ســـــؤال للبـنـات فقط ؟؟؟؟؟

سؤالي هوه ..............

تقدم لخطبتك شاب واعترف لك بماضيه وقال انه كان يعرف فلانه وانه طلع معاها وحصل كذه وكذه وكذه وكذه , وقال لك انا بصراحه مليت من الوضع الي كنت فيه...

سعالي الي يطرح نفسه بالمنتدى هل تقبلين فيه عريس معى انه ماضيه مزخر بالمصائب؟

هلا اخوي محمد وهلا بالجميع في هالمنتدى
عجبني موضوع وحبيت ابداء في اول مشاركتي في هالمنتدى الاكثر من رائع
لاني مريت بالتجربة وبالموقف ,,
تقدم لي شاب وتمت الخطوبة وبعد فترة اتفجىء بمصارحته لي
وانه كان على علاقه في السابق ببنات وانه وانه
اكيد انا زعلت وعصبت وفي لحظة غصب قلت خلاص كل واحد في طريق
لكنه قال هذا كله طيش كل الشباب كذا وانا صارحتك تمنيت بصراحه انه ماقالي شيء
كان يخبي كل شيء احسن
انا بعد ماهديت اعصابي جلست لوحدي وفكرت , ونسيت السالفه كلها
تدري ليش لاني اعرف انه تغير كثير تغير طباعه واخلاقه وتعاملاته هذا الشيء
الي نساني السالفه كلها
واكيد بحاول انا بإذن الله انسيه الدنيا كلها,
لاتنسوني من الدعاء ان الله يتمم لي على خير
الف تحيه لكم
اميرة الأحزان

والســــــــؤال الاهم اخوي ..... تخيل العكس وش راح يكون ردك

البنت ترضى بس الرجال آه آه آه لو يموت مايرضى ولو فرضنى رضى والله بيعيش معاها

ويذلها ويفكرهــــــا بلي مضى


شــــــــوووووق

السلام عليكم ورحمة الله وبركاته
عجبني حيل سؤالك أخوي محمد العتيبي وهذي اول مشاركة، لي بصراحه راح أرحب بصراحته لأني أنا جداً واقعيه وما أحب اللف والدوران أو الاستغفال لأن وش اللي ما يندرى عنه قال اللي ما يصير بس راح أشرط عليه أنه ما يقولي منهي البنت

وراح أرد على أختي شوووق وأقولها أنتي عارفه أكيد الفرق بين البنت و الولد خصوصاًً من ناحية العاطفة فالولد بسرعة ينسى الحب بعكس البنت راح يظل في بالها حبها الى ان تموت. وعلى قولتهم الولد مايعيبه شي.

تحياتي للجميع

سؤال حلو .. والأحلى أن الإجابات تكون واقعية .. مو مثالية ماترتبط بالواقع.


أنا بتكلم عن نفسي .. بكون واقعية-وأبتعد عن الكذب على نفسي والتظاهر بالمثالية وما راح


أوافق على شخص له ماضي مخزي حتى لو تاب لاني أحب أبدأ حياتي الزوجية بسلام والشباب


الصالح على( قفا من يشيل) على قولت المصريين . يدور له وحده ظروفها مثل ظروفه


وماضيها مثل ماضيه بتكون الأنسب له ... والا شلون يعتبر نفسه تائب وصادق التوبة ... والبنت


اللي صار لها نفس ماضيه يعتبر توبتها غير صادقة..؟؟؟ ..




واسمحو لي على صراحتي وواقعيتي اللي قد تزعج الآخرين....




مع تحيــــــــاتي °™¤®™۩.لــ§ــيـ..°™¤«ღ.Leena.ღ»¤™°..ــنـ§ـــه۩™®¤™ °

بسم الله الرحمن الرحيم


السلام عليكم ورحمة الله وبركاته

شي جميل ياأخ محمد انك تثير نقطه مهمه زي هذي

والله لو اني في هذا الموقف ...... يفرحني ان الإنسان الي راح أعيش معاه صريح من البدايه

وراح اوافق بس .. الخوف انه يجيلي يوم وتراودني الغيره أو الشك وهذا أكيد شي يتعب ...

تسلم ياأخ محمد على إهتمامك ...
واسمحلي ابارك لك بعد الزحمه على المنصب الحـــــــــــلو...


***قمــــــــــــــــــــــــر***

بسم الله الرحمن الرحيم

احترم صراحته واقدر وهدا اكبر دليل انو يبي يعيش ويستقر ويبعد عن الحياه الضائعه ............

وفعلا البنت مو زي الولد لأنو تكوينها يختلف عن تكوين الولد فهي كالقماش الأبيض مجرد نسمه

هو ممكن تعكر لونه يعني مافي مجال للمقارنه............وشكر .........والله يهدي بنات واولاد المسلمين...............

اميرة الاحزان


شئ جميل ان يكون للغيرة حضور بهذه نقطة الحوار



ولاهنتي

الصراحه با وافق عليه
الولد مسكين طيب على نياته صارحني وبعدين ارفضه ليه هذا جزاته لانه صاراحني
هذا يدل على انه ندمان على ماسواه والله يسامحه مادام الله يسامح انا مااسامح ليه؟
المهم والاهم انه مايعيدها ون عادها والله ياهي داهيه.

وربك الحافظ

ارضى فيه لانه مااعترف لي الا هو ناوي يفتح صفحة جديدة معي اجي انا اسكرهابوجهه

مشكووووور يا اخ محمد على طرح السؤال المهم ده واتفق مع الاخت شوق وبقية الاخوات اللي قالو تخيل العكس!
طيب شوف كيف البنات قلوبهم طيبة يسامحون ويثقون بسرعة ويعطون فرصة للتوبة
لكن الرجل مايفكر باعطاء فرصة مع انه كما هو واضح البنت ضعيفة وسهل التغرير فيها اما الشاب هو راح برجليه لهذي الاعمال عن عمد لانه دايما الولد يصر انه يتعرف على البنت ويطاردها الين ترضى ونادر جدا من البنات تسوي كذا اذا ليش ماتسامح البنت ويسامح الولد
ولاتقولو فيه فرق بين الرجل والمراة! هم سواااااااء في الاجر والذنب والمحاسبة عند الله فكيف نفرق بين نوعية حسابهم نحن البشر؟
الفرق الوحيد بين الرجل والمرأة هو القوامة بما انفقوا من اموالهم وبما فضل الله بعضهم على بعض يعني القوة الجسدية للرجل اللي يتحمل بها مشقات لا تتحملها المراة الضعيفة فكيف نحاسب الضعيفة ولا نحاسب القوي؟ سنة البشر
والا قولو لي يابنات اللي وافقتو على اعطاء فرصة كيف تستأمنيه بعد كده؟ وكيف تتأكدي انه صادق؟ابو طبيع ........
وحطي نفسك مكانه ماراح يستأمنك ولا يصدق توبتك!
وبصراحة لهم حق بالرفض كلا الطرفين لان الشك راح يدخل عاجلا او اجلا
وتشوفون دايما بالواقع اللي مضيق على اهل بيته وخانقهم وتسألو ليه هو يسوي كده يقول لاني مقطع السمكة وديلها وعارف الاعيب الشباب وعارف افعال البنات واخاف عليكم تسووا زيهم (صاحب خبرة الاخ يعني) وهذا مشاهد يعني حتى لو سامحتيه وقبلتي اذا ما رجع لطبعه راح يضيق عليكي انتي ويخاف ان تكوني بتسوي مثله ويمكن يكون خايف من المثل القائل دقة بدقة ولو زدت لزاد السقا وحقه يخاف ويوسوس بصراحة والبنت حقها تخاف منه وماتعطيه ثقة يمكن بعد شهور او سنين يرجع يحن لوحدة من صاحباته ...!
اسفة للاطالة وارجو تكون وجهة نظري وصلت كاملة

السلام عليكم
احتمال اعصب واثور لكن لكل واحد اخطاء وبما انه اعترفلي وصارحني بزعل شويه لكن في الخير هو اعترف وبما انه نكون في فتره خطوبه اما اني اتقبل الوضع وانسى الماضي او اني اقوله كل واحد في طريق والله يسهل عليك

السلام عليكم ورحمة الله وبركاته

بالنسبه لإجابة السؤال فجوابي هو نفس جواب الأخت سهى

وماراح اقول أكثر من اللي قالته لأنها قالت كل اللي في بالي

وبالنسبه اني ازعل بعدين اسامحه ما اتوقع اني راح اقدر لأن من الأول هز ثقته قدامي

راح انفصل عنه على طول بدون اي مناقشه

تحياتي

بصراحه يا محمد بما اني بنت مصريه فا انا زكيه جدا قبل الخطوبه والكلام دا كله اخواني يسالو عنه فرضنا تمت الخطوبه تتوقف علي ازا كنت بحبه راح اسمحه لو اشياء معظم الشباب بيسوها وبيعتقدو انها صح الحاله الثانيه ازا كنت لا اميل له كل الميل بصراحه هرفضه لو هي حاجات ازت بنات مثلي وفي بنات كتير توافق وعلي قفا من يشيل حبيبت الكل مررررررررررررررررررررررررررررررررررررريم

بصراحه مقبل به زوج لانه ممكن يرجع للشي الي كان يسويه بعد الزواج وزي مايقولون ابو طبيع مايجوز عن طبعه
وسلامتكم

موضوع حلو بس للبنات

السلام عليكم ورحمة الله وبركاته هذي اول مشاركه لي في المنتدى لكن حبيت اجاوب على السؤال لانه عجبني وبقولكم بصراحه لو لقيت فيه الرجل الي ندمان على ماضيه ومستعد يغيره باوقف معاه واساعده على هذي الخطوه وبما انه معترف لي بماضيه فهذا دليل على انه يبي يتغير.
والف شكر لك ياخوي على هذا السؤال.

الموضوع المطروح للنقاش موضوع جيد واحب اشرك فيها
الصراحة الشاب الذي يوجد في ماضيه فتيات كثيرات انا اعتقد انه شيء عادي لان الانسان وهو شاب قد يمر بهذه المواقف ولكن الشاب الذي لايوجد في ماضيه غير فتاة واحدة قد احبها وخرج معها وووو هذا الشي غير مقبول لانني سوف ابقى دائما افكر بتلك الفتاة ولماذا احبها وهل مازال يحبها حتى بعد ارتباطه بي قد يصل درجة الغيرة الى ان امنعه من ان يسمع اسم يشبه اسمها لكي لايتذكرها واشياء كثيرة وسوف اعيش في صراع نفسي حتى لو قال لي بانه الان نساها ويفكر بي ولكن الحالة تكون صعبة وكل هذا من وجهة نظري وقد اكون على صواب او على خطاء ولكن هذا تفكيري ولكم الشكر لقراءة ردي

مشكوور اخوي على موضوعك الحلو..

اما بالنسبه لوجهة نظري ..

اقول اذا كان فعلا اعترف لي ونيته ماراح يرجع للي يسويه ماعندي مانع..

بس يكون عند كلمته وقدها ومثل ما يقال الاعتراف بالحق فضيله دامه اعترف وماخبى..

هذا بدايه الخير..,,

اسامحه ومثل ما يقولون المسامح كريم .

لكن لو اكتشفت انه كرر ما ضيه الاسود مرره ثانيه اذا ما راح تتكرر شوفتي له..,,

ويكون بهالشكل مو قد الثقه ولا هو رجال اصلا.. لان الرجال عند كلمته وهذا اخلفها...,,

يعني لا اعرفه ولا يعرفني..,,

بس في نقطه تقهرني في الموضوع لو بنت اعترفت بماضيها الاسود ليه ردت فعل الرجال غير..

هل ياترا حلال عليه حرام عليها.,,

ما اتوقع في رجال يرضى انه تعترف له زوجته بماضيها السيء

لكن الحرمه تسامح وتمشيها .. ليه؟؟!!

ليه الرجال ما يسامح طالما سمعة البنت عند الناس حلوه وما يدرون عن ماضيها..

بعدين من قال ان الرجال مايعيبه شي اكبر غلطان..

ليه مايعيبه شي..,,

بخيل ومايطلع الفلس هذا مو عيب..

نذل واكبر وقح.هذا مو عيب..

و و و و ....... الخ ياكثر العيوب

وجهة نظر حبيت اطرحها ..

لكم مني خالص التحايا..

ليالي..,,