثانية بتحدي..
وفاء انقهررت شلون كذا تجرحه وهو يبتسم ولا كأنه صايرشي .. بس فجأة تذكرت شو انا فين قاعده في لعبه ولا تحدي هذا زوجي لازم اغير معاملتي معاه وابتسمت له ذيك الأبتسامه اللي سحقت قلبة..
****** ******* ***** ******* **** * ****
في مكة ..
الكل نايم .. من التعب .. ولا احد حس بالثاني .. الحريم كلهم بنفس الغرفه نايمين .. والشباب في الغرفه الثانية المجاورة لهم.. وفي قبالهم مطبخ صغير وحمام..
في غرفة البنات.. كانت جنان نايمة على الأرض ومو مرتاحه.. تتقلب يمين ويسار.. وزاعجتها هالحركه ففتحت عيونها غصبا عنها.. كانت تحس بتعب وصدااع بس مو عارفة تكمل نومها .. وقالت لنفسها تقوم تاخذ حبة بندول ولا فيفدول عشان يخف الوجع عليها ويخليها تنام بسرعه.. كانت الغرفة ظلام فخذت عباتها بحركة خفيفة عشان لاتقعدهم وخصوص انها عارفة انهم مو بروحهم في هالشقة ولبست شيلتها ع الطاير لأانها عارفة ان الكل نايم ومستحيل بيكون حسام برا مع اخوها لأنهم تعبانين ونايمين..راحت بتطلع لها حبة بندول من شنطة ايدها بس ظلام الغرفة منعها .. ففتحت الباب بهدوء لان الأنوار اللي بالممر مشغلة وخذت الحبوب اللي تبيه وراحت متوجهه للمطبخ عشان تاخذ ماي..
كانت تمشي وهي تطالع في الحبة اللي في ايدها يوم جات بتدخل من باب المطبخ وصقعت باحد كان طالع من المطبخ وحست بشي بارد عليها وشهقت..من الصدمه..
حسام بأسف حقيقي: آسف والله ماكنت اقصد.. مانتبهت لك..
جنان اللي حتى ماجا على بالها تغطي وجهها كانت منشغله تمسح من على عباتها الماي اللي كته عليها حسام .. كان بارد مره ..
جنان بخفيف: اووف خيست عباتي عنلاتك من واحد..
حسام ابتسم وهو يطالعها شلون متبهدلة وقال: كنت طالع لان اخوك المصون يبي ماي ومو رايم يتحرك والله مادريت ان فيه احد قاعد..
جنان بعصبيه: وانا بعد كنت جاية اشرب ماي مادريت اني بلاقي حد صاحي..
مد لها حسام بقايا الماي اللي بالكاس اللي بيده: تفضلي والسموحه..هي خذته محتارة..
ودخل المطبخ وخذ كاس ثاني وعباه ماي من جديد وراح لها وسحب منها الكاس وعطاها الثاني: هاك خذي هذا مليان احسن لك..
جنان تحس انها بلعبه .. قالت بخفيف: شكرا
ودخلت المطبخ بينما هو رجع الغرفه..
سالم كان يستناه يرجع .. شافه دخل وهو مبتسم وعرف اللي صار..
اصلا هو ماقاله يروح يجيب ماي الا انه يدري ان جنان بتروح تشرب ماي.. اذ ان هاذي عادتهم من الصغر.. دوم يصادف وجودهم بالمطبخ بنص الليل لنفس السبب وبنفس الوقت سبحان الله اخوان وعندهم نفس العاده..
حسام شاكر ربه على هالفرصة اللي جاته بانه يشوف جنان وهو متيقن اكثر انه يبيها تشاركة حياته وخصوص اول مره مايشوف بعيونها نظرات الاحتقار تجاهه..
* **** ******** ** ***** ****** *** ** *
نرجع لوفاء وراشد..
راشد بحنيه: تعالي قعدي ليه واقفة؟!
وفاء: الصدمه ماسكتني..
راشد:هههه انا مسكتني لكن تركتني بسرعه.. وبخبث كمل: تبين اجي اخليها تتركك واسحبك بقوة واتهاوش معاها لين ماتخليك تجين تقعدين؟!!!
وفاء قفطت وهو ضحك وهي تقدمت شوي وجلست على الكنبة الثانية اللي جنب الكنبة اللي هو قاعد عليها هو انتبه لحركتها هاي وابتسم بخبث وراح تقرب لطرف الكنبة وصار قريب منها بشكل عادي مو مبالغ بس عشان يقدر يشوفها عدل..
وفاء نزلت راسها وطالعت في ريولها تحت..
راشد يتأملها وهو معجب بجمالها صج لما شافها ع الطاير في المرتين اللي طافوا ماعطاها حقها من الجمال كانت آية بسم الله عليها من العين يحس انه كسب شي يقدر يحميه ويحبه طوول الحياه ...
راشد: شو يعني اطالع في شعررك وبس؟؟ درينا انه حلو خلينا نشووف وجهك...!!
وفاء انصدمت تحس احرجها بس رفعت راسها وشرر يتطاير من عيونها..
هو شاف هالشرر وسارع وهو يبتسم: سوري سوري والله اتغشمرر
وفاء ضحكت وهي تقول بخاطرها ان له ابتسامه ماقد شافتها عند غيرة تذووب القلب..
راشد: ليش تضحكين؟
وفاء: بسررعه خفت لهدرجه اخووف انا يعني؟؟!!
راشد با بتسامه تهكمية: لااا ما تخوفين تجننييين
وفاء احمرت وابتسمت..
راشد يدري انها مستحيه ويبي يزيد عليها: الحين عيونك هاي ولا عدسات؟
وفاء بدهشة: عيوني طبعا .. اول مره حد يسألني هالسؤال ههههه
راشد: متأكده اصلا اشك بالموضوع!!
وفاء: اووه انقلع مو لازم تصدق.. وعلى طول سكتت وباينه انها متفشله وماكان قصدها تقول كذاا..!
راشد:هههههههههه طلعتي على حقيقتك يالشريرة..
وفاء بهمس ماتبية يسمع: انا الاقيها منه ولا من خواته..
راشد سمع واستغرب بس ضحك ع التعليق وقال: شكنتي تقولين تكلمين منو؟؟
وفاء: اكلم الجني اللي جنبي بلا لقافه..
راشد: بلل شراايك تقولين قوم اطلع برا احسن ترى..
وفاء استحت: سوري مو قصدي بس...
راشد: شنو؟؟
وفاء طالعت فيه بعيون خايفه شوي: امم ولا شي متوترة شوي..
راشد بعد كام متوتر شوي بس لما ششافها حس براحه: ولا يهمك عيوني عادي ترى ولا تتوترين مني انا بكون سنددك الأوحد في الحياه لازم تعودين روحك..
وفاء: ايه ايه زيدني .. وضحكوا اثنينهم..
وفاء: قهرتني ذاك اليوم والله زين ماعطيتك كف..
راشد:هههههههههههههههههههههههههههه سوري ماقصدت اقهرك كنت تعباان ومسطل وتوني راجع من سفر لأاني كنت في لبنان ..
وفاء: اها بس مو عذر ..
راشد: انت اللي على طول عصبتي وقمتي تكلميني مدري كيف بس كنت مو على بعضك..
وفاء بحزن: كان يومها الحادث اللي صاب اخوي ناصر وافقده بصرة في نفس اليوم كنت رايحه له المستشفى وانا وايد خايفه عليه..
راشد: الله يعينه ويشفيه..
وفقاء بابتسامه: امين .. اول مره تقول شي عدل ... وضحكوا ثنينهم..
وفاء بعد صمت مرفق بالتفكير: ليش كنت رايح لبنان؟
راشد: ههه ايه عاد ابتدينا بسوالف الحريم مامدنا ترى الا تونا عاقدين..
وفاء استحت وسوت حركة بكيفك بأيدها..
راشد: هههههه لا عادي امزح معك والله كنت رايح لبنان ماسك فرع شركة ابوي الله يرحمه اللي هناك ..
وفاء:اهاا الله يرحمة توني تصدق افكر بابوك ماجا ع بالي..
راشد: هههههه مو لازم يجي ع بالك اهم شي انا جيت ع بالك..
وفاء كاتمه ضحكة وبتحدي قالت: اصلا مافكرت فيم ابد قبل اليوم
بس لاني عرفت اني خلاص بودع ايام اول وحسيت بتوتر وجيت انت عبالي بس!!
راشد حس شوي بخيبة امل بس مايبي يبين لها هزيمته وقال بانتصار وفرح زايف شوي: اهم شي فكرتي حتى لو بس اليوم.!!
وفاء:هههه الظاهر انت ماتنغلب ابد اقول لك كلمه تقول عشرر الله يعين قلبي بس..
>> مثل ماقلت لكم من قبل وفاء وريم عنهم جرأة ودووم الصراحه على لسانهم حتى لو كانت تجرح بس هاي اسلوبهم اللي ورثوه عن امهم ويمكن لو كانت وحده غير وفاء استحت وماتكلمت هالكثر بس وفاء غيير البنات هههااي حبيبتي والله <<
راشد: ااه وقلبي بعد..
وفاء: شو هالقلاده..
راشد:ههههههههه شسوي مو حرمتي لازم اقلد..
وفاء قفطت وسكتت ..
راشد: محلاتك وانت مستحية..
وفاء: اووه راشد خلاص لاتحرجني اكثرر..
راشد:هههههه ىىه ياقلبي قولي مره ثانية..
وفاء محتارة : شو اقوول؟؟
راشد: اسمي.. بليييييز وفاء بليييز..
وفاء استحت ومارضت..
راشد: عشاني يله بنفذ لك اي شي تبينه اذا قلتي اسمي..
وفاء بحيرة: اي شي؟؟
راشد: اي شي .. طبعا بعد الحفلة تعرفين يعني عشان كلام الناس بس لا غير..
وفاء: اعرف..
>> وفاء لما تنطق حرف الراء تنطقه بشكل غيير حللو ع لسانها كأنها تدلع ولا شي بس هو طبيعي كذا يطلع منها برقة ونعومة مو طبيعيه تخلي الي يسمعه يحب يسمعها وهي تتكلم <<
راشد: استنى..
وفاء: ههههه انزين استنى خليها تطلع عفوية ماعرف..
راشد: امري لله انت شكلك عنييده وانا ابتلييت...
وفاء:هههههه محد ضربك على ايدك ترى واايد يتمنوني عادي تقدر تردني لأهلي وتاخذ غيري ..اي وحدهه ماتبتلي بها..
راشد انصدم: بللللللل كل هالجوم عشان مزحه قلناها اسحب كلامي يابنت الناس سوري والله وبلا هالكلام البايخ طيب.. اصلا انا اتمسكت فيك اكثر الحين..ولا بردك لأهلك لا الحين ولا بعدين..
وفاء ابتسمت..
راشد: شو ؟ شحقة هالأبتسامه الغاوية..؟!
وفاء:هههه انت اليوم ناوي علي والله.. لا ولا شي بس نيوف ولد عمتي...
راشد: ايه شفيه نيوف؟
وفاء: يقول لي الله يعين اللي بياخذك بيردك لنا من ثاني يوم شكله..
راشد:ههههههه وش درااه؟؟
وفاء: نعممممممم؟؟!
راشد:ههههههههه لا لا اقصد شدرااه بهالماسة الثمينه اللي ماحد يقدر يتركها وش قال يردها من ثاني يوم ..
وفاء: احم احم..
راشد:ههههههههههه حليلك .. شوفي انا اطمنك من جهتي ياوفاء راح احاول اقدم لك اللي عندي كله واسعدك قد ما اقدر واخليك ترتاحين معاي وماتندمين ابد على انك خذتيني..ولا بعد بخلين تتندمين ع الوقت اللي راح من عمرك بدوني..
وفاء: ههههه وانا بعد ياراشد بحااول اقدم لك العون اللازم وان شاء الله يوفقنا ونعيش على قد نيتنا..
راشد ابتسم وقال: اووف محلى اسمي ع السانك..
وفاء قالت باحتجاج وهي مستحيه: اووه راشد خلااص..
راشد: ههههههه ياعيني والله ع اللي تستحي..
وفاء: كانك زودتها وكأنه نايف ما جأ قالوا بس نص ساعه..
راشد: ياقلبي بعدها ماتخلص النص ساعه.. وبتحدي: وبعدين نايف صديقي الجديد اتفق معاي بربع ساعه زياده لأنه يقول يتفهم
شعوري اني ابي اخذ فكرة عن زوجتي قد ماقدر..
وفاء:هههههههه نيوف سباال مايتأدب يصبر بس بكفخه..
راشد ع بالها تمزح .. >>وفاء تظن ابوها وامها قالوا له ان خالد ونايف اخوانها وامها وابوها يظنونها بتقول له ولا احد قاله مسكين وصار هو مايدري..>>
وفاء: تعرف اكثر شي مرتاحه منه انا شو؟؟
راشد: شوو؟
وفاء: امك الصراحه حبيتها ودخلت قلبي احس اني بقدر اتحمل كل شي في سبيل ارضائها >>كانت تقصد نرجس وكوثر<< واايد طيبه وحنونه..
راشد مبتسم وهو يفكر بشي: ايه واايد طيبة وحنونه .. الحياه ظلمتها واايد والله عوضها بزوج بنتها وان شاء الله بزوجة ولدهاا..بتشووف خير بعد..
وفاء: شي اكيد.. بس ليش يعني تقول ان الحياة ظلمتها؟
راشد: قصة طويلة انت والله امي قصة حياتها فلم هندي..
وفاء:هههه شلون؟؟
راشد: سلم الله عمرك هي تزوجت يوم كان عمرها 17 يعني صغيرة ع الزواج شوي واللي خذته كان ظالم كان دوم يضربها ويمد ايده عليها ومايخليها تتهنى بعيشتها .. لازم يعكر عليها..
هي كانت ناويه تطلب الطلاق لما اكتشفت انها حامل.. بأخوي حسين..
ماقدرت تحس انها بتظلم طفلها وبتحرمه من الابو.. بس هو رغم علمه انها حامل مااكترث وضل ع حاله يضربها يهزأها ودوم معاندها هي تعبت وماقدرت تتحمل اكثر وتأكدت انه مستحيل ي\كون ابو بالهالطريقة ومابيحن على اولاده وبيضربهم ومجرد هالتفكير عور قلبها وراحت لمحامي تستشيرة عشان تبي تطلق منه..
وفاء وايد متأثرة وكانت تسمع باهتماام شي اول مره تعرفه..
وراشد كمل: وراحت لمحامي وحدد لها يوم ثاني تروح له فيه بعد ماخبرته السالفة وقال لها عشان تروح يأكد لها شو لازم تسوي..
ولما راحت التقت هناك بصديق المحامي وهو ابوي خليل الله يرحمه..وشاف امي اللي ماتعدت 20 من عمرؤها وشاف اثر الكدمات ع وجهها وكسرت خاطرة وبعد ماطلعت من عند المحامي سألها عنها وقال له انه يبيه يحارب عشانها وانه بيدفع كل المصاريف وفوق هذا كله بيتزوجها اذا تطلقت من زوجها وبيربي ولدها وكانه ولده..
وصار هالشي مثل ماطلب ابوي وبعد مبلغ من المال ارضوا فيه ابو حسين طلقها وتزوجها ابوي بعد ماولدت حسين وطلع لهالحياه..
وعوضها عن كل شي ناقص بحياته وانولدت بعد سنه اريج وبعدها انا وبعدين كوثر ونرجس ةهاذي القصة بس سلمك الله امي وابوي قالوا لحسين ان ابوه مات طبعا كان يعرف ان خليل مو ابوه الحقيقي بس متقبل الوضع لأانه يحبه بس بعد فترة صار اللي محد توقعة امي وابوي قالوال لحسين ان ابوه كان عايش وهم كانوا ناوين يقولون له بس اذا فات الفوت ماينفع الصوت كان ايوه الحقيقي ماات وهو عصب وانقهر ومات ابوي بنفس اليوم اللي سافر فيه لهولندا وغاب عنه مده طوييلة وتوه رجع من فترة بسيطة..
وفاء بتأثر شديد: بلللل مسكينه امك ومسكين اخوك الله يعينهم..
راشد بمسخرة ماحب يشوف التعاسة على محياها: لا تصيحين خلااص .. اووه لاتكسرين خاطري..
وفاء:ههههههههه طيب مابصيح.. بس صج تصيح قصة امك..
راشد:هههههه اصلا ماكان المفروض اضيع وقت وانا اقول لك القصة كان المفروض نتكلم عننا وعن حياتنا..
ابتسمت له بامتنان وهي تنفي هالشي: لاا انا شاكرة لك انك قلت لي هالقصة عشان اعرف شلون اتعامل مع عمتي واحاول اسعدها..
راشد فخور فيها:هههه طيب واناا؟؟
وفاء: انت شوو؟؟
راشد: وش بتسوين معاي؟؟
وفاء ابتسمت محتارة: ولا شي بلعب معاك خشة في الشارع..
راشد:ههههههههههههههههههههه لايكون يهال وانا مادري..
وفاء: شمدريني عنك..هههههههه امزح لاااه..
راشد: زين والله.. تعرفين شو احب اكثر شي في الحيااه..
وفاء بحماس: شو؟
راشد: البحر..
وفاء: وانا تعرف شو احب اكثر شي بالحياة.. احب الورد.. يهبل الواحد ... امووت في الطبيعه..
راشد: خلاص اجازتكم الجاية نروح لبنان نزور فرع الشركة وناخذك معانا.. تشوفين الطبيعه..
وفاء:هههههههه يصير خير..
راشد: شو...... وقطع كلامهم نغمة جوال كانت اغنية فرقة ميامي ..غرامك شي عجيب..
راشد قال لوفاء اللي تحاول تسمع من وين الصوت: فيه جوال هنا .. ترى هاي ثاني مره يصيح بنفس النغمه لما كنت انتظرك بعد صاح..
وفاء بخجل:هههه هذا جوالي وهاذي نغمة المسج .. امس كنت قاعد هنا مع ليلى خالتي ونسيته واليوم حتى ماجا على بالي ادوره هههه لأن صديقاتي اتصلوا ع البيت فما احتجته..
راشد: اهاا بس انتبهي ترى من اليوم بتحتاجينه لازم تخلينه في ايدك طول اليوم ماتتركينه..
وفاء استحت وسكتت .. بس قامت من على الكنبه كانت بتروح تجيب جوالها.. راشد مادرى بنيتها ع باله بتطلع خلاص ولا شعوريا مد يده ومسك نهاية ايدها يوقفها وهو يقول: تعالي
هذه الرسالة تفيد بأنك غير مشترك في منتديات سارق القلوب. لتسجيل الرجاء اضغط هنـا 
2-4-1427, 01:12 صباحاً
