لو اعيش اوحيد في حر الهواجـر

هذه القصيده لشاعر مشعل بن شباب



[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كن في قلبي لهب جمـرِ تواجـر=
العيون النوم صار الهـا شفاقـه
لابغيت النـوم شحـن المحاجـر=
بين جفني والكرى مابـه علاقـه
السعـاده طيرهـا عنـي مهاجـر=
ياعسـاه يعـود مايبطـي فراقـه
ماهواني عشق لابسـة البناجـر=
الهنوف اللـي سوالفهـا رقاقـه
عن ضجيج المدن فضلت المهاجر=
لو مافيها مـن يبادلـك الصداقـه
اتنقل بين دعـب وبيـن حاجـر=
وسط جوِ يسرقك شوفـه سراقـه
زين شوف خياله رعوده تزاجـر=
مدلهـم ماطـره عـذب اندفاقـه
كن برق مزونه سيوف وخناجـر=
نو وبله فـارج الكربـات ساقـه
زين شوف النبت من بين المحاجر=
مثل وصف الزل في بيوت الاناقه
في العلم والنير والا يـم ساجـر=
والينوفـي والحـوم دار الرفاقـه
دون كره لدار شمـر والهواجـر=
والقبايل كلهـا مـن كـل ساقـه
من مشى في فياضها ضني مواجر=
لابتعد عن كل خدش وكـل عاقـه
لو اعيش اوحيد في حر الهواجـر=
خير لي من شوف هاوين الحماقه
بيني وبين المدن بغض وتشاجـر=
جوها مانيب عاشق لـه عشاقـه
مابها غيـر القطيعـة والتهاجـر=
لو تفاخر من سكنهـا بالرشاقـه
عن غثا الجوال وازعاج البياجـر=
مأسمع الاصوت طير وشوف ناقه
ماعرفنـا لابـنـوك ولامتـاجـر=
والمصارف مالها عنـدي بطاقـه
راس مالي عز نفسي يابو هاجـر=
دون عز النفس ماعنـدي لباقـه
اصحب اهل الطيب واترك كل فاجر=
واتخير من زهـور الـورد باقـه
واتجنب صحبة وسـاع الحناجـر=
الضعوف اللـي سوالفهـم دقاقـه
بالقناعه يصبـح الرجـال تاجـر=
لو زمانـه شـدد لقتلـه خناقـه[/poem]

الله الله على الذوق الراائع في حسن الاختيار

صح السانك أخوي المبدع وحيد الثقلين ولسان الشاعر ..

ولا هنت على النقل الراائع والمميز !!

الشكر الجزيل اخوي على المرور
الله يجعلك دوم بصحه وعافيه

وتقبل تحياتي