...وقال القلب آه (قصة رومانسية اجتماعية واقعية من اجزاء)..

sarah1427 · 2-3-1427, 03:13 صباحاً

القصه رائعه ومؤثره جدا بس تصدقين ماني قادره اتخيل نتائج القصه
شكراااااااا ونحن في شوق

_badgirl_911 · 2-3-1427, 09:49 صباحاً

تسلمين حبيبتي
و اكيد صعب انك تتخيلين نتائجها

لان صراحة انا احس انه اقصة معقدة وفيها شخصيات كثيرة

asuma · 2-3-1427, 03:36 مساء

mashkowra habibt albi

_badgirl_911 · 2-3-1427, 03:55 مساء

تسلمي يا عمري لا تحرمينا من مواضيعك

_badgirl_911 · 3-3-1427, 01:59 مساء

الجزء الثاني عشر..
دخلت أريج مع بنتها ريهام لبيت اهلها ..
أريج:السلام عليكم..
أم راشد + راشد :وعليكم السلام..
أريج:كيفك يمه؟
أم راشد:بخير الله يسلمك..
راشد:هلا ريهام حبيبتي تعالي لخالو..
ريهام وهي تروح تركض لحظن خالها:لاسد هنيه (يعني راشد هنيه)
راشد:قولي خالي مو راشد يا الدبة..
ريهام تطلع لسانها لراشد:أنت الدبة..
أريج:ماما ريهام شنو قلنا مو عيب يقولوا لخالهم كذا..
ريهام بندم وشوي وتصيح:أن ساء الله آنا آثفة (أن شاء الله آنا آسفة)
أريج:إلا قول لي يا أخوي يا راشد وش أخبارك وش علومك؟
راشد:بخير والحمد لله بس أنتظركم تخطبون لي !
أم راشد بغضب:شنو يعني ؟! خلاص خلصت شغلك ولا قلت لي عشان أروح أخطب لك؟؟!
راشد يضحك على ملامح أمه:هههه هههه لا يمه أنا اليوم بس قررت أقول لك ..
أريج: ولا يهمك من العيون هاذي قبل هاذي لو تبي نروح اليوم نخطبها لك بعد..
راشد بتردد:هاه لا..لا .. خلوها يوم الخميس الجاي..
أم راشد: وأخيراً بردتْ قلبي يا راشد يا حبيبي ..بس لو أخوك حسين يرضى يرد علينا ..قوم يا ولدي أتصل فيه الله يخليكم خلوني أتطمن على ولدي ما سمعت صوته من سنتين <وتبكي بكاء يقطع القلب>
أريج:خلاص يمه لا تعورين قلبك كذا ..الحين راشد بيتصل فيه وتطالع أخوها بنظرة رجاء..
راشد اللي زهق من كثر ما يتصل ولا يلقى جواب
ما حب يرفض طلب أمه :خلاص يمه سكتي الحين بتصل فيه..
سكتت أم راشد ودموعها على خدها وهي تشوف ولدها ماسك جواله يتصل..(تتوقعون يرد عليهم)..
نرجع عند جنان وحسام صديق أخوها..
جنان تطالع في حسام بصدمه وبدل ما تروح داخل زاد صياحها وانهارت على الأرض..
حسام ما عرف شنو يسوي البنت مغمي عليها وهو لوحده معاها وسالم لين الحين مارد <حشى مو عصير هذا اللي بيجيبه..
وفي هاذي اللحظة طلع سالم من باب الصالة وشاف أخته على الأرض طاح العصير من يده وانصدم وهو يشوف صديقه واقف حيران مو عارف شنو يسوي راح يركض تجاه أخته :جنان أختي حبيبتي وش فيك وكان يهزها ومو لاقي منها استجابة فصرخ: حسام بليز روح المطبخ قول للخدامة تعطيك كاس ماي ..وراح حسام وهو مو فاهم شي وجاب الماي بسرعة وهو مايبي يطالع في أخت صديقة إحتراماً له رغم أنه عيونه كانت غصباً عنه تلتفت لها بس أجبر نفسه يدور وسمع سالم يقول له:حسام الله يخليك روح بسرعة شغل السيارة بوديها المستشفى ما ادري شنو فيها.. وراح حسام يشغل السيارة بينما سالم راح يجيب عباية أخته..وكلها 5 دقايق أو أقل إلا وهم منطلقين بأقصى سرعة للمستشفى ..(ياترى شنو بيصير
وحالتهم في بيت وفاء كانت:
أم ناصر +أبو ناصر: في دارهم يرتاحون..
وفاء +ناصر :جالسين بالصالة يشوفون التلفزيون ..
ريم وخالد:في غرفة ريم جالسين مع بعض<مخطوبين ومن حقهم هههههاااي ..
وهادي المسكين مثل كل وقت لحاله بغرفته وفي يده دفتر يكتب فيه..
**رن جرس الباب يعلن عن وصول أحد..
وفاء:لجين روحي فتحي الباب ..
وراحت الخدامة تفتح الباب ورجعت:ماما وفاء هذا برا في واحد بابا يبي أنت..!
وفاء مستغربه:واحد بابا يبي أنا..منو هذا؟!
ناصر:خلك هنيه أنا بروح أشوف..
وفاء ما تبي تتعبه:لا خلك أنت يا ناصر ..وتكلم الخدامه:
لجين منو اللي عند الباب ؟!
لجين:ماما هذا بابا مال صديقة أنت عبير..<<كلامها مكسر..هههه..
وفاء:أهاا أوكي الحين بروح ..وراحت لبست شيلتها وطلعت وهي تفكر:ليش يا ترى شنو اللي يايب عمي إبراهيم هنيه خلني أطلع وأشوف..وقفت عند الباب :
تفضل عمي أدخل..
إبراهيم :زاد فضلك يا بنتي آنا بروح بس جايب لك هالكيس من عند عبير..
وفاء استغربت :ما قالت لها عبير عن كيس بتخلي أبوها يجيبه لها وهي توها مكلمتها..!!
وفاء أخذت منه الكيس..مشكور عمي سلم لي على الأهل كلهم..
إبراهيم:العفو الله يسلمك..ألا شنو أخبار أبوك وناصر أخوكِ؟
وفاء ابتسمت:الحمد لله يسلموا عليك <وفي خاطرها: وقريب يزوروك>
إبراهيم:الله يسلمك يله سلمي على الأهل كلهم أنت بعد..
وفاء:أن شاء الله ..مع السلامة ..وسكرت الباب وهي تفكر ياترى شنوا هالكيس؟
ونرجع لأحلام بعد ما فشلتها يدتها فاطمة وراحت غرفتها مبوزة:
أحلام تكلم نفسها بصوت مسموع<تتذمر>:أففف متى بيشبك هذا وترفس الكومبيوتر بريولها<هاذي مشكلتنا والله..هههه>إلا ورنة التلفون تعلن أن النت شبك..
أحلام والفرحة مو سايعتها :واو وأخيراً..
ودخلت فتحت مسنجرها لقت عندها إضافة .قبلت وهي تفكر :أقبل وأشوف مين..بس قبلت طلع شابك وهو اللي ابتدأ..وهذا الحوار اللي دار بينهم من خلال الماسنجر:
(حبيتك والله حبيتك):السلام عليكم..
أحلام(لاتحلم فالحلم خيال):وعليكم السلام ..من معاي؟
(حبيتك والله حبيتك):معاك اللي ذاب في هواك..
(لاتحلم فالحلم خيال):لو سمحت وضح أكثر ما عرفتك؟!
(حبيتك والله حبيتك):أنا نايف اللي خليتيني معلق بين السماء والأرض ولا رديتي عليّ..أنا فهمت من عدم أتصالك أنك ماتبين تكلميني بس والله صدقيني ماني من النوع اللي في بالك..
(لاتحلم فالحلم خيال):......لاتعليق........
**أحلام أنصدمت: من وين له هذا إيميلي؟!**
(حبيتك والله حبيتك):وينك ليه ماتردين عليّ؟!
(لاتحلم فالحلم خيال):من وين لك إيميلي؟وكيف أخذته؟وليش تكلمني؟!
(حبيتك والله حبيتك):شوي شوي عليّ يا أحلام تبيني أجاوبك بجاوب بس صبري مو كذا مره وحدة !
(لاتحلم فالحلم خيال):لا وتعرف أسمي بعد من قال لك به؟ووش عرفك بي؟
(حبيتك والله حبيتك):بل بل صبري وبقول لك كلتيني بقشوري يا بنت الناس..!
(لاتحلم فالحلم خيال):بسرعة قول والله ترى ما عندي غير البلوك..
(حبيتك والله حبيتك):شوفي يا حلوة آنا أخذت رقمك من عند وحدة من صديقاتك وحتى إيميلك هي اللي عطتني أياه وأسمك بعد..
(لاتحلم فالحلم خيال):معقولة وحدة من صديقاتي تكون خاينة ومنافقة بعد.! لا مستحيل..!
(حبيتك والله حبيتك):أنت معتبرتها صديقتك وهي خانتك..فهذا يدل على أنك ما أخترتي الصديقة الصح ولازم تنتبهي لنفسك....
(لا تحلم فالحلم خيال):أنا مستغربه شلون كذا..واحد مثلك جاي يسوي نفسه يبي يتعرف يقعد ينصح ..وبعدين منو هاي البنت الخاينة..؟!
(حبيتك والله حبيتك):لأن آنا قلت لك أني مو من ذا النوع اللي في بالك..أنا بس مرة سمعت صوتك ومو قادر أنساه أو أنساك <أيه قص عليها مسكينة .. هههه..
(لاتحلم فالحلم خيال):معقولة يعني مجرد كلمة (ألو أهلين)تخليك تحبني!؟صراحة ما تدخل العقل..!
(حبيتك والله حبيتك):أنت شكلك مو عايشه في الدنيا ياما ناس تعارفوا من النت وصاروا أحباب وأصدقاء يمكن أكثر من اللي معهم في نفس المكان سواء كانوا بنات أو أولاد فمثلاً أنا متعرف على واحد من سورياء وهذا هو صديقي الروح بالروح كأنه أخوي..
(لاتحلم فالحلم خيال):زين ..بس..والله راسي عورني..
(حبيتك والله حبيتك):عاد وش دعوة يا أحلام هذا وأنت أسمك أحلام قاعدة تمنعينا من الأحلام..!ليه بس؟!
(لاتحلم فالحلم خيال):هذا الواقع المؤلم هو اللي يمنعنا كلنا مو آنا اللي أمنع..
(حبيتك والله حبيتك):بس الحلم ببلاش ومحد يقدر يمنعنا عنه وأكيد كل شخص له حلم..
(لاتحلم فالحلم خيال):أكيد لكن شنو يسوي الواحد إذا كانت ظروف حياته صعبة..
(حبيتك والله حبيتك):ولا شي بس يتكلم مع شخص يثق فيه..ترى أنت إذا كلمتيني ما راح تخسرين شي لأني والله وهذا أنا احلف لك أني ما راح أضايقك بشي أبداً بالعكس لو كنتِ متضايقة راح أريحك..!
(لاتحلم فالحلم خيال):وشنو اللي يثبت لي؟!
(حبيتك والله حبيتك):حبي لك يثبت ..
(لاتحلم فالحلم خيال):لحظات شوي وبرجع..
(حبيتك والله حبيتك):خذي راحتك..
**وراحت أحلام تغير نكنيمها تحس أنها صارت متفائلة وتفكر:والله صدقت رجاء بكلامها .!
(وردة حياتي):بـــــــــــــــــــاكد..تأخرت؟!
(حبيتك والله حبيتك):لا عيوني عادي حلال عليك..
(وردة حياتي):شوف آنا فكرت في الموضوع واتخذت قراري
(حبيتك والله حبيتك):وشنو هو قرارك؟؟؟
(وردة حياتي):أنا قررت ما أكلمك!!<شنو هالتناقض بالتفكير والكلام..!
(حبيتك والله حبيتك):كذا أنت شكلك ناويه تحطميني..!؟
(وردة حياتي):صبر شوي ..أنا قررت ما أكلمك بالتلفون ..جاست في الماسنجر ..لأني بصراحة ماأقدر أكلمك بالتلفون وأخليك تسمع صوتي بس في الماسنجر أخف شوي ..وأنت بكيفك..
(حبيتك والله حبيتك):أكيد بكيفي عجل بكيفك..خلاص ريحتيني كذا أنا موافق..
(وردة حياتي):بس هاه بدون تعدي حدود..
(حبيتك والله حبيتك):هههه على هالخشم ولا يهمك..
(وردة حياتي):بل صار لنا ساعتين نسولف الوقت سرقنا..باي بخليك الحين..
(حبيتك والله حبيتك):باي..
**أم راشد على نار وتدعي من أعماق قلبها لربها أن ولدها حسين يرد عليهم..
أريج متوترة وخايفة على أمها يصير فيها شي من كثر التفكير ..وتدعي بقلبها:الله يعينك يا يمه..
راشد ماسك موبايله:وهو يرن وينتظره يرد عليه وهو يتمنى أنه يرد عليه <لأن هو صج مجطل الموضوع (يعني مو مهتم) لكنه أخوه وقلبه يحاتيه ..ورن فوق الخمس رنات وما رفعه .. راشد فقد الأمل وكان بيسكره (يقفله) بس اللي حصل أن حسين وللمرة الأولى من بعد غياب سنتين تقريباً يرد عليهم..
حسين بضعف:ألو..
راشد طار كل الزعل اللي في قلبه على أخوه وبفرح: ألو حسين حبيبي هذا أنت؟شخبارك؟
حسين :أيه هذا أنا وآنا زين الحمدلله..وحشتوني مره
وودي أشوفكم..
راشد:ليه يا أخوي ما ترجع حنا ودنا نشوفك بعد..
حسين خلاص مو قادر يستحمل أكثر:ياراشد لا تزيدني أنا تكفيني هالغربة اللي القدر كتب أني كتب كلمته في أني أتم عايش فيها طول عمري..!
راشد:وليه يعني ؟أنت اللي حاكم على نفسك مو القدر ..حنا كلنا نبيك هنيه أنت اللي ماتبي تجي..
حسين: .............<<يبكي..
راشد سمع حس أخوه يبكي:ليش تبكي يا حسين يكفي..!
أم راشد كانت قاعدة تسمع ردود راشد على ولدها البكر حسين وتبكي بصمت ..بس لمن سمعته يقول ليش تبكي ماقدرت وراحت سحبت جوال راشد من يده بسرعة وبدون مايحس وحتى ماعطته فرصة أنه يعترض ومسكت الجوال تبي تكلم ولدها وقبل لا تتكلم سمعته يقول وهو يبكي بشهيق عالي يفكر أنه يكلم راشد:تسألني ليه أبكي ياراشد؟! أنا أبكي على حظي الرديء..أبكي على أني عندي أم مو قادر حتى أشوفها ..وأعتبر نفسي مقطوع من شجرة أعتبر نفسي ميت أنا ياراشد ..ولهان على أمي مره ونفسي لو أسمع كلمة منها وولهان عليكم كلكم والله يشهد علي بس شلون أجي وأحط عيوني في عيون أمي أو أتكلم معاها أنا خجلان من نفسي موت ياراشد أنا أحس بذنب أحس أني آنا السبب في موت أبوي وترمل أمي وتيتم أخواني ......
ياترى ليش يحس حسين انه السبب في موت أبوه..؟
وأحلام هل بتستمر مع نايف ولا لا..؟
وليلى خالة وفاء هل صحيح بتروح تدرس بالبحرين مع وفاء وعبير ولا كيف؟
وجنان شنو بيطلع فيها ؟ووش بيصير موقفها مع حسام؟
ومتى بيروح ناصر يخطب عبير وهل بيلاقي اعاقات في هالسبيل؟..

_badgirl_911 · 3-3-1427, 02:00 مساء

أم راشد قطعها قلبها على ولدها بعد ماسمعت كلامه <وقامت تبكي مثله..
أم راشد:ياولدي لا تقول كذا وانا أمك قوم تعال وارجع لي أضمك واحظنك قبل مااموت ياولدي..!
حسين بقد ما انصدم فرح من قلب: بعد عمر طويل يا يمه لا تقولين كذا عسانا ما نخلى منك ياشمعة البيت..
شلونك ولهت عليك يا الغالية..؟
ام راشد: كذاب ومن عيونك لو أني واحشتك مثل ما تقول كان جيت لي ورجعت لحظني مو صابر على فراقي سنتين يا الظالم <وقامت تبكي وهي تكمل :يا ولدي هذا قضاء الله وقدره وحنا لازم نرضى به ونخلي إيمانا بالله قوي
وانت مالك ذنب في اللي صار ياولدي ..
حسين:ونعم بالله..صح ان ذنبي مو مباشر بس يرجع ويكون
بسببي لأني انا الوحيد اللي ينلام في هاذي السالفة ..
ام راشد:ياولدي انسي والنسيان نعمه وقوم تعال لي اشوفك واضمك لصدري وأكحل عيوني بشوفتك يا الغالي ياللي من ريحة الغالي ..
حسين:يمه..مو الحين والله ما اقدر أشوفكم وانا سبب بلواكم ..!
أم راشد بحزن:ياولدي قوم تعال واترك عنك هالخرابيط قوم ياحبيب أمك ارجع من هولندا بلاد الأجانب وتعال لبلد العرب اللي أنت منهم..!!
حسين:يمه آنا مو في هولندا..!!
أم راشد تفاجأت:شنو؟! عجل فين انت؟؟!
حسين:يمه آنا في السعودية وبالخصوص في مكة المكرمة ..
أم راشد:وكيف ومن متى؟!
حسين:آنا صج لما سافرت رحت هولندا بس ثلاث شهور وبعدين السنة وشوي الباقيين قضيتهم في مكة وعايش مع صديقي في شقة وندفع الإيجار نص بالنص ...
أم راشد:طمنتني ياولدي دام انك عايش في بلاد الإسلام وأرض الكعبة الشريفة لكن يله ياولدي عشان تثبت لي غلاي عندك روح تعمر وادعي لنا وتعال ارجع قبل هالأسبوع وخلني اشوفك..
حسين ما حب يقطع قلب أمه أكثر ويخليها تتذلل له لا سمح الله وهو بعد عنده رغبه كبيره بالعودة لهم فقال لها: إن شاء الله يمه يا أحلى أم بهالوجود..!
أم راشد:يله في أمان الله وحفظة يسلمون عليك خواتك..
حسين:الله يسلمهم ولهت عليهم بلغيهم تحياتي..
ام راشد:إن شاء الله يله ياولدي في حفظ الرحمن..
حسين:أجمعين ان شاء الله ..
سكرت أم راشد التلفون من حسين وهي تتنهد بفرح وارتياح..
وفاء وهي راجعه الصالة ومستغربة من الكيس اللي ما عمرها عبير ذكرته لها وفيها فضول كاسر تبي تعرف شنو سالفة هالكيس..؟؟!
وسمعت ناصر يقول:هاذي انت يا وفاء تعالي قولي لي شنو صاير ؟
وفاء:لحظة ياناصر بشوف شنو هالكيس اللي يايبته عبير..؟؟!
ناصر وهو متوتر:زين بسرعة..
وفاء فتحت الكيس وكان فيه هدية صغيره مغلفة وشكلها مرتب وفوقه ورقة دفتر عاديه مره فتحتها وهي تقرأ بصوت عالي:وفاء حبيبتي تركي عنك اللقافة ولا تحاولي تحوسي باللي في الكيس لأني أدري ان الفضول ذابحك الحين ..وفي اقرب فرصة تقدرين تشوفين فيها ليلى خالتك عطيها اياه وقولي لها إني ارسلته اليوم يوم مولدها..
وتستـــــــــــاهلين لأني انا اللي غلبتك..
.................................................. .......
وفاء توها مستوعبه السالفة ..وخلاص انقهرت وودها لو تكفخ نفسها وهي تتذكر أحداث هالسالفه اللي قبل 8 شهور ..يوم تجي ليلى تبات معاهم وتتجمع مع عبير في بيت وفاء :
ليلى:شوفوا بنات خلونا نتفق ..!
عبير:على شنو نتفق؟؟
ليلى بمسخرة:حنا الحين تقريباً متقاربين في السن ولكن أكيد في وحده قبل الثانية .......
وفاء تقاطعها:ايوه كملي بلا مقدمات..
ليلى:زين صبري يا الغبية خليني أكمل ولا تقاطعيني..
عبير:يله زين كملي وتركوا الهواش..
ليلى:خلونا نتفق ان أول وحده تتذكر يوم ميلاد أي وحده فينا تكون الرابحة..
وفاء وهي رافعة حاجب<كانت منقلبة عليهم ذاك اليوم>:طيب شنو بتعطوني لو ربحت..؟؟!
ليلى:اللي تتذكر أول وحدة فيكم لها مني مفاجأة بتسرها مرة..بس لو انا اللي ربحت شنو بتعطوني؟؟!
عبير:بنعزمك على أكبر عشاء في الدنيا في المكان اللي تبينه ..
ليلى وهي تضحك بهسترة :ههههااي قف مي فايف..
وقاموا يضحكون...
وفاء تذكرت هالرهان اللي تراهنوا عليه هم الثلاثة وكانت حاطه في بالها أنها تبي تهزمهم بس للأسف فازت به عبير..!
ناصر حيران:هي أنتِ وين رحتي؟وشنو سالفة هالورقة وفي ايش عبير غلبتك؟!
وفاء رجعت من عالم سرحانها :ها ناصر خذ شوف وبتفهم,
ناصر أدرك ان وفاء نست انه مايشوف فسكت..
وفاء تداركت الكلمة اللي قالتها فقالت لأخوها تبي تخفف عنه:آسفة ناصر والله ما كان قصدي أجرحك انا بس كنت..
قاطعها ناصر:وهو يحن عليها لأنه يعرف أخته لمن تحس بأنها جرحت أحد تقعد تحاسب نفسها وتلومها طول اليوم: خلاص يا وفاء حصل خير أصلاً انا اليوم في المغرب موعدي في المستشفى يعني اليوم بعرف مصيري النهائي مع عيوني وإذا كنت برجع أشوف..؟!
في السعودية في المستشفى سالم كان قاعد في غرفة الأنتظار وهو يحاتي على أحر من الجمر ومعاه حسام صديقة يحاول يهديه:خلاص يا سالم اختك مافيها إلا العافية..
سالم واللي يعرف عن حركات حسام البطاليه كان حارقة قلبه على انه شاف أخته اللي يعرف أكثر من أي شخص
شكثر هي حلوة فهو خايف أن حسام يحط عينه عليها فهو هو بيكلمه بعدين لمن تتحسن حالة أختة: أدري ان مافيها شي..
حسام باستغراب:عجل ليه متوتر ومرتبك كذا وتروح وتجي؟؟!
سالم:بعدين ..بعدين..
طلع لهم الدكتور:السلام عليكم أخوانا..
سالم استلم الرد:وعليكم السلام..ها بشر يا دكتور؟!
الدكتور:شنو تقرب لك المريضة؟
سالم:جنان أختي يا دكتور..
الدكتور:والله ماادري شنو أقول لك بس هي حالتها النفسية مرة زفت شكلها تلقت صدمة خلتها تطيح..أنا بسألك :هي كيف كانت تصرفاتها هالأسبوع؟
سالم:والله أنا طول هالأسبوع كنت مشغول بس انا سمعت من الوالدة أنها صار لها أسبوع كل حابسة نفسها في غرفتها وماتطلع وما تأكل زين كل مالها خلق..
الدكتور:هي محتاجة تغير جو ذي حالتها النفسية مرة تعبانه شكلها تحاول تبعد نفسها عن الناس فأنتوا بدون ما تحس حاولوا تقربونها منكم أكثر وغير كذا مافيه..بس أعصابها مرة فالتة فحاولوا ما تثيرونها..
سالم منصدم ويفكر بصمت: كل هذا في أختي وأنا ماأدري شنو السبب ياترى؟ هي طول عمرها تمشي بفخر وخيلاء بس انا لاحظت عليها هالأسبوع انها مرة منكسرة الخاطر..الله يستر بس..
حسام كان يستمع للي يقوله الدكتور ويتذكر دعائها على نفسها بالموت وهو مصمم انه يخلي البسمة تنرسم على فمها ..لأنها عجبته ودخلت مزاجه...!

@reem@ · 3-3-1427, 08:03 مساء

مشكورة اختي على القصة بس وبعدين شصار ؟؟؟
ناصر بيتزوج عبير والا لا ؟؟؟
وشسالفة راشد هذا اللي طلع بيخرب على ناصر مسكين ياناصر ؟؟؟
اما أحلام مصدقة نفسها بقوة ومستانسة على هذا اللي اسمه نايف ؟؟؟
انا موعاجبني بالقصة الا عبير لو اعرفها كان خطبتها لاخوي <<< متأثرة بالقصة
بس بلييييييييييييييييز كمليها باسرع وقت اذا تقدرين

_badgirl_911 · 3-3-1427, 09:01 مساء

خلاص ولا يهمك انشاء الله بكرة

اول ما ارجع من الدوام باحط جزئين
بس اذا شفت تفاعل اكبر

بالنسبة لاسئلتك ولله ما اقدر اجاوب عليها

لاني كذه باخرب على الباقين
وصراحة انا كمان ما ادري ايش بيصير لاني انا

كمان ما خلصت من قراأتها

بس يارب ناصر و عبير يتزوجون قولي آمين

**زهرة البنفسجي** · 3-3-1427, 09:42 مساء

والله اليوم القصة فيها حزن وااااجد تأثرت منها بس روعة

الله يعطيك العافية

_badgirl_911 · 4-3-1427, 08:45 مساء

صدقيني بيتغير الوضع في الاجزاء الجاية

وتسلمين انت الاروع

_badgirl_911 · 4-3-1427, 08:53 مساء

اسفة اني اتاخرت عليكم بس كان عندي ظروف

الجزء الرابع عشر..

عبير في غرفتها تفكر بصوت مسموع وهي فرحانة:قال أيه قال عبير تنهزم وأخيراً رويتك شغلك ياوفاء الحين أكيد الكيس وصل لك وعرفتي بكسبي للمعركة ههههااي.. بعدها ضحكة ترن في نواحي الغرفة ويصاحبها هالمره صوت جوال عبير يرن وشافت أن وفاء المتصلة رفعته وهي تضحك:يا مية أهلين وسهلين..
وفاء بحمق وعصبية:في عين عدوك قولي آمين..
عبير وهي بعدها تضحك وبطريقة غرور:قلت لك بحطمك ما صدقتيني وأنتِ على كيفك
وفاء:أكيد على كيفي عجل على كيفك..
عبير:أقول وفاء حبيبتي خلاص سكري الموضوع والله راسي مصدع ومو قادرة..
وفاء بمسخرة:سلامة راسك يا الخاينة..
عبير:أمواه لحبيبة قلبي..سمعي شرايك تشبكين الحين يمكن نلاقي ليلوه نطفشها شوي..
وفاء:تصدقين قود آيديا ..يله بروح اشبك بـــــاي..
عبير:بـــــــاي..
نرجس وكوثر وهم نازلين من غرفتهم ويضحكون راحوا لقوا أمهم متونسة بعكس حالها لمن تركوها مالها خلق فسألتها كوثر:يمه علامك فرحانة؟
أو راشد:فديتكم والله أخوكم حسين يسلم عليكم..!
نرجس بأستغراب:حسسين؟!ليش هو رد عليكم؟!
أريج:أيه وخلاص كلها أسبوع وهو راجع ..
نرجس:يابعد عمري أخوي أشتقت له..
راشد:هي أنتي وآنا وين رحت؟!
كوثر:أنت بالقلب وهو معاك..هههههههااي
أريج تقاطعهم:يله يمه آنا بروح الحين البيت تعبانة تآمروني على شي..
أم راشد:شنو فيك يا أريج صج أنتِ وجهك صاير لونه أصفر..؟!
أريج زاد توترها:ها يمه ولا شي سلامتك بس راسي يعورني..<ورن جوالها>خلاص يمه هذا محمود يله باي ..
الكل:مع السلامة..وحطي بالك على نفسك(قالتها أم راشد)..
ريم مع خالد في غرفتها ..وهو منسدح على سريرها وهي جالسة على الكرسي اللي قدام المرايه وتسحي شعرها(تمشطه)وتقول:حبيبي خلود..؟!
خالد:قلبه..
ريم بخجل:تسلم ...بغيت آخذ رايك ...
خالد بأهتمام:في شنو..؟
ريم:وش رايك نروح اليوم المغرب نخطب لناصر بعد مانتصل وناخذ منهم موعد وعلى ماتستوي السالفة وتخلص الأجرائات بتاخذ أسبوع وهو بصراحة معور قلبي وودي أشوفة مع اللي تسعدة ..
خالد:والله فكرة حلوة خلاص قومي نروح نسأله وإذا موافق هو وأمك وأبوك ماعندي مانع..
وقامت ريم مع خالد عشان ينزلوا تحت لكن اللي حصل أنهم سمعوا كلام ناصر لوفاء أنه اليوم موعدة في المستشفى ..وأنهى ناصر كلامة بوصول خالد وريم للصالة فعرف أنهم سمعوه ..
ريم:صج ياناصر؟! مادريت أن اليوم المغرب موعدك في المستشفى والله توني أقول لخالد أنك تبي لو تبي نروح اليوم المغرب نخطب لك عبيروه بنروح..
وفاء:هي لو سمحتي أسمها عبير..!
خالد:أي والله قاعدة وهي تقلب في أسامي الناس ولو أحد قال لها ريموه تزعل..!
ناصر كان يفكر بكلام ريم:لا يا ريم أنتِ أتصلي فيهم وخذي الموعد بكرة أن شاء الله عشان أمون أنهيت فحوصاتي وعرفت مصيري فهي لها الحق بمعرفة كل شي قبل ما توافق على الأرتباط فيبني ..
وفاء بأعجاب:صح لسانك نصور..
ناصر يدعي الغضب:هي لاتبدين بالغلط أسمي ناصر مو نصور..شنو أصغر عيالك آنا..!
خالد:آآآه بكرة بنشوف أم العيال إذا ماقالت لك نصور وأحلى على قلبك..
ناصر برومانسية:شلون عجل هاذا أنتت قلتها بلسانك أم العيال...
ريم تبي تختبر خالد:أحم أحم ..خلودي..؟!
خالد:شب ! شنو هاذي بعد خلودي ؟أخوك الصغير وأنا ماادري..؟!قولي خالد وعمى..
ريم بتعجب:طالع هذا مو توك تقول لناصر انها لمن تكون من أم العيال أحلى على قلبك؟!
خالد يحب ينرفزها:ايه هذا أنتي قلتيها لو كانت من أم العيال..؟!
ريم:لا والله أحلف..عجل آنا منو..؟
وفاء:هههههااي ..أنتِ حي الله خطيبته الدلوعة..
ريم:شبي أنتِ بس..مااحد دخلك في الموضوع ..
خالد:هي لاتغلطي على أختي الغالية تراها الوحيدة وأنا اللي دخلتها..عندك مانع يعني..!.؟
ريم وهي تمد يدها:مالت عليك بالعشر أنت معاها ..
وفاء تطلع لسانها بحركة تقهر ريم..
ناصر:بسكم أنتوا ماتجتمعون في مكان ألا تهاوشتوا اللي يسمعكم يقول نسوان ريل ..خلاص صدعتوا راسي..
خالد:سلامة راسك يا الأخو(وهنيه رن جوال خالد )..
خالد وهو رافع التلفون:هلا والله باللي ناسيني..
المتصل:شدعوة عاد أمس شايفك ولا جنبك أحد تبي تقهره..
خالد:ماشاء الله عليك دايم ذكي وتفهمها وهي طايره ..وينك حبيبي أشتقت لك..!؟
المتصل:ههههااي والله أنك نكتة مع هالريم ..شنو صاير بعد متهاوشين؟؟
خالد:لا ياقلبي لا تفاول علي بس كذا تعرف أحبك شسوي بعمري ..
المتصل:هههههه ..أقول وأنا أخوك تراني زهقان وطفشان وجالس في البيت بروحي ماكأن عندي أخو المفروض يقعد معاي..
خالد:شدعوة حبيبي أنت تآمر أمر الحين جاي لك ..والله ماأقدر أخليك يانور عيني..
المتصل:هههههه أكيد ماتقدر أخوك الوحيد يله أنا أنتظرك..باي
خالد:بايات..
ريم بغضب بس تدعي الهدؤ:شدعوة ..حبيبي ونور عيني..كنت تكلم منو؟
خالد مستمتع:والله كنت أكلم واحد..
ريم:أدري أنه واحد لأنك ماتقدر تكلم وحدة..والله لأقص رقبتك لو تكلم وحدة..
خالد:وأنتِ شدراك يمكن وحدة وأنا قاص عليكِ ؟؟..!!
ريم خلاص عصبتْ:طز فيك أنت معاها..وركبت غرفتها دون ماتعطيه مجال يرد..
خالد يضحك لكنه متألم في قلبه لأنه آلمها وهو يدري شكثر هي تحبة وتغار عليه من الهواء اللي يتنفسه..وتذكر هالموقف قبل خطوبتهم يوم يروحون البحر مع بعض كلهم وتجي له وحدة تقول له:لو سمحت يا الأخو ممكن تجي تساعدني بحمل هذا الكرتون..؟
هو طالع في ريم اللي أحمّر وجهها وتوه بيمشي يساعدها الا وهي تروح لها :تعالي أختي أنا بساعدك..وتم مبتسم عارف أنها تغار عليه..وتقطع أفكاره وفاء:
هي خلود منو كنت تكلم؟!
خالد:ههههههه كنت أكلم نايف أخوي بس حبيت أحرق أعصابها..{خالد ماعندة الا أخو واحد ويتيم الأبوين}
وفاء:آآآه الله يهديكم ..أنا بروح أشبك مواعدة عبير عشان نبي نلعب على ليلوه خالتي يله باي..
خالد :أنا بعد بروح يله باي..
أحلام طلعتْ من الماسنجر بس لأانها ماقدرت تتحمل هالعواصف من المشاعر الجديدة اللي تجتاح قلبها فخافتْ خافت تسوي شي تندم عليه بعدين وطلعت..وكاهي بعدها جالسة قدام شاشة الكومبيوتر والنت شابك ومو قادرة تسوي فيه شي وسمعت أحد يطق باب غرفتها..
أحلام:دخلي..
عبير:وش دراك يا الساحرة أن دخلي مو أدخل؟؟.!
أحلام وهي لازالت سرحانة:لأن احنا يا الذكية كلنا بنات وماعندنا ريايل في البيت وأبوي بعده مايرجع من المسجد ..
عبير:واااو ماشاء الله عليكِ محللتنها..أوكي أحلاموه أشوفك حطيتي الكومبيوتر في غرفتك واستحليتيه كأنه لك وحدك تراني أبي أجلس عليه شوي يله بسرعة...
أحلام:خذيه ماأبيه..
عبير أستغربت أول مرة في حياتها أحلام تتنازل عن النت بسهوله {هم حالتهم المادية وسط يعني الحمد لله لاهم أغنياء ولاهم فقراء..على قد الحال فما عندهم غير كومبيوتر واحد في البيت}
عبير:أحلام فيك شي وأنا ماادري عنه؟
أحلام انتبهت لنفسها:هاه ولا شي سلامتك قلت لك أخذية وفكيني من القرقة الزايدة..
عبير:على راحتك..وقامت عبير وفتحت مسنجرها..لقتها شابكة وعلطول كلمتها :
(ناداني الحب ولبيته):هلا والله بالغلا ليلى..
(أنفاس خامدة):هلا فيك عبيروه شلونك؟
(ناداني الحب ولبيته):الحمد لله تمامووو أسأل عنك..؟
(أنفاس خامدة):سألأت عنك العافية..أنا بخير ولله الحمد..
(ناداني الحب ولبيته):دوووم موب يوووووم يارب..
(أنفاس خامدة):يسلمووو
(ناداني الحب ولبيته):صج..كل عام وأنتِ بخير..
(أنفاس خامدة):وأنت بخير بس ليش ؟احنا سنة جديدة الحين؟؟!
<في هاذي اللحظة شبكت وفاء>وعلطول كلمت ليلى..
(في خاطري لو أشوفك مرة ثانية):هاي ليلوه..شفتي عبيروه فازتنا..هئ هئ هئ هئ
<ليلى توها مستوعبه أو متذكره السالفة فأشركت عبير معهم في المحادثة..>
(أنفاس خامدة):يؤ صحيح اليوم عيد ميلادي والله نسيت على البركة عبير أخيراً قدرتي تهزمي وفاء..ههههههههااي
(ناداني الحب ولبيته):أي والله أخيراً..قف مي فايف..هههههه
(في خاطري لو أشوفك مرة ثانية):لا والله حلفي أنتِ وياها شرايكم أطق لكم بلوك ونخلص..
(أنفاس خامدة):لا والله حلفي أنتِ بس هذا بعد واليوم فرحتكم بي ..
(ناداني الحب ولبيته):ماعليكِ منها ليلوه أنتِ بس قولي لي متى بتجين لنا البحرين؟؟
(أنفاس خامدة):ليش؟مافالت لك وفاء أني خلاص بجي أدرس وياكم في البحرين؟
(ناداني الحب ولبيته):بلى قالت بس شنو السبب مادريت؟؟
(أنفاس خامدة):ماأدري والله بس أبد مو مرتاحة في الجامعة اللي أنا فيها وغير كذا في بنات مضايقيني ومفتقدتكم وايد فقلت أجي لكم بدل قعدتي بروحي ..<ليلى بنت وايد هادئة وماتندمج مع أحد بسرعة تحب الوحدة دوم وهذا اللي مخليها مفتقدة الناس الوحيدين اللي رافقتهم في حياتها اللي هم شلة وفاء وعبير>
(في خاطري لو أشوفك مرة ثانيه):أنا جيت شنو قلتوا عني مامداني رحت أكلم رفيجتي حشيتوا حش..!
(ناداني الحب ولبيته):بسم الله الرحمن وأنتِ كله شاكه في عمرك..فديت ليلوه ماتحش في أحد..
(أنفاس خامدة):شفتي شلون يا وفاء عندي مدافعين ..ألا تعالي صج بسألك أنتِ عمرك ماحطيتي نك نيم إلا وأنت تقصدين به شي ويكون حقيقي فمنو هذا اللي في خاطرك تشوفينه مرة ثانيه هاه أعترفي يامجرمه؟؟1
(ناداني الحب ولبيته):أيوه صج يا مجرمة منو هذا؟؟!
(في خاطري لو أشوفك مرة ثانيه):هههههههه هههههه هههههه ..عارفيني مااقدر أخبي عليكم شي..يا طويلين العمر هاذي سالفة طويلة ما تنقال بالماسنجر لمن تجون لي بعلمكم بها..
(ناداني الحب ولبيته):واااااااو حتى أنتِ ياوفاء صار عندك سوالف ..
(في خاطري لو أشوفك مرة ثانيه):هههااي أحترمي نفسك أقول هاذي سالفة عاديه مرة بس لو تسمعونها بتضحكون..
(أنفاس خامدة):خلاص فكونا ..على فكرة ترى انا بجي لكم البحرين بكرة..والحين لازم اطلع ..أشوفكم على خير..
(ناداني الحب ولبيته): على خير أنا بعد بطلع بـــــاي..
(في خاطري لو أشوفك مرة ثانيه):دامكم بتطلعون شقعد آنا أسوي ..يله سي يو..
<وكل وحدة سكرت جهازها من جهة وفي بالها أفكار من جهة ثانية>
شنو تتوقعون ياتر ى تكون نتيجة فحوصات ناصر.؟وأيش اللي بيصير في البحرين عند ليلى وعبير ووفاء؟وشنو السبب الحقيقي اللي خلى ليلى تغير جامعتها للبحرين ولا اللي قالته لعبير مقنع؟ومنو هذا اللي نفسها وفاء تشوفة؟
للجواب على هالأسئلة أنتظروني..
وأبي رايكم ..

_badgirl_911 · 4-3-1427, 08:59 مساء

الجزء الخامس عشر:
دخل سالم على أختة في الغرفة اللي تلقت فيها علاجها وعلطول رفعتْ عيونها له وشافت في عيونه كلام..عورها قلبها من نظراته اللي ماتستحملهم فنزلتْ عيونها ..هو تقدم خطوتين راح ومسك وجهها ورفعه وخلى عيونه تقابل عيونها وقدم لها هالكلام بعيونه:

~ ~ ياقمري مالي أرى نوركِ يتذبذب..؟! لم أعهدكِ هكذا من قبل..!
فقد كنتُ دائماً أقتبسُ من ضوء نوركِ لأنير داخلي..!
ففي كل ليلة كنتِ تظهرين لي بإطلالتك البهية ..!
لتجلي الظلام وتبعثي في روحي حياة جديدة ملؤها الآمال والأحلام ..
وتبعثي وتوقظي المشاعر على حبكِ الجارف..!
أما الآن.. فأنني دهش منكِ!!
كيف تعتمين!وأنت مصدر إضاءة القلوب..!
أم أن كوامنها قد أعتمتْ فأعتمتِ معها..؟؟!! ~ ~
{..منقول..<أبراء لذمتي أي شي انقله بقول الا اذا كان من تأليفي.. }
هي فهمت معنى نظراته وكلامهم رغم أنه ماأتكلم فما قدرت غير أنها تتنهد:آآآآه..
سالم:سلامة قلبك من ال آآآآه ... جنان..شنو فيك؟؟
جنان بنظرات حذرة توجهها لسالم : هاه..مافيني شي..!
سالم مثل الأب الحنون: علي أنا ياجنان؟!على أخوكِ سالم؟! روحي حبيبتي قصي على هندي وقولي له هالكلام ..أنا عارف أن في شي صاير في حياتك وأنتِ ماتبين تقولينه لي ..بس ياجنان أنا أخوكِ الوحيد اللي مستعد يسمع كلامك لآخر لحظة في عمره دون تذمر أو شكوى ..لا وبعد بحاول أساعدك مهما كانت مشكلتك عويصة <وابتسم لها..
جنان وهي تقدم له بعيونها شكر نابع من قلبها وتفكر بنفس الوقت: ياحظها اللي بتكون زوجتك ياسالم..وردت عليه:أدري يا أخوي والله أدري بس ....
سالم اللي حس أن السالفة أكبر من أنها تكون عادية:يا جنان حتى لو كانت السالفة كبيرة أنا بتفهمك وبساعدك تراست مي < ثقي بي ..
للي مايفهمون E ههههههااي اتغشمر والله ..
جنان بعد تفكير قررت تعلم أخوها بالسالفة يعلى وعسى يقدر يسوي لها شي فقالت له:خلاص ياناصر أنا بعلمك بالسالفة لكن توعدني ماتخبر أحد أبداً لو شو صار..!!
سالم أبتسم لها وهو ناقزه قلبه عليها: أن شاء الله يله أنتِ لبسي عباتك الحين
وأنا بروح أكمل أوراق الخروج وأدفع الحساب عشان نطلع من هنيه..
جنان:اوكيك..

_badgirl_911 · 4-3-1427, 09:01 مساء

وطلع سالم من الغرفة وشاف حسام قاعد على واحد من الكراسي اللي برا وهو متملل في جلسته لكن باله مشغول ..فراح قال له:تعبناك معانا يا ابو الشباب..
حسام:لا شدعوة يا سالم عزيز وغالي ..
سالم:زين خلاص آنا الحين بروح أنهي الأوراق..وكاهي جنان أختي الحين بتلبس عباتها وبنمشي..
حسام:أوكي ماعندي مشاكل (وابتسم)..
****************************
ريم بعد ما أنقهرتْ من حركة خالد طلعت غرفتها والعبرة خانقتها وهي كانت تتحدى الدمعة وماخلتها تنزل من عينها هي تدري أن خالد يلعب عليها وأنه لايكلم وحدة ولا شي بس هذا الشي خارج عن سيطرتها تحبه وتغار عليه حتى من كلام المسخرة نفسة!!
ضلت منسدحة على سريرها وهي شابقة (ضامة) الدبدوب <اللي أهداها اياه خالد في اول عيد ميلاد لها اول ما أكتشفوا مشاعرهم تجاه بعض> لصدرها وتتنفس شذاه اللي تحس ان شذاه من شذى خالد وهي تفكر :أيه صج وينه هادي ماشفته اليوم مسكين ماأحد جايب خبره خلني أقوم أشوفه..
وطلعت من غرفتها وراحت لغرفة هادي ودخلتْ وشافته بمنظر يقطع القلب
....نايم على ذاك الكرسي المتحرك ورقبته مايله وشكله بريء بس في شي لفت نظرها!!شافت في يده دفتر غريب ولونه أسود ومحدد بأحمر ..راحت شالته من يده وشافت مكتوب بخط يده اللي يبا له تحسين :
~ ~..أشكي عليك الحال ياعارف الحال..
ولو مابيدك شي.. يكفي لك أشكي..يكفي تروح بكلمتك ضيقة البال..
ويكفي تحس بضيقتي دون ما أحكي ..~ ~

يارب أسألك بحق القرآن الكريم أن تشفي عجزي يكفيني اللي أعانيه من العذاب يا الله ما أبي أتعب أهلي معاي أنا صرتْ مثل الحمل الثقيل مثل العالة اللي تعكر صفو حياتهم عليهم ياربي ياقادر على كل شي أتوسل لك أنك ترجَّع لي ريولي يا الله وتحفظ لي أمي وأبوي وأخواني من كل شر ..
عبدك المحب:هـــــــــــــــــــادي..
دمعت عيونها ونزل الدمع بغزارة وغطتْ فمها بيدها خوفاً من أنها تصدر صوت ببكائها وتفظح نفسها أو تسبب في جلوس هادي من النوم فردت ْ
الدفتر لمكانه وماحاولتْ تقرأ الكلام اللي يبين أنه مكتوب من زمــــان لأن قلبها مايتحمل أكثر....وقامتْ أخذتْ هادي وضمته لصدرها وهي حاملته حطته على سريره وباسته في عجز الإنسان اللي يتمنى يسوي أي شي عشان ينقذ اللي يحبه من اللي هو فيه بس مايقدر..وغطته باللحاف عدل وطلعتْ برا الغرفة وسكرتْ الباب بهدؤ وهي تفكر:سبحان الله اللي يعطي شي ويأخذ شي...
{هادي صج ان عمره 12 لكن جسمه مره ضعيف وقصير واللي يشوفه يظن أنه ولد عمره 7 سنوات لأنه خفيف مثل الريشة..}
نزلتْ ريم تحت وهي تسمع أذان المغرب يأذن نادت الخدامه الفلبينيه : لجيندوت (هي اسمها لجيندوت بس وفاء ماتحب تناديها فيه تقول أنه صعب فصارتْ تناديها بنفس أسم خدامة بيت عبير <لجين>)
الخدامة:نعم ماما
ريم:وين الكل؟؟ماأشوف أحد !!
الخدامه:هذا ماما وفاء في صلي عشان يبي يروح مع بابا ناصر المستشفى بعد شوية وبابا خالد من عصر في طلع مايرجع وماما في روح بيت الجيران والحين في يرجع وبابا طلع المسجد يصلي...<<حشى ولا موجز الأخبار..
ريم:اهاا أوكي خلاص روحي..وتمتْ في الصالة تنتظر أمها ترجع عشان تقول لها تتصل بيت إبراهيم وتأخذ منهم موعد عشان يروحون يخطبون عبير منهم..
مرت فترة العصر وأنتهت في بيت أم حسين بسرعة البرق وماصار فيها شي الكل في حاله وفي غرفة نرجس وكوثر:
كوثر:شرايك نرجس نتصل في شهد بنت جيرانا نقول لها تجي لنا وحشتني السبالة..
نرجس:والله أنا من بعد طردتها لي ذيك المرة وأنا كارهتها ماأحبها..
كوثر:ههههه هههه بلا يهاله علينا هاذيك سالفة من 10 سنين وترى أنا شفت البنت وايد طيبة..
نرجس:أوكيك على رايك..
وفي ذيك الديوانيه اللي في بيت سعاد ..
كانت شهد جالسة مع خليل ومعاهم أمهم ..كل واحد قاعد على كنبة والتلفزيون قدامهم..
خليل:ههههههههه ههههه آآآه والله تعجبني رايتشل لما تفشل جوي ههه..
شهد وهي ملانه ماتحب تشوف هالحلقة:أسكتْ أنت بس يالنحيس بس متولي
التلفزيون وحاط لنا برنامج مثل وجهه.. <تتحنطب عليه هههههه..
سعاد:شفيك ياشهد على أخوك أنتِ من زمان تدرين أن أخوك ِ يحب برنامج فريندز شنو اللي تغير الحين؟!
خليل يبي يقهرها:شوفي شهوده حبوبة تبين روحي طالعي في تلفزيون ثاني على ماأظن فيه تلفزيونين غير هذا في البيت..
شهد موصله حدها:أنطم ومالك شغل..
خليل:هههه حره على قلبك ..(وفي هاذي الأثناء رن التلفون وبكل قهر رفعته شهد وبدون نفس: ألو مرحبا..
كوثر:يامليون مرحبااا هلا والله..
شهد ماعرفتها:هلا فيكِ أنتِ <وسكتت..
كوثر:ها شهوده ماعرفتيني؟؟!
شهد انحرجت من قلب منو هاذي ؟؟والله ماأذكر صوتها يعني اكيد مو وحدة معاي في المدرسة :آسفة أختي مو قادرة أتذكر صوتك..!
كوثر:مالت عليكِ ياخاينة ماتعرفين كوثر اللي طردتيها من غرفتك قبل كم سنة..
شهد بفرح وأندهاش وبصوت عالي خلتْ أمها وخليل يناظرونها بعجب:شنو؟؟1 كوثر ماغيرها؟؟!
كوثر:لا بنت عمها..شنو قاعدة اللعب وياكِ أنا ..
شهد:صج ياكوثر شلونك؟عساك بخير؟وحشتيني..
كوثر:مايوحشك وحش..أنا بخير والحمد لله..نسأل عنك أنا ونرجس..
شهد براحه:سألت عنكم العافيه والله أني كنت ملانه حدي وهذا خليلوه مستولي على الرموت وماني عارفة شنو أسوي؟؟!
{خليل قام يطالع فيها بعين وعين }
كوثر تذكرتْ يوم تشوف خليل وفقعت ضحك..كل ماتبي تتكلم تجي لها موجة ضحك ثانية ..
شهد فهمت ليش تضحك:خلاص كوثر بعدك تذكرين خليلوة تعودي حبيبتي<وتطالع اخوها بنظرة تقهر وتطلع له لسانها..
كوثر:آآه والله ماني قادرة ..المهم انا كنت متصله أقولك تعالي الليله عندنا عازمينك على العشاء..
شهد تطالع في امها وتبتسم:ها عازميني الليله..! أن شاء الله خلاص بس ببلغ الوالدة وأحاول أجي لكم...
سعاد:مايحتاج تحاولين كاني عطيتك الأذن دامك بتروحين بيت الغالية..
شهد:كلللوش كوثروه شنو سويتي أمي على طول رضتْ ياليت تعلميني
الوصفة عشان أجربها كل مرة اذا بغيت أطلع ..
كوثر:ههههههاااي الله يقربل بليسك ياحلوة..خلاص أنا بسكر الحين وننتظرك مو تتأخرين علينا ..
شهد:أوكي في أمان الله ..باي..
كوثر:وحفظه ..بايات..
سكرت شهد من كوثر وهي تتنهد..
سعاد:أنتِ ماتهونين عن هالحركات..! متى بتكبرين هاه؟؟!
شهد راحتْ عند ريول أمها وأنسدحت عليها وهي تدلع:أنا صغنونتك يمه مابكبر..!
خليل وهو بعدة يفكر في كوثر:يحرك راسة يميمن ويسار ويبوس صبعه ويحطة عند يبهتة ويقول:الحمد لله والشكر...
طالعتْ فيه وهي مقهورة فيه لكن ماتبي تحرق أعصابها ..وطلعت له لسانها وضحكتْ على شكلة..
وفاء خلصتْ صلاة وطوت سجادتها وراحتْ لبستْ عباتها وخذتْ شنطتها ونزلتْ شافتْ ريم في الصالة وراحتْ لعندها وقالتْ : ها ريم مابتروحين معانا المستشفى؟؟!
ريم:.......لامن جواب....<سرحانة <<اكيد تفكر بالحبيب هههههههههااي
وفاء:تأشر عليها بحركة مسخرة:هي أختاه أين أنتِ؟؟!
ريم أنتبهتْ لها وفاقت من سرحانها:هاا ..وفاء شنو تبين؟؟
وفاء:اللهم صبرك ياروح!أقولك مابتروحين معانا المستشفى ؟؟
ريم:ها..لا مابروح لأني الحين لمن ترجع أمي بتتصل بيت عبير نأخذ منهم موعد ...
وفاء:أهاا زين تسوين <<الا أمهم داخلة الصالة وتقول:بشنو كنتوا تطروني هاه؟؟اعترفوا..
ضحكوا..وفاء:ولا شي يمه كانت ريم تقول لي أنا مابتروح معانا المستشفى بتقعد معاك ِ عشان تكلموا بيت عبير ..
بدرية تذكرتْ موعد ولدها وبحزن:على خير..
وفاء رن جوالها:يمه كاهو خالد وصل يله انا بروح ..بطلعّ ناصر من المجلس عشان نروح ..باي..
بدريه:آآآه حطوا بالكم على نفسكم..
وراحتْ وفاء تساعد أخوها وطلعوا برا وركبّته في السيارة ورا حسب رغبتة ..وركبتْ قدام مع خالد..
خالد:وفاء وين ريم؟مابتجي؟؟!
وفاء تبي تعذبه شوي:لا هي أصلاً ما طلعتْ من غرفتها ..يؤ تصدق لا يكون فيها شي؟؟!
خالد نقزه قلبه:فال الله ولا فالك.بقوم دقيقة بشوفها ..
وفاء تضحك على شكله وناصر يتكلم:تعال وين رايح؟! بنتأخر..! ماعليك منها تلعب عليك..ريم مع أمي في الصالة ..يله خلّصنا نبي نخلّص..
خالد حس بالتوتر اللي في ناصر فمشى دون مايتكلم...
راشد في المكتب ينهي الأوراق اللي بيده يبي يرجع البيت ويرن جواله وأستغرب بادئ الأمر لمن شاف حسين أخوه المتصل بعدين تذكر أنهم كلموه ورفعه والأبتسامة مرتسمة على وجهه:مرحباااا السااااع..
حسين بضحكة كبيرة:مرحبتين هلا بالأماراتي ..
راشد:هههه كيفك يأخوي أخبارك؟؟
حسين:الحمد لله نسأل عنكم..
راشد:الأهل بخير وعافية بس ننتظرك تجي حق تساعدني في الشركة...
حسين:أنت تآمر أمر حبيبي..
راشد:تسلم بغيت أقول لك شي..
حسين:سم..
راشد:سم الله عدوك...بس أنا قررت أخطب ..
حسين يقلد على صوت البنات:كللللوش..وأخيراً ..
ويرجع لصوتة الطبيعي :مابغيت يارجال بغيت تعنس..
راشد:هههه والله أنك مو في الدنيا ..حسين ترى انا خطبتْ من قبل بس الله ماأراد لذيك العلاقة الأستمرار ..
حسين عوره قلبه على اللي يسمعه والندم يزيد عنده شكثر أشياء صارتْ ومايدري عنها ولازم يعوض بيتهم عنها فقال(عسى أن تكرهوا شيئاً وهو خيراً لكم)...اسمع بغيت اقول لك ترى بعد بكرة انا عندكم أبيك تجي لي المطار الساعة 11الصباح بس ها لاتقول لاحد خلها مفاجأة..
راشد:والله ! ؟ أوكي خلاص في انتظارك حبيبي...
حسين:يله سلم لي على الأهل..
راشد :الله يسلمك..

_badgirl_911 · 4-3-1427, 09:03 مساء

الجزء السادس عشر:
بعد ماسكر حسين من عند راشد جلس يفكر: ياربي شكثر أشياء صارت وأنا ماأدري عنها كله بسببي وبسبب تهوري أنا لازم أرجع وأعوضهم وما اخليهم يحتاجون شيء فقدوه وأنا السبب أنا لازم أرضى بقضاء الله وأستغفره على كل أفعالي والله غفور رحيم ..
>> حسين قبل ما يسافر كان إنسان حبوب والناس تحبه لكن...هو كان مغازلجي ولسانه طويل مره وتوصل فيه الوقاحه احياناً انه يسوي أشياء ما أحد يتوقعها رغم طيب قلبه والحين هو يظن أنه تغير ..فهل يا ترى مابيستوي له شيء يخليه يرد لشخصيته القديمه اللي طبعاً هي أحلى من القديمه لأنها الأساس فتكون عفويه ! ولا صج هو تغير!
_ _ _ _ _ _ _ _ _ _ _ _ _ _ _ _ _ _

جنان لبستْ عباتها وخلصتْ ماعندها أغراض ..خلاص هي جاهزة وقامت تبي تطلع من الغرفة تستنى أخوها برا بس خافتْ أن يكون فيه أحد وعملتْ لها لثام بشيلتها ..يعني ماتبين غير عيونها وطلعتْ وسكرتْ الباب وتسندتْ عليه وهي تحس برأسها يدور وماأنتبهتْ للشخص اللي رفع رأسه لها أول ماطلعتْ من الغرفة..
حسام كان يراقبها وكل تهور قام راح لها قريب منها وقال: ماتشوفين شر ياجنان!!
جنان علطول طالعتْ فيه وأستغربتْ من وقاحته أبداً ماأعجبها أسلوبه فردتْ عليه بنظرة أحتقار لاغير وبعدتْ عنه..!
أي واحد مكان حسام كان ممكن ينقهر من هالحركة كن حسام عجبته وزاد تمسكه فيها ورد قال:الحمد لله على السلامة << مصمم الأخ يبي يسمع صوتها..
جنان طالعتْ فيه بقهر وأحتقار ولا عبرته للمرة الثانية وفي نفسها:شنو هذا طوف مايفهم .. مابي ارد عليك ياأخي انقلع ..
حسام وبعده مستمتع: اقول, جنان,.بقول لك شيء.. ليش تبين تموتين؟؟!!
جنان اندهشتْ وماقدرتْ تمسك نفسها:شنو ؟؟!! أنت شقاعد تقول؟؟!ووشدراك أني أبي اموت؟؟! أنت تعرف عني شي؟؟!!
حسام بمسخرة وارتياح انها اتكلمتْ : أيه أعرف..!
جنان بخوف انه يعرف عن حبها لناصر اللي مايعرفها غيرهم:شنو اللي تعرفه؟؟!
حسام بكل ثقة وتهور:أعرف انك حلوه واني معجب فيك و......
مسكين الريال ما امداه يكمل كلامه الا وسيل من الشتمات تنهال عليه بقوه من جنان اللي ارتاحت من جد على انه مايعرف وتضايقتْ من كلامه عنها:هيْ أنت يا**** ياغبي ..! وبعجز تكمل:أنت ماتفهم ؟! خرعتني..! افففف! انقلع..مالك حق تجي تكلمني أنت فاهم!!
<<بتهديد وهي تأشر له بصبعها السبابه..
حسام بطريقة تحرق الأعصاب:لي الحق ياحلوة..!
جنان: ومن عطاك الحق؟؟!
حسام:حبي عطاني الحق...!!
جنان بقهر وخوف من انه يجي اخوها ويشوفها معاه ويفهم شي غلط: وقح..!
< ودخلتْ الغرفة لأنها ما تقدر تستحمل هالصدمات اللي تجيها وراء بعض...!
أما حسام من جهة ثانية ارتاح جزئياً من اللي سواه ويحسه لمصلحة البنت ومصلحته..
وكلها دقايق وجاء سالم ونادى أخته ومشوا كلهم للسيارة مع سالم اللي ما يدري عن شيء >>ضايع في الطوشة..خخخخ...
ووصلوا لمواقف السيارات ... جنان تدور بعيونها على سيارة أخوها وما حصلتها ..
سالم حس بحيرتها وقال لها:أحنا لمن شفناك طايحة

مشاهدة نتائج الإستفتاء: هل تستحق القصة التثبيت؟ (ارجو التصويت).
نعم	2	100.00%
لا	0	0%
استفتاء متعدد الإختيارات. المصوتون: 2. أنت لم تصوت في هذا الإستفتاء

2-3-1427, 09:49 صباحاً	#42 (permalink)
_badgirl_911 ::كنز من كنوز القلوب:: تاريخ التسجيل: Mar 2006 المشاركات: 4,164 مشاركات اليوم : لايوجد المواضيع: 23 الـردود: 4141	تسلمين حبيبتي و اكيد صعب انك تتخيلين نتائجها لان صراحة انا احس انه اقصة معقدة وفيها شخصيات كثيرة من مواضيع _badgirl_911 0 اعرف شخصيتك الرومانسية من اول حرف باسمك.. 0 لمن تهدي هاذه الكلمات ... 0 ادخل وقول رايك بالعضو الي قبلك 0 زوجة تخون زوجها فوق جثته.. 0 السؤال بوادي والجواب بوادي .... لعبة حلوة .. ادخلو ما رح تخسرو شي 0 قصة ابكتني فهل ستبكيك 0 كيكة مارس ولا اروع منها ..ادخلو بسرعة قبل ما تخلص.. 0 حقيقة الرؤئ 0 ابغا اغير nick name حقي لو سمحتوا ادخلوا 0 ادخل وشوف جواز سفرك.... 0 لعبة الكلمات بدون نقط .. اقلها ادخلو شوفو اللعبة اذا ما عجبتكم لا تلعبو 0 الرؤيا المؤجله 0 ...وقال القلب آه (قصة رومانسية اجتماعية واقعية من اجزاء).. 0 قصة عقدت كل من قراها 0 اتركوا المنتدى بسررررررعة ( مكرر) توقيع _badgirl_911 [ فقط المشتركين فى المنتدى يمكنهم رؤية الرابط . اضعط هنا للتسجيل ... ] يسلمووووووو خيووو جنرال حرب على تنفيذ الحكم الصادر من محكمة المنتدى توقيع روووووووووعة ][®][^][®][مشرفة قسم القصص والحكايات][®][^][®][ .

4-3-1427, 08:53 مساء	#51 (permalink)
_badgirl_911 ::كنز من كنوز القلوب:: تاريخ التسجيل: Mar 2006 المشاركات: 4,164 مشاركات اليوم : لايوجد المواضيع: 23 الـردود: 4141	اسفة اني اتاخرت عليكم بس كان عندي ظروف الجزء الرابع عشر.. عبير في غرفتها تفكر بصوت مسموع وهي فرحانة:قال أيه قال عبير تنهزم وأخيراً رويتك شغلك ياوفاء الحين أكيد الكيس وصل لك وعرفتي بكسبي للمعركة ههههااي.. بعدها ضحكة ترن في نواحي الغرفة ويصاحبها هالمره صوت جوال عبير يرن وشافت أن وفاء المتصلة رفعته وهي تضحك:يا مية أهلين وسهلين.. وفاء بحمق وعصبية:في عين عدوك قولي آمين.. عبير وهي بعدها تضحك وبطريقة غرور:قلت لك بحطمك ما صدقتيني وأنتِ على كيفك وفاء:أكيد على كيفي عجل على كيفك.. عبير:أقول وفاء حبيبتي خلاص سكري الموضوع والله راسي مصدع ومو قادرة.. وفاء بمسخرة:سلامة راسك يا الخاينة.. عبير:أمواه لحبيبة قلبي..سمعي شرايك تشبكين الحين يمكن نلاقي ليلوه نطفشها شوي.. وفاء:تصدقين قود آيديا ..يله بروح اشبك بـــــاي.. عبير:بـــــــاي.. نرجس وكوثر وهم نازلين من غرفتهم ويضحكون راحوا لقوا أمهم متونسة بعكس حالها لمن تركوها مالها خلق فسألتها كوثر:يمه علامك فرحانة؟ أو راشد:فديتكم والله أخوكم حسين يسلم عليكم..! نرجس بأستغراب:حسسين؟!ليش هو رد عليكم؟! أريج:أيه وخلاص كلها أسبوع وهو راجع .. نرجس:يابعد عمري أخوي أشتقت له.. راشد:هي أنتي وآنا وين رحت؟! كوثر:أنت بالقلب وهو معاك..هههههههااي أريج تقاطعهم:يله يمه آنا بروح الحين البيت تعبانة تآمروني على شي.. أم راشد:شنو فيك يا أريج صج أنتِ وجهك صاير لونه أصفر..؟! أريج زاد توترها:ها يمه ولا شي سلامتك بس راسي يعورني..<ورن جوالها>خلاص يمه هذا محمود يله باي .. الكل:مع السلامة..وحطي بالك على نفسك(قالتها أم راشد).. ريم مع خالد في غرفتها ..وهو منسدح على سريرها وهي جالسة على الكرسي اللي قدام المرايه وتسحي شعرها(تمشطه)وتقول:حبيبي خلود..؟! خالد:قلبه.. ريم بخجل:تسلم ...بغيت آخذ رايك ... خالد بأهتمام:في شنو..؟ ريم:وش رايك نروح اليوم المغرب نخطب لناصر بعد مانتصل وناخذ منهم موعد وعلى ماتستوي السالفة وتخلص الأجرائات بتاخذ أسبوع وهو بصراحة معور قلبي وودي أشوفة مع اللي تسعدة .. خالد:والله فكرة حلوة خلاص قومي نروح نسأله وإذا موافق هو وأمك وأبوك ماعندي مانع.. وقامت ريم مع خالد عشان ينزلوا تحت لكن اللي حصل أنهم سمعوا كلام ناصر لوفاء أنه اليوم موعدة في المستشفى ..وأنهى ناصر كلامة بوصول خالد وريم للصالة فعرف أنهم سمعوه .. ريم:صج ياناصر؟! مادريت أن اليوم المغرب موعدك في المستشفى والله توني أقول لخالد أنك تبي لو تبي نروح اليوم المغرب نخطب لك عبيروه بنروح.. وفاء:هي لو سمحتي أسمها عبير..! خالد:أي والله قاعدة وهي تقلب في أسامي الناس ولو أحد قال لها ريموه تزعل..! ناصر كان يفكر بكلام ريم:لا يا ريم أنتِ أتصلي فيهم وخذي الموعد بكرة أن شاء الله عشان أمون أنهيت فحوصاتي وعرفت مصيري فهي لها الحق بمعرفة كل شي قبل ما توافق على الأرتباط فيبني .. وفاء بأعجاب:صح لسانك نصور.. ناصر يدعي الغضب:هي لاتبدين بالغلط أسمي ناصر مو نصور..شنو أصغر عيالك آنا..! خالد:آآآه بكرة بنشوف أم العيال إذا ماقالت لك نصور وأحلى على قلبك.. ناصر برومانسية:شلون عجل هاذا أنتت قلتها بلسانك أم العيال... ريم تبي تختبر خالد:أحم أحم ..خلودي..؟! خالد:شب ! شنو هاذي بعد خلودي ؟أخوك الصغير وأنا ماادري..؟!قولي خالد وعمى.. ريم بتعجب:طالع هذا مو توك تقول لناصر انها لمن تكون من أم العيال أحلى على قلبك؟! خالد يحب ينرفزها:ايه هذا أنتي قلتيها لو كانت من أم العيال..؟! ريم:لا والله أحلف..عجل آنا منو..؟ وفاء:هههههااي ..أنتِ حي الله خطيبته الدلوعة.. ريم:شبي أنتِ بس..مااحد دخلك في الموضوع .. خالد:هي لاتغلطي على أختي الغالية تراها الوحيدة وأنا اللي دخلتها..عندك مانع يعني..!.؟ ريم وهي تمد يدها:مالت عليك بالعشر أنت معاها .. وفاء تطلع لسانها بحركة تقهر ريم.. ناصر:بسكم أنتوا ماتجتمعون في مكان ألا تهاوشتوا اللي يسمعكم يقول نسوان ريل ..خلاص صدعتوا راسي.. خالد:سلامة راسك يا الأخو(وهنيه رن جوال خالد ).. خالد وهو رافع التلفون:هلا والله باللي ناسيني.. المتصل:شدعوة عاد أمس شايفك ولا جنبك أحد تبي تقهره.. خالد:ماشاء الله عليك دايم ذكي وتفهمها وهي طايره ..وينك حبيبي أشتقت لك..!؟ المتصل:ههههااي والله أنك نكتة مع هالريم ..شنو صاير بعد متهاوشين؟؟ خالد:لا ياقلبي لا تفاول علي بس كذا تعرف أحبك شسوي بعمري .. المتصل:هههههه ..أقول وأنا أخوك تراني زهقان وطفشان وجالس في البيت بروحي ماكأن عندي أخو المفروض يقعد معاي.. خالد:شدعوة حبيبي أنت تآمر أمر الحين جاي لك ..والله ماأقدر أخليك يانور عيني.. المتصل:هههههه أكيد ماتقدر أخوك الوحيد يله أنا أنتظرك..باي خالد:بايات.. ريم بغضب بس تدعي الهدؤ:شدعوة ..حبيبي ونور عيني..كنت تكلم منو؟ خالد مستمتع:والله كنت أكلم واحد.. ريم:أدري أنه واحد لأنك ماتقدر تكلم وحدة..والله لأقص رقبتك لو تكلم وحدة.. خالد:وأنتِ شدراك يمكن وحدة وأنا قاص عليكِ ؟؟..!! ريم خلاص عصبتْ:طز فيك أنت معاها..وركبت غرفتها دون ماتعطيه مجال يرد.. خالد يضحك لكنه متألم في قلبه لأنه آلمها وهو يدري شكثر هي تحبة وتغار عليه من الهواء اللي يتنفسه..وتذكر هالموقف قبل خطوبتهم يوم يروحون البحر مع بعض كلهم وتجي له وحدة تقول له:لو سمحت يا الأخو ممكن تجي تساعدني بحمل هذا الكرتون..؟ هو طالع في ريم اللي أحمّر وجهها وتوه بيمشي يساعدها الا وهي تروح لها :تعالي أختي أنا بساعدك..وتم مبتسم عارف أنها تغار عليه..وتقطع أفكاره وفاء: هي خلود منو كنت تكلم؟! خالد:ههههههه كنت أكلم نايف أخوي بس حبيت أحرق أعصابها..{خالد ماعندة الا أخو واحد ويتيم الأبوين} وفاء:آآآه الله يهديكم ..أنا بروح أشبك مواعدة عبير عشان نبي نلعب على ليلوه خالتي يله باي.. خالد :أنا بعد بروح يله باي.. أحلام طلعتْ من الماسنجر بس لأانها ماقدرت تتحمل هالعواصف من المشاعر الجديدة اللي تجتاح قلبها فخافتْ خافت تسوي شي تندم عليه بعدين وطلعت..وكاهي بعدها جالسة قدام شاشة الكومبيوتر والنت شابك ومو قادرة تسوي فيه شي وسمعت أحد يطق باب غرفتها.. أحلام:دخلي.. عبير:وش دراك يا الساحرة أن دخلي مو أدخل؟؟.! أحلام وهي لازالت سرحانة:لأن احنا يا الذكية كلنا بنات وماعندنا ريايل في البيت وأبوي بعده مايرجع من المسجد .. عبير:واااو ماشاء الله عليكِ محللتنها..أوكي أحلاموه أشوفك حطيتي الكومبيوتر في غرفتك واستحليتيه كأنه لك وحدك تراني أبي أجلس عليه شوي يله بسرعة... أحلام:خذيه ماأبيه.. عبير أستغربت أول مرة في حياتها أحلام تتنازل عن النت بسهوله {هم حالتهم المادية وسط يعني الحمد لله لاهم أغنياء ولاهم فقراء..على قد الحال فما عندهم غير كومبيوتر واحد في البيت} عبير:أحلام فيك شي وأنا ماادري عنه؟ أحلام انتبهت لنفسها:هاه ولا شي سلامتك قلت لك أخذية وفكيني من القرقة الزايدة.. عبير:على راحتك..وقامت عبير وفتحت مسنجرها..لقتها شابكة وعلطول كلمتها : (ناداني الحب ولبيته):هلا والله بالغلا ليلى.. (أنفاس خامدة):هلا فيك عبيروه شلونك؟ (ناداني الحب ولبيته):الحمد لله تمامووو أسأل عنك..؟ (أنفاس خامدة):سألأت عنك العافية..أنا بخير ولله الحمد.. (ناداني الحب ولبيته):دوووم موب يوووووم يارب.. (أنفاس خامدة):يسلمووو (ناداني الحب ولبيته):صج..كل عام وأنتِ بخير.. (أنفاس خامدة):وأنت بخير بس ليش ؟احنا سنة جديدة الحين؟؟! <في هاذي اللحظة شبكت وفاء>وعلطول كلمت ليلى.. (في خاطري لو أشوفك مرة ثانية):هاي ليلوه..شفتي عبيروه فازتنا..هئ هئ هئ هئ <ليلى توها مستوعبه أو متذكره السالفة فأشركت عبير معهم في المحادثة..> (أنفاس خامدة):يؤ صحيح اليوم عيد ميلادي والله نسيت على البركة عبير أخيراً قدرتي تهزمي وفاء..ههههههههااي (ناداني الحب ولبيته):أي والله أخيراً..قف مي فايف..هههههه (في خاطري لو أشوفك مرة ثانية):لا والله حلفي أنتِ وياها شرايكم أطق لكم بلوك ونخلص.. (أنفاس خامدة):لا والله حلفي أنتِ بس هذا بعد واليوم فرحتكم بي .. (ناداني الحب ولبيته):ماعليكِ منها ليلوه أنتِ بس قولي لي متى بتجين لنا البحرين؟؟ (أنفاس خامدة):ليش؟مافالت لك وفاء أني خلاص بجي أدرس وياكم في البحرين؟ (ناداني الحب ولبيته):بلى قالت بس شنو السبب مادريت؟؟ (أنفاس خامدة):ماأدري والله بس أبد مو مرتاحة في الجامعة اللي أنا فيها وغير كذا في بنات مضايقيني ومفتقدتكم وايد فقلت أجي لكم بدل قعدتي بروحي ..<ليلى بنت وايد هادئة وماتندمج مع أحد بسرعة تحب الوحدة دوم وهذا اللي مخليها مفتقدة الناس الوحيدين اللي رافقتهم في حياتها اللي هم شلة وفاء وعبير> (في خاطري لو أشوفك مرة ثانيه):أنا جيت شنو قلتوا عني مامداني رحت أكلم رفيجتي حشيتوا حش..! (ناداني الحب ولبيته):بسم الله الرحمن وأنتِ كله شاكه في عمرك..فديت ليلوه ماتحش في أحد.. (أنفاس خامدة):شفتي شلون يا وفاء عندي مدافعين ..ألا تعالي صج بسألك أنتِ عمرك ماحطيتي نك نيم إلا وأنت تقصدين به شي ويكون حقيقي فمنو هذا اللي في خاطرك تشوفينه مرة ثانيه هاه أعترفي يامجرمه؟؟1 (ناداني الحب ولبيته):أيوه صج يا مجرمة منو هذا؟؟! (في خاطري لو أشوفك مرة ثانيه):هههههههه هههههه هههههه ..عارفيني مااقدر أخبي عليكم شي..يا طويلين العمر هاذي سالفة طويلة ما تنقال بالماسنجر لمن تجون لي بعلمكم بها.. (ناداني الحب ولبيته):واااااااو حتى أنتِ ياوفاء صار عندك سوالف .. (في خاطري لو أشوفك مرة ثانيه):هههااي أحترمي نفسك أقول هاذي سالفة عاديه مرة بس لو تسمعونها بتضحكون.. (أنفاس خامدة):خلاص فكونا ..على فكرة ترى انا بجي لكم البحرين بكرة..والحين لازم اطلع ..أشوفكم على خير.. (ناداني الحب ولبيته): على خير أنا بعد بطلع بـــــاي.. (في خاطري لو أشوفك مرة ثانيه):دامكم بتطلعون شقعد آنا أسوي ..يله سي يو.. <وكل وحدة سكرت جهازها من جهة وفي بالها أفكار من جهة ثانية> شنو تتوقعون ياتر ى تكون نتيجة فحوصات ناصر.؟وأيش اللي بيصير في البحرين عند ليلى وعبير ووفاء؟وشنو السبب الحقيقي اللي خلى ليلى تغير جامعتها للبحرين ولا اللي قالته لعبير مقنع؟ومنو هذا اللي نفسها وفاء تشوفة؟ للجواب على هالأسئلة أنتظروني.. وأبي رايكم .. التعديل الأخير تم بواسطة : _badgirl_911 بتاريخ 4-3-1427 الساعة 08:56 مساء.

2-3-1427, 03:13 صباحاً	#41 (permalink)
sarah1427 ::قـلـب جـديـد:: تاريخ التسجيل: Feb 2006 المشاركات: 9 مشاركات اليوم : لايوجد المواضيع: 0 الـردود: 9	القصه رائعه ومؤثره جدا بس تصدقين ماني قادره اتخيل نتائج القصه شكراااااااا ونحن في شوق

2-3-1427, 03:36 مساء	#43 (permalink)
asuma ::قـلـب جـديـد:: تاريخ التسجيل: Jan 2006 المشاركات: 59 مشاركات اليوم : لايوجد المواضيع: 0 الـردود: 59	mashkowra habibt albi

2-3-1427, 03:55 مساء	#44 (permalink)
_badgirl_911 ::كنز من كنوز القلوب:: تاريخ التسجيل: Mar 2006 المشاركات: 4,164 مشاركات اليوم : لايوجد المواضيع: 23 الـردود: 4141	تسلمي يا عمري لا تحرمينا من مواضيعك

3-3-1427, 01:59 مساء	#45 (permalink)
_badgirl_911 ::كنز من كنوز القلوب:: تاريخ التسجيل: Mar 2006 المشاركات: 4,164 مشاركات اليوم : لايوجد المواضيع: 23 الـردود: 4141	الجزء الثاني عشر.. دخلت أريج مع بنتها ريهام لبيت اهلها .. أريج:السلام عليكم.. أم راشد + راشد :وعليكم السلام.. أريج:كيفك يمه؟ أم راشد:بخير الله يسلمك.. راشد:هلا ريهام حبيبتي تعالي لخالو.. ريهام وهي تروح تركض لحظن خالها:لاسد هنيه (يعني راشد هنيه) راشد:قولي خالي مو راشد يا الدبة.. ريهام تطلع لسانها لراشد:أنت الدبة.. أريج:ماما ريهام شنو قلنا مو عيب يقولوا لخالهم كذا.. ريهام بندم وشوي وتصيح:أن ساء الله آنا آثفة (أن شاء الله آنا آسفة) أريج:إلا قول لي يا أخوي يا راشد وش أخبارك وش علومك؟ راشد:بخير والحمد لله بس أنتظركم تخطبون لي ! أم راشد بغضب:شنو يعني ؟! خلاص خلصت شغلك ولا قلت لي عشان أروح أخطب لك؟؟! راشد يضحك على ملامح أمه:هههه هههه لا يمه أنا اليوم بس قررت أقول لك .. أريج: ولا يهمك من العيون هاذي قبل هاذي لو تبي نروح اليوم نخطبها لك بعد.. راشد بتردد:هاه لا..لا .. خلوها يوم الخميس الجاي.. أم راشد: وأخيراً بردتْ قلبي يا راشد يا حبيبي ..بس لو أخوك حسين يرضى يرد علينا ..قوم يا ولدي أتصل فيه الله يخليكم خلوني أتطمن على ولدي ما سمعت صوته من سنتين <وتبكي بكاء يقطع القلب> أريج:خلاص يمه لا تعورين قلبك كذا ..الحين راشد بيتصل فيه وتطالع أخوها بنظرة رجاء.. راشد اللي زهق من كثر ما يتصل ولا يلقى جواب ما حب يرفض طلب أمه :خلاص يمه سكتي الحين بتصل فيه.. سكتت أم راشد ودموعها على خدها وهي تشوف ولدها ماسك جواله يتصل..(تتوقعون يرد عليهم).. نرجع عند جنان وحسام صديق أخوها.. جنان تطالع في حسام بصدمه وبدل ما تروح داخل زاد صياحها وانهارت على الأرض.. حسام ما عرف شنو يسوي البنت مغمي عليها وهو لوحده معاها وسالم لين الحين مارد <حشى مو عصير هذا اللي بيجيبه.. وفي هاذي اللحظة طلع سالم من باب الصالة وشاف أخته على الأرض طاح العصير من يده وانصدم وهو يشوف صديقه واقف حيران مو عارف شنو يسوي راح يركض تجاه أخته :جنان أختي حبيبتي وش فيك وكان يهزها ومو لاقي منها استجابة فصرخ: حسام بليز روح المطبخ قول للخدامة تعطيك كاس ماي ..وراح حسام وهو مو فاهم شي وجاب الماي بسرعة وهو مايبي يطالع في أخت صديقة إحتراماً له رغم أنه عيونه كانت غصباً عنه تلتفت لها بس أجبر نفسه يدور وسمع سالم يقول له:حسام الله يخليك روح بسرعة شغل السيارة بوديها المستشفى ما ادري شنو فيها.. وراح حسام يشغل السيارة بينما سالم راح يجيب عباية أخته..وكلها 5 دقايق أو أقل إلا وهم منطلقين بأقصى سرعة للمستشفى ..(ياترى شنو بيصير وحالتهم في بيت وفاء كانت: أم ناصر +أبو ناصر: في دارهم يرتاحون.. وفاء +ناصر :جالسين بالصالة يشوفون التلفزيون .. ريم وخالد:في غرفة ريم جالسين مع بعض<مخطوبين ومن حقهم هههههاااي .. وهادي المسكين مثل كل وقت لحاله بغرفته وفي يده دفتر يكتب فيه.. رن جرس الباب يعلن عن وصول أحد.. وفاء:لجين روحي فتحي الباب .. وراحت الخدامة تفتح الباب ورجعت:ماما وفاء هذا برا في واحد بابا يبي أنت..! وفاء مستغربه:واحد بابا يبي أنا..منو هذا؟! ناصر:خلك هنيه أنا بروح أشوف.. وفاء ما تبي تتعبه:لا خلك أنت يا ناصر ..وتكلم الخدامه: لجين منو اللي عند الباب ؟! لجين:ماما هذا بابا مال صديقة أنت عبير..<<كلامها مكسر..هههه.. وفاء:أهاا أوكي الحين بروح ..وراحت لبست شيلتها وطلعت وهي تفكر:ليش يا ترى شنو اللي يايب عمي إبراهيم هنيه خلني أطلع وأشوف..وقفت عند الباب : تفضل عمي أدخل.. إبراهيم :زاد فضلك يا بنتي آنا بروح بس جايب لك هالكيس من عند عبير.. وفاء استغربت :ما قالت لها عبير عن كيس بتخلي أبوها يجيبه لها وهي توها مكلمتها..!! وفاء أخذت منه الكيس..مشكور عمي سلم لي على الأهل كلهم.. إبراهيم:العفو الله يسلمك..ألا شنو أخبار أبوك وناصر أخوكِ؟ وفاء ابتسمت:الحمد لله يسلموا عليك <وفي خاطرها: وقريب يزوروك> إبراهيم:الله يسلمك يله سلمي على الأهل كلهم أنت بعد.. وفاء:أن شاء الله ..مع السلامة ..وسكرت الباب وهي تفكر ياترى شنوا هالكيس؟ ونرجع لأحلام بعد ما فشلتها يدتها فاطمة وراحت غرفتها مبوزة: أحلام تكلم نفسها بصوت مسموع<تتذمر>:أففف متى بيشبك هذا وترفس الكومبيوتر بريولها<هاذي مشكلتنا والله..هههه>إلا ورنة التلفون تعلن أن النت شبك.. أحلام والفرحة مو سايعتها :واو وأخيراً.. ودخلت فتحت مسنجرها لقت عندها إضافة .قبلت وهي تفكر :أقبل وأشوف مين..بس قبلت طلع شابك وهو اللي ابتدأ..وهذا الحوار اللي دار بينهم من خلال الماسنجر: (حبيتك والله حبيتك):السلام عليكم.. أحلام(لاتحلم فالحلم خيال):وعليكم السلام ..من معاي؟ (حبيتك والله حبيتك):معاك اللي ذاب في هواك.. (لاتحلم فالحلم خيال):لو سمحت وضح أكثر ما عرفتك؟! (حبيتك والله حبيتك):أنا نايف اللي خليتيني معلق بين السماء والأرض ولا رديتي عليّ..أنا فهمت من عدم أتصالك أنك ماتبين تكلميني بس والله صدقيني ماني من النوع اللي في بالك.. (لاتحلم فالحلم خيال):......لاتعليق........ أحلام أنصدمت: من وين له هذا إيميلي؟! (حبيتك والله حبيتك):وينك ليه ماتردين عليّ؟! (لاتحلم فالحلم خيال):من وين لك إيميلي؟وكيف أخذته؟وليش تكلمني؟! (حبيتك والله حبيتك):شوي شوي عليّ يا أحلام تبيني أجاوبك بجاوب بس صبري مو كذا مره وحدة ! (لاتحلم فالحلم خيال):لا وتعرف أسمي بعد من قال لك به؟ووش عرفك بي؟ (حبيتك والله حبيتك):بل بل صبري وبقول لك كلتيني بقشوري يا بنت الناس..! (لاتحلم فالحلم خيال):بسرعة قول والله ترى ما عندي غير البلوك.. (حبيتك والله حبيتك):شوفي يا حلوة آنا أخذت رقمك من عند وحدة من صديقاتك وحتى إيميلك هي اللي عطتني أياه وأسمك بعد.. (لاتحلم فالحلم خيال):معقولة وحدة من صديقاتي تكون خاينة ومنافقة بعد.! لا مستحيل..! (حبيتك والله حبيتك):أنت معتبرتها صديقتك وهي خانتك..فهذا يدل على أنك ما أخترتي الصديقة الصح ولازم تنتبهي لنفسك.... (لا تحلم فالحلم خيال):أنا مستغربه شلون كذا..واحد مثلك جاي يسوي نفسه يبي يتعرف يقعد ينصح ..وبعدين منو هاي البنت الخاينة..؟! (حبيتك والله حبيتك):لأن آنا قلت لك أني مو من ذا النوع اللي في بالك..أنا بس مرة سمعت صوتك ومو قادر أنساه أو أنساك <أيه قص عليها مسكينة .. هههه.. (لاتحلم فالحلم خيال):معقولة يعني مجرد كلمة (ألو أهلين)تخليك تحبني!؟صراحة ما تدخل العقل..! (حبيتك والله حبيتك):أنت شكلك مو عايشه في الدنيا ياما ناس تعارفوا من النت وصاروا أحباب وأصدقاء يمكن أكثر من اللي معهم في نفس المكان سواء كانوا بنات أو أولاد فمثلاً أنا متعرف على واحد من سورياء وهذا هو صديقي الروح بالروح كأنه أخوي.. (لاتحلم فالحلم خيال):زين ..بس..والله راسي عورني.. (حبيتك والله حبيتك):عاد وش دعوة يا أحلام هذا وأنت أسمك أحلام قاعدة تمنعينا من الأحلام..!ليه بس؟! (لاتحلم فالحلم خيال):هذا الواقع المؤلم هو اللي يمنعنا كلنا مو آنا اللي أمنع.. (حبيتك والله حبيتك):بس الحلم ببلاش ومحد يقدر يمنعنا عنه وأكيد كل شخص له حلم.. (لاتحلم فالحلم خيال):أكيد لكن شنو يسوي الواحد إذا كانت ظروف حياته صعبة.. (حبيتك والله حبيتك):ولا شي بس يتكلم مع شخص يثق فيه..ترى أنت إذا كلمتيني ما راح تخسرين شي لأني والله وهذا أنا احلف لك أني ما راح أضايقك بشي أبداً بالعكس لو كنتِ متضايقة راح أريحك..! (لاتحلم فالحلم خيال):وشنو اللي يثبت لي؟! (حبيتك والله حبيتك):حبي لك يثبت .. (لاتحلم فالحلم خيال):لحظات شوي وبرجع.. (حبيتك والله حبيتك):خذي راحتك.. وراحت أحلام تغير نكنيمها تحس أنها صارت متفائلة وتفكر:والله صدقت رجاء بكلامها .! (وردة حياتي):بـــــــــــــــــــاكد..تأخرت؟! (حبيتك والله حبيتك):لا عيوني عادي حلال عليك.. (وردة حياتي):شوف آنا فكرت في الموضوع واتخذت قراري (حبيتك والله حبيتك):وشنو هو قرارك؟؟؟ (وردة حياتي):أنا قررت ما أكلمك!!<شنو هالتناقض بالتفكير والكلام..! (حبيتك والله حبيتك):كذا أنت شكلك ناويه تحطميني..!؟ (وردة حياتي):صبر شوي ..أنا قررت ما أكلمك بالتلفون ..جاست في الماسنجر ..لأني بصراحة ماأقدر أكلمك بالتلفون وأخليك تسمع صوتي بس في الماسنجر أخف شوي ..وأنت بكيفك.. (حبيتك والله حبيتك):أكيد بكيفي عجل بكيفك..خلاص ريحتيني كذا أنا موافق.. (وردة حياتي):بس هاه بدون تعدي حدود.. (حبيتك والله حبيتك):هههه على هالخشم ولا يهمك.. (وردة حياتي):بل صار لنا ساعتين نسولف الوقت سرقنا..باي بخليك الحين.. (حبيتك والله حبيتك):باي.. **أم راشد على نار وتدعي من أعماق قلبها لربها أن ولدها حسين يرد عليهم.. أريج متوترة وخايفة على أمها يصير فيها شي من كثر التفكير ..وتدعي بقلبها:الله يعينك يا يمه.. راشد ماسك موبايله:وهو يرن وينتظره يرد عليه وهو يتمنى أنه يرد عليه <لأن هو صج مجطل الموضوع (يعني مو مهتم) لكنه أخوه وقلبه يحاتيه ..ورن فوق الخمس رنات وما رفعه .. راشد فقد الأمل وكان بيسكره (يقفله) بس اللي حصل أن حسين وللمرة الأولى من بعد غياب سنتين تقريباً يرد عليهم.. حسين بضعف:ألو.. راشد طار كل الزعل اللي في قلبه على أخوه وبفرح: ألو حسين حبيبي هذا أنت؟شخبارك؟ حسين :أيه هذا أنا وآنا زين الحمدلله..وحشتوني مره وودي أشوفكم.. راشد:ليه يا أخوي ما ترجع حنا ودنا نشوفك بعد.. حسين خلاص مو قادر يستحمل أكثر:ياراشد لا تزيدني أنا تكفيني هالغربة اللي القدر كتب أني كتب كلمته في أني أتم عايش فيها طول عمري..! راشد:وليه يعني ؟أنت اللي حاكم على نفسك مو القدر ..حنا كلنا نبيك هنيه أنت اللي ماتبي تجي.. حسين: .............<<يبكي.. راشد سمع حس أخوه يبكي:ليش تبكي يا حسين يكفي..! أم راشد كانت قاعدة تسمع ردود راشد على ولدها البكر حسين وتبكي بصمت ..بس لمن سمعته يقول ليش تبكي ماقدرت وراحت سحبت جوال راشد من يده بسرعة وبدون مايحس وحتى ماعطته فرصة أنه يعترض ومسكت الجوال تبي تكلم ولدها وقبل لا تتكلم سمعته يقول وهو يبكي بشهيق عالي يفكر أنه يكلم راشد:تسألني ليه أبكي ياراشد؟! أنا أبكي على حظي الرديء..أبكي على أني عندي أم مو قادر حتى أشوفها ..وأعتبر نفسي مقطوع من شجرة أعتبر نفسي ميت أنا ياراشد ..ولهان على أمي مره ونفسي لو أسمع كلمة منها وولهان عليكم كلكم والله يشهد علي بس شلون أجي وأحط عيوني في عيون أمي أو أتكلم معاها أنا خجلان من نفسي موت ياراشد أنا أحس بذنب أحس أني آنا السبب في موت أبوي وترمل أمي وتيتم أخواني ...... ياترى ليش يحس حسين انه السبب في موت أبوه..؟ وأحلام هل بتستمر مع نايف ولا لا..؟ وليلى خالة وفاء هل صحيح بتروح تدرس بالبحرين مع وفاء وعبير ولا كيف؟ وجنان شنو بيطلع فيها ؟ووش بيصير موقفها مع حسام؟ ومتى بيروح ناصر يخطب عبير وهل بيلاقي اعاقات في هالسبيل؟..

3-3-1427, 02:00 مساء	#46 (permalink)
_badgirl_911 ::كنز من كنوز القلوب:: تاريخ التسجيل: Mar 2006 المشاركات: 4,164 مشاركات اليوم : لايوجد المواضيع: 23 الـردود: 4141	أم راشد قطعها قلبها على ولدها بعد ماسمعت كلامه <وقامت تبكي مثله.. أم راشد:ياولدي لا تقول كذا وانا أمك قوم تعال وارجع لي أضمك واحظنك قبل مااموت ياولدي..! حسين بقد ما انصدم فرح من قلب: بعد عمر طويل يا يمه لا تقولين كذا عسانا ما نخلى منك ياشمعة البيت.. شلونك ولهت عليك يا الغالية..؟ ام راشد: كذاب ومن عيونك لو أني واحشتك مثل ما تقول كان جيت لي ورجعت لحظني مو صابر على فراقي سنتين يا الظالم <وقامت تبكي وهي تكمل :يا ولدي هذا قضاء الله وقدره وحنا لازم نرضى به ونخلي إيمانا بالله قوي وانت مالك ذنب في اللي صار ياولدي .. حسين:ونعم بالله..صح ان ذنبي مو مباشر بس يرجع ويكون بسببي لأني انا الوحيد اللي ينلام في هاذي السالفة .. ام راشد:ياولدي انسي والنسيان نعمه وقوم تعال لي اشوفك واضمك لصدري وأكحل عيوني بشوفتك يا الغالي ياللي من ريحة الغالي .. حسين:يمه..مو الحين والله ما اقدر أشوفكم وانا سبب بلواكم ..! أم راشد بحزن:ياولدي قوم تعال واترك عنك هالخرابيط قوم ياحبيب أمك ارجع من هولندا بلاد الأجانب وتعال لبلد العرب اللي أنت منهم..!! حسين:يمه آنا مو في هولندا..!! أم راشد تفاجأت:شنو؟! عجل فين انت؟؟! حسين:يمه آنا في السعودية وبالخصوص في مكة المكرمة .. أم راشد:وكيف ومن متى؟! حسين:آنا صج لما سافرت رحت هولندا بس ثلاث شهور وبعدين السنة وشوي الباقيين قضيتهم في مكة وعايش مع صديقي في شقة وندفع الإيجار نص بالنص ... أم راشد:طمنتني ياولدي دام انك عايش في بلاد الإسلام وأرض الكعبة الشريفة لكن يله ياولدي عشان تثبت لي غلاي عندك روح تعمر وادعي لنا وتعال ارجع قبل هالأسبوع وخلني اشوفك.. حسين ما حب يقطع قلب أمه أكثر ويخليها تتذلل له لا سمح الله وهو بعد عنده رغبه كبيره بالعودة لهم فقال لها: إن شاء الله يمه يا أحلى أم بهالوجود..! أم راشد:يله في أمان الله وحفظة يسلمون عليك خواتك.. حسين:الله يسلمهم ولهت عليهم بلغيهم تحياتي.. ام راشد:إن شاء الله يله ياولدي في حفظ الرحمن.. حسين:أجمعين ان شاء الله .. سكرت أم راشد التلفون من حسين وهي تتنهد بفرح وارتياح.. وفاء وهي راجعه الصالة ومستغربة من الكيس اللي ما عمرها عبير ذكرته لها وفيها فضول كاسر تبي تعرف شنو سالفة هالكيس..؟؟! وسمعت ناصر يقول:هاذي انت يا وفاء تعالي قولي لي شنو صاير ؟ وفاء:لحظة ياناصر بشوف شنو هالكيس اللي يايبته عبير..؟؟! ناصر وهو متوتر:زين بسرعة.. وفاء فتحت الكيس وكان فيه هدية صغيره مغلفة وشكلها مرتب وفوقه ورقة دفتر عاديه مره فتحتها وهي تقرأ بصوت عالي:وفاء حبيبتي تركي عنك اللقافة ولا تحاولي تحوسي باللي في الكيس لأني أدري ان الفضول ذابحك الحين ..وفي اقرب فرصة تقدرين تشوفين فيها ليلى خالتك عطيها اياه وقولي لها إني ارسلته اليوم يوم مولدها.. وتستـــــــــــاهلين لأني انا اللي غلبتك.. .................................................. ....... وفاء توها مستوعبه السالفة ..وخلاص انقهرت وودها لو تكفخ نفسها وهي تتذكر أحداث هالسالفه اللي قبل 8 شهور ..يوم تجي ليلى تبات معاهم وتتجمع مع عبير في بيت وفاء : ليلى:شوفوا بنات خلونا نتفق ..! عبير:على شنو نتفق؟؟ ليلى بمسخرة:حنا الحين تقريباً متقاربين في السن ولكن أكيد في وحده قبل الثانية ....... وفاء تقاطعها:ايوه كملي بلا مقدمات.. ليلى:زين صبري يا الغبية خليني أكمل ولا تقاطعيني.. عبير:يله زين كملي وتركوا الهواش.. ليلى:خلونا نتفق ان أول وحده تتذكر يوم ميلاد أي وحده فينا تكون الرابحة.. وفاء وهي رافعة حاجب<كانت منقلبة عليهم ذاك اليوم>:طيب شنو بتعطوني لو ربحت..؟؟! ليلى:اللي تتذكر أول وحدة فيكم لها مني مفاجأة بتسرها مرة..بس لو انا اللي ربحت شنو بتعطوني؟؟! عبير:بنعزمك على أكبر عشاء في الدنيا في المكان اللي تبينه .. ليلى وهي تضحك بهسترة :ههههااي قف مي فايف.. وقاموا يضحكون... وفاء تذكرت هالرهان اللي تراهنوا عليه هم الثلاثة وكانت حاطه في بالها أنها تبي تهزمهم بس للأسف فازت به عبير..! ناصر حيران:هي أنتِ وين رحتي؟وشنو سالفة هالورقة وفي ايش عبير غلبتك؟! وفاء رجعت من عالم سرحانها :ها ناصر خذ شوف وبتفهم, ناصر أدرك ان وفاء نست انه مايشوف فسكت.. وفاء تداركت الكلمة اللي قالتها فقالت لأخوها تبي تخفف عنه:آسفة ناصر والله ما كان قصدي أجرحك انا بس كنت.. قاطعها ناصر:وهو يحن عليها لأنه يعرف أخته لمن تحس بأنها جرحت أحد تقعد تحاسب نفسها وتلومها طول اليوم: خلاص يا وفاء حصل خير أصلاً انا اليوم في المغرب موعدي في المستشفى يعني اليوم بعرف مصيري النهائي مع عيوني وإذا كنت برجع أشوف..؟! في السعودية في المستشفى سالم كان قاعد في غرفة الأنتظار وهو يحاتي على أحر من الجمر ومعاه حسام صديقة يحاول يهديه:خلاص يا سالم اختك مافيها إلا العافية.. سالم واللي يعرف عن حركات حسام البطاليه كان حارقة قلبه على انه شاف أخته اللي يعرف أكثر من أي شخص شكثر هي حلوة فهو خايف أن حسام يحط عينه عليها فهو هو بيكلمه بعدين لمن تتحسن حالة أختة: أدري ان مافيها شي.. حسام باستغراب:عجل ليه متوتر ومرتبك كذا وتروح وتجي؟؟! سالم:بعدين ..بعدين.. طلع لهم الدكتور:السلام عليكم أخوانا.. سالم استلم الرد:وعليكم السلام..ها بشر يا دكتور؟! الدكتور:شنو تقرب لك المريضة؟ سالم:جنان أختي يا دكتور.. الدكتور:والله ماادري شنو أقول لك بس هي حالتها النفسية مرة زفت شكلها تلقت صدمة خلتها تطيح..أنا بسألك :هي كيف كانت تصرفاتها هالأسبوع؟ سالم:والله أنا طول هالأسبوع كنت مشغول بس انا سمعت من الوالدة أنها صار لها أسبوع كل حابسة نفسها في غرفتها وماتطلع وما تأكل زين كل مالها خلق.. الدكتور:هي محتاجة تغير جو ذي حالتها النفسية مرة تعبانه شكلها تحاول تبعد نفسها عن الناس فأنتوا بدون ما تحس حاولوا تقربونها منكم أكثر وغير كذا مافيه..بس أعصابها مرة فالتة فحاولوا ما تثيرونها.. سالم منصدم ويفكر بصمت: كل هذا في أختي وأنا ماأدري شنو السبب ياترى؟ هي طول عمرها تمشي بفخر وخيلاء بس انا لاحظت عليها هالأسبوع انها مرة منكسرة الخاطر..الله يستر بس.. حسام كان يستمع للي يقوله الدكتور ويتذكر دعائها على نفسها بالموت وهو مصمم انه يخلي البسمة تنرسم على فمها ..لأنها عجبته ودخلت مزاجه...!

3-3-1427, 08:03 مساء	#47 (permalink)
@reem@ ::قـلـب فـعـال:: تاريخ التسجيل: Mar 2006 الدولة: السعودية المشاركات: 219 مشاركات اليوم : لايوجد المواضيع: 19 الـردود: 200	مشكورة اختي على القصة بس وبعدين شصار ؟؟؟ ناصر بيتزوج عبير والا لا ؟؟؟ وشسالفة راشد هذا اللي طلع بيخرب على ناصر مسكين ياناصر ؟؟؟ اما أحلام مصدقة نفسها بقوة ومستانسة على هذا اللي اسمه نايف ؟؟؟ انا موعاجبني بالقصة الا عبير لو اعرفها كان خطبتها لاخوي <<< متأثرة بالقصة بس بلييييييييييييييييز كمليها باسرع وقت اذا تقدرين

3-3-1427, 09:01 مساء	#48 (permalink)
_badgirl_911 ::كنز من كنوز القلوب:: تاريخ التسجيل: Mar 2006 المشاركات: 4,164 مشاركات اليوم : لايوجد المواضيع: 23 الـردود: 4141	خلاص ولا يهمك انشاء الله بكرة اول ما ارجع من الدوام باحط جزئين بس اذا شفت تفاعل اكبر بالنسبة لاسئلتك ولله ما اقدر اجاوب عليها لاني كذه باخرب على الباقين وصراحة انا كمان ما ادري ايش بيصير لاني انا كمان ما خلصت من قراأتها بس يارب ناصر و عبير يتزوجون قولي آمين

3-3-1427, 09:42 مساء	#49 (permalink)
زهرة البنفسجي شخصية هامة تاريخ التسجيل: Mar 2006 المشاركات: 815 مشاركات اليوم : لايوجد المواضيع: 10 الـردود: 805	والله اليوم القصة فيها حزن وااااجد تأثرت منها بس روعة الله يعطيك العافية

4-3-1427, 08:45 مساء	#50 (permalink)
_badgirl_911 ::كنز من كنوز القلوب:: تاريخ التسجيل: Mar 2006 المشاركات: 4,164 مشاركات اليوم : لايوجد المواضيع: 23 الـردود: 4141	صدقيني بيتغير الوضع في الاجزاء الجاية وتسلمين انت الاروع

4-3-1427, 08:59 مساء	#52 (permalink)
_badgirl_911 ::كنز من كنوز القلوب:: تاريخ التسجيل: Mar 2006 المشاركات: 4,164 مشاركات اليوم : لايوجد المواضيع: 23 الـردود: 4141	الجزء الخامس عشر: دخل سالم على أختة في الغرفة اللي تلقت فيها علاجها وعلطول رفعتْ عيونها له وشافت في عيونه كلام..عورها قلبها من نظراته اللي ماتستحملهم فنزلتْ عيونها ..هو تقدم خطوتين راح ومسك وجهها ورفعه وخلى عيونه تقابل عيونها وقدم لها هالكلام بعيونه: ~ ~ ياقمري مالي أرى نوركِ يتذبذب..؟! لم أعهدكِ هكذا من قبل..! فقد كنتُ دائماً أقتبسُ من ضوء نوركِ لأنير داخلي..! ففي كل ليلة كنتِ تظهرين لي بإطلالتك البهية ..! لتجلي الظلام وتبعثي في روحي حياة جديدة ملؤها الآمال والأحلام .. وتبعثي وتوقظي المشاعر على حبكِ الجارف..! أما الآن.. فأنني دهش منكِ!! كيف تعتمين!وأنت مصدر إضاءة القلوب..! أم أن كوامنها قد أعتمتْ فأعتمتِ معها..؟؟!! ~ ~ {..منقول..<أبراء لذمتي أي شي انقله بقول الا اذا كان من تأليفي.. } هي فهمت معنى نظراته وكلامهم رغم أنه ماأتكلم فما قدرت غير أنها تتنهد:آآآآه.. سالم:سلامة قلبك من ال آآآآه ... جنان..شنو فيك؟؟ جنان بنظرات حذرة توجهها لسالم : هاه..مافيني شي..! سالم مثل الأب الحنون: علي أنا ياجنان؟!على أخوكِ سالم؟! روحي حبيبتي قصي على هندي وقولي له هالكلام ..أنا عارف أن في شي صاير في حياتك وأنتِ ماتبين تقولينه لي ..بس ياجنان أنا أخوكِ الوحيد اللي مستعد يسمع كلامك لآخر لحظة في عمره دون تذمر أو شكوى ..لا وبعد بحاول أساعدك مهما كانت مشكلتك عويصة <وابتسم لها.. جنان وهي تقدم له بعيونها شكر نابع من قلبها وتفكر بنفس الوقت: ياحظها اللي بتكون زوجتك ياسالم..وردت عليه:أدري يا أخوي والله أدري بس .... سالم اللي حس أن السالفة أكبر من أنها تكون عادية:يا جنان حتى لو كانت السالفة كبيرة أنا بتفهمك وبساعدك تراست مي < ثقي بي .. للي مايفهمون E ههههههااي اتغشمر والله .. جنان بعد تفكير قررت تعلم أخوها بالسالفة يعلى وعسى يقدر يسوي لها شي فقالت له:خلاص ياناصر أنا بعلمك بالسالفة لكن توعدني ماتخبر أحد أبداً لو شو صار..!! سالم أبتسم لها وهو ناقزه قلبه عليها: أن شاء الله يله أنتِ لبسي عباتك الحين وأنا بروح أكمل أوراق الخروج وأدفع الحساب عشان نطلع من هنيه.. جنان:اوكيك..

4-3-1427, 09:01 مساء	#53 (permalink)
_badgirl_911 ::كنز من كنوز القلوب:: تاريخ التسجيل: Mar 2006 المشاركات: 4,164 مشاركات اليوم : لايوجد المواضيع: 23 الـردود: 4141	وطلع سالم من الغرفة وشاف حسام قاعد على واحد من الكراسي اللي برا وهو متملل في جلسته لكن باله مشغول ..فراح قال له:تعبناك معانا يا ابو الشباب.. حسام:لا شدعوة يا سالم عزيز وغالي .. سالم:زين خلاص آنا الحين بروح أنهي الأوراق..وكاهي جنان أختي الحين بتلبس عباتها وبنمشي.. حسام:أوكي ماعندي مشاكل (وابتسم).. **************************** ريم بعد ما أنقهرتْ من حركة خالد طلعت غرفتها والعبرة خانقتها وهي كانت تتحدى الدمعة وماخلتها تنزل من عينها هي تدري أن خالد يلعب عليها وأنه لايكلم وحدة ولا شي بس هذا الشي خارج عن سيطرتها تحبه وتغار عليه حتى من كلام المسخرة نفسة!! ضلت منسدحة على سريرها وهي شابقة (ضامة) الدبدوب <اللي أهداها اياه خالد في اول عيد ميلاد لها اول ما أكتشفوا مشاعرهم تجاه بعض> لصدرها وتتنفس شذاه اللي تحس ان شذاه من شذى خالد وهي تفكر :أيه صج وينه هادي ماشفته اليوم مسكين ماأحد جايب خبره خلني أقوم أشوفه.. وطلعت من غرفتها وراحت لغرفة هادي ودخلتْ وشافته بمنظر يقطع القلب ....نايم على ذاك الكرسي المتحرك ورقبته مايله وشكله بريء بس في شي لفت نظرها!!شافت في يده دفتر غريب ولونه أسود ومحدد بأحمر ..راحت شالته من يده وشافت مكتوب بخط يده اللي يبا له تحسين : ~ ~..أشكي عليك الحال ياعارف الحال.. ولو مابيدك شي.. يكفي لك أشكي..يكفي تروح بكلمتك ضيقة البال.. ويكفي تحس بضيقتي دون ما أحكي ..~ ~ يارب أسألك بحق القرآن الكريم أن تشفي عجزي يكفيني اللي أعانيه من العذاب يا الله ما أبي أتعب أهلي معاي أنا صرتْ مثل الحمل الثقيل مثل العالة اللي تعكر صفو حياتهم عليهم ياربي ياقادر على كل شي أتوسل لك أنك ترجَّع لي ريولي يا الله وتحفظ لي أمي وأبوي وأخواني من كل شر .. عبدك المحب:هـــــــــــــــــــادي.. دمعت عيونها ونزل الدمع بغزارة وغطتْ فمها بيدها خوفاً من أنها تصدر صوت ببكائها وتفظح نفسها أو تسبب في جلوس هادي من النوم فردت ْ الدفتر لمكانه وماحاولتْ تقرأ الكلام اللي يبين أنه مكتوب من زمــــان لأن قلبها مايتحمل أكثر....وقامتْ أخذتْ هادي وضمته لصدرها وهي حاملته حطته على سريره وباسته في عجز الإنسان اللي يتمنى يسوي أي شي عشان ينقذ اللي يحبه من اللي هو فيه بس مايقدر..وغطته باللحاف عدل وطلعتْ برا الغرفة وسكرتْ الباب بهدؤ وهي تفكر:سبحان الله اللي يعطي شي ويأخذ شي... {هادي صج ان عمره 12 لكن جسمه مره ضعيف وقصير واللي يشوفه يظن أنه ولد عمره 7 سنوات لأنه خفيف مثل الريشة..} نزلتْ ريم تحت وهي تسمع أذان المغرب يأذن نادت الخدامه الفلبينيه : لجيندوت (هي اسمها لجيندوت بس وفاء ماتحب تناديها فيه تقول أنه صعب فصارتْ تناديها بنفس أسم خدامة بيت عبير <لجين>) الخدامة:نعم ماما ريم:وين الكل؟؟ماأشوف أحد !! الخدامه:هذا ماما وفاء في صلي عشان يبي يروح مع بابا ناصر المستشفى بعد شوية وبابا خالد من عصر في طلع مايرجع وماما في روح بيت الجيران والحين في يرجع وبابا طلع المسجد يصلي...<<حشى ولا موجز الأخبار.. ريم:اهاا أوكي خلاص روحي..وتمتْ في الصالة تنتظر أمها ترجع عشان تقول لها تتصل بيت إبراهيم وتأخذ منهم موعد عشان يروحون يخطبون عبير منهم.. مرت فترة العصر وأنتهت في بيت أم حسين بسرعة البرق وماصار فيها شي الكل في حاله وفي غرفة نرجس وكوثر: كوثر:شرايك نرجس نتصل في شهد بنت جيرانا نقول لها تجي لنا وحشتني السبالة.. نرجس:والله أنا من بعد طردتها لي ذيك المرة وأنا كارهتها ماأحبها.. كوثر:ههههه هههه بلا يهاله علينا هاذيك سالفة من 10 سنين وترى أنا شفت البنت وايد طيبة.. نرجس:أوكيك على رايك.. وفي ذيك الديوانيه اللي في بيت سعاد .. كانت شهد جالسة مع خليل ومعاهم أمهم ..كل واحد قاعد على كنبة والتلفزيون قدامهم.. خليل:ههههههههه ههههه آآآه والله تعجبني رايتشل لما تفشل جوي ههه.. شهد وهي ملانه ماتحب تشوف هالحلقة:أسكتْ أنت بس يالنحيس بس متولي التلفزيون وحاط لنا برنامج مثل وجهه.. <تتحنطب عليه هههههه.. سعاد:شفيك ياشهد على أخوك أنتِ من زمان تدرين أن أخوك ِ يحب برنامج فريندز شنو اللي تغير الحين؟! خليل يبي يقهرها:شوفي شهوده حبوبة تبين روحي طالعي في تلفزيون ثاني على ماأظن فيه تلفزيونين غير هذا في البيت.. شهد موصله حدها:أنطم ومالك شغل.. خليل:هههه حره على قلبك ..(وفي هاذي الأثناء رن التلفون وبكل قهر رفعته شهد وبدون نفس: ألو مرحبا.. كوثر:يامليون مرحبااا هلا والله.. شهد ماعرفتها:هلا فيكِ أنتِ <وسكتت.. كوثر:ها شهوده ماعرفتيني؟؟! شهد انحرجت من قلب منو هاذي ؟؟والله ماأذكر صوتها يعني اكيد مو وحدة معاي في المدرسة :آسفة أختي مو قادرة أتذكر صوتك..! كوثر:مالت عليكِ ياخاينة ماتعرفين كوثر اللي طردتيها من غرفتك قبل كم سنة.. شهد بفرح وأندهاش وبصوت عالي خلتْ أمها وخليل يناظرونها بعجب:شنو؟؟1 كوثر ماغيرها؟؟! كوثر:لا بنت عمها..شنو قاعدة اللعب وياكِ أنا .. شهد:صج ياكوثر شلونك؟عساك بخير؟وحشتيني.. كوثر:مايوحشك وحش..أنا بخير والحمد لله..نسأل عنك أنا ونرجس.. شهد براحه:سألت عنكم العافيه والله أني كنت ملانه حدي وهذا خليلوه مستولي على الرموت وماني عارفة شنو أسوي؟؟! {خليل قام يطالع فيها بعين وعين } كوثر تذكرتْ يوم تشوف خليل وفقعت ضحك..كل ماتبي تتكلم تجي لها موجة ضحك ثانية .. شهد فهمت ليش تضحك:خلاص كوثر بعدك تذكرين خليلوة تعودي حبيبتي<وتطالع اخوها بنظرة تقهر وتطلع له لسانها.. كوثر:آآه والله ماني قادرة ..المهم انا كنت متصله أقولك تعالي الليله عندنا عازمينك على العشاء.. شهد تطالع في امها وتبتسم:ها عازميني الليله..! أن شاء الله خلاص بس ببلغ الوالدة وأحاول أجي لكم... سعاد:مايحتاج تحاولين كاني عطيتك الأذن دامك بتروحين بيت الغالية.. شهد:كلللوش كوثروه شنو سويتي أمي على طول رضتْ ياليت تعلميني الوصفة عشان أجربها كل مرة اذا بغيت أطلع .. كوثر:ههههههاااي الله يقربل بليسك ياحلوة..خلاص أنا بسكر الحين وننتظرك مو تتأخرين علينا .. شهد:أوكي في أمان الله ..باي.. كوثر:وحفظه ..بايات.. سكرت شهد من كوثر وهي تتنهد.. سعاد:أنتِ ماتهونين عن هالحركات..! متى بتكبرين هاه؟؟! شهد راحتْ عند ريول أمها وأنسدحت عليها وهي تدلع:أنا صغنونتك يمه مابكبر..! خليل وهو بعدة يفكر في كوثر:يحرك راسة يميمن ويسار ويبوس صبعه ويحطة عند يبهتة ويقول:الحمد لله والشكر... طالعتْ فيه وهي مقهورة فيه لكن ماتبي تحرق أعصابها ..وطلعت له لسانها وضحكتْ على شكلة.. وفاء خلصتْ صلاة وطوت سجادتها وراحتْ لبستْ عباتها وخذتْ شنطتها ونزلتْ شافتْ ريم في الصالة وراحتْ لعندها وقالتْ : ها ريم مابتروحين معانا المستشفى؟؟! ريم:.......لامن جواب....<سرحانة <<اكيد تفكر بالحبيب هههههههههااي وفاء:تأشر عليها بحركة مسخرة:هي أختاه أين أنتِ؟؟! ريم أنتبهتْ لها وفاقت من سرحانها:هاا ..وفاء شنو تبين؟؟ وفاء:اللهم صبرك ياروح!أقولك مابتروحين معانا المستشفى ؟؟ ريم:ها..لا مابروح لأني الحين لمن ترجع أمي بتتصل بيت عبير نأخذ منهم موعد ... وفاء:أهاا زين تسوين <<الا أمهم داخلة الصالة وتقول:بشنو كنتوا تطروني هاه؟؟اعترفوا.. ضحكوا..وفاء:ولا شي يمه كانت ريم تقول لي أنا مابتروح معانا المستشفى بتقعد معاك ِ عشان تكلموا بيت عبير .. بدرية تذكرتْ موعد ولدها وبحزن:على خير.. وفاء رن جوالها:يمه كاهو خالد وصل يله انا بروح ..بطلعّ ناصر من المجلس عشان نروح ..باي.. بدريه:آآآه حطوا بالكم على نفسكم.. وراحتْ وفاء تساعد أخوها وطلعوا برا وركبّته في السيارة ورا حسب رغبتة ..وركبتْ قدام مع خالد.. خالد:وفاء وين ريم؟مابتجي؟؟! وفاء تبي تعذبه شوي:لا هي أصلاً ما طلعتْ من غرفتها ..يؤ تصدق لا يكون فيها شي؟؟! خالد نقزه قلبه:فال الله ولا فالك.بقوم دقيقة بشوفها .. وفاء تضحك على شكله وناصر يتكلم:تعال وين رايح؟! بنتأخر..! ماعليك منها تلعب عليك..ريم مع أمي في الصالة ..يله خلّصنا نبي نخلّص.. خالد حس بالتوتر اللي في ناصر فمشى دون مايتكلم... راشد في المكتب ينهي الأوراق اللي بيده يبي يرجع البيت ويرن جواله وأستغرب بادئ الأمر لمن شاف حسين أخوه المتصل بعدين تذكر أنهم كلموه ورفعه والأبتسامة مرتسمة على وجهه:مرحباااا السااااع.. حسين بضحكة كبيرة:مرحبتين هلا بالأماراتي .. راشد:هههه كيفك يأخوي أخبارك؟؟ حسين:الحمد لله نسأل عنكم.. راشد:الأهل بخير وعافية بس ننتظرك تجي حق تساعدني في الشركة... حسين:أنت تآمر أمر حبيبي.. راشد:تسلم بغيت أقول لك شي.. حسين:سم.. راشد:سم الله عدوك...بس أنا قررت أخطب .. حسين يقلد على صوت البنات:كللللوش..وأخيراً .. ويرجع لصوتة الطبيعي :مابغيت يارجال بغيت تعنس.. راشد:هههه والله أنك مو في الدنيا ..حسين ترى انا خطبتْ من قبل بس الله ماأراد لذيك العلاقة الأستمرار .. حسين عوره قلبه على اللي يسمعه والندم يزيد عنده شكثر أشياء صارتْ ومايدري عنها ولازم يعوض بيتهم عنها فقال(عسى أن تكرهوا شيئاً وهو خيراً لكم)...اسمع بغيت اقول لك ترى بعد بكرة انا عندكم أبيك تجي لي المطار الساعة 11الصباح بس ها لاتقول لاحد خلها مفاجأة.. راشد:والله ! ؟ أوكي خلاص في انتظارك حبيبي... حسين:يله سلم لي على الأهل.. راشد :الله يسلمك..

قسم الرواية الطويلة

...وقال القلب آه (قصة رومانسية اجتماعية واقعية من اجزاء)..