شكرا كتيييير شهرزاد و انشاء الله ما أطول عليكم و هذا جزء اخر عشان ما تزعلون مني
اليوم اللي بعده:يوم الاحد..ثالث يوم عزاء..البنات لازم يروحون المدرسة امس سمحت لهم امهم بالغياب بس اليوم اصرت عليهم يروحون وراحوا متضايقين انهم بيخلون اريج بروحها بالبيت..
دخلوا نرجس وكوثر المدرسة ومعاهم شهد ..وبدت الحصه الأولى..
وجات المشرفه فصل كوثر ونرجس اللي كانوا جالسين جنب بعض ولا حاسين الابله شوقاعده تقول.. وطقت باب الفصل المشرفه ودخلت..
المشرفه:السلام عليكم..
الطالبات والابله:وعليكم السلام ورحمة الله وبركاته..
المشرفه دورت بعيونها كوثر ونرجس اللي قاعدين في المقدمه وقالت:كوثر ونرجس خير شفيكم عسا ماشر امس غايبين واليوم باين عليكم التعب..؟؟!
كوثر بشويش: سلامتك ابله بس زوج اختي ونزلت عينها وقالت:عطاك عمره..
المشرفه بعطف: الله يرحمه عظم الله اجركم يابنتي..
كوثر ونرجس:طول الله عمرك..
المشرفه:خلاص وقت الفسحه تعالوا لي مكتبي ابيكم..وطلعت ..
ساسرتهم صاحبتهم حصه وقالت: شكثر تحبكم جايه لعندكم تسأل عنكم..
طنشواها وهم يتساؤلون شو تبي بهم المشرفه..
*** ** *** ** *** *** *** *** **
بهالوقت جنان كانت تكلم حسام بالتلفون..
جنان تتكلم شوي شوي لانها بالجامعه وحسام كان بشغله..
جنان:ايه عمري انا بسكر عندي كلاس الحين..لايطردوني..
حسام:عادي خل يطردونك.. بمرك وبنروح نفطر بمطعم برا..
جنان:هههههههه فديتك والله موب مستغنيه عن درجاتي ودراستي..
حسام:ااه يااويلي منك ياجنان ومن حبك..
جنان بهالحظة تملكتها مشاعر وعواطف قويه تجاه هالانسان ..ماكملوا اسبوع من حفلتهم لكنه قدر يستولي على قلبها وتفكيرها وكيانها وكل خليه فيها..
جنان بكل هدوء:احبك حسام..
حساام كان مندهش منصدم مستانس فرحان كان يتمناها تقول له انها تحبه بس ماتوقع انها تقولها بهالسرعه..
حسام:جنان ياقلبي يعلني فاداك انا اموت فيك..
جنان مستحيه: انزين حسومي يله باي..
حسام يدري انها مستحيه فما حب يعاندها وقال :باي..
وقعد هو سرحان يفكر بكلام جنان وبكل شي فيها ..
بدور:جنانوة الكلاس باقي عليه كم دقيقة بس ناوية تطردنا الاستاذه يعني..
جنان:ههههه اوكي اوكي جايه معاك الحين..
بدور:كل هذا مسوية فيك حسام...ههههه
جنان استحت ومشت معاها وهي منزله راسها تفكر بحسام..
**** *** ** *** ** *** *** ***
في مدرسة احلام كان عندهم فسحه..
كانت قاعده مع زهرة ويسولفون ويضحكون..
رجاء من ورى احلام: السلام ..
دارت لها احلام وهي مستغربه..وزهرة كشرت وجهها وهي متضايقه منها..
زهرة واحلاام:وعليكم السلام..
زهرة:نعم اختي خير؟؟ وش تبين؟؟
رجاء وهي ماتلومها قالت:ابيكم انتي واحلام بكلمة ممكن؟؟
احلاام: ايه ممكن وش عندك تقولين؟؟
رجاء ودمعتها ع خدها:احلام سامحيني..
احلام وقفت لها ومسحت دمعتها وابتسمت:لا يا رجاء لاتطلبين السماح مني دامك استسمحتي من رب العالمين يكفي..
وشبقتها وهي مستانسه ان احلام عمرها ماعرفت الحقد وعمرها مازعلت في خاطرها من احد..
احلام: انا غلطت وانتي غلطتي وثنتينا رجعنا لعقلنا وطلبنا من ربنا السماح والله يسامحناا ..
زهرة كبرت احلام بعينها وقالت: اهم شي انكم تعلمتوا درس استفدتوا منه ولازم تعلمونه غيركم من الاجيال الجايه..!
ثنتينهم ابتسموا: اكييد
رجاء بتردد:ممكن اقعد وياكم؟؟
احلام:كل يوم اذا تبين عيوني..
رجاء ابتسمت وبسرعه اختفت ابتسامتها وقالت:وانتي زهرة راضيه اقعد معاكم؟؟
زهرة تسوي روحها تفكر وقالت:اممم بما ان احلام سامحتك ورضت عنك اكيد انا بعد برضى..
كلهم:هههههه
* **** ** ** **** * **** ****
نرجس وكوثر راحوا مكتب المشرفه وهم محتارين..
طقوا الباب..وطلوا منه.
المشرفه:تفضلوا..
كوثر ونرجس دخلوا وقعدوا ع الكرسيين اللي مقابلين مكتب المشرفه ..
نرجس:خير ابله فيه شي؟؟
كوثر: ايه ابله وترتيناا؟؟
المشرفه ابتسمت لهم:مافي شي ياحبايبي بس انا بعد ماعرفت منكم الظروف اللي تسببت بغيابكم قلت لازم اتكلم معكم؟؟
نرجس وكوثر وبنفس الوقت: في شنوو؟؟
ضحكوا لبعض..
المشرفه: يابناتي انتوا الحين ثانويه عامه واخر سنه والامتحانات ع الابواب..مابيكم تتأثرون بوفاة زوج اختكم الله يرحمه انا مقدرة ظروفكم وادري انتوا لازم توقفون مع اختكم .. بس هالشيء لازم مايمنعكم من الدراسه والمذاكرة.. يبناتي مهما كان هالكم يوم هي اللي بتحدد مصيركم ومصير مستقبلكم.. وسألت: انتوا ماتبون تحققون احلامكم؟؟
الثنتين:أي نبي..
المشرفه: يعني وش لازم تسوون؟؟
الثنتين: نذاكر عدل..
المشرفه: عفيه عليكم الله يسهل عليكم ويوفقكم خلااص توعدوني انكم ماتهملون الدراسه وتنتبهون ترى الامتحانات ع الابواب..
كوثر ونرجس: ان شاء الله ابله نوعدك ..
المشرفه:هذا خبري فيكم بنات الكل يشهد لكم بالادب والاخلاق والامتياز..
الثنتين: تسلمين ابله..
المشرفه: باي وقت انا لكم حاضرة خلااص يله قوموا فطروا قبل لايخلص وقت الفسحه..
الثنتين: ان شاء الله مشكورة ابله..
** ** **** *** * ** ** ** ** *** ** *** **
وفاء وعبير وزينب وبشاير وهيفاء..كانوا بالجامعه ع نهاية الدوام..يسولفون وكل وحده تنتظر السواق اللي بيجيها.. وليلى ماعندها محاظرات عشان كذا ماجات..
زينب: بنات خبرتكم باللي صار؟
الكل: لا خبريناا
زينب: اممم بعد شهر تقريبا بيكوز العقد وبعد باسبوع الزواج
يالله قدرت ااخر الزواج لهالموعد وزين منه وافق
الكل استانس لها وبارك لها وتمنى لها الخير وتموا يسولفون عن وايد اشياء..
عبير: هذا هو نصور وصل يله بااي..
الكل: بااي
بشاير: الا وفاء ليه ماتروحين مع اخوك وعبير؟؟
وفاء: لانهم ساعات مايردون البيت علطول ويلفون شوي وانا مايصير لي خلق وماحب اقعد بينهم يمكن شي كلام خاص بيقولونه..
زينب:اييه فديتج..
بشاير:ريلي وصل يله اشوفكم بكره..بااي
الكل:بااي
هيفاء كانت سرحانه وماتشاركهم الحديث..
زينب تاشر براسها صوب هيفاء وتقول لوفاء بيدها: شفيها؟
وفاء هزت كتفها بمعنى:مادري..
زينب: هيفاااء وين وصلتي؟؟
وفاء: أي اللي ماخذ باالك يتهنا به..
وفاء وزينب:ههههههههه
انتبهت لهم هيفاء: شنو تقولون؟؟
زادوا ضحك..
وفاء: شفيك من ساعه وانتي سرحانه..؟!
هيفاء:هااه لا مافيني شي..
زينب:ايه واضح..!!... اوه بنات يله اخوي وصل بااي..
الكل:بااي
وفاء:افف راجوه تأخر خل بتصل له بشوف..!
واتصلت ..
وفاء:الو راج وينك؟؟
راج:هاه ماما وفاء انا في شارع سيارة في خراب ..
وفاء:اففف وليه ما تتصل تقول.. بااي..
هيفاء:شو صاير؟؟
وفاء: السيارة اختربت ..والهبل راجوه ماقال لي افف..
هيفاء خافت تجازف وتقول لها تبين اوصلك معي.. لان هي سواق عام يجي ياخذها ويوديها فقالت: اتصلي لراشد يجي ياخذك؟؟!
وفاء:لاا مابي اشغله وهو مشغول واللي فيه كافيه.. خل بتصل في ابوي...
وفاء:الو باباتي .كيف حالك؟؟
سعود:حيا الله بنتي غريبه متصله فيني هالوقت..
وفاء:هههههه والله بغيت اقولك ان راجوه متعطل بالشارع وانا ماعندي حد يوديني البيت..
سعود:اممم خلاص بشوف عمك فواز يجي ياخذك..
وفاء:اوكي مشكور يالغالي بااي..
سعود::ههه باي
هيفاء:خلااص انحلت المشكله؟
وفاء:ههه اييه اكيد ولو..
وبعد دقايق ثنتينهم وصلهم اللي بياخذهم لبيوتهم..
هيفاء وهي تمشي مع وفاء.. ويسولفون وكل وحده راحت بطريقها .. وفاء لعمها وهيفاء للسواق اللي ياخذها مع مجموعة من البنات..
هيفاء وهي تطالع وفاء وين متجهه شافت فواز وحز بخاطرها ان وفاء تقدر تركب وتروح معه باي وقت واي مكان وهي لاا..!!
*** ** ** * * *** ** *** *** ** ***
وفاء: هلا عمي فواز شلونك؟عاش من شافك..
فواز: هلا فيك يالغاليه..
وفاء:شخبار شغلك؟؟
فواز:ماشي تمام
وفاء: انا مدري متى بتسمع الكلام وتجي تعيش معاناا..مستانس على عيشتك بروحك..
فواز : من قال بروحي..!!؟
وفاء:عجل مع منو؟
فواز:الله معااي.. وبعدين انا ساكن بشقه مع واحد صديقي..
وفاء:اهاا .. الا بسألك عمي..
فواز: تفضلي..
وفاء:كم عمرك؟؟
فواز مستغرب من سؤالها بس رد:29 سنه..ليش هالسؤال؟؟
وفاء: انزين وموب ناوي تتزوج وتاخذ بنت الحلاال اللي تسعدك وتتهنى معاها؟؟
فواز انصدم من كلامها .. بس قال: اممم اكيد ناوي لكن ابي استقر شوي..
وفاء :هههه من متى وانت تستقر.. ياعمي ترى اذا نويت وتبيني ادور لك عروس من احلى العرايس قوول عندي لك خووش بناات تختار منهم وحده..
فواز: هههههه ولا يهمك انتي اول وحده بقولك..
ويوم وصلوا..
وفاء بشبه رجاء: عمي بطلب منك طلب..
فواز: هاتي من الاخر وش تبين؟؟
وفاء: اممم عمي ممكن تستنى ابدل ملابسي وتوصلني بيت راشد تعرف اليوم اخر يوم عزاء..وماكو احد يوصلني ..وانت مايرضيك اركب تاكسي..
فواز: انا موجود وبنت اخوي تركب تاكسي لا مارضيت بها.. يله روحي بسرعه لاتطولين لاني تعبان وابي اروح اناام..
وفاء: تسلم يا احلى عم بالدنياا..
فواز:هههههههه للمصالح..
ودخلوا مع بعض..
*** ** ** ** ** ** *** ** **
ريم كانت مع خالد وامها بسيارة خالد وكان بيوصلهم بيت ام حسين عشان يحضرون معاهم باخر يوم ويكونون عون لهم..
وصلوا ونزلت ام ناصر.. وريم قبل لاتنزل: خالد..
خالد: عيون خالد..
ريم بابتسامه: تسلم لي العين وراعيهاا..
خالد: كله فداك..
ريم: اووه خلودي بسك عااد تراني استحي..
خالد:هههه فديت اللي يستحوون آمري تدللي..
ريم: مو تسرع حبيبي وبس اعطيك مسكول تعال لنا اوكي..
خالد: تامرين امر شيخة الحريم..
ريم:ههههه فديتك والله مايامر عليك عدو.. يله اشوفك..باي..
خالد: باي..
*** ** *** *** ********** ** ****
وهو رايح قال بباله: خل اتصل بنايفوه اشوف وين هو صاير هادي هالفترة..
خالد: هلا اخوي...
نايف: اخير تذكرت ان لك اخو ..كل مطيح ببيت خالك استح ياخوي استح تراك اخوي الوحيد ولا تسأل عني..
خالد:خيبه كل ها بقلبك وانت ساكت!!
نايف: بس عشان تعرف ان اخوك طيب ومايحب يزعل حد..
خالد:ههههههههه طيب وينك فيه؟؟
نايف:راجع البيت الحين..برتاح عشان اليوم الليل يبدي دوامي..
خالد: ايه يعني خلاص كلمت خالي سعود وقلت له السبب ..
نايف: أي قلت له اني ناوي بعد ماتخلص الاختبارات ارتبط باحلام اخت عبير وهو استانس على اختياري والحمدلله ان ماقال صغير وماصغير لاني قلت له اني ابيه يشغلني بالشركه دوام جزئي بالليل..
خالد بفخر:ايه مابيقول صغير لان شافك رجال وتتحمل المسؤليه ..خلاص نلتقي بالبيت ونكمل سوالف..
نايف:طيب بااي
خالد:بااي..
** ** **
نايف كان مرتاح نفسيا وايد وحتى احلام..لان حلمهم بيتحقق.. طبعا الاخ نايف ههه كل يوم يرسل لعبير مسج:سلمي على احلام ..هههه الله يعينهم ويصبرهم..خخخخخ
** *** ** * * *** *** **** ***
في بيت ام راشد ..الكل يصيح.. من يتذكرون محمود يصيحون.. واليوم زحمه عندهم ع اساس ان اخر يوم والناس اكثرهم جايين لهم..
والكل مغطي وجهه ويصيح .. الله يصبرهم..قضاء وقدر..
وفاء توها واقفه عند البيت وقالت لفواز اذا يقدر يمر عليها.. قال لها خلاص انتي اتصلي لي وانا بجي لك..
وفاء: اوكي مشكور.. مع السلامه..
ودخلت.. قعدت معاهم شوي والجو اللي هي فيه سبب لها خنقه مو قادرة تتحمل تشوف الكل يصيح.. ماقدرت تمسك عمرها وصاحت معاهم..
قامت طلعت من المجلس.. وراحت المطبخ لقت كوثر ونرجس وشهد قاعدين ع طاولة الطعام كل وحده بكرسي ومنكسين راسهم وريهام ع الطاولة تشرب عصير..
كوثر تكلم شهد: وامس ماخلتنا ريهام ننام ابد وفي المدرسه كنت بطيح من النعس.. واريج فديتها ماتدري عنها اصلا ماتقدر تمسكها عشان لاتصيح وتخوفها..
وفاء بعد ماسكتت كوثر قالت:السلام..
انتبهوا لها: وعليكم السلام..
راحت قعدت جنبهم: شخباركم؟؟
نرجس:شو تشوفين يعني؟؟ ااه الله يعين..
وفاء: الله كريم.. بس لاتنسون دراستكم ترى هذا مستقبلكم حبايبي..
كوثر: ايه هذا نفس كلام المشرفه..
وفاء: اذا محتاجين اساعدكم بشي لاتترددون تراني مرت اخوكم وبكون لكم حاظرة باي وقت..
طالعوها بشكر: مشكورة ماتقصرين..
وفاء: انزين انا عندي اقتراح..
الكل: وهو؟؟
وفاء: اممم انا بكرة مابروح الجامعه لاني ماعندي محاظرات شرايكم اخذ ريهام معاي.. تسليني.. وتخفف عنكم..
نرجس وكوثر ساكتين..
شهد:خبلان..
وفاء: وش قلتوا..؟؟
كوثر: قولي لامي واذا ماقالت شي والله بتسوين فينا خير..
ابتسمت شهد: وماظن خالتي نوار بتعارض..
وفاء: خلااص نرجس غناتي جهزي لها شنطة فيها ملابس شوي والاغراض اللي تحتاجها..
نرجس: ان شاء الله..
شهد تطالع ريهام وتقول لها: هاا رهومي بتروحين مع خالو وفاء بيتهم؟؟
ريهام: عندهم العاب؟؟
وفاء تبتسم: أي واايد..
ريهام:خلاص بروح.. وين الزوتي مالي.. >>الجوتي<<هههه
كوثر:ههههه مو الحين ريهاموه هههه خبله بعدين قبل ماتروح بيتهم..
ريهام:انتين خبلة مو انا...
الكل:هههههههههه
(والعلاقه بين وفاء وخوات راشد كوثر ونرجس من هالظروف صارت بتحسن مستمر ونسوا الحقد والكره وهذا شي من نعايم رب العاليمن )
>> رب ضارة نافعه <<<
* ** * * **** *** ** ***** ** *** ** **
ليلى بالبيت صلت المغرب واتصلت في امها وابوها تطمنت عليهم وسكرت.. وقعدت تطالع تلفزيون وهي متملله راحت تسولف شوي مع هادي..
ليلى: هدوي شو تسوي؟؟
هادي: امم اكتب..
ليلى: شو تكتب..؟؟!!
هادي: شي شي..
ليلى:يعني ماتعلم خالتك ليلى؟؟ماعليه انا زعلانه..
هادي:خلااص لاتزعلين بعلمك..
ليلى:يله قول..
هادي: اكتب اللي بخاطري..
ليلى:وش بخاطرك؟؟
هادي طالع رجله ونظراته حزينه..
ليلى باسته:ممكن تسمعني وش كتبت؟؟!
هادي:ههه ولايهمك..
وقال بصوت ثابت يرتجي ربه وكله خشوع وسكون:
في حنايا النفس ذنب اشعل الاحساس فينا..
في عيون الناس خوف ينعى يارباه السنين..
في نفوس الناس رهب يرتجي بالروع حينا..
يا إلـه الكون عفواً قد اتينا مرتجينا..
يا إلهي نرجوا صفحاً نرجوا غفراناً مبينا..
كم سهرنا في الليالي ندعو لله المعين..
وانتفضنا من ذنوب وانتحبنا الانين..
وترتمنا سجوداً وتأوهنا الحنين..
وتناجينا وصولاً للعلا دنيا ودينا..
يإلهي روحي ظمأى تشتهي الماء المعين..
ياإلهي تب علينا وتقبلنا آمينا..
فأنا طفل صغير كل مايهواه ان يعود للسير الجميلا..
وسكت..
ليلى تأثرت وايد.. بس قالت: ماشاء الله عليك ياولد اختي الله يوفقك ياارب ويحقق مناك..
هادي ابتسم:ياارب..
ليلى :يله نام عشان بكرة وراك مدرسة..!
هادي: اووكي ممكن تساعديني عشان انام ع السرير..
ليلى:انت تآمر امر..
وهي تساعده رن موبايلها بس هي ماعطته وجه لانها كانت تساعد هدوي..
خذت جوالها وطفت الانوار وسكرت الباب وطلعت بعد ماقالت له تصبح على خير..
في هالوقت سالم اللي كان يتصل بخالته لانه مره متضايق وحاس بخنقه وودة يصيح وده يتكلم لاحد..مالقى احسن من ليلى ..رد اتصل فيها..
ليلى: هلااااااا سلووم القااطع..
سالم:ههههه هلااا ليلوه الحلوة..
ليلى:شلوونك؟؟
سالم:اممم وردي..
ليلى:ههههههه ها لون بناات..غير مافيه .
سالم:هههه ولايهمك ازرق..
ليلى:وش فيك سلومي احس صوتك فيه ضيق شوي..
سالم:امممم ممكن تقبلين عزيمتي لك ع العشاء باي مطعم تختارينه؟
ليلى:انت بالبحرين؟؟؟
سالم:يس
ليلى: اممم قبلت الدعوه ..
سالم:10 دقايق وانا عندك..
ليلى:اوكي بااي..
* *** ** ** ** ** *** ** ***
جنان توها قاعده من النوم..لانها رجعت من الجامعه صلت واكلت ونامت..
فقامت غسلت وصلت وهي تستغفر ربهاا على تأخرهاا..
ونزلت تحت وكانت ماخذه راحتها لابسة ثوب بيت قصير يوصل لها لين ركبتها.. لونه ازرق سماوي وبالوسطه في دبدوب صغير ماسك قلب وكانت طالعه بيبيه تجنن.. ولان اخوها مو بالبيت وابوها يانايم ياطالع فهي خذت راحتها بزياده..شعرها كان محطوط أي شكل بالبكله المساكه وطايح منه خصل ع وجهاا عاطيتها حلااة زود..وفي خصل هرباانه من البكله ههه..
نزلت خذت كتابها اقصد ملزمتهاا خخخخ لان عندها كويز بكره عشان تراجع شوي..
لقت امها طالعه بيت الجيران .. شربت عصير وطلعت الحديقة..
والجو كان رطب شوي بس طنشت وراحت..
وقفت قبال الورد.. وقطفت ورده محمديه بلون الوردي.. كبيرة ومتفتحه تجنن..وكانت تتأملها.. وسمعت جرس الباب بس خلت الوظيفه لشغالتهم تفتحه وهي ع بالها امها راده من بيت الجيران..
وكانت تتامل الورده يوم حسام سحبها من يدهاا وقال :انا اهديك هالوردة..
جنان:شو تسوووي هنيه؟؟؟
حسام:طرده يعني؟؟
جنان مستحيه:لااا مو كذاا بس ... يعني ع ااقل كنت لبست تعدلت شوي..
حسام يطالعها:انتي حلوة بعيني لو شنو بعدين خلك على طبيعتك احلى..
جنان :هههه فديتك والله..
حسام: انتي احلى من هاي الورد كله بالف مليون مره..
جنان:ترى بصدق روحي الحين..
حسام: صدقي من حقك حبيبتي..
جنان:ههههه ياويلي..
حسام: شرايك تجين تزورين بيت عمتك؟؟!
جنان:بس عندي كويز بكرة..
حسام: انا بذاكر لك..
جنان بنص عين:هههههه طيب بنشووف.. واتصلت بامها عطتها خبر..وركبت معاه عشان بتبدل ملابسها وبيطلعون..
دخل معاها غرفتها وهو يتامل كل ناحيه بهالغرفه الكبيرة الحلوة الفخمه.. لونها كان بيج وعنابي.. ومرتبه كثير..
جنان دخلت الحمام تبدل.. وهو ضل يتأمل.. وشاف على الكمودينه حقتها برواز فيه صورة لها هي وسالم ماسكين بعض ويضحكون والصورة كانت ولا اروع قال :احبها والله..
وهي طالعه من الحمام سمعته:منهي اللي تحبهاا؟؟
حسام بابتسامه سحرتها:انتـــــــــي منو يعني غيرك..!!!
جنان تلونت خدودها بحمرة خفيفه..
حسام:اموت فيك يوم تستحين..
جنان:اووه خلاص حسومي ..
حسام: ياويل حسومي منك..
الاثنين:ههههههههه
فكت شعرها اللي طاح على ظهرها بنعومه عشان بتمشطه..سحب منها المشط وقام يمشطه لها ..وهو يتامل ويلمسه وشوي يشمه.. وهي تضحك عليه..
حسام: مستحيل تقصين شعرك فااهمه..؟!
جنان:هههه فاهمه..
حسام:فديت المطيعه انا..
وخلصت وحطت لها كحل وجلوس خفيف ولبست عباتها وطلعوا وطول الوقت كان حسام يتأملها بوله وشوق وحب..!!
* ** ** **** *** ** *** ***
بدور كانت بالغرفه تحوس بدرج من دروج مكتبهاا تدور دفتر هي كاتبه في بعض الارقام المهمه وهي تبي تطلع رقم صديقة امها لانها تبيه ضروري ..واخيرا شافته مكرفس وحالته حاله..
فتحته وحصلت رقم ام محمد وعطته امها.. وقعدت تفر بالدفتر وشافت ايميل مكتوب.. وقامت ذاكرتها ترجع لورى يوم كتبت هالايميل..
الذكرى:
كانت بدور تتكلم مع هيثم بالتلفون..
هيثم:بدور حياتي انا ادري انك مالك بالنت ولاتقعدي عليه ولا عندك ايميل بس انا بعطيك ايميلي للضرورة زين؟!
بدور: اوكي عمري..
هيثم:كتبي عندك..
بدور: كتبت ..
هيثم: بدور مشتااق لك كثيير..
بدور: انا اكثر حبيبي..
هيثم: فديت هالمنطوق والله..
بدور وهي مستحيه: هيثووم بسك عااد..
هيثم: ماقدر انا على هالدلع كم بعيش بس..!
بدور: العمر كله ان شاء الله
هيثم: وياك يالغاليه..
بدور: اوكي هيثم انا بسكر عنك الحين اسمع حس امي جايه ..
هيثم: الله يسامح اهالينا اللي خلتنا نتبع هالاسلوب ونكلم بعض من ورااهم..
بدور: أي والله يله باااي..
هيثم: بااي..
وتذكرت ان بذاك اليوم دخلت امها ومامدها هي تخبي الجوال وشافته امها وعرفوا كلهم ان بدور تكلم هيثم من وراهم ..وخذوه منها ..وحلفوها ماتكلمه مره ثانيه ..
وهالكلام صار له سنتين وكم شهر..
بدور وهي تفيق من هالذكرى ..
بدور: انا شلون نسيت سالفة الايميل ولاحتى جا على بالي.. افف الحين كيف اضيفه وانا ماعندي ايميل..
>>>بدور وخواتها مايقعدون ع النت للسواالف المسن والمنتديات حدهم بحوث المدرسة بس علاء اخوهم اللي يقعد عليه .<<<
فكرت فكرت خلاص الفكرة راكبه راسها ومابتخلي اليوم يمر قبل لاتدخل وتضيفه وتشوف اذا تقدر تحصله ولالا...وهي تفكر قالت:اييييه جنان ماكو غيرها هي اللي بتساعدني..
واتصلت بجنان اللي كانت بالسيارة مع حسام..
جنان:هاي بدور بشوف وش تبي..
حسام: لاتطولين..
جنان:هههه اوكي..
جنان:هلا والله بدور..
بدور:هلا فيك جنان..
جنان:وش فيك؟؟
بدور: اممم احد معك؟؟
جنان:ايه انا مع حسام..
بدور:اها فشلله اتصلت وقت مو مناسب..
جنان:شدعووه بدوور وقتي كله لك..
حسام يقرصها على كتفها وهي تقول:ااي..
بدور فهمت ان حسام منقهر ههههههه
بدور: بختصر السالفه ..انا قبل سنتين وشوي هيثم عطاني ايميله واليوم بس تذكرت والحين ابي اضيفه وانتي تدرين اني ماعندي ايميل..
جنان:خلااص خذي ايميلي فتحيه وضيفي.. بعطيك الباسوورد بس لاتعلمينها احد..
بدور:هههه اكيييد..
جنان: يله كتبي...
بدور:مشكووووورة بعد عمرري..
جنان:لاشكر على لاشي ياقلبي..
بدور:يله باي..
جنان:باي..
وسكرت عنها..
حسام متغيض:وش تبي؟؟
جنان:اللي سمعته..
حسام:ليه؟؟
جنان:اقولك وماتخبر حد..
حسام:ايه؟
جنان:اممم ..وقالت له القصه باختصاار..
حسام:مساكين الله يعيينهم ويسهل عليعهم ويجمعهم ياارب..
جنان:يااارب..
حسام:يله نزلي وصلناا..
جنان:يله..
يتبع..
ياترى..بدور وش بتسوي؟؟ هل بيصير معاها شي ولالا؟؟
اريج كيف بتكون حالتها؟؟وشو كاتب لها مخبي لها محمود؟؟
ريهام بيصير لها شي مع وفاء ولا بتتعود عليها وبيصيرون صديقاات؟؟
سالم وهيفاء وليلى؟؟بيصير بينهم شي؟؟!!
هذه الرسالة تفيد بأنك غير مشترك في منتديات سارق القلوب. لتسجيل الرجاء اضغط هنـا 
11-6-1429, 02:41 مساء
لغيابكم و عدم التفاعل معي 
العرض العادي
