الجزء الأربعوووووووون..40..
وصلوا عبير واحلام ودانه بيتهم.. ونزلوا.. وسلموا ع الباقين ودخلوا بيتهم.. كانت الساعه وحده ونص يوم يوصلون.. راحوا ولقوا امهم بالصاله الفوقيه تسكت اختهم اللي مفزعه الدنيا..
راحت احلام تركض لها: ياعمري عمرهاا شذووه ليش تصيح؟؟
هدى: عورت راسي صار لها ساعه تصيح وخفت ابوكم ينزعج طلعت بها برا الله يقربلها هالكرتونه قد النمله وصوتها اكبر منهاا..
الكل:ههههههه
عبير: ها شنو صار اليوم في موعدكم؟؟
هدى: الحمدلله كل شي طبيعي وتمام التمام.. بس الله يهديني يوم اخذت هالخبلة موديانوه معاي..
احلام وهي تضحك :خخخخخ وش سوت بعد خدوووج؟؟
>>طبعاً هم يتمسخرون عليها ماضل اسم الا استعملوة لها مره خديجه ومره مرزوقة ومرة شريفه وره مدينه عاادي وهي تضحك لما ينادونها كذا <<طبعا هاذي شغاله صج موجودة بعايلتنا والله نكتتتتتتتتتته مو طبيعيه اللي اقوله عنها هنا ولا شي..>>
هدى: سوت لي اليوم فلم اندونسي غبي مثلها فشلتني الله يقطع بليسهاا..
عبير فيها ضحكة على امها:شنو سوت؟؟
هدى: تونا واصلين المستشفى رحنا بندخل من الباب هذا اللي نمن نوقف عنده ينفتح .. وفتح دخلت ومشيت درت وراي ادورها مالقيتها.. تخيلوا وين كانت؟؟
احلام:ههههه ويـــن؟؟
هدى: مستغربة تطالع في الباب اول مره تشوف باب ينفتح لحاله ..
الكل:ههههههههههههههههههههههههههههههههههههههههههههه ه
هدى:اف رفعت ضغطي وفشلتني مع الأاوادم ..
احلام كل ماتخيلت الوضع تضحك زياادة..
وفي الوقت اللي كانت احلام تضحك فيه جات لها دانه اللي من اول ماوصلوا راحت ليدتها فاطمة وقالت لها: تقول لك ماما فاطمة نزلي صوتك لاتقوم ترويك شغلك يامسودة الويه..
احلام انقهرت من كلام يدتها الي تجي دانه توصلة مستانسة انها تسبها هههههههههه ..>>بنـــــاااات..
عبير: مامي تدرين ان بكرة خطبة جنان ؟؟
هدى: ايوه عزموني بس اكيد مابقدر اروح..
عبير: ولا احنا مابنروح كفايه اليوم رحنا عنك..
احلام: صج والله.. ماحنا رايحين..
هدى: ابتسمت وهي تشكر الله على بناتها حبايب قلبهاا..!
***** **** ****** ***** **** **
ناصر نزل نايف بيته وقبل لا ينزل نايف قال لناصر..
نايف: نصور حبيبي ممكن تعطيني رقم عبير؟؟
ناصر هنيه فتح عويناته شحقه نايف يبي رقم حبيبته؟؟::نعم؟؟ وليش ان شاااء الله؟؟
نايف: مالك شغل سر بيني وبينها!!
ناصر غيووور وبالأاخص على غناة روحه فطالعه بنظراات غيض وقال:انقلع مافيه تكلمهاا..
نايف: اووه نصور لاتقعد تعمل لي فيها تغاار والله ابيها بموضوع وهي انسب وحده بتساعدني..
ناصر:ومايصير اعرفه..
نايف سكت شوي وقال بعدها وهو مبتسم: لك تكرم عيونك راح أولك بس تخليها سر بيناتناا..!!
ناصر يبتسم له ويرد بنفس اللهجه السوريه: ولايهمك حبيبي انته بس أول لي..
نايف: انا معجب باخت عبير وابي اقول لها هالشي عشان اضمن عمري ومستقبلي..
ناصر بفرحه: صج والله ياعمري يانايف صدقني ماراح تلقى احسن من احلام دين وعقل واخلاق.. بس مو كأنكم توكم صغاار؟؟
نايف: اووه نصوور لاا تقول صغاار ياما ناس تزوجت اصغر مني بعدين انا بدرس نهار وبقول لأبوك يشغلني بنصف دوام بالليل عشان اترزق الله وهي سنه وانا متخرج ومفتك بس ماقدر اصبر عنها اكثر على الاقل خطوبة ..
ناصر: ان شااء الله ومايصير خاطرك الا طيب يااخوي هاك الرقم..:******
نايف بفرح:مشكوووور حبيبي..
ناصر:هههههههه العفو ولو بس هااه لاتطول عليهاا..
الاثنين:هههههههههه >>ودخل نايف البيت ومشى ناصر بيتهم عشان ينام ومن الصبح بيروحون السعودية..
** ******** ****** ****
احلام قبل ماتنام ماقدرت تمسك سيل الدمع اللي فجأة هطل من عينها وكتبت في دفترها وهي تصييح بشكل اللي يشوفها فيه يتقطع قلبه عليهاا: أيام الحنين..
أتذكرك أيها الوسيم وانت تضحك..
وإذا بي أحن إليك وأشتاق..
وأبني طموحا وآفاق..
أخاف مرة..
وأرضى مرة..
وكل مافي قلبي هو الحنين..
فمنذ رحيلك لم يكن إلا حزين..
فهو يبتسم عندما يراك..
ويحيا بلقياك..
ياأعز المخاليق..
ويا أغلى صديق..
ياأحن حبيب..
وأجمل غريب..
دخلت إلى حياتي وغيرتها وغيرتني على حياتي..
أيها العشق تعال انا انادي..
لا تتركني احتار..
فلو تركتني ياحبيبي فاني للموت اختار..
هذه هي ايامك ياحبيبي..
أيام الحنين..
****** ***** ****** ********
يوم الخميس..
جنان طبعا ماجاها نووم او بنقوول نامت بس متقطع..
قامت صلت صلاة ربها وهي تدعيه ان يسعدها في حياتها المستقبلية وانه يقدرها تسعد زوجهاا وتذكرت كلام امها لها على انه بيصير زوجها ولازم تحترمة وتسمع كلامه بكل شي وماتطلع عن شورة ابد وتستأذن منه في كل كبيرة وصغيرة واللي خوفها اكثر قولة امها لها ان الزوجه اللي تعصي زوجها تلعنها الملائكة وربها يغضب عليها..
وكانت تدعوا بكل ماتملك من قوة للدعاء انها تقدر تحقق وصايا امها لها وانها تكون مرتاحه بهالايام الجاية وقرت لها كم أية من القرآن شرحت لها صدرها وقامت طوت سجادتها ونزلت تحت ..البيت هاادئ وماحد جالس .. طلعت الحديقة وتذكرت اليوم اللي شافت فيه حسام هناك وكيف انهارت ووداها المستشفى مع اخوها وتذكرت يوم يكلمها لأاول مره هناك وهي تفشله.. وابتسمت مع هالذكريات وهي تجلس ع الكرسي وتقول:سبحان الله شووف ياحسام كنا وين وصرناا وين..!
وجلست تتـامل في طبيعة بيتهم والاشجار والحشيش والورد اللي بكل مكان بالحديقة اللي هي اكثر مكان تحب تقعد فيه من بعد غرفتها طبعا .. بعدها بوقت قامت تسوي لبيتهم فطور لأنها ناوية اليوم تأكلهم فطور عمرهم ماكلوا مثله لانها بعد صلاة الظهر بتجيها الكوافيرة لين عندها ببيتهم طبعا هو المفترض انها اللي تروح بس بزيادة شوية فلوس تجي الكوافيرة عندها وعند ابوها بعد اذا تبوون ...هههااي
>>كل يجري خلف مصلحته..حتى الكوافيراات ههههاااي..
** **** *** ****
ع الساعه عشر الصباح قامت وفاء وكلمت راشد قالت له انهم الحين بيروحون السهعودية هو عنده علم مسبق بس حبت تعطيه خبر>>خوووش زوجه..هههه
وسولفوا مع بعض شوي وسكرت عنه لما ركبت السيارة مع ناصر وليلى ومع خدامتهم لجين ..
وامها وابوها بسيارة ابوها مع هادي اخوها..
وكان الجو عنهم بالسيارة ونااسة.. وفاء تحس انها مشتاقه لبيت جدها بس طبعا مو اكثر من ليلى اللي هو بيتهم واللي فيه احلى ذكرياتها مع امها وابوها اللي فرحانين بحفلة بنت بنتهم وباركوا لهم وهم هنااك..
بعد فترة من الصمت اللي خيم مع صوت الأغاني المنبعثه من الراديوا قاموا يسولفون عن جنان وحفلتها وكيف بتكوون ..
ناصر وصله مسج في هاللحظة فتحه وكان من عند ملاكه عبير وتقول:
ياطير ياللي فوق الاشجار صداح
سلم على خلي بكلمه حنينه
قول له بكلمه حب وارجع بما فاح
وارجع باخباره ولو هي قليلة
صبااح الخير ياحماار وحشتني..
. . . . . . . . . . . .
ناصر قراه وضحك عليها واتصل لها يسولف معها شوي وسكرت عنه لأنه بالطريق وتبيه يركز..
المهم وصلوا السيارتين السعودية وعند بيت جدهم اللي مجاور لبيت جنان نزلوا .. نزلوا كل اغراضهم وثيابهم وعدتهم ودخلوا البيت كلهم ماعادا ابو ناصر اللي رجع البحرين وقال لهم ان عنده شغل طبعا هو بيستغل هالفرصه عشان يقضيها مع هيفاء بنته لين مايجي الوقت اللي يقدر يفاتح بدرية بالموضوع هو يحس ان الوقت هو مناسب حاليأ بس هو خاايف من ردة فعلها خاايف يفقدهاا.. فقاعد يأخر الوقت المنااسب...!!
** * * *
ليلى دمعت عينها وصااحت لما دخلت بيتهم وخصوص غرفة امها وابوها وغرفتهاا .. تحس بالشووق والحنين وفاء حاولت تهدي الوضع باسلوب فكااهي مرح خلى ليلى تضحك وتنسى الحزن مع السوالف ريم وخالد كانوا مجهزين لهم فطوور ومسوين فيها مهتمين .. كانوا عن جد رايقيين ومستانسيين ..
بعد فترة طلعوا راحوا بيت خالتهم .. وسلموا عليهم وقعدوا معهم شوي عشان بعد فترة بسيطة بيتجهون للكوافير اللي حجزت لهم فيه ام سالم بحكم معرفتها بارقى الصولونات عندهم.. وطبعا كانوا كلهم في كوافير واحد بس جنان اللي بالبيت لوحدهاا .. طبعا كلهم مستانسين لجمعتهم هاذي اللي من زمان ماصارت وتموا يسولفون لين حطوا الغدا وقاموا يتغدوون..
... ** **** *** **** *** *** *****8
في واادي ثااني نايف ما اتصل لعبير بالليل لأنه حس انه عيب يتصل وهي تعباانه بس الحين ماعاد فيه صبر يمسك نفسه اكثر فدق الرقم وضل ينتظرها ترد..
عبير مترددة ترد ولا لاا ماردت اول مرة بس ثاني مره قالت ارد واشوف..
عبير: الو نعم
نايف: السلاام عليكم
عبير: وعليكم..خير؟؟
نايف: عبير انا نايف ..
عبير:اييه هلاا ناايف خرعتني الله يغربلك..
نايف:ههه ماتشوفين شر.. المهم ماابي اطول عليك انا خذت رقمك من عند ناصر امس لأني ابيك في موضوع ضروري وماابيه يطلع لأحد انا حتى ناصر قلت له الموضوع بس مو قصته ..
عبير: قول تكلم خوفتني..
نايف: قاعده بروحك انتي؟
عبير: ايوه يله وش عندك..
نايف: احلاام...!!
عبير: احلااام وش فيهاا؟؟
نايف: احبها وابيها ابي اخطبهاا يعني..
عبير بفرح: صج والله ها موضوعك اللي خوفتني فيه..
نايف: مو قلت لك هالموضوع له قصة..ابيك تسمعينها مني الحين دوون ماتقاطعيني ابد بس بسردها لك بعد ماتجاوبيني على هالسؤال اللي اعرف جوابه وحاب اتأكد..
عبير: اسال؟
نايف: احلام كانت تكلم واحد وتحبه صح؟؟
عبير انصدمت سكتت شوي.... ..
نايف:عبير قولي ايه وريحيني عبير انا عارف لاتخبين علي ...
عبير بعدها ماتتجاوز الصدمه وقالت: وانت شدرااك..
نايف :سمعي هالقصة للنهاية ولاتقاطعيني..
فيه واحد كان عديم المسؤووليه هو عايش مع اخوه وبس وماعنده ام توجهه ولا ابو يمنعه هو صج عنده من ربوه ويحبهم ويحبونه ومو مقصرين عليه بس مو عايشين معاه ومن هالشي صار مع اصحابة اللي علموه انه يكلم بناات وصار يكلم ويكلم ومن بنت لبنت وعمرة مافكر بمشااعر هالبنات اللي يكلمهم ويحببهم فيه ويتركهم ..عمرة ماتأثر بولا وحده لأنهم هم ماكنوا من النوع السيده هم اللي كلموه بإرادتهم ومو غلطته انهم كلموه هوعمرة مابيقول لاا هو صج ماعنده خوات يخاف عليهم بس مافكر ان عنده بناات خال وفتايا بالعيلة يخاف عليهم .. وضل يلعب لين مااتعرف على بنت هالبنت جذبته بمقدار كبير باسلوبها ورقتهاواخلاقها وطيبتهاا كان باين انها متربيه خوش تربيه كاانت غييير عن كل اللي كلمهم كانت تتسلل لقلبه شوي شوي لين ماحبهاا بقووة وصار مايقدر يستغني عنها ولا دقيقة واذا سمع صوتها ينبض قلبة ويحس ان الدنيا بخيير واذا غابت عنه يتعذب ياعبير هالواحد انا وهالبنت احلام.. انا صج صج حبيتها ومن بعد ماتركتني عشت بعذااب كبير ماتتخيلينه ندمت ع كل اللي سويته بحيااتي وتركت هالشغلة بعييد عني وماعدت ابي شي من هالدنياا غير احلاام ابيها تسامحني وتوافق علي بحياتها من جديد بس كزوج مو شي ثاني صدقيني انا نايف واحد ثاني صرت مسؤؤول مو مثل قبل .. ارجوك عبير انا كلمتك وكلي رجا انك تساعديني وانتي تحبي ناصر تخيلي حياتك بدونه كيف .. كذا تكون حياتي بدون احلام.. .....
عبير.....................
منذهلة من كل اللي سمعته .. مو عارفه شتقوول..
نايف: ادري انك منصدمه الحين انا عرفت احلام لاني سمعتكم تتكلمون ومن اشياء ثانية عبير عطيني اشارة تتطمني بلييز عبير..
عبير: نايف ترى حتى احلام للحين تحبك..
حست به يبتسم وهو يقول: ادري..
انا بعد احبهاا
عبير بتفكير: بما انك قمت بهالخطوة وتبي احلام عن جد .. خلاص انا راح اوقف معكم .. اهم شي انكم ماشين بطريق صح .. لاتحاتي انا بخبر احلام المسكينه عشان يخف عذابها وبرد لك خبر هي وش قالت عشان اذا تبي تتقدم لها بعدين تكون عارف شغلك..
نايف بصدق خالص من الاعماق: مشكووورة عبير مشكوورة ماراح انساها لك وقفتك معاي طوول عمري..
عبير: شدعووة ولو لو مو عشانك عشان اختي..
نايف: اوكي انتظر ردك علي لاتعيشيني بنار وااجد بلييز..
عبير: ان شاء الله يله بااي..
نايف: بااي..
&&&& &&&&& &&&&& &&&&&
بلندن.. عند منير ومشااعل..
مشااعل: اااه ياربي..
منير: بشنو تفكرين مشاعل؟؟
مشاعل: افكر ببناتنا وعيالهم اللي كبروا كنت اتمنى اشوف اولادهم بس الله مو كاتب لي هالعمر..
منير يتنهد حزن على زوجته: تعوذي من بليس حبيبتي ..
مشاعل: تصدق منير انا موب خايفه من الموت ولا زعلانه اني بموت بالعكس برتااح من هالشقا بس انا مابيكم تحزنوون والله راحتي هو سعاادتكم منير ماووصيك على ليلى غناة روحي اللي مالها حد ولا سند غيرناا خواتها صح موم مقصرين بس لازم تحس بوجدك جنبهاا..
منير بغصة: لاتوصين حريص .:. وبعدين فكي هالسيرة وقومي نطلع نغير جو عشان بكرة الصبح بروح المستشفى ..
مشاعل:يلة سرينا ..
وقاموا طلعوا وكل واحد مشغول باله بشي.. منير بزوجته ومشاعل ببناتها ودها تشوفهم قبل ماتروح بس لازم تخلص هالعلاج اول ماتدري شفايدته دام انها كذا ولا كذا بترووح..!!!
&& &&&&&&&&&&& &&&&&&&& &
الساعه 7 المغرب كانوا كلهم خالصين.. حتى جناان..
كانوا جميلين بشكل يجذب الناظر لهم ..
وكانت السعاده تشع من عيوناتهم كلهم بشكل محبب للنفس..
ام ناصر كانت لابسه بدله كاملة بيجيه مطرزة بالفضه والكريستال وناعمة وانيقة وحلوة وكشيخه بمكياجها الغامق اللي عاطيها جمال فريد ومصغر سنهاا .. اما ام سالم كانت لابسة ثوب فخم مرره ويليق بام العروس كان لونه بنفسجي غامق وبسيط رغم فخامته ويلمع بشكل متجزء ومديلة عادي ومفتوح من الركبة لتحت.. ومكياجهاا بعد حلو ومناسب..
اما ريم اوووه ريم الي من شافها خالد وهو مثل المسحور بجمالها ومو قادر ينطق بولا كلمه وهي تضحك عليه كانت لاابسة غامق .. قطعتين بلوون الدم متخلل فيه ازرق غامق على خفيف وعباره عن بلوزة نص وبدون مكان للأكمام اصلا ..وتنورة برمود متدرجه على جهه اطول من الثانية ومخصره على جسمها بشكل انيق وراائع.. ومكياجها مع الكحل والروج عاطينها لمسة ماتتوفر عند احد غيرهاا..
ليلى كانت تمثل البساطة والاناقه والجماال والذوق الرفيع .. كانت لا بسه ثوب روووعه الكل انعجب فيه .. حرير ومقسم في نقشاته لثلاث اقسام..
عند الرقبة تلتف دائرة بسيطة بلون الوردي الغامق اللي مختلط باحمروتتصل ببداية الثوب وهالجزء بلون الوردي الفااااتح لكن مرسوم فيه ورد بنفس اللون الغامق ويتفرع منه فروع ذهبيه وعند نهاية الخصر يبدى الجزء الاخير اللي يوصل لنهااية ويزحف بعد وبلون الغامق نفس اللي في الرقبه وجهة الكتف الثانيه ماعليها شي يغطيها وصااير مرره حلو عليها مع المكيااج المتدرج..
وفاء جاي على بالها تلبس اسود.. وكانت خياليه فيه ومبين بيااض بشرتهاا ونقاوتهاا كانت لابسة ثوب في الكتف ثلاث خيوط مترابطة وعند الصدر نقش ابيض يمثل وردات صغار فيهم لمع فضي وفي نهاية الثوب اللي مثل السمكة نفس النقش الابيض وباقي الثوب ساده اسود ويلمع بلمعان فضي رهيييييب وبارز لون عينها الفضييع .. وكانت بكل بسااطة جمييله وتسلب العقل..
وصورت لها كم صورة عشان يشوفهم رااشد بعدين ..
.. .. . . . . . .. .. . .. . . . . . . . . .
كان الحفل بصالة في الدمام ..وكل شي مرتب وعلى مستوى..
من اول النالس اللي وصلوا هنااك كانوا اهل المعرس .. كانت مناهل وايثار وامهم وخالات حسام وبنات خالته وبعض اهلهم..
مناهل كانت لابسة ثوب ازرق يناسب لون بشرتها وشعرها مستوي على شكل تسريحي مفلول وحلووو مرره ومكيااجهاا نااعم يجنن ..
وايثاار لابسه وردي فاتح فيه مزيج من الألواان ومرره عاطيها منظر روعه .. وحتى امها خافت عليهم من الحسااد وقامت تقرا عليهم ايات ..
وع الساعه 8 وصلوا اهل جناان كلهم ودخلوا الصاله وطبعا جنان معاهم مخلصة بس انها دخلت غرفة العروس عشان محد يشوفهاا..
وابتدو الناس يوصلوون بكم هاائل من الاعدااد منهم صديقات الامهات ومنهم صديقاات البناات ومنهم معاازيم من كل نووع..
جنان كانت موصيه امها ان اذا جات بدور يطرشونها لها الغرفه لأنها تبيها بجنبهاا تعرف في قلبها انها الوحيده اللي تقدر تخفف من حدة توترهاا..
وصلت بدور اللي كانت لابسه ذهبي مورد من الدانتيل والحرير وموديله رووعه وكانت هي كلها مستانسه والفرح بعيونها ضايف لمسة ع جمالها .. وبعد مادخلت مع امها وخواتها الثنتين سلموا ع الاهل راحت بدور لجناان..
بدور: اووووووه العرووس قمر ماشاء الله تجننيييين جنانوه بتخبلين بحساام زوود عن قبل..
جنان:هههه عنلااتك سكتي لاتذكريني فيه بمووت من الخووف..
بدور: لاتخافين ولا شي خلك طبيعيه وواثقة ياااي تهبلين غطيتي ع الجماال كلة ..
جنان: سكتي عني لاااكفخك بدوور ..
بدور: مالك شغل صديقتي وانا حرة امدحها مثل ماابي..
جنان:هههههه الله يغربلك.. ولمحت شي بعيون بدور كذا عالسرييع تغير وكأن ودها تقول شي وغيرت رايهاا...
جنان: بدور وش فيك؟؟
بدور: ولا شي..
جنان: علي انا يابدور احساسي يقول لي انك فيك شي ومايكذب هالاحسااس..
بدور: امممم جناان انا كنت افكر انه يعني... انه....
جنان بعدم صبر: اووه انه ويش؟؟
بدوور: ان خاايفة وماابيك تتغيرين بعد ماتنخطبين مابيك تنشغلين عني وتنسيني لاني احبك ووو اذا تجاهلتيني ونسيتيني مدري شبيصير فيني..
جنان ابتسم قلبها لها فرحاانه لمشااعر اعز واغلى صديقة لهاا راحت جنبها مسكت ايدها بقووة وقالت: بدور ياقلبي عمري ماراح افكر بهالشي مو انت ابد اللي بيصير معك هالشي ياروحي انت ..
بدور ابتسمت برااحه وراح عنها هالخوف جزئياا..
******* **** ****** *******
كوثر ونرجس كانوا مووت ملاانين ويبون يسوون شي يرفهه عنهم ملوا من المذاكرة ثالث وثالث ونسبة وجامعه وهالاشياء اللي يسمعون فيها مرره طقت شبدهم من هالحكره صج ان كلها شهر وشوي وهم متخرجين من ابو المدرسة بكبرها بس يبون يطلعون ع الأقل يغيرون جو.. اتصلت نرجس بشهد قالت لها تجي لهم ففهمتهم انها ماتقدر تطلع لأن امها موصيتها تجلس بالبيت وتنتبه له لأن مافيه حد فقالت لهم يجونها لأنها هي اللي بتموت ن الزهق.. وقالوا لأمهم وراحوا ..
وهناك ببيت شهد اللي مايحوي الا هم الثلاثه >>
كانوا مهيصين اكبر هياصه الملل باجتماعهم وسوالفهم ولعبهم اختفى..
وهم جالسين بغرفة شهد فجأة قالت كوثر: جمااعه نفسي اتمشى بالهواء الطلق خخخ قوموا ننزل الحديقة دام محد هنيه ونلعب شوي..
ونزلوا كلهم وشهد معاها شي ناويه عليه وموراضيه تقول لهم شنو هو..
ولمتات تمشوا شوي شهد غمزت لهم وقالت شرايكم ننجن اليوم ونلعب ..
نرجس:شنو نلعب؟؟
طلعت شهد بالونات صغار مجموعه كثيرة على كفها تعرضهم عليهم ..
كوثر:هههههههههههههههههههههه وااااااااااااااو يله نلعب
نرجس: من صجكم انتوا؟؟
شهد: ايه كم يوم بنظل فيه بروحناا ومحد بيحاسبنا والله ملل يله ونااسة ابي العب تكفوون..من زماان احلم العب هاللعبة..
كوثر: يله امريكا يلعبون بالثلج يسون كورة ورمونها عليك احنا بنخرسك بالماي اللي بنحطة بالبالونات..
وتفقعوا كلهم من الضحك:هههههههههههههههههههههههههه
راحوا كوثر وشهد يعبون البالنات ماي وكل وحده خذت لها خمس وراحت في جهه وقام اللعب عندهم وكل وحده تفقع بالونه ع الثانيه وهم يراكضون واللي تشرد وضحكهم مغطي ع المكاان .. والديوانيه اللي برا التلفزيون شغال والباب مفتوح وهم تاركينه ..
وهم في هالاجواء انفتح باب لبيت واللي فتحه حد عنده مفتاح طبعا وهو خلــيـــل.. اللي دخل وعهو مستغرب هالاصوات.. راح الديوانيه وشاف الاغراض والعفسة عرف ان كوثر ونرجس مع شهد ومن صريخهم اللي زود يصير قريب منه اكثر توه بيطلع من الديوانيه ويتفتاجأ بكوثر اللي للحين ماشافته كانت لافه وجهها وراء تطالع شهد وتقول لها حرام عليك خلااص بمرض من المااي اااي ياحماارة شهووود ماابي العب خلااص ههههههه وهنيه دارت وجهها وصقعت فيه بكل قوتها لأنها كانت تركض تبي تدخل الديوانيه تحتمي فيها فياترى شنو عندها احسن الديوانيه ولا حضن حبيب قلبهاا...؟؟؟؟؟؟؟!!!!
&&&&& &&&&&&&& &&&&&& &&
اريج كانت مع محمود اللي تشوف في عيونه نظرة تشوفها لأول مره .. مستغربه تسأله شفيك تكفى لاتعذبني بهالنظرة وقول لي معناها يقول لها بابتسامه عذبه تذوبها ابد مافيني شي سلامتك حبيبتي..
اريج: حمووود ..
محمود:همممم
اريج: مشتاقه لسوالفك ليش ساكت عني..
محمود: حاب يصير بيننا الصمت وخلي الكلام لقلبي وقلبك..
اريج حست فيه مو طبيعي تقربت منه حطت ايدها على وجهه بحنيه وقالت برقه: حبيبي طالعني..
محمود سالت دمعه خفيه بس ماقدر يخبيها عن اريج اللي تعرف اق تفصيل يصير له طالعها وعينه حايره قلقة :وكان الصمت هو جوابه..
اريج :حمود قلبي شنو فيك وش اللي تعاني منه قول لي وانا روحك مو انا وانت واحد ليش مخبي عني .. شنو سر هالدمعه بعينك؟؟ حمود ريحني ياروحي وقول لي..
محمود بقلبه: صعب يا اريج صعب ياحبيبتي صعب انا وانت واحد ايه بس انت لانك انا صعب اقول لك اللي يدور في بالي لانه بيضايقك ولو صار مثلا اااه يااريج صعب والله صعب..
اريج بشبه رجاء : محموووووووود
محمود طالعها بنظرة ذات معنى وقال: اريج تكفين طلبتك ابيك توعدني بشي ..
اريج : تدلل حبيبي انت تآمر امر
محمود: ماابيك تحزنين علىاي سبب كان .. ... حتى لو كان فراقي
اريج شهقت ودفنت راسها في صدرة وطاحت دمعاتها نهر ..
اريج بكلام مقطع ومحمود يشاركها هالعذاب :مجرد الفكرة طالع شسوت فيني حمود حراام عليك انت اللي تكفى لاتعذبني ..
ضمها محمود بقوة وهمس لها في اذنها :احبــــك
اريج:احبكـــ اكثر حبيبي
محمود: يله نروح نريح وننام وبكرة ان شاء الله انا عازمكم انتي وريهام بنتي ع الغدا..
اريج تأشر ع بطنها:ليش والبيبي ماله حق؟؟
محمود يبوس المكان اللي اشرت عليه بفكاهيه وهو يقول: هو الوحيد اللي له كل الحق ..
اريج: يعني بس هو؟؟
محمود يتأملها ويمسح آثار دموعها: ودي تحصل دهو من غيرك ولا حاجة..
الاثنين:ههههههه
ولما راحوا غرفتهم كانت ريهام جالسة تتنهنه ..
اريج حملتها بتحطها ع سريرها بس محمود يوم سمع ريهام تتحجج عليها تقول ابي انام مع بابا قال لها تجيبها تنام عنده وناموا والبسمه ع شفاههم من الحب اللي يتولد كل يوم بينهم ويزيد يزيــد يوم مور ذان اللي قبلة .. !!
&&&& &&&&& &&&&&&&&& &&
نرجع للفرحه اللي صايرة بالسعودية .. وقت دخلة جنان ع الناس حل.. والكل مرتبك .. الحين بتطل عيهم قمر الكل سمع عنها وعن
اهلها وثروتهم وجمالها وغرورها ...جنان متوترة بقووة الحين بتطلع الكل بيطالعها تخااف تتعقرف مثلا بالثوب الطويل وتطيح >>تخيلوا خخخخخ
مناهل وبدور ووفاء كانوا مع جنان بكل خطوة وكانت تهددهم بكلمه: لاتخلوني وتروحون ..موتتركوني ..خلكم جنبي..
طفوا الانوار غير كم نور خاافت مره والكل سكت ووجه نظرة للمدخل اللي متوقع ان العروس تدخل منه وعلامات بدء نفاذ الصبر ع البعض منهم ..حلوة اللحظة اللي بتشوفون فيها عروس هههههااي
تقدمت جنان خطوة قدام بكل ثقة وباقة الورد المنوع بين الاحمر والاصفر شوي والاوراق الخضرا في ايدها وطويلة مره توصل لنص ثوبها كانت جناان اسم على مسمى لابسة ثوب احمر حرير عليه شك ونقش باللون الاخضر العشبي والذهبي .. وكان ثوب عرايس ثقييل وموديلة رهيييب وله ذيل طويل ولابسه معاه جزمة نفس اللون الاحمر منقشه بذهبي .. كانت روووعه يعني الفخامه والجمال والتناسق كله مجتمع فيها عينها تلمع بشكل عجيب خدودها محمره بشكل غريب شعرها الطويل مسرح بشكل فريد النصف منه ملفلف بطريقه تجنن والثانية على طول ظهرها مبلور بخفييف كانت حلللوة والكل انذهل لما شافها اللي صى على محمد واللي تعوذ من بليس.. الكل ناظرها بعينه اللي بفرحه عشانها واللي بحسد واللي ..واللي .. بعد مامشت ع الممشى الطويل جلست ع الكرسي وجات امها وسلمت عليها وكان السلام بينهم مؤثر .. لانها امها صااحت ونزلوا دمعاتها اييييييييه لاتلومونها بنتها الوحيده ..!
جاوا لها قرايبها وصاحباتها وسلموا عليها .. جلست شويه واستلمتها المصورة تصوير من صورة لصورة ..
وطبعاً اهل حسام ماقصروا سووا الواجب وزوود وماخلو حلاوة ولاشوكاته من باتشي ولا الوليمه الا وزعوة والقهوة والشاي والالبيتيفور الموزع ع الطاويلات.. والعصير والاكل ..يعني بالمختصر المفيد قدروا لهم كل جهودهم..
بهالوقت اعلن حسام عن رغبته بالدخول لخطيبته..
وعطوهم خبر فلبسوا الحريم عباياتهم وجنان زاد ارتباكها وشبصت في مناهل: ماناا مافيه تروحين عني..
مناهل:وين اقعد حبيبتي اخوك وابوك بيدخلون مع اخوي ..
ومنيه مناك عتقتها جنان لأن موقعها لو ظلت بيصير خطأ مع دخولهم..
ودخل حسام اللي بالنص بين ابو سالم وبين سالم وراحوا لعند جنان سلمت عل ابوها اللي بارك لها ودموعه مختفيه داخل جفون عيونه تمتنع النزول من الفرحه.. وسلم عليها سالم واتجهوا بيطلعون وقبل لايروحون من الفرحه نثر ابو سالم فلوس من جميع الفئاات وصارت الزحمه الكل يبي ياخذ له وقام عند الاطفال الضحك والونااسه..!!
في جهه ثانيه عند قلب ينبض بكل معاني الحب والاعجاب .. كان حسام يرمق جنان بنظرات فيها من المشاعر اللي جنان ماقدرت تتحملة نزلت عينها وخرتها صارت تطالع في كل شي الا عيونه طبعا اول مادخل سلم عليها وباس راسها لبسها الدبله وهالخريابيط بمساعدة خواته وامه شربها العصير وشربته اكلها كيك واكلته كل هذا وهو خاايف خااايف انه يكون جزء من حلم خاايف يطلع وهم همس لجنان باذنها: قرصيني حبيبتي ابي اتأكد واعرف اذا كنت بحلم ولا بعلم جنان ضحكت بخجل وقالت :لاحبيبي بحلم بحلم وقرصته وهو قال:اااي ماصدقت على الله..طبعا يمزح فضحكوا الاثنين..
وفاء تراقبها وهي مستانسه انها تخلصت من حبها لناصر ودعت الله يوفق بنت خالتها ويحفظها ويسعدها بحياتهاا..
بدور تمنت ودعت بقلبها تكون جنان مرتاحه ودعت لنفسها تتمنى تلتقي ه بعد بحبيب قلبها هيثم ولد خالتها وتنتهي مشاكل العيلة وياخذون بعض دون أي مشاكل او اجبار ودمعت عينها ع هالذكرى.. وكأن الله استجاب دعائها اللي ماكنت تتخيله بيوم انها بتلتقي ببنت خالها اخت هيثم هنا في حفلة جنان .. شافتها لولوة وابتسمت لها من بعيد والتقوا بعد كم خطوة وسلموا على بعض سلاام حاااار .. بعد السؤال عن الاخبار بدت بدور بعتابها: كذا
يالولوة انقطعتي عني وانت تدرين ان الاخبار اللي توصلني منك هي اللي تعطيني الامل والرغبه في الحياه ليييش لييش؟؟ هو شلونه واخبارة؟؟
لولوةحست بتأنيب الضمير: آسفه بدور والله ماكان قصدي بس لأان مره امي بغت تشكني وانا بتصل لك ومن يومها ماحاولت اجرب مره ثانيه اما هيثم ميت بشوقه لك يابدور دوم يسألني عنك يفكر فيك هيثم تعب يابدور من الفرااق حاله مثل حالك واردى ويعصب ع اتفه الاسباب مايقعد بالبيت كثير .. احسه حقد على أي وابوي والسبه حبه لك والله يعينكم يساعدكم..
بدور وهي تمسح الدمعه اللي نزلت: كل هذا عشان شوية ورث وفلوس **اله ااخ ياربي فكنا من هالسالفه وفرج عنا صج ان الفلوس تغير النفوس..!!
** ** * **** *** **** *****
عبير حست انها لازم تخبر احلام عشان تخفف عنها هالعذاب والحزن اللي تشوفه بعيونها.. وقالت لها السالفه وكل المكالمه اللي صارت بينها وبين نايف وكل كلمه وحرف هو قاله..
احلام ماكانت متفاجاة وانها تدري.. عبير استغربت وسالأتها: احلام شفيك انت تدرين ان هذا هو؟؟
احلام : من شوي قبل لاترجع زهرة صديقتي بيتهم سألتني رقم منو اللي اتصلتي منه قلت لها واحد يصير لاهل زوج عبير قالت رقمه حلو لأنه كل رقم يجي صفر بعده ..مثلاً(*0*0*0*0*) انا هالرقم مو غريب علي قلت لها بشوفه وشفت انه رقمه ..!! حاولت اكذب عيني بس كان صج رقمه.. انذهلت تفاجأت ماعرفت شوسي ولا شقول .. والحين انتي صدمتيني اكثر.. اااخ بس تدرين عبير من ناحيه ثانية مرتااحه اكثرر.. احس مشكلتي اللي ماكنت اظن لها حل ابد صار فيه امل منهاا..
عبير: احلام عطيني رد ارد فيه عليه عشان يرتاح مسكين حالته ماتسر يتعذب من حبك وش سويتي بالرجال تراك مو هينه..وضحكوا..
احلام: عبير ماحد غيرك يدري اني احبه ولو بيدي رجعت له بس هو صعب اسامحه ع اللي سواه لكن خطوته هاذي هي اللي غفرت له قولي له هالجملتين عني:قولي تقول لك احلام:
لما تقول انك آسف معناته انك بتتغير
ولما تقول انك نادم معناته ماراح ترجع مثل اول
ولما تقول انك ماتقدر تستغنى عني معناته انك تحبني
وهالشي يفرحني لاني مثلك احبك..!
** **
بعد ماقالت له عبير بغى يطير من الوناسه وقال: والله والله نادم قد شعر راسي وماراح ارجع مثل اول ابد واموووت فيها ..
عبير :خلاص انت شوف امورك واوضاعك وانا بوقف معكم واللي انت خايف منه ان شاء الله مايصير واي حد يقول صغيرة ولا صغير انا بقنعهم ان في ناس عندهم عيال وهم اصغر من احلام اي والله اهل اول يتزوجون بو 14 , 13, سنه..
نايف:عبير شكرا شكرا بكل قوة تتخيلين احد يقول فيها شكرا ع المساعده..
عبير:ههه لا شكر على واجب..
نايف: اوكي سلمي لي على احلام قولي لها قريب قريب ان شاء الله بيجمع بينا الحلال.. وانس ااااسف على كل سوء صاار واني احبها و..
عبير:بس بس بس انت مابتخلص لما يجمع بينكم الحلال على قولتك قول لها اللي تبي يله باي..
نايف:هههه طيب باي ..
& &&&& &&& &&&& &&&&& &&
حسين كلم امه وقال لها انه يبي ليلى تشاركه حياته وامه خبرته شكثر هي مستانسه بأختيارة وراضيه عنه وحابته .. بس طبعا هذا بس عطاها خبر بس ماتتكلم الا لما يعطيها الاشارة الخضراء ..!!
&&& &&&&&&&& &&&& &&& &
نرجع لحسام وجنان اللي انفردوا مع بعض بالسيارة بعد ماشبعوا من الصور الللي طقتهم المصورة لهم الاثنين مع بعض..!
وهم بالطريق..ماخذها حسام على مطعم بيتعشون لأنهم الاثنين تقريبا جوعانين وموماكلين شي من الصباح..
وكانت سوالفهم حلوة وخفيفه ع المعده>>شدخل هههاااي
حسام كان يعطيها من الكلام الحلو اللي يذوب كثير وهي كانت ترد عليه بمستحى لكن باسلوب مايجرحه او يزعلة وكانوا مرتاحين لاقصى حد..
حسام: جنان بسألك سؤال ممكن؟
جنان:تفضل..
حسام: انت الحين مرتااحه؟؟ مستانسة؟؟
جنان:تسالني سؤال تقدر تشوف جاوبه بعيوني..!!!
حسام: عيونك اطالع فيها اغرق اغرق في بحر الحب يعني ماباخذ منها لاحق ولا باطل...
جنان بخجل: بس عااد تراني استحي..
هنيه حساام فقع ضحك...!!
جنان: ياحسام انت تخلي الواحد يرتاح وستانس غصباً عنه وبشويش تكمل بس مادري ليه بالاول كنت ثقيل دم..
حسام سمع وفيه الضحكة بس كتمها وقال:شنو ماسمعت..
جنان بابتسامه تصنع:ههه لا ولاشي ..
وطالعوا المنيو واختاروا لهم الاصناف اللي يبونها طبعا عشاهم كان بفندق فخم من اختيار حسام على الضوء الرومانسي والمسيقه الهادئة ..كان الوضع ملاااك..!!
حسام لما لقى منديل جنبه فكر يكتب شي لجنان عارف انها تحب تكتب وهالشي مشترك بينهم ويامل انه يقربهم من بعض..
وكتب بالمنديل بقلمه اللي بجيبه:
أنت الاول.. وأنت الاخير..
مافي بعدك مستحيل..
أنت وحدك بقلبي ولا غيرك ساكنه..
أنت طريقي ودربي ولا غيرك معلمة..
تعرف شلون يقولون حبيبي.. أنا مااقولها!!
لأنك وببساطة مو حبيبي..أنت تعديت كلمة حبيبي..
أنت عمري وكل حياتي..
وانت قلبي..
وانت الدم اللي يجري بشراييني..
أنت ملكتني وملكت..
باقولك..بس اوعى تعلم احد..
أنا..أنا.. أنا أموووووت عليك..
وعلى التراب اللي تحت رجليك..
وكل شي طيح ناظرك علية..
لانك يا حياتي..
الحب الاول والاخير..
مد المنديل على جنان اللي قرتها ودموع الفرح والراحه تشرد من عينها غصب عنها .. سحبت القلم دون ماتناظرة وكتبت من قلبها:
السعادة معك..
منك واليك..لك وعليك..
أحاول ان ابني السعادة..
أحاول ان اسعدك..
فانت مصدر فرحي وحزني..
منك واليك سقطت دمعتي..
لك وعليك تكون ابتسامتي..
فالسعادة معك لا توصف ولا تقدر بثمن..
والحياة بقربك تكون ملاها الامن..
فهل انت سعيد مثلي؟؟!
هل تفرح لفرحي ؟وتحزن لحزني؟؟!!!
لا اعرف ولكن كل مايهمني هو..
ان اكون معك وللابد..
حيث لا يستطيع ان يفرقنا احد..
فمنك السعادة.. واليك السعادة..
وعطتها حسام.. قراها استانس .. حس براحه لراحتهاا..
حسام نادها يقول برقه: جنان..
جنان:هلا..
حسام وعيونه في عيونها بانجذاب قوي ماقدروا يفكونه قال بهمس وشفافيه: احبــــك موت
جنان:............. بعدها ماتحبه بس ان شاء الله بتحبه..
حسام: ادري ان ماصار عندك وقت تحبيني فيه بس يكفي انك معااي مع الوقت اوعدك عمري انك دوم بترتاحين معاي....
جنان كملت معاه الجمله بقولها مبتسمه منزله صوتها: ادري ياروحي وبحبك بعد انش اء الله لأني مااظن احد يقدر مايحبك غير جنا ن الاوليه الغبيه..
حساام بيطيييييير بس ضحك معاها وكانوا في اتم الفرحه ولراحه>> دووووم مو يوووم يااارب..
&& &&& && &&&& &&& & &&&& &
جاسم وامه وابوه واخته راحوا البحرين وتقدموا رسمي واتفقوا ان الملشه بعد اسبوع والزواج بعد شهر طبعا زينب احتجت بس مع اصرارهم وافقت على امل انها تقدر تجهز كل شي بسررعه..!
كانوا فرحانين كلهم اهل العريس واهل العروس وهم العرسان مرتاحين..!!
&&& &&&& &&& && & &&&&
رمزي صديق حسين خلاص جهز اغراضه كلهم وكلها اسبوع وهو في البحرين.. بيعيشس هناك على طول مع بنته في بيت تأجرة يصير ورا بيت حسين..وهالشي مسبب السعادة والسرور لداليا وابوها وحسين..!!وطبعا رمزي كلم شغله ونقلوه للفرع اللي عندهم بالسعوديه وهالشي مريخحه كثيير..داليا حسين رتب لها امورها بواسطاته عشان تدخل المدسرة القريبه من بيتهم وتقدر تتاقلم مع الوضع وكل شي كان مرتب ومخطط له بنظاام ..!
*** * ** *** ** ** ******** *
يوم الجمعه الصباح ع الساعه 8 اريج قامت من النوم غسلت وبدلت وراحت تسوي لها ولزوجها الريوق وتفننت فيه عدل وع الساعه 8 ونص صار كل شي جاهز راحت بتجلس محمود عشان يقوم غسل ويفطر معاها..
دخل الغرفه ولعت النور..وهي تتكلم بصوت عالي عشان يوصل له:محمووود يله قوم الفطور زاهب..
لا رد وهالشي طبيعي لأن استاذ محمود نومه ثقيل: يله حمود حبيبي.. وراحت قريب منه تهز كتفه محمود قووم بلا كسل..
ماتحرك..!!! عادة يمسك ايدها.. اول مره محمود مايمسك ايدها اللي على كتفه ...
اريج بقوة اكبر تهزه: محمود يله حبيبي لايبرد الاكل قووووم..
مافيه تجاوب من أي ناحه .. اريج خااافت عليه حست ان فيه شي مو طبيعي..
حطت ايدها ع قلبة وماحست بنبضااته ياعااااالم محمود قلبة ماينبض.. وصرخت اريج :محموووووووووووود لاااااااااااااااااااااا محموووووووووود..!!!!!!!!!
يتبع..
هذه الرسالة تفيد بأنك غير مشترك في منتديات سارق القلوب. لتسجيل الرجاء اضغط هنـا 
18-4-1427, 01:55 مساء
