الهنوف ونواف

ذ
دانوه: Brb<<<<be Right Back

دلوعة البنات: Tyt<<<take Ur Time

تررررررررررررن <<<< يرن جوال الهنوف و الا تشوفه نفسه رقم نواف

الهنوف: الو .. يا اخي شفيك انت؟؟

نواف: هلا .. ما فيني شئ

الهنوف: الله يهديك قطعت علي النت

نواف: تصدقين حتى انا كنت على النت

الهنوف: طيب يعني وش اسوي لك ؟؟

نواف: لا تسوين شئ بس حبيت اسمع صوتج

الهنوف: يا سلام !!! و منو حضرتك حتى تسمع صوتي ؟؟؟

نواف: اسير حبج

الهنوف: نعم؟؟

نواف: سوري اذا سببت لج أي ازعاج .. بس على فكرة انا طالب في الجامعة ..

تشاااااااو

و ترجع الهنوف للنت .....

دانوه: ووووووينج ؟؟؟

دانوه: الوووووووووووووووو

دانوه: الهنووووووووووووووووف

دلوعة البنات : هلا معاج .. بس كان عندي خط

دانوه: منو؟؟

دلوعة البنات : شاللقافة ؟؟ في كل شئ حاشرة روحج ؟؟ انا اخوي طلال ما يحقق

معاي كثرج

دانوه:حلاص خلاص كليتيني بقشوري .. براحتج حبيبتي

دلوعة البنات: يالله انا طالعة .. باااي

دانوه: بايين

و في الجامعة كان في حفل تكريم للطلبة الجدد .. و كانت الهنوف من ضمن

المكرمين .. و بما ان نواف واحد من طلبة الجامعة فكان قاعد بين الحضور .. و كان

مستانس و نفسه يشوف الهنوف .. و بما ان عنده اسمها الكامل فأكيد راح يعرفها ..

المدير: اعزائي الحضور .. ابنائي الطلبة .. يسرنا في هذا اليوم المبارك ان نسير

على منهجنا كل عام .. و هو تكريم طلبتنا و ابنائنا الجدد الذين انضمو الى
اخوانهم

السابقين .. شكرا لهم على اختيارههم لجامعتنا.. و تحفيزا لهم على بذل اقصى ما

في وسعهم لرفع اسم بلدنا الغالي عاليا .. شاكرين لكم حسن تعاونكم معانا ...

و بدأ التكريم و توالت الاسماء الى ان وصل دور الهنوف ..

و يوم سمع نواف الاسم ......رن في اذنه ....و نط من كرسيه و تم مبقق عيونه و

مو مصدق ان هذي هي الهنوف <<< الظاهر عجبته البنت

و بعد ما خلص الحفل مباشرة ... رن تلفون الهنوف ؟؟؟؟

الهنوف: وتاليتها معاك يانواف!!

نواف: كنتي اليوم في الحفل روووووعه وعجبتيني موووت

الهنوف:..................؟؟؟؟؟؟؟

نواف : الوووو؟ وينج؟

الهنوف: وانت شدراك؟؟

نواف: مو انتي الهنوف بنت ........ و عمرج 18 و توج متخرجة من الثانوية و عندج
اخو

اسمه طلال متزوج صديقتج الروح بالروح و هي دلال و هم...............

الهنوف(تقاطعه) : لحظة لحظة لحظة من وين عرفت كل هالمعلومات ؟؟؟؟!!!!

نواف: خليني اكمل و بعدين تعرفين

الهنوف: أي تكمل ؟؟؟؟؟!!!!!!!!!!!!!!!!

نواف: و اخوج مع زوجته مسافرين امريكا عشان دلال تكمل دراستها و هم عندج

صديقة اسمها دانة تكلمينها على المسنجر و ما يحتاج اقول رقم تلفونج لاني داق

عليه ..

الهنوف: اهاااا انت اكيد واحد **** مهكر علي و عارف كل المعلومات عني !!

>>>>العن ابو الاستنتاج!!!!

نواف : لاياعيوني انا مو هكر انا اسير حبج !! وبالأصح دانوه صديقتج الي
تكلمينها

على المسنجر !!!!

الهنوف: افهم من كلامك انك الحين في الجامعة

نواف: اكيد .. و اذا تبين تعرفيني التفتي وراج

و على طووول التفتت الهنوف وراها .....

الهنوف(في قلبها) : اللللللللله يا قلبي يهبل

و انحرجت و نزلت راسها ..<<<<<<<< يا عيني على الخجل

نواف: اهلين

الهنوف:.................

نواف: انا افهمج كل شئ بس مو هنا لازم يكون في مكان ثاني.. كوفي شوب مثلا

الهنوف: لالا ما اقدر

نواف: اوكي .. اختاري المكان اللي يريحج

الهنوف: سوري ما اقدر اتاخر عن البيت

نواف: ما راح اعطلج كلها ربع ساعة

و شوي شوي لين ما راحو كفتريا الجامعة .............

نواف: شوفي يالهنوف.. اول شئ سووري على اللي صار .. بس انتي سويتي لي

اد بالغلط و كلمتيني على اساس اني صديقتج دانة .. و انا خذت و عطيت معاج لين

عجبتيني .. و لين ما عرفت عنج كل شئ فقلت حرام اسكت على اللي صار و كل

هذا صار صدفة لكن احلى صدفة انج تطلعين البنت اللي اتصلت عليها بالغلط .. و

تقدرين تعتبرين اللي بيننا صداقة الحين بس...

الهنوف: صداقة ؟؟!! بصراحة ما عندي كلام اقوله .. بس يا نواف اللي سويته غلط

نواف: يعني انتي زعلانة مني ؟؟

الهنوف: اكيد زعلانة ما كان لازم تخدعني طوول هالفترة ...

نواف: بس يقولون المسامح كريم

الهنوف: و بكل سهولة تبيني اسامحك ؟؟

نواف: انتي قلبج كبير و انا متأكد انج بتسامحيني

الهنوف:......................( الولد دخل قلبها بس ما يصير تقط نفسها عليه )

نواف: ها ؟؟ سامحتيني ؟

الهنوف: انا لازم امشي الحين ( مبتسمة)

نواف: اوكي اقدر القاج على المسنجر ؟؟

الهنوف: مدري يمكن

نواف: على العموم تلقيني الساعة 10 على المسنجر

الهنوف: اوكي باااااي

نواف: باي

الساعة 10 بالضبط الهنوف على المسنجر.......

دانوه: اهلين

دلوعة البنات: نوافو اقول عدل النك<<<< البنت مطبحة معاه

دانوه: غالي و الطلب رخيص

دلوعة البنات: تسلم

مشكلني حبك يا روح الروح مشكلني: اقول .. بكرة متى تخلصين محاضرات ؟؟

دلوعة البنات: الساعة 11.30 و انت ؟؟

مشكلني حبك يا روح الروح مشكلني: انا اخلص الساعة 11 ... خلاص انتظرج بكرة

دلوعة البنات: اوكي.. اقول لازم اسكر الحين لان امي بتزن على راسي و بتقولي

قومي رقدي ..

مشكلني حبك يا روح الروح مشكلني: هههه اوكي انا بعد طالع .. يالله دير سي يو

توموروووو ..

دلوعة البنات: انشا الله .. بااااي

مشكلني حبك يا روح الروح مشكلني: بااااااي

و يوم راحت الهنوف بتنام و حطت راسها على السرير سمعت صوت مسج .. و كان

من نواف و يقول : تصبحين على خير يا كل الغلا .. ربي يخليج لي....

و استانست واااايد و ردت عليه: تصبح على خير و احلام سعيدة يا بعد هلي و

طوايفي كلهم يانواف

ومرت الايام ........ الين ما صار على علاقتهم 5 شهور تقريبا......و عرفوا
بعضهم عدل

و ذاك اليوم الا طلال متصل ...

ام طلال: الو

طلال: الو .. هلا و الله يمه

ام طلال: هلا وليدي حبيبي .. شخبارك و شخبار دلال و شلون الدراسة معاكم ؟؟

طلال: و الله الحمدلله مشتاقين لكم واايد

ام طلال: احنا اكثر و الله يا يمه

طلال: يمه عندي لج بشارتين

ام طلال: قول يمه

طلال: الا ولى ان دلولتي حامل و الثانية انج بتلقينا بعد اسبوع انشا الله عندكم

ام طلال(قعدت تصيح من الفرحة) : صج و الله يمه الف الف مبروووووووووووك

و الهنوف من جهة ثانية : يمممة بسسرعة ابي اكلمهم

ام طلال: يمه الهنوف تبي تكلمكم

الهنوف: طلوووول مبروووووووووووووووووووك

طلال: الله يبارك فيج حبيبتي .. وينج يا معودة مختفية كل هالمدة ما تبينين لا
تدقين

و لا مسنجر و لا ايميل ؟؟؟

الهنوف: ها !! لا بس مشغولة تعرف مع الجامعة

طلال: الله يوفقج حبيبتي

الهنوف: تسلم و الله .. اقول وين دلال ودي اكلمها

طلال: لحظة شوي اناديها لج ..

......................<<ثواني

الهنوف: هلالالا دلولة مبروووك يا عمري الف الف مبرووك

دلال: الله يبارك في حياتج عيوني .. عقبالج

الهنوف: لا تو الناس <<<<< انحرجت البنت

دلال: أي تو الناس يا بنت الحلال كلها كم شهر و انشا الله تعرسين

الهنوف: تسلميين حياتي .. اوكي عيل ما اطول عليج

دلال: اوكي حبيبتي سي يو الاسبوع الجاي .. باااي

الهنوف: انشا الله ..باااااي


صمت الخريف
و تروح الهنوف لغرفتها و بعد شوي يدق عليها نواف و يقول لها تعالي الكوفي شوب

في الكوفي شوب ...

نواف: هلا حبيبتي

الهنوف: هلا و غلا .. شلونك

نواف: بخير الحمدلله .. حياج قعدي

الهنوف: الله يحييك

و بعد فترة و هم يسولفون تلاحظ الهنوف ان نواف ماهو على بعضه ...

الهنوف: حبيبي شفيك متضايق ؟؟؟

نواف: لا ماكو شئ عمري

الهنوف: انا زعلتك في شئ؟؟

نواف: لا يا بعد عمري .. افا عليج

الهنوف: عيل شفيك متضايق ؟؟ قولي .. يعني اذا ما شكيت لي همومك راح

تشكيها لمن ؟؟

نواف: لا بس في واحد كان من الربع و بالأصح خالد الفهد

الهنوف: شفيه ؟؟

نواف: كنا انا وياه مشتركين في مشروع حطيت كل ما عندي فيه و كنا واثقين انه

راح ينجح لكن المشروع فشل و بجداره و صار خلود يطالبني فلوس

الهنوف: شلون ؟ مو انتو كنتو مشتركين مع بعض ؟؟ يعني النص بالنص

نواف: خلاني اوقع على اوراق و بعدها زورها .. و ازيدج من الشعر بيت هو كان اعز

صديق لي !!!!

الهنوف: اووف لهالدرجة توصل النذالة و الحقارة فيه ؟؟؟!!!!!!!! طيب و الحين ؟؟

نواف: الحين الله اعلم .. المهم خلينا من هالسالفة انا عندي لج مفاجأة

الهنوف: مفاجأة ؟؟

نواف: تفضلي

و طلع لها الدبلة .........................

الهنوف: نوااااف حبيبي .. احبك .. و الله ماني عارفة شقول ... صراحة فاجأتني و
ما

توقعت هذا الشئ

نواف: و شرايج في المفاجأة ؟؟ حلوة ؟؟؟

الهنوف: حلوة؟؟؟!! الا قول روووووووعة تينن .. الله يخليك لي يا بعد روحي

نواف: و يخليج لي يا عيوني .. اقول يالهنوف متى تبيني ازوركم ؟؟ بس طبعا مو

بروحي انا و امي و ابوي عشان اخطبج ؟؟

الهنوف: اخوي بيرجع من السفر بعد اسبوع

نواف: يااااااااه بعد انتظر اسبوع ؟؟؟

الهنوف(بدلع) : يعني انتظرت طول هالمدة ما راح تقدر تنتظر اسبوع

نواف: احاول و لو اني ادري ان الشوق بيذبحني

الهنوف: اوكي حبيبي لازم امشي الحين

نواف: تو الناس ليش ؟؟

الهنوف: انا قلت حق امي ما راح اتاخر

نواف: اوكيك عيوني على راحتج .. يالله في امان الله و حفظه

الهنوف: اشوفك على خير انشا الله

و راحت الهنوف البيت و هي مو مصدقة اللي صار .. و كانت طايرة من الفرحة ..

و جا يوم الاربعاء و رجع طلال ويا دلال من السفر ..

و بعد ما وصلو و ارتاحو و تعشو راحت الهنوف و قالت لطلال :

الهنوف: طلال ممكن شوي ابيك بسالفة

طلال: حاضر .. عن اذنكم يا جماعة

في غرفة طلال....

طلال: آمري

الهنوف: ما يامر عليك عدو .. بس...........

طلال: بس شنو؟؟

الهنوف:......................

طلال: قولي عادي لا تستحين .. شدعوه و انا اخوج ..

الهنوف: طلال .. في واحد معاي في الجامعة يبي يتقدم لي ..

طلال: ما شااااا الله زيييييييييين و الله و كبرتي يالهنوف .. يعني راح
تعرسييين

الهنوف:....................<<<<<<<احترق وجهها

طلال: بس ما قلتي لي شنو اسمه و ولد منو ؟؟

الهنوف: اسمه نواف بن............

طلال: و النعم فيه ..

الهنوف: انا قلته ينتظر لين ما ترجع من السفر حتى يفاتحك بالموضوع

طلال: و انا مستعد .. اوكي انتي عطيه رقمي و خليه يتصل فيني و انشا الله ما

يصير الا كل خير ....

و في اليوم الثاني في الجامعة ......

نواف: هلا و الله .. ها بشري ؟؟

الهنوف: اهلين نواف.. انا كلمت اخوي امس و هو يقولك اتصل فيه .. و هذا رقمه ..

نواف: من عيوني اليوم اتصل فيه .. يالله لا نتأخر عن المحاضرة

الهنوف: يالله

و جاء المسا و رن تلفون طلال و كان نواف هو المتصل و اتفق معاه على مكان

يلتقون فيه .....

طلال كان قاعد ينتظر و وتالي وصل نواف ...

نواف: السلام عليكم

طلال: و عليكم السلام

نواف: على ما اظن انت طلال

طلال: أي نعم انا طلال اخو الهنوف

نواف: هلا و الله

طلال: و انت نواف صح ؟؟

نواف : أي

طلال: و النعم و الله .. اقول يا اخوي خلنا ندخل في الموضوع على طوول

نواف: اعتقد ان الهنوف فاتحتك بالموضوع .. صراحة انا ودي اخطب الهنوف اختك و

اتمنى ان ما القى أي اعتراض من العايلة

طلال: انشا الله ما بيصير الا كل خير

و تمو يسولفون مع بعض و تناقشو في الموضوع .. و اتفقو على موعد يزورونهم

فيه الاهل ....

و جاء الموعد و وصلو اهل نواف و تم كل شئ على خير ..

الف الصلاة و السلام عليك يا حبيب الله محمد
كلللللللللللللللللللللللللللللللللوووش

و بهالكلام صارو مخطوبين لبعض ...

و كل يوم يزيد حبهم لبعض ..

و كانو ينتظرون يوم العرس على ناااااااار ..

و في يوم اتصل خالد على نواف ...

نواف: الو

خالد: الو .. نواف اسمعني يا انك تسدد الفلوس اللي عليك او اني اودي الشيكات

للشرطة ..

نواف: انت ما تقدر تاخذ الشيكات للشرطة لانها مزورة

خالد: يعني مو راضي تسدد ؟؟؟

نواف: لا طبعا .. هذا تزوير

خالد: خلاص .. انتظر مني شئ ثاني

نواف: الوووووو خاااالد يا خالد رد

طراااااخ << سكر السماعة

و مر اسبوع على اللي صار و الكل لاحظ و اولهم الهنوف ان نواف مو طبيعي و يبين

مهموم .. فراحت الهنوف و سألته :

الهنوف: نواف حبيب قلبي شفييييك ؟؟ الكل لاحظ انك مهموم و تعبان .. انت خاش

علي شئ ؟؟؟؟

نواف: يا حبيبتي خالد هددني ... و اخاف ينفذ تهديده و يضرج بشئ .. انا مو خايف

على روحي يالهنوف انا خايف عليج

الهنوف: خايف علي ؟؟ من شنو ؟؟

نواف: تتذكرين يوم اقولج عن خالد و تزويره ؟؟

الهنوف: أي .. و شصار الحين ؟؟

نواف: الحين هو مهددني يا ادفع او ياخذ الشيكات للشرطة ...

الهنوف: طيب انا اساعدك و الاهل كلهم بيوقفون معاك

نواف: يالهنوف المبلغ كبييييير تقريبا 700 الف دولار و بعدين مو من حقه ياخذ

الفلوس لانه مزور الاوراق ......و يوم قلت له اني بروح للشرطة قالي خلاص انتظر

مني شئ ثاني و الله يستر من هالشئ .. خالد مجرم و يقدر يسوي كل شئ

الهنوف: ويلييييييي .... بس انت لا تحاتي .. انشا الله ما بيصير الا كل خير

نواف: الله يسمع منج يا عمري

و في يوم كانت الهنوف راجعة من الجامعة لحالها و لا حظت ان في ثلاث سيارات

يلاحقونها وين ما راحت و حاولت تضيعهم بس ما قدرت لانهم كانو محاصرينها و على

طوول اتصلت في نواف و قالت له فقال لها انه جاي الحين ..

و وصل نواف و يوم شافهم عرف انهم خالد و ربعه .. و كانت السيارات كلها تحاصر

سيارة الهنوف ..... و احترق قلبه من داخل لان الهنوف طلعت الضحية ..

و على طول طلع من سيارته و يوم شافوه الشباب طلعو من السيارات و اتجه خالد

ناحيته .. و اشتبك نواف مع خالد في هوشة قوية و الهنوف في السيارة مو قادرة

تطلع و كانت تبجي و تدعو في قلبها ان الله يحفظ نواف ..و بعد فترة قدرت تطلع من

السيارة و شافت واحد من ربع خالد يمسك مسدس و يصوبه جهة نواف ..

صرخت الهنوف و هي متجها ناحية نواف : نواااااااااااااااااااااف حاااسب ..
المسدس

لكن للاســــــف وصلت الطلقة لقلب نواف قبل ما يوصله

كلام الهنوف...... و تجمعو الناس على نواف و اتصلو بالاسعاف و الشرطة .. و وصلت

الشرطة و القو القبض على خالد و ربعه ...

و اخذ الاسعاف نواف للمستشفى و معه الهنوف ..

و في سيارة الاسعاف .. الهنوف ماسكة ايد نواف و هو ينزف .....

الهنوف (و هي ميتة من الصياح) : نوااف حبييييب قلبي لالالا تموت و تتركني

نواف (و هو يتألم و ينزف بس يحاول يبتسم لها) : اذكريني دووم يا بعد عمري و

سامحيني على كل شئ زعلج مني ... و صدقيني اني ما حبيت احد كثر ما حبيتج

و ربي انشا الله يجمعنا في جنات الفردوس

الهنوف: حبيبي لا تقوووول جييه انشا الله راح تتعافى و تصير احسن من اول ..

نوااف احبك مووووت

نواف: الهنووف امووووت فيج حبيبتي .. ربي يوفقج في حياتج ......
الوداااع

و فجأة تحس ان يد نواف اللي بين يدينها صارت باردة و صرخت
لالالالا

لا تتركني و تخلني بروحي .. الدنيا ما تسوى شئ بدونك ..... بس الظاهر ان

الكلمات الاخير ما وصلته و كان القدر اسرع منها و خطف روحه و اختلطت دموعها

بدمائه و ضمته لصدرها بقووة ...................

و في المستشفى تفتح الهنوف عيونها و تلقى امها و طلال و ام دلال و عيونهم كلها

دموووع و تقولهم :

الهنوف: يمه نواف وينه ؟؟

ام طلال: حبيبتي نواف في الغرفة الثانية.. و هو بخير الحمدلله بس اهم شئ

صحتج الحين

الهنوف: يعني نواف ما ماات .. لك الحمد و الشكر يا رب .. يمه ودي اشوفه ولهانة

عليييه

و فجأة تحس بيد امها عليها و تصحى

الهنوف: يمه ودي اشوفه ويييينه

ام طلال: من هو حبيبتي ؟؟

الهنوف: يمه نواااف .. مو تقولين انه في الغرفة الثانية

و التفتت الام على طلال و ام دلال و قعدو يشوفون بعض بنظرات غريبة و جا لها

طلال و قعد جنبها على السرير و طلب منهم ان يطلعون بره ...

طلال: يالهنوف يا حبيبتي .. ادري ان الفراق صعب عليج و ادري انج ما تقدرين

تتحملين فراق نواف بعد ما بنيتو امال و احلام مع بعض .. بس لازم تؤمنين بالقضاء
و

القدر ........نواف رحل عن الدنيا .. اطلبي له الرحمه بس

الهنوف: لالالا نواف ما مات .. امي قالت لي انه بالغرفة الثانية .. لا تقول انه
مات

ارجوووووك

طلال: حبيبتي هذا كان حلم .. حلم بس

و بره الغرفة يسمعون الامهات صوت بجي الهنوف اللي كان يقطع القلب .. فدخلو

لها و حاولو يهدونها و يخففون عليها .. و يقولون لها انه محتاج منها ان تطلب
الرحمة
و المغفرة له.........

و بعد ما هدأت شوي سألتهم عن دلال ..

الهنوف (في صوت لم يفارقه البكاء بعد) : يمه دلال وينها

ام دلال: حبيبتي .. دلال ولدت و جابت ولد

الهنوف(بصوت مخنوق) : مبروك يا طلال

طلال: الله يبارك فيج حبيبتي .. و احنا قررنا ان نسميه نواف .. اذا ما كان عندج مانع

الهنوف: نــواف .... ياليتك عايش يا نواف و تشهد هاللحظة معانا ... لا طلال اكيد ما
عندي مانع .. كيفكم (و رجعت تبجي مرة ثانية)

طلال: خلاص حبيبتي .. طلبي له الرحمة

الهنوف: الله يرحمك يا حياتي يا نواف ( و قعدت تبجي مرة ثانية )

و بعد كم يوم طلعت الهنوف من المستشفى .. و كان كل شخص يشوفها يلقى في

نظراتها حزن غريب و الم دفين تحاول تخفيه بس مو قادرة ......

و في البيت تذكرت ايميلات نواف و كارداته و كلامها معاه على المسنجر اللي كانت

تخليه في الوورد ... و حست برغبة كبيرة انها تكتب له ايميل ...

نص الايميل............

حبيبي الغالي .. حبيبي الغائب .. حبيبي الراحل .. نواف ..........

ادري انك ما راح تقدر تقرا رسالتي بس خلها بيني و بين نفسي ....
نـــــــــــــــواف

ما تدري شكثر احب انطق هذا الاسم .. هذا الاسم كان يعني لي الحياة و الامل و

التفاؤل و الفرح .. كان يعني لي الماضي و الحاضر و المستقبل اللي كنت راح

اعيشه معاك .. هذا الاسم كان يزيل آلامي و احزاني و كل جروحي .. نواف

سامحيني سامحني سامحيني .... نواف انا السبب في موتك انا السبب .. ما اقدر

انسى او اتناسى اني السبب ... لان هذا هو الواقع .. نعم الواقع اني انا السبب
..

ما اقدر اشيل صورتك من عيوني و هي كلها دم .. دم تزف منك بسببي .. يوم كنت

تبي تدافع عني .. يوم كنت تبي تحميني .. نواف صدقني احبك .. انت ما تدري

شكثر احبك .. انا ما قلت لك اني احبك و اموووووت فيك .. احبك حب ما قط حبه

حبيب لحبيبته .. او خطيب لخطيبته .. او زوج لزوجته .. الله وحده العالم مدى حبي

لك .. و العالم انك نور عيني و شمعة حياتي .. و الحين انطفت هذي الشمعة .. و ما

في احد ينور طريقي .. شنو الفايدة من الحياة اذا غاب عنها نورها ؟؟؟؟ شلون تقدر

تعيش ؟؟؟؟ انا حياتي انتهت بموتك يا نواف .. خلاص ما عاد للحياة معنى بعدك يا

اسير حبي .. انا خلاص ما راح افكر بنفسي .. او اعيش هذي الحياة لي .. انا بعيش

الحياة حتى اسعد الغير .. حتى اسعد الاطفال المحرومين من الحنان .. لان برحيلك

انا فقدت لمسة حنان .. فقدت الامان .. انا الحين انتظر الموت .. حتى القاك ..
مثل ما

قلت .. يارب انشا الله نلتقي في جنة الخلد ..............

حبيبتك.. الهنــــــــــوف



الــــــــــــــــــنـــــــــــــــــهـــــــــــ
ـــــايـــــــــــــــــــــــــــــــــة



ابعدي عني و روحي

يا هنا عمري و جروحي

انا ما ودي اسيبك

ياللي مافي شئ يعيبك

بس هذا هو نصيبك

ابعدي عني و روحي

ماهو بيدي صديقيني

ابتعد يا نور عيني

كل منهم فرقونا

عذبونا و جرحونا

صرتي وحدك يا جنونة

و صرت انا عايش بروحي

هذا هو اخر كلامي

بس ابي تنسي غرامي

غصب عني

غصب عنك

ماهو مني

و لا هو منك

كان ظني و انا يمك

انسى آلامي و جروحي

ابعـــــــــــــــــــدي

ابعـــــــــــــــــــدي

ابعــــــــــــــــــــــــــــــــــــــدي

عيشي يا عمري حياتك

و انسى احلى ذكرياتك

و ابعدي عني بجرحك

و عانقي قلبي بقلبك

و لا تخليني احبك

بس خليني و روحي
______________________________________



ياقلبــــــــــــــــــــــــــي اه ه ه ه ه ه ه ه ه .. حررررررام والله حرام
...........................
شو رايكم فى القصه.

القصه وااااااااااااجد روعه مشكور اخوي فهوودي جدة على القصه بس حرام ليش مات نواف حرام
مشكوووووووووووووووووووووور

مشكوووووووووووووووور على القصه