كلش ولا الزعل

هاذي قصيده كتبتها بخويي براضيه زعلان وما هي اول مره المشكله(طــــــــــوف)



اقــــــــــول:



بسم الله اللي ابتديبه قصيدي.........هاذي قصيده للي اقفت زعـوله

ترا الزعل يورث لقلبك حقيدي........والنفس ما تتبع تراها جهوله

ءانظر بعينك لا تقرب بعيدي ........والسلم ناسه ما تغير فعـوله

حنا ءارتجلنا في زمان(ن)شديدي.........وقفت رجال تتعب اللي يطوله

طيب الفعايل بيننا مو جديدي.........وحنا رجال نسلنا من حموله

درب الخطا ما للبشر عنه حيدي.........نوب البشر تسهى عن اللي تقوله

كل البشر تخطي ولاني وحيدي..........وكلن خذا في سكه الوقت جوله

انــا طلبتك للـــزعل لا تعيدي.............ولرضاك يذبح راعي البل ذلوله

كثر الزعل من بيننا ما يفيدي..........وطبع الزعل مو من صفات الرجوله

ما اقوللك مخطي ورايي سديدي........ودوم الصواب بفعلنا ما نحولــه

أنا اتعتذر لك وربي شهيدي........... واللي حصل لا ما قصدنا حصوله




وسلامتكم...

صح لسانك أخوي ويعطيك العافيه !!

صح لسانك ويسللللللللللللللللللللللمو

صح السانك
والله لا يفرق بينك وبين اخوك



واتمنى لك التوفيق