اليوم عندي ليكم surprise و باتمنى من كل قلبي انها بتعجبكم و يا ريت تدعولي 
الجزء الواحد والاربعون:
كوثر كانت جالسه تحت بالصاله والفطور قدامها ع الطاولة بس هي مو معااه كانت سرحاانه وبعالم ثاني تتذكر اللي صار امس مع خليل وهذا اللي صار:
بعد ما لفت كوثر وجهها واصطدمت بكل قوتها بخليل ..رفعت وجهها وعينها جات بعينه ومن الصدمه كانت عيونها مفتوحه ع الاخير وماقدرت تشيل عينها عن عينه ..خليل منصدم بعد لكن مستانس حس بكوثر تنرمي بحظنه مثل الهديه تلامست ايدهم مسكها بقوة بلا شعور كوثر سرحت وظلت تناظرة شويه وحست مكانها غلط وسحبت ايدها بهدوء انتركت بهدووء اعظم منه .. شهد ونرجس وصلوا عندهم ووقفوا مندهشين يطالعوون بصمت..
كوثر متبهدله:اا... ا..آآسفه ماكان قصدي ماانتبهت انك واقف هنااغلطت السمووحه منك..
خليل بهمس ماسمعه غيرها: يووه احلى غلطة سويتهاا ورفع صوته: لا عاادي خذي راحتك ماصار شي ..
نرجس منحرجه ومنزلة عينها بالارض.. وشهد مستغربه وتسبح ربها بداخلهاا..
صج رب العالمين لابغى يجمع حبيبين بدون وقت وميعااد يقدر القادرعلى كل شي..
وتولد حب بين كوثر وخليل كتلة كذاا اجدد واعظم من اللي قبله التلامس اللي صار بين كوثر وخليل اشعل الحب في كل خلية بجسم خليل لكوثر هو صج حبه لها اكبر من كل شي بس هاللي صار ذكر خليل انه يبيهاا اليوم قبل بكرة وانه بيفاتح امه بالموضوع...
***** *
وفعلاً بالليل كلم امه قدام شهد وقال لها انه يبي كوثر بالتحديد تشاركة حياته ..وامه استانست من اختياارة اللي ماراح يلقى احسن منه وهم بشرت خويتها نوار انها تبي كوثر بنتها لولدها خليل ونوار استانست ان هي وسعاد بيصيرون نسايب وقالت لها انها بتفاتح اخوانها بالموضوع عشان يحددون لهم يوم يجون فيه رسمي والله يتمم لهم على خير...!!
وشهد كانت مستانسه عشان اخوها واعز صديقه لهاا ..وتتمنى لهم الخير بقلبهااولها بعد..وتمنت شخص يدخل حياتها يحبها وتحبه ويهتم فيهاا عشان تنسى حسين كلياً..
** * **
وقطع تفكير كوثر رنين التلفون اللي ازهقها وخلاها تطفر وقامت بسرعه ردت عليه وكانت اريج..
اريج وهي تصيح وتشهق وماتدري شتقول:.....ا اا الو الو مح محموو محمود..
كوثر: اريج هاذي انت شفيك وشصااير ارييج حبيبتي خرعتيني شفيك تكلمي وينك ؟؟
اريج: كوثر قولي لحد يجيني هئهئ وبشهقات تكمل:كوثر محمود مدري شفيه مايرد علي تكفين حسين راشد خلهم يجون مستشفى اااه بسررعه يكوثر..
كان كلامها مقطع وببكاء يعور القلب..
كوثر: طيب باي ولا تصيحين تعوذي من بليس الحين جايين لك..
وراحت بسررعه جلست حسين وقالت له باختصار السالفه اللي فهمتها وقاموا بسررعه هو وكوثر وراحوا عند اريج اللي قاتله روحها من الصيااح..
**** *******
راشد قبل هاليوم اتجهه السعودية بعد ماكلم وفاء وقال لها انه وده يشوفهاا وبعد محاولات قالت له خلاص تعال لي بيت جدي وهو وصاها ماتغير شي في شكلها يبي يشووف كيف كانت وهي تضحك عليه وتقول له ماطلبت شي..
اول ماوصل وفتحت له الباب وقف يطالعها وهي ساكته
وفاء بعد ماتعبت من الصمت من بينهم قالت بالفرنسي برقه وهدوء: كَسْكُه تا؟ (مابك؟)
راشد بابتسامه سحرتهاا:رْيان ,جُه ميدِيتْ أن بُه (لاشي أتأمل قليلاً فحسب)
وكمل بعد ما ناظر في عينها شوي :لُنْ..(قمر) ..روزْ..(وردة).. ..
وفاء ابتسمت له بابتسامه ذوبته:من ذوقك ياقلبي..
راشد: وربي ما اجامل ياروحي مجننتني ..
وفاء:هههههه
راشد: يازين هالضحكة..
وفاء:اوووه رشوود خلاص عااد لاتقعد تخجلني واايد..
راشد:هههههه حبيبتي انتي واتقرب منها اكثر ومسك ايدها وباسهاا .. بوله وشووق.. ومشااها معاه وهي تمشي مثل المسحووورة ... جلسها ع الكنبه وجلس جنبها وهمس في اذنها: وفااء احبك والله والله مالي غنا عنك..
وفاء بهمس اكثر: ولا انا لي غنا عنك..
راشد اتألم لأنها ماقالت وانا بعد احبك قالت مالي غنا عنك بس فكر انه مايبي يضغط عليها ويبيها تقولها له من نفسها لما هي تحس فيها كلمه ومعناها.. عشان تكون صادقه تقرب منها وضمها وقال وحشتيني..
وفاء: انت اكثرر..وكانوا خدودها حمر>>كل هذا سواه فيها راشد عنلاااته نيااهههاا..
*********
اول مادخل حسين بيت اريج..شبقته بقوه وهي تصيح تقول:ماااات ياحسين مااات ااااه ياقلبي ..احساااسي يقوول لي ..
يااربي تخليه لي يااارب لاتااخذه ياارب..وكانت تصيييح بقوووة..
حسين:حبيبتي اريج هدي ان شاءالله مافيه الا الخير يله نوديه الستشفى ونشووف شيصير وطول الطريق اريج تصيح ..وهي تمسح على محمود شوي بوجهه شوي شعرة شوي تضمه لصدرها كانت ورا بالسيارة وهو ممدد على رجلهاا وكوثر وحسين قدام كوثر تصيح معاها بشويش وقلبها معورها على حال اختها عارفه شكثر هي تحب زوجهاا ..!!
ومن الطوارئ دخلوه علطول غرفة الانعااش....
حسين كلم امه وخبرهاا وكلهم كانوا يحاتون..وبعد فترة مرت عليهم وبالأاخص اريج كأنها سنيييين مو دقاايق ..طلع لهم الدكتور المصري وعلامات الاسف والحزن باينه عليه..
وكانوا طول الوقت يدعوون له ويترجون ربهم يحفظة من الشر..
واريج متفقعه صيااح عندها احساس بالفقد والخساارة مو مخليها ترتااح .. كوثر تحاول تهدي اختهاا وتصبرهاا رغم ان حتى هي منحزنه وخاايفه من اللي بيصير..
حسين: طمنا يادكتور..
الدكتور: والله ياجماعه مش عاف ائولكوم ايه ..انتوا جبتوا المريض وهو معاه سكته قلبيه واحنا حاولنا نعمل له انعاش قلبي رئوي بس مافادش وكمان عملنا له صدمات كهربائية في قلبه ومانفعش .. واللي ائدر أئولة: البئيه في حياتكم..
ارتفع صوت البكاء من كل ناحيه اريج انهارت وطاحت عليهم..
كوثر دموعها انهمرت ع خدها وهي تشوف اختهاا طايحه والسسترات التفوا عليهم واللي تشيل اريج من جهه واللي خايفه عليها من جهه..
حسين اتسند ع الجدار وغمض عيونه ودموعه داخلها تحرقهاا .. ياما كان هو القريب من محمود صديقه وصاحبه والحين تركه من غير رجعه .. ااخ يادنياا ..!! ياارب ارحمه برحمتك ياارب واسكنه فسييح جنااتك..
*** ***
اريج دخلوهاا غرفه والدكتورة جات لها وعرفت انها حامل وعطتها مهدئ مايضرهاا..
كوثر ضلت جنبها ملازمتنها رغم انها طول الوقت تصييح..
** **
حسين راح بيتهم عشان يخبرهم وهو ناوي يكلم راشد يجي معاه يعاونه في هالشده والمصيبه اللي الله حب يختبرهم فيهاا..
وراح بيتهم خبر امه ونرجس اللي صاحوا لأن محمود كان عزيز وغالي على الكل ..وبعدها قالت نوار بهلع: واريج بنتي وينها شفيهاا؟؟
حسين: يمه اريج طاحت علينا هنااك وخذوها الممرضات ودخلوها غرفه وكوثر معاها..
نرجس: وكيف حالتها؟؟
حسين: ااه تدرون هي شكثر تحب محمود والله ماسكتت عن الصياح دقيقه وماوقف الدمع من النزول من عيونهااللي ذبلت..
..
نوار:وااعليه عليك يابنتي ااخ الله يسااعد قلبك ياحبيبتي حسين خذني لها الحين بسررعه..
حسين: راشد وينه؟؟
نرجس: هو من امس راح لوفاء السعودية..
حسين: طيب انتوا لبسوا عباياتكم.. وانا بتصل فيه ابلغه عشان يجي..
نوار: لا ياحسيين اوعى تقول له ان محمود الله يرحمه رااح وصااحت وهي تكمل: لابعدين مايعرف يسووق ولا يصير له شي..
حسين: ان شااء الله يمه..
راشد كان بمطعم مع وفاء عازمها ع الفطور عشان بعدها بيرجعون البحرين..
كانوا مخلصين وبيدفعون الحساب عشان يروحون لما رن جوال راشد والمتصل اخوي الغالي
راشد:مرحباا
حسين: مرااحب راشد..
راشد: هلا حسين شفيك صوتك مو على بعضه..
حسين عارف ان راشد يفهمه على طول فماحب يطول وقال: وينك فيه؟
راشد: الحين برجع مع وفاء للبحرين..
حسين : ايوه كويس لاتطوول محتاجينك..
راشد: ليش شصااير..؟؟
حسين: خلاص انت تعاال وتعررف..
راشد: حسيين خوفتني البيت فيهم شي..
حسين بعصبيه: خلااص ياراشد تعاال وتعرف وتقول لك امي انتبه ع الطريق ولا تسررع.. يله مع السلامه..
راشد: مع السلامه..
وفاء بمحاتاه: وش صاااير؟؟
راشد: شكله شي شايد صاير عندهم بالبيت صوته يوحي بالحزن والخوف.. يله يله نروح..
وفاء خافت على راشد ورراحت جنبه قبل لايطلعون من الستار اللي مغطي عليهم بالمطعم وقالت له وهي حاطه ايدها تطقطق على ظهرة: هدي اعصابك حبيبي ان شاء الله مافيهم الا الخير..
راشد طالعها بعين وعين وقال بفكاهه وهو يتمنى يكون كلامها صحيح: شنو يعني مايصير تقولين لي حبيبي الا لما اكون متوتر ومو هادي..
وفاء قالتها بعفويه فاستحت شوي وطالعت فيه بس مبتسمه فابتسم هو بدورة ومسك ايدها وطلعوا بعد مادفع الحساب رايحين للبحرين..
********** **** *****
سالم من الصبح جلس وقال لأمه انه رايح البحرين عنده شغل .. وتوكل على الله وراح بعد ما اكل فطورة اللي لزمت عليه امه انه ياكله...
وصل البحرين وهو يحس باحساس غريب..
احساس المحب لما يوصل للحبيب..
احساس المشتاق لما يبعد عن من يحبه..
وصل وهو يحس ان الحياه بدت تدب في روحه من جديد ..
راح نفس الفندق اللي اخذه المره للي فاتت ومن حسن حظة راح بنفس الغرفه اللي تطل عليهم على طول..
وكان متونس حيييل..
بس فجأه كل هالوناسه والفرحه طاارت لما طالع من النافذه وشاف سعود متوجه للعماره وداخل الشقه ..!!
انقهر وماعرف كيف يتصرف..فكر وفكر.. هل يروح ينقض عليهم ولااا يصبر بعد.. تذكر حسام لما قاله انه مايسوي مشكله عشاان لاتصير المشكله ثنتين..
يبي يسوي شي يوقفها عن حدهاا ومايخليه يندم وقرر يتصرف بعد مايرتاح الحين وينام لانه تعباان كثيير ..!!
** ** * * *** ********* ***
وفاء كانت مع راشد.. اللي طول الطريق سرحاان وباله مو معااه.. وهادي بشكل غريب..
وقررت انها تضل معاه لأخر لحظة لأنه ممكن يحتاجها وهي لازم توقف معاه..
** **** ******* **** *** ****** **
خلاص.. محمود مات ..
والخبر انتشر بين اصحابه وحبايبه واهله وناسه..
الكل حزين.. الكل متضاايق..والكل دمعته بعيونه..
ام حسين اتصلت في ام محمود بالسعودية وكانت تصييح وهي تخبرهاا لأن محمود بحسبة ولدهاا وام محمود بعد صاحت بقووة وانصدمت وقامت تصارخ بصوت عالي تنطق باسمه لاتلومونها هذا ظناها وحشى يوفها ..فقدته .. الام صعبه عندها تفقد احد عيالها .. وطبعا اكيد اخوانه وخواته لما دروا صاحوه بشكل يعور القلب..(( اما ابوه فهو متوفي صار له سبع سنين وامهم معاهم لاتزوجت ولاترتكتهم لحالهم..
كان بين محمود واهله خلاف عشان كذا هو صار له فترة ماراح لهم او اتصل لهم او كلمهم وكلهم الحين ندمانين على سماحهم بهالقطيعه لانه مات وهو زعلان منهم.. لأنهم رغم انه تزوج اريج من زمان وعنده بنت بس للحين مو راضيين على زواجته بأريج..وهذا كان سبب الخلاف..رغم انه بعد زواجه زارهم كذا مرره بس دوم يطلع مع اريج وهي مجروحه من كلامهم عمرهم ماحاولوا يتقربون منها او يتعرفون عليها وهو لأنه يحبها مارضى لها بالذل وصار ماياخذها معاه اذا قرر يزورهم ))
لكن اللي نقدر نقوله: قدر الله وماشاء فعل.. وهم لازم يرضون بكتبة الله.. ويصبرون لأن الله مع الصابرين..
وبنفس اليوم اندفن محمود وصلوا عليه صلاة الميت.. وراشد طبعا بعد ماعرف..دموعه نزلوا لانه محمود كان بالنسبه له الاخو والصديق.. ووفاء ظلت معاهم وكلمت امها وقالت لها وطبعا سووا العزا ببيت ام حسين وجاوا قرايبهم وجيرانهم واهل محمود طبعا وصلوا قبل الدفن لأانه اخوانه رفضوا يندفن قبل لايشوفونه..
وصااحوا عليه من قلب..
((محمود عنده اخوان اثنين واختين وهو الوسطي بينهم))
حالهم ماكان يسر واكيد ان ماراح يسر لفترة من الزمن..
اريج كانت الدموع ماتوقف من النزول بعيونها هذا غير انها بعدها بالمستشفى..وحالتها مستقرة بس تعبانه لانها رافضة تشرب او تاكل والكل عجز معها..وطبعا ركبوا لها مغذي لأنها لازم تغذي طفلها وطبعا خبر حملها انتشر بعد ..
* * * * ** ** * ** *
الدنيا فيها المهموم وفيها السعيد وسبحان الله ناس عندهم عزاء وناس يصير عندهم زواج..وناس فرح وناس حزن وبشتى الطرق هاذي حالة الدنيا..
*** ** **
جنان وحساام كانوا باسعد ايام حياتهم .. حسام فرحان لانه حصل اللي يبيه وكل يوم يشكر ربه اكثر من الف مره وجنان مرتاحه لان حسام اللي صار من نصيبها ووايد مريحهاا..
كان حسام عند جنان ببيتهم وكانوا يسولفون مع بعض ومستانسين وااايد
الله يخليهم لبعض ويحنن قلب جنان اكثر على حسام لين ماتحبه هالبنت الداهيه على قولة بنات الجامعه هههههههااي
***** *** ****** ***** **** *****
في مكان ثاني.. كان جاسم يكلم ابو زينب ويطلب منه يكلمها .. بما انهم بعد اسبوع راح يعقدون عقدهم وتصير مرته وابوها مارفض وعطاه الرقم .. وقال لزينب انه عطى جاسم رقمها وانه ممكن يتصل لها باي وقت..
طبعا هم سووا فحوص ماقبل الزواج وطلعت توافق وسليمه الحمدلله وهالشي احسن عشان تكون صحة اولادهم بالمستقبل سليمه وقويه وانصحكم بناات لاتتزوجون الا لما تتأكدون من هالشي هههااي بس والله ماامزح هالشي مهم..>>علموها لما كانت بالمدررسه هههههاااي
* *** *** *** ** ** ****
انتهى يوم العزاء الاول والكل مهموم وضايق الصدر بس الحمدلله ان ايمانهم بربهم قوي وانهم صابرين رغم الحزن..
اهل محمود باتوا عندهم طبعا ومحد ذاق النوم والدموع كانت تسيل وتشكي فقدها لعزيز القلب...
* * * ** * *
اليوم الثاني.. اريج صارت احسن وفي الصباح راح حسين وخذها من المستشفى وهي طول الوقت كانت ساكته بس وتصيح..
واول مادخلت بيت اهلها ولقت امها راحت في حضنها تصييح وتقول بصياح يعور القلب ويبكي اللي مابكى : رااح يايمه رااح محمود زوجي يمه رااح ابو عيالي رااح حبيبي رااح وش راح اسوي بدونه يمه ماااقدر اعيييش ابي اموت معاه يمه اااه يمه راااح.. وكانت تشهق وتصيح وهي تتكلم.. وامها تصييح معاها اخر شي قالت امها: لايااريج يابنيتي لاتقولي كذا ولاتسوي بنفسك كذاا خلي ايمانك بربك قوي وارضي باللي ربك كتبه وصبري ان الله مع الصابرين..
بعدها شافت اريج ام محمود اللي عمرها مااتفقت معاها بس الحين كل شي ماله معنى بعد محمود.. جات لها ام محمود وشبقتها بقوه وصاحوا الثنتين مع بعض وهم خواته نفس الحاله .. سبحان الله موت محمود رقق قلوبهم عليها وخلاهم واقفين معاها مو ضدها..
وام محمود بعد فترة هي اللي اقنعت اريج انها تاكل.. اريج ماقدرت تقول لها لا لأنها وهي تطالع فيها شافت محمود حست بريحته جايه منها نظراتها كانوا نظراته ...وهذا اللي خلاها تصيح شوقها له اكثر..لان محد يقدر يأثر عليها مثل محمود..
هذه الرسالة تفيد بأنك غير مشترك في منتديات سارق القلوب. لتسجيل الرجاء اضغط هنـا 
25-3-1429, 11:38 مساء
متضايق مرة وين باقي القصة شوقتينا