نسايم حب ( قصة قطرية )

أحنا معاج اختي تحفه فنيه ولي تبين تسوينه سويه اهم شي عندنا راحتج وبصراحه القصه تستاهل انه احنا نصبر علشانها

اخذي راحتك في الكتابه بس اهم شي
ما احد يموت سواء فهده او ناصر
القصه تستاهل الانتظار

الاوش رايك تنزليلنا
سطرين نسكت اعمارنا فيه
"والله ما فيني صبر "

ممكن اسألك اختي تحفه عن قصه راشد
ايش اسمها ووين القاها
بنتسلى فيها لين تكملين لنا القصه

لالالالالالالا الله يخليك مانبي اي اختصارات للقصة او حذف اجزاء ولو تكملينها بعد سنه ماعندنا مشكلة بس اهم شئ القصة تنزل كامله

يسلمووووووووووو

انا من رأيي انك تشبعين فضولنا بجزء واحد قبل رمضان

والباقي نصبر عليه إلى مابعد الشهر الفضيل

بس اهم شي ماتنقصين من الاحداث ,, نبيها كاملة وبالتفصيل الممل

========

وبالنسبة لك اختي ملوووكة اسم الرواية الاولى ( كبرياء امرأة وحب رجل )

مرررررة خطيرة وتجنن وسرد الاحداث جدا سلس ولذيذ ويحمسك

اقريها وماراح تندمين



سلااااام

رمووووووووش
ممكن تقولين في اي منتدى عشان اوفر وقت
لاني سويت بحث في المنتدى هنا ومالقيت شي
بلييييز اذا تعرفين لا تتأخرين

شوفي حبوبتي افتحي قوقل واكتبي اسم الرواية

وتطلع لك مجموعة منتديات ناشرتها

لاني وربي ما اتذكر من فين اخذتها

وانا رايي من راي((رموشها اظلال))
نبي جزء ع الاقل يطفي لهيب الشوق للتكملة
وانشالله ماتتاخرين علينا حبيبتي
بلييييييز نبيها كاملة بدون تقطيييييييع
تحياتي لج يالغالية

بعد اذنك رموشها ظلال انا برد عليها
اختي ملكة الانوثه تلقينها في منتدى جروح الوقت
وقراءه ممتعه لك قلبي .

وين التكملة
والله بصييييح
ياجوووووووووود... ياتحفففففففففة ردو علي

وانا كما أأيد ..رموشها ظلال .. و ..moonlight88 ..
حطي لنا جزء نسكت نفسنا فيه إلى بعد رمضااان بس الله الله بالجزء ..

الظاهر بسوي مظاهرة
جوووووود
جووووووود
جوووووووووود
جوووووووووووووود
جوووووووووووووووووود

تحفففة
تحفففففففة
تحففففففففففففة
تحفففففففففففففففففففة
تحففففففففففففففففففففففففففة

اهلين اختي جود وتحفه فنيه

يلاااااااااا بليييز لا تطولين علينا

[align=center]مرحبا يا كل المتابعين للقصة القدامى والجدد

اسمحوا لي أني أوجه رسالة شكر لجميع أعضاء منتدى نسيج اللي دافعوا عني ووقفوا معي وقالوا كلمة الحق .... وأحب أرد على الأخت اللي قالت أني عمرها ما راح تقرا القصة لأنها ما تحب ذا النوع من القصص لكن تبي مني أني اكتب عن واقعي وبلدي .... أختي العزيزة أنا اكتب عن واقعي وبلدي .... من اللي ما عنده أهل في السعودية يعني هي بلدي بعد .... المشكلة يا أختي ما هي في السعودية وفي قطر المشكلة في انج تحكمين على شيء ما قريتيه بنفسج وتأكدتي منه ومن صحة المعلومات اللي اوصلتج عنه .....

سنفوره غاليتي أنا ادري أن في المنتدى ألف قصة أحسن من قصتي وان الكاتبات ينزلون وهم ساكتين ..... بس هل هو شيء يعيبني أني أتواصل مع المتابعين .... إما فيما يخص الرجاء فانا عمري ما طلبت من حد انه يترجاني واصلا أنا ما أحب أن أي احد يترجاني .... يكفيه انه يأمرني عشان أسوي اللي يبيه .... ولو ما هب هذا عيبي ما كان استمريت معكم رغم ظروفي اللي توقف في طريقي عند كتابة القصة واللي بقول لج ابسط ظرف فيهم هو أني عايشه في بيت كل اللي فيه يقرون القصص اللي اكتبها واشتغل في مكان كل اللي فيه بعد يقرون القصص اللي كتبتها مع العلم أن ما فيه مخلوق يعرف أني تحفة فنية اللي تكتب القصة عشان كذا أن ما اقدر اقعد واكتب قدام الكل خصوصا أن الموقف الواحد ممكن يأخذ معي ساعة أو حتى ساعتين قدام الجهاز ..... يعني أعيش معهم طول اليوم حياتي بصورة طبيعية وانتظر الجزء الجديد معهم واتحلطم معهم وادعي بعض الوقت على تحفه اللي تأخرت بالجزء معهم عشان أذا ملوا وراحوا يرقدون اقدر اقعد على الجهاز وغالبا ما يكون هذا الوقت الفجر ومطلوب مني أني أقوم من الصباح وأباشر حياتي العادية وأروح الدوام بكامل النشاط اللي ما ادري من وين أجيبه ..... هذا ابسط ظروفي اللي أقول لكم عنها .... ادري بتقولين ليه ما أقول لكل اللي حوالي أني أنا اللي اكتب القصة وافتك .... بقول يا أختي إن حنا مازلنا نعيش في ذلك القصر العاجي اللي الذي يسمى بالمجتمع الشرقي والذي افخر باني أعيش فيه حتى لو كان لا يسمح لسيدت القصر بان تعبر عن نفسها للملا من خلف ستار وباسم مستعار ......

بسكوته أنتي بالفعل تجننين ....


بحر الندي .... شريحة برتقال .... قرار إداري خصم أربع أشهر من إدارة المستشفى .....

أختكم تحفة فنية ..........................






الجزء الثــــــــالث والعشــــــــرون :










فهده اللي من قرت .... ( عفواً يا بنت سعد ) وهي ضايقه .... ما هان عليه يكتب يا روح قلبي ولا يا بعد هالدنيا ...... يكتبهم على ويش ؟؟؟؟ على علومس الطيبة معه ؟؟؟؟؟؟ زين وش أسوي له أكثر من كذا .... عجزت معه وهو حاقرني ..... لا تيأسين منه .... ناصر طيب وأكيد بيسامحس بس أنتي خلس ورآه ..... فهده أنتي تدرين أن كل واحد يحمس يحب تعزز واجد على الرضوه ..... عشان كذا خلس شغالة عليه مسجات واتصالات إلى أن يرضى .... مسجات ممكن لكن اتصالات ما اقدر أدق عليه كل شوي وأرز بوجهي بدون سبب ..... وعشان ما تضيع وقت طرشت له مسج بسرعة من المسجات اللي ما أخذتهم من جوال جملة ..................

(( لا والذي سواك ما أريد سلـــــواك
ما أخبـــر به نفسٍ تمنت قدرهـــــا
وكان التفــرق يا ادعج العين عناك
أنا الذي روحــــــي عذابه صهرها
والله لو ما أعي .. نفسي برجــواك
واجزم وَكاد إنه يهمــــــــك خبرها
لأطفي شعاع العمر لا غيّب ضياك
عميت عيــــــونٍ ما يطولك نظرها
أغلي حياتي .. من ثواني بها ألقاك
لولاك ما تســـــــوى حياتي كدرها
ودنيا خلت من صافي الــــود وياك
يا عل تكسف شمسهـــــا مع قمرها ))





فهده انطرت من ناصر رد بس ما رد عليها عشان كذا ألبست نقابها وجلالها وطلعت تشوف البيت .... كانت تحس بملل ولا لها خاطر في شيء ..... على الساعة ثمان كانت قاعدة في الصالة شوي وتنفجر من حر ما تونس خاصة يوم أرجعت تطل على جوالها وهي كلها أمل انه يكون رد عليها .... بس ما لقت شيء ..... الله رحمها باتصال جملة اللي كانت تسال عليه فيه ..... وتشوفها أذا تبي تروح معها تجهز شيء لأفالة العيد ..... فهده في البداية عيت لأنها ما لها خاطر في شيء .... بس جملة أقنعتها أن الطلعة معها حجة حلوة عشان تدق على ناصر وتتحاكا معه ... يعني أنها تتشاور منه .... وحتى أن عيا بتستفيد أنها حاكته ....... فهده بعد ما اقتنعت بحكي جملة ما صدقت خبر من سكرت عن جملة دقت على ناصر اللي ما طول على طول رد عليها وهو يقول بصوت هادي وبارد : خير ؟؟؟؟؟؟؟؟؟؟؟
فهده استجمعت شجاعتها وقالت بسرعة : الخير بوجهك ...... ناصر من سمع ردها ابتسم وهو يتسند على كرسي المكتب وقال : بغيتي شيء ؟؟؟؟؟؟؟؟؟؟؟؟ فهده قالت بصوت حاولت يكون هادي : بغيت أشاورك أذا ممكن اطلع مع جملة نشتري افالة العيد .... قطعها ناصر وقال : افالة العيد من ذا الحين ؟؟؟؟؟؟؟؟؟؟؟؟؟ فهده قالت تشرح : يعني نحجز أشياء ونشتري أشياء ....... يعني كذا .... ناصر قال بحزم : لا ................................. فهده من أسمعت رده تمت ساكتة ..... ما أعرفت وش ترد عليه لأنه كان باين من رده المختصر انه يبي ينهي المكالمة ...... كانت تنطره يقول أي شيء أو حتى يسكر في وجها مثل ما كان يسوي قبل ..... بس ناصر تم ساكت هو بعد .... كان هادي بصورة قاتلة ..... هادي لدرجة أنها حتى تنفسه ما كانت تسمعه ...... للحظة تخيلت انه ما هو معها على الخط وعشان تتأكد من أذا ما كان معها على الخط قالت بصوت واطي وحزين : حبيبي ؟؟؟؟؟؟؟؟؟؟؟؟؟ ناصر اللي كان يسمعها في صمت لدرجة انه كتم أنفاسه ..... حس وهو يسمعها تقول حبيبي أن كل الأكسجين اللي في العالم تجمع قدامه فجأة ..... تنفس بارتياح وبصوت عالي وهو يرفع رأسه ويغمض عينه عشان يستمتع بأحلى كلمة تنعش النبض في صدره ...كلمة تمنى سنين يسمعها منها ... فهده من أسمعت صوت تنفسه القوي اللي طلع فجأة ... ارتبكت بس في نفس الوقت ارتاحت ..... ارتاحت انه ما زال معها على الخط .... وارتاحت أكثر و أكثر وهي تسمعه يقول : أذا طلعتي ذا الحين البنات بيتمون بالحالهم .... وأنا أخاف عليهم ..... تبين شيء العصر بنطلع كلنا واشتري اللي تبين ولا بقعد أنا عند البنات وأنتي روحي مع جملة ....... ومع هذا الرد من ناصر فهده اكتفت بالصمت ..... خافت ترد عليه ويقول لها مع السلامة ...... أما ناصر اللي كان وده انه ما يسكر عن فهده حتى ولو اقعدوا طول اليوم ساكتين ما قدر بعد ما شاف المهندس حق الشركة يدخل بعد ما دق الباب غير انه يقول بسرعة عشان ينهي المكالمة : فهده .................... فهده اللي ما صدقت انه تحاكا قالت بسرعة تقطعه : لبيـــه حبيبي ..... ناصر اللي كان يشوف المهندس وهو يشر له بيده يدخل ويسمعه يسلم عليه فاجأته فهده بردها ..... واللي تفاجئ أكثر كان المهندس اللي رد ناصر على سلامه بكلمة ...: هاااااااااااا ؟؟؟؟؟؟؟؟؟؟؟؟؟؟؟؟؟
المهندس لف على ناصر وهو يقعد وقال : أيه هو اللي هاااااااااااااا ؟؟؟؟؟ أنا بأول لك السلام عليكم ....
ناصر اللي أنحرج من المهندس قال بسرعة بس بدون ما يسكر الخط مع فهده أو ينزل السماعة من أذنه : وعليكم السلام أبو عمر ... اسمحلي بس فكري مشغول شوي ما انتبهت لك وش تقول ...... المهم بشر ؟؟؟ وش أخبار الشغل في المجمع ؟؟؟؟؟؟؟؟؟؟؟؟ المهندس قال : الحمد لله كل حاقه مشيه تمام ..... بس أنا قاي النهردا عشان مودوع الاوده الخاصة اللي في كل فيلا ..... مش حاينفع أن أحنا ندهنها لون لوحدها غير الفيلا بألوان اللي أنت عوزو .... كدا حنبا عوزين شركة دهان تنيا غير اللي بنتعامل معا ها عشان توفر الدرجة اللي أنت عوزها .... أنا بأول خلينا نمشيها الفيلا كلها لون واحد ..... اقطعه ناصر وقال : شوف أبو عمر حنا المجمع اللي نبنيه عارفين انه نظام عوايل أجانب ومقيمين واللي اغلبهم تأجر لهم الحكومة السكن .... والحكومة تدور الأرخص دام كل المجمعات السكنية وحده ..... بس أذا صار مجمعنا فيه مميزات خاصة حنا نقدر نفرض سعرنا على اللي يستأجر سواء الحكومة ولا العوايل نفسها ..... وأنا متفاهم معك ومع حمد أني ابغي من أهم مميزات ذا المجمع غرف الأطفال الخاصة .... عشان كذا ما عندي مشكلة ... غير شركة الصبغ ... أهم شيء يعطونا ألوان اللي طالبينه ..... المهندس قال وهو يقوم : اللي تشوفه و عوابال إما ندهن لك أوده في بيتك .... رد عليه ناصر وهو يقرب المايك حق السماعة من ثمه : والله يا أبو عمر لو هو ودي صبغت البيت كله وردي .... الله كريم إنشاء الله ...... المهندس قال وهو عند الباب بيطلع : إنشاء الله ربنا حيديك عيال لحد ما حا ندهن لك حتى باب بيتكوا وردي .... أنا عندي شويت شغل حا خلصوا وحروح المقمع عوز مني حاقه .... رد عليه ناصر وقال وهو يشوف شاشة جواله يجيك أذا كانت فهده معه على الخط ولا سكرت : سلامتك ....... وقال بسرعة بعد ما طلع المهندس لفهده : فهده أنا بسكر تبين شيء ؟؟؟؟؟؟ فهده اللي أسمعت حكي ناصر مع المهندس .... كانت تعرف أن ناصر يحب البزران واجد من طريقة تعامله مع عيال خوانه .... بس ما توقعت انه يكون متشفق هو يجيب عيال ... عشان كذا قالت توصل لناصر رسالة أنها مستعدة تسوي اللي يرضيه ويفرحه بس بصوت واطي وكله خجل : ناصر كم غرفه تبي لونها وردي في بيتنا ؟؟؟؟؟؟؟؟؟؟؟؟ ناصر اللي كان فاتح ثمه وهو يسمعها لأنها أصعقته بذا السؤال اللي ما توقعه منها ..... حس انه ما هب قادر يتنفس من الفرحة وكان وده يقول لها البيت كله .... بس تمالك أعصابه وقال بكل برود : ولا غرفة .... وسكر الخط في وجها .................


























فهده اللي كانت تشوف الجوال في يدها بعد ما سكر ناصر في وجها ...... سكر في وجهي ؟؟؟؟؟ ليه زين ؟؟؟؟ هذا جزائي .... هذا جزائي أني وافقت أجيب له عيال ؟؟؟؟؟؟؟؟؟ يسكر في وجهي .... لا ويقول ما أبي ولا غرفة ؟؟؟؟؟ هو وش يبي بضبط ؟؟؟؟؟ ما كان يقول حسي بي ؟؟؟؟ هذا أنا حسيت فيه ..... لبس ولبست وتكشخت ..... حكي حلو وقلت .... اهتمام فيه و اهتميت .... تلميح ولمحت ....وشكرته على الهدية ...... تصريح وصرحت وقلت له كم غرفه تبي لونها وردي في بيتنا ...... ما هب ناقص ألا أني ارمي نفسي بين أيده أول ما يدخل من الباب ..... مصيبة والله أذا كان هذا اللي في باله ........... هذا اللي قاصر علي .... الظاهر انه ما بعد عرفني عدل........ واللي قطع على فهده أفكارها هو صوت عفاري اللي كانت نازله من الدرج هي ومها تصبح عليها ............ حاولت فهده أنها تبعد ناصر عن تفكيرها بأنها تفكر في ترتيب البيت للعيد والأشياء اللي تبي تجيبها .... وغرفة حمد اللي تبي تنظيف عشانه بيجي بعد العيد على طول .... واخترعت أشياء من تحت الأرض بس عشان ما تفكر في ناصر .... لكن ما به فايده كل الطرق تؤدي إلى روما .... كل شيء يوصل في النهاية إلى ناصر ..... ناصر اللي طول الوقت اللي قضاه بعد ما سكر عن فهده وهو ماهب مركز في شيء غير مكالمته مع فهده والحكي اللي قالته له في المكالمة ..... حبيبي .... لبيه حبيبي .... كم غرفه تبي لونها وردي في بيتنا ؟ كان مثل اللي قاعد يحل مسألة رياضيات صعبة ومعقده وهو في قمة السعادة انه يعرف قانونها .... ذا الحين هي قالت لك حبيبي .... ولبيه حبيبي اللي كنت تنغر من حميدان أذا قالتها له و تبيها تقولها لك ...... ما في مشكلة المره بدت تجر ناعم على قولت المصرين وتبيني أرضى ..... بس وش قصدها من السؤال كم غرفه تبي لونها وردي في بيتنا ؟؟؟؟؟؟؟؟؟؟؟؟ يعني طاح اللي في رأسها وعقلت ولا قصدها تمقت علي بعد ما أسمعت حكي مع أبو عمر ؟؟؟؟؟؟؟ الله اعلم بس اضمن شيء أني أتم على حالي معها ولا أرضى عليها ..... وأشوف آخرتها معاس يا فهده .................................................. ......





















ناصر ما قدر يستحمل أكثر أول ما أذن الظهر راح يصلي في المسجد اللي قريب من الشركة ومنها للبيت سيده ..... كان يبي يعرف فهده وش تقصد من سؤالها..... وهو ما هب عارف ألا أذا شافها وشاف كيف بتتصرف معه ورد فعلها على حكيه ...... أول ما دخل البيت شاف سيارة غريبة في الحوش ...... دخل الصالة ما شاف حد بس باب المجلس الداخلي كان مردود ..... خمن أن فهده يكون عندها ضيوف يباركون لها وان البنات أكيد فوق عشان كذا راح لهم فوق ..... من وصل آخر الدرج جاه صوت البنات اللي كانوا يسولفون بصوت عالي في الصالة اللي فوق كلهم ..... بس اللي استغرب منه أن مها كيف كانت قاعدة تشوف التلفزيون بكل اندماج وسط ذا الإزعاج ....... سلم ناصر وقعد معهم وهو يقول للبنات : فهده عندها ضيوف ؟؟؟؟؟؟؟؟؟؟؟؟ ردت عليه عفراء وقالت : عندها مره بس ما اعرف من ..... عشان خالتي قالت لي اركب قبل لا تقلطها في المجلس ..... ناصر بعد رد عفراء لف على مها وهو يقول : أنا زعلان في وحده اليوم ما جات تسلم علي ..... وقبل لا يزيد أي كلمة جاته مها تخب ولمت عليه ..... ناصر اللي كان يرفع مها من الأرض ويقعدها في حضنه أربكه صوت فهده اللي قالت وهي جايه من ورآه : السلام عليكم ..... رد السلام عليها وهو يحاول يقاوم نفسه ما يلف عليها يشوفها ...... بس اللي خلا أنفاسه تنقطع .... وريقه يجف هو يد فهده اللي مسكت يده فجأة تجره عشان يوقف معها ..... وقف معها بدون أي مقدمات وكان لمستها له قضت على أي مقومة دفاعية عنده ..... بس دنق ينزل مها اللي كان شالها على الأرض ..... فهده اللي انطرته إلى أن نزل مها ومشت وهي تجر يده بس وقفت يوم اسمعت ريم اللي قالت بغلاسه : وين بتودينه ؟؟؟؟؟؟؟؟ خليه يقعد معنا شوي ..... أقطعتها فهده وقالت وهي تلف عليها بكل برود : أوديه مكان ما أبي .... رجلي وأنا حره فيه .... ناصر كان يشوفها وهو يبتسم بمكر ..... الظاهر أن أسلوب الحقران معها جاب نتيجة .... ونتيجة سريعة بعد ..... لفت فهده تشوف قدامها وكملت طريقها بس بدون ما تشوفه وهي تجر يده ...... ناصر وهو يمشي جنبها مروا على الدرج تم يشوف الدرج وهو خاطره يقول لها غرفتنا تحت ...... لكنه سكت عشان يشوف هي وين بتوديه ..... دخلته غرفتها وسكرت الباب ...... ناصر من دخل راح سيده لسريرها وقعد عليه وهو يفكر والله شعور عجيب أن المره هي اللي تخطف الرجال وهي اللي تفاجئه ولف على فهده يشوفها بنظرات باردة وهو يقول : خير ؟؟؟؟؟ وش عندس ؟؟؟؟؟؟ بس أول ما شاف فهده تفصخ جلالها وهي تقرب منه ضاعت علومه وتحولت النظرة الباردة إلى نظرة شوق وهيام ...... كان يتبعها بعينه وهي تحط جلالها على التواليت وتجي تقعد جنبه على السرير بس وهي مدنقه رأسها ..... ناصر اللي كان يشوف فهده وهي مدنقه كان يتفداها في خاطره و يتفدا حياها أصدمته بالنظرة النارية اللي أرفعت رأسها تشوفه بها وهي تقول بغيض : مرت خالد ...... ناصر حس أن حد صب على رأسه ماي بارد من سمع فهده تقول مرت خالد وقال بضيق بعد ما تجاوز حقيقة تصرف فهده معه : وش فيها ؟؟؟؟؟؟؟؟؟؟ ردت عليه فهده : الأخت تضن أني بقرة .... جايه تقول لي أن خالد متفاهم معك وانك أنت اللي قايل له يطرش حد يأخذ مريوم اليوم .... ناصر اللي حمق من سمع حكي فهده قال بسرعة يقطعها : يعني خالد مصر ألا يسوي اللي في رأسه ؟؟؟؟؟ فهده يوم شافته عصب وعيون صارت حمر قالت بسرعة : لا تخاف أنا ما عطيتها مجال حتى تسلم على البنات أو تعرف أذا كانوا في البيت ولا طالعين .....ناصر اللي ارتاح نسبياً لتصرف فهده مع مرت خالد قال : زين ما قالت لس شيء ثاني .... يعني هم ليه يبون مريوم ..وش بيسون بها ... فهده قالت بسرعة ترد عليه : حاولت معها بس هي ما تحاكت في ذا الشيء ابد ... بس ودنقت رأسها فهده بعد كلمة بس ....... ناصر اللي قرص عينه في فهده قال وهو يرفع وجها بيده عشان تشوفه : بس ويش ؟؟؟؟؟؟؟؟؟ فهده أرفعت عينها لناصر وهي تحس بأطراف أصابعه اللي رافعه وجها تحرقها وقالت : بس قالت أنهم يبونها عندهم لأن .... أنا ..... أنت .... حنا ما نحفظ الشوفات ...... وتغير صوت فهده من العبرات اللي تحاول أن تظهر وهي تكمل وتقول : تقول أن علوم سواد وجهنا انتشرت بين الناس ...... والكل عرف حنا ليه أعرسنا بذا السرعة ..... وان المفروض خالد يأخذ حتى بنات جابر لأنه حرام يخليهم معنا .... ناصر جعلني فداك ألا بناتي .... البنات أنا ما اقدر أعيش بدونهم .... والله أموت .... هو ما يقدر يأخذ بناتي صحيح ؟؟؟؟؟؟؟؟؟؟؟ فهده قالت جملتها الأخيرة وهي تحضن يد ناصر اللي كان رافع بها وجها بين أيديها وتدفنها في صدرها على أمل أنها تبعث فيها الأمان وهي تنطر الإجابة اللي تطمنها من ناصر اللي قال بكل حزم : لا تخافين بنات جابر ما به حد يقدر يأخذهم مني وأنا حي ...... أنا كل خوفي على مريوم ..... فهده بعد ما تطمنت على بنتها أرخت يدها عشان تحرر يد ناصر وقالت وهي تشوف ناصر يفصخ غترته ويحطها جنبه : زين هو حتى أذا أخذها تعيش عنده وش يقدر يسوي فيها ؟؟؟؟ ناصر قال وهو يمرر أيديه الثنتين في شعره بتوتر : بيجوزها ..... أقطعته فهده بسرعة وقالت : ويش ؟؟؟؟؟؟؟؟؟؟؟؟؟؟؟ ناصر قال وهو يشوفها : بيجوزها مثل ما كان يبي يسوي مع موضي ..... قولي موضي الله قدرني وقدرت أني أوقف كل شيء في الوقت المناسب ..... بس مريوم أنا خايف ... خايف أني ما اقدر احميها من خالد ومصايبه ....... فهده اللي كان قلبها معورها على مريوم اللي ما تدري وين الله حاطها وعلى ناصر اللي صدق شايل همها قالت تستفسر : أنت تعرف اللي يبون يجوزنها أياه ؟؟؟؟؟؟؟؟؟؟؟؟؟؟؟؟؟ ناصر اللي فجأة أركبت هموم الدنيا فوق رأسه انسدح على السرير وهو يقول : أنا من يوم سالفة موضي وأنا حاط عيني على خالد بس من بعيد .... من كم شهر تعرف على واحد مريش .... وعلى حسب معلوماتي أن خالد كان يتسلف منه دراهم عشان يشتري أسهم .... وطبعاً ما به شيء من ذا الدراهم رجع لراعيها لان الشيخ خالد باع كل الأسهم وصرف دراهمها على أثاث جديد وكم سفرة مع المدام ... وسيارة جديدة شراها كاش ..... ذا كله شيء عادي من خالد لكن اللي ما هب عادي أن يمر على تاريخ تسديد الشيكات ثلاث شهور والرجال ما يشتكي أو يطالب بحقه ذا اللي ما هب عادي ..... ما ادري بس ما ارتحت وقلت ليه ما اسأل عن الرجال يمكن هو من النوع اللي ما تهمه الدراهم ..... بس اللي عرفته ما ريحني غير أكد ش**** ..... الرجال من النوع اللي يموت على الريال ولا يسكت عن حقه ..... والاهم من ذا كله الرجال متزوج ثلاث و معيشهم كلهم في بيت واحد هم وعيالهم إما الرابعة فا مخليها للمتعة ..... يتصيد للفقر والمحتاجين للقمة ويتزوج من بناتهم لا وبشرط تكون ما تعدت العشرين .... يأخذها ست شهور .... سنة .... حده سنة ونص ويطلقها عشان وحده جديدة ..... وأنا ما استبعد على خالد انه يكون عرض عليه مريوم مقابل الدين اعرفه نذل ويسويها ... يبيع أمه عشان الدراهم ..... فهده اللي أرعبتها فكرة أن مريوم البزر تأخذ واحد بذا الطريقة يلعب فيها والى طاب كيفه طلقها ودفها بيت أهلها قالت لناصر : ناصر وأنت ما تقدر تسوي شيء تحمي مريوم فيه .... ناصر اللي كان مغمض عينه فتحهم وهو يلف يشوف فهده وقال : أنا من يوم سألت عن الرجال وأنا حاط في بالي أن اخلي حمد أول ما يرجع في أجازة العيد يحير على مريوم ... لكن بعد هدت خالد علينا شفت أن التحير ما ينفع مع خالد لازم املكهم ..... فهده اللي اصدمها ناصر بحكيه .... حمد يعرس .... حمد اولدي يعرس ... يعرس ويأخذ مريوم .... فجأة ابتسمت فهده وهي سرحانة تشوف ناصر وكل ما استوعبت الفكرة أكبرت ابتسامتها ....بس كشرت فجأة مثل ما ابتسمت فجأة وقالت لناصر : أنا وأنت ما عندنا خلاف في ذا الموضوع غير أنا عندي ابرك الساعات اللي بتضوي علي فيها مريوم لكن ... حمد ومريوم وش رأيهم ؟؟؟؟؟؟؟؟؟؟؟؟؟؟؟؟؟؟؟؟؟ ومنيرة وحمد حنا ما نقدر نملكهم بلا شورهم ورضاهم .... ناصر اللي كان منسدح على ظهره ويشوفها انسدح على جنبه وقال : حمد أنا تحاكيت معه من قبل عن سالفة مريوم وقال انه ما عنده مشكلة في التحير أذا كان ذا الشيء بيساعد مريوم .... لكن يوم تحاكيت معه في موضوع ألملكه قال لي انه ما يقدر يتزوج مريوم لأنهم رابيين مع بعض مثل الإخوان .... بس بعد ما قلت له انه ما جايني ولد حلال مثل سعود يوم جاء لموضي كان زوجتها أيه و أنها ما لها بعد الله غيره حد ... وافق الحمد لله ... بس مريوم ما بغيت اتحاكا معها في ذا الموضوع وكانت فترة امتحاناتها .... وإذا على حمد بن خالد فهو يعرف كل شيء ومحمد بعد وموافقين على كل شيء .... لكن منير ما بغيت اعلمها واشغل قلبها على بنتها وهي في الحج .... وذا الحين ما هب عارف كيف افتح الموضوع معها ..... فهده قالت وهي تبتسم : منيرة ما عليك منها ... أنا اللي بفتح معها الموضوع ..... بس مريوم متى بتقول لها ؟؟؟؟؟؟؟؟ ناصر تنهد وهو يقول : مريوم لازم أقول لها في أسرع وقت خصوصا أن حمد بيجي الليلة .... فهده اللي بحلقت عيونها على كبرها فيه وهي تقطعه وتقول : احلف .... الليلة ... بس هو قال لي بعد العيد .... الليلة ..الليلة ؟؟؟؟؟؟ ناصر قال وهو يبتسم على شكلها : صحيح كان بيجي عقب العيد بس آخر امتحان عنده قدموا موعده وقدمه قبل يومين وكان ينطر بس النتيجة عشان يجي واليوم الصباح اطلعت النتيجة عشان كذا حجز وبيجي الليلة ..... فهده قامت بسرعة تأخذ جلالها وهي بتطلع وقفها ناصر اللي قعد على حيله فوق السرير وهو يقول : على وين ؟؟؟؟؟؟؟ فهده قالت : بروح ارتب غرفة حمد وأنظفها ما به وقت ولازم .... قطعها ناصر وهو يقول : فهده ...... حمد بيقعد في الملحق ..... فهده اللي كانت تتكلم بفرح اختفت ابتسامتها بالتدريج وقرصت عينها في ناصر وهي تقرب منه وقالت : ويش ؟؟؟؟ ما سمعت ؟؟؟ عيد الله يخليك ؟؟؟؟؟ ويوم شافت نظرت ناصر لها وحاجبه اللي ارفعه تأكيد إصراره على موقفه ..... تغيرت لغة التهديد عند فهده إلى لغة رجاء وهي تقول : ناصر حبيبي الله يخليك .... ما يصير نطرد الصبي من بيته ..... الفقير راجع من غربة يعني يبي فراشه وغرفته ... جعلني فدك .... جعلني قبلك خله يقعد في غرفته ..... ناصر اللي كان يسمع صوت فهده بس ما هب قادر يشل عينه عن ثمها تنحنح وهو يقول : ما فيه .... أنا حطيت محمد البزر في الملحق عشان البنات يأخذون راحتهم ... و حمد الرجال ما تبيني أحطه في الملحق .... ألا حمد بذات لازم يقعد في الملحق اخف خالد يدري انه رجع ويسويها حجه عشان يأخذ مريوم .... فهده قالت كمحاوله أخيره : زين خله يقعد في غرفة السوني مع محمد ..... ناصر قال وهو يرجع ينسدح على السرير بحزم : لا .... الملحق يعني الملحق وبعدين محمد أنا جبته داخل كنت خايف يهد عليه خالد وهو في الملحق بالحالة ذا الحين يروح ويقعد مع ولد عمه في الملحق .... غرفة السوني أنا أبيها .... أبي ارقد فيها ..... ناصر قال جملته الأخيرة وهو يشوف فهده بنظرات استهزاء من فوق إلى تحت .... فهده من أسمعت حكي ناصر وهي تغلي .... ذا استخبل ؟؟؟؟ يستهبل ؟؟؟؟ ولا وش سالفته معي .؟؟؟؟؟؟؟ ذا الحين عقب كل اللي صار والحكي اللي حكينه رجع يتحمس ..... فهده ردت على ناصر وهي تقرص عينها : تسوي خير أذا رقدت في غرفة السوني عشان ارقد أولدي في حضني .... ناصر قال يغيضها : خلني اشفوه في داري عشان اذبحه لس ..... فهده قالت بسرعة : والله هي داري مثل ما هي دارك .... ناصر قال بكل برود : أنتي والدار لي ... فهده من غيضها دورت حكي تقوله ولا لقت غير : قوم اطلع برى .... اطلع من داري ........ ناصر قال وهو يكتم ابتسامته :أنتي ذا الحين ما تعلمين وش أنتي مانه به علي كل ما دخلت هنا قلتي لي اطلع من داري .... من زينها دارس ذا اللي آكلتنا عليها .... أزين ما فيها ذا السرير حق السنافر..... الواحد ينسدح عليه ورجيله طالعه برى .... فهده اللي راحت للباب عشان تطلع قالت تقطعه وهي تفتح الباب : الله يرحمها أختي يوم أفرشت لي الغرفة ما كانت تدري أني بتزوج برج كان افرشتها مطارح .................................................. ................



























فهده اطلعت من الغرفة وهي تدخن على ناصر .... هذا ..... هذا .... هذا واحد ما هب صاحي .... يقعد و يتحاكا معي ولا كأن في قلبه شيء والى طاب خاطره قلب .. هو وش يبي عشان يرضى ؟؟؟؟؟ .. أنا قلت من زمان عرقين في رأسه ماهب راكبين على بعض ....مجنون .... والله أن موضي صادقة كل الرجاجيل في النهاية نفس راشد ...... بس والله أحبه .... فهده راحت سيده تنكب الغدا بما أن ناصر جاء بدري اليوم ..... عشان كذا قالت للبنات وهي نازله ينزلون للغدا .... كانت تسمع صوت ناصر وهي في المطبخ الداخلي مع البنات في الصالة يضحك و يسولف وحاشر الدنيا .....ما تدري ليه صوته وضحكته تخلي قلبها يدق بسرعة .... وأطرافها ترجف ... كانت تبي تسيطر على رجفتها .... عشان كذا ما خلت عفراء تشيل صينية الماي والبارد .... طلعت هي بها عشان تكون متمالكة نفسها وهي تقعد جنب ناصر على الغدا ..... بس اللي خلاها توقف هي وصينيتها في نص الطريق هو ناصر اللي كان حاط مها على يساره وريم على يمينه ..... يعني بالعربي ما أبيس جنبي ..... فهده كانت تبي ترجع المطبخ وتكسر كل اللي فيه لكن ناصر رفع رأسه يشوفها بنظرات تحدي وقال : فهده حيس الغدا ولا ما تشتهين ؟؟؟؟؟؟ فهده عند فيه جات وحطت الصينية وقعدت جنب عفاري مقابله له وقامت تأكل بكل عنف كأنها تهاد مع الموعين ولا انتبهت ألا على صوت ناصر اللي يقول : يا دافع البلا .... وش فيس تهادين مع الاصحون .... اربس ما أنتي بضايقه من شيء يا روح قلبي ؟؟؟؟؟؟؟؟؟ فهده قالت بسرعة : وأنت اللي يشوفك يضيق من شيء يا روح قلبي ؟؟؟؟؟؟ ناصر ما استحمل وهو يسمع فهده تقلده وتقول يا روح قلبي .... رجع برأسه على ورا وهو يضحك بصوت عالي ....................... بعد الغدا دخل الغرفة بحجة انه بيرقد شوي لكنه كان ينطر فهده تدخل ورآه بفارغ الصبر .... كانت كاسره خاطره انه ضحك عليها قدام البنات .... لكن فهده تأخرت ولا دخلت .... استغرب .... توه بيقوم يشوفها .... أدخلت هي عليه و مها شالتها بين أيديها راقدة ..... دخلت فهده بدون ما تلف عليه أو تحاكيه وحطت مها مكانها على السرير .... وحطت الوسادة بينها وبين طرف السرير .... ومشت بتطلع من الغرفة ... وقفها ناصر وقال : على وين العزم إنشاء الله ؟؟؟؟؟؟؟؟؟؟؟ فهده قالت وهي تسكر الباب : الملحق ... حط عينك على مها .... البنات كلهم معي .... وطلعت وسكرت الباب بكل هدوء ....... ناصر لوا ثمه وهو يقول ما يسوي علي حمدان ..... خير يا طير بيجي من السفر مقيله ترتبين له الملحق ... وأنا في القلعه ..... ما هب مهم رضيت ولا حمست ................

























موضي قالت وهي تبكي : حسبي الله ونعم الوكيل ....... قطعها سعود وقال وهو يلمها : موضي ما هب زين عليس تحسبين على أبوس .... استغفري ربس ..... موضي قالت بعصبية : هذا ما هب أبو هذا عدو ..... ولا مريوم تستأهل حد يسوي فيها كذا ؟؟؟؟؟؟ سعود حنا أذا انتحاكا من الظلم اللي حنا عيشينه .... أنا إلى ذا الحين ما نسيت اللي سواه فيني واللي كان بيسويه .... ما هب أنا بس حمد ... محمد ... حتى مها البزر واللي ما هب براضية تقتنع انه أبوها إلى ذا الحين .... وذا الحين بيحطم مريوم .... مريوم .... تقدر تقول لي بزر مثل مريوم أذا أخذت واحد مثل ذا الشيبة وطلقها بعد سنة .... كيف بتعيش حياتها .... سعود ذا الحين بنات ترسين البيوت ولا يجيهم احد ولا يطق بابهم كيف لصارت مطلقة ..... سعود قال وهو يمسح دموع موضي : موضي مابه داعي لكل ذا البكي ... ومريوم إنشاء الله ما عليها شر دام عمس واخوس موجودين .... وإذا عليس فان احمد ربي أن أبوس كان بيجوزس خويه الشيبة ولا كان ما قبلتي بي .... قطعته موضي وقالت : سعود ليه تقول ؟؟؟؟؟ أنت وش فيك يعيبك ؟؟؟؟ والله أن رجاجيل الدنيا كلهم ما يسونك ولا يسون ثراك ....... ابتسم سعود بحزن وقال : تدرين ليه أقول كذا ؟؟؟؟ قبل لا اخذس بسنة جاتني سارة أختي وقالت لي أنها شافت وحده في الجامعة مزيونه وطيبة ودمها خفيف وفيها كل اللي أبيه وأنها من عرب طيبين وفيهم خير .... وأنها ما تتعوض أذا كنت أفكر في العرس .... أنا ما كنت متشجع للموضوع بس قلت لها شوفي البنت وجسي نبضها ..... جاتني بعدها بيومين وقالت لي أن البنت ارفضت ... قلت في خاطري أحسن لان حسيت أن سويره استعجلت ... بس سألتها عن سبب رفض البنت من باب الفضول .... قالت لي البنت ارفضت عشانها ما تبي واحد ما عنده حتى شهادة ابتدائية ..... ويوم شاف وجه موضي تغير كمل وقال : أوجعني ألحكي .... أوجعني صدق .... هو صحيح أني ما كنت أبيها بس ما ضنيت أن أول وحده أفكر بس أفكر أني أخطبها تردني لذا السبب ..... حولت اخفف على سارة وقلت لها أني أنا اللي أصلا ما أبيها ..... ذاك الليل ما رقدت .... قلت ذي واحده وأختك كلمتها ذا ردها اجل أمك ذا العجوز لوهي رايحه تخطب لك وردوها عشان ذا السبب وش فشيلتها .... فكرت أني ارجع أكمل بس بعدين هونت بسبب ظروف شغلي والشفتات ولأني أصلا فاشل في الدراسة ..أنا ما نفعت وأنا بزر... ذا الحين بنفع .... الكبش الكبير ما يربا .. وقلت في لعنة .... يعني اللي الخلق ذا البنت ما خلق غيرها .... أكيد بلقا وحده ثانية تشوف فيني شيء غير الشهادة .... ومرت علي سنة كل ما جابوا لي طاري العرس طرت علي البنت اللي ردتني عشان الشهادة .... البنت اللي ما اعرف عنها غير أن اسمها موضي .... احزن .... كنت أخاف أمي تروح تخطب لي عند أي عرب ويردونها عشان ما عندي أي شهادة ..... إلى أن في يوم كنت قاعد أنا واخوي تركي عند راعي الشركة اللي يبني لنا بيتنا ذا اللي حنا فيه .... رجال فيه خير وسنافي .... الرجال كان يضن أني معرس لأني ابني ملحق مثل اخوي تركي في حوش الفلا .... وانصدم أني ما بعد أعرست .... يقول أني رجال ما علي قاصر في شيء .... أنحرجت أقول له السبب الصدقي وقلت له أني شايل فكرت العرس من راسي ذا الحين بس باني الملحق للمستقبل ... الله اعلم ... يمكن احتاجه .... بس تركي اخوي الله يصلحه ما سكت وخر اللي عنده كله قدام الرجال وقال له أني ما ابغي أعرس عشان ما عندي شهادة وأخاف اخطب ويردوني ..... الرجال ما قصر قام يمدح فيني وقال ان الرجال ما هب بالشهادة الرجال بمراجله وعلومة الطيبة .... ومن ذا ألحكي اللي كنت اسمعه بملل لاني ادري انه يجاملني إلى أن قال اسمع يا سعود كانك رجال تبي تعرس فمرتك عندي ..... رفعت عيني أشوفه وأشوف اخوي تركي .... ورجعت اشوفه يوم قال .. لا تشوفني كذا تراني صادق والله .... أنا ما عندي غير وحده في محاري العرس طرش الأهل يشفونها وكانها جازت لهم ابرك الساعات والله نسبكم ....ما ادري وش اللي خلني افرح والتعلق بذا البنت .... ما ادري لان عمها يدري أني ما عندي شهادة وراضي بي ولا ان اسمها موضي ...... أقطعته موضي وقالت وهي ترفع صبعها قدام ثمها : قسم بالله أنها يوم قالت لي في الجامعة كنت أظنها تمقت علي .... ال***ة سويره جات لي في المحاضرة قبل لا تبدي وانا مع خوياتي وقعدت تضحك معنا على رسوبي في مادة مدخل الأدب وقالت لي عشان أني طلعت غبية بتجيب لي معرس وأحسن صفاته أنها ما عنده حتى شهادة ابتدائية .... عاد انت تعرف لساني ..... لعنة أبو قبيلتها .... وقلت لها أنا ما اخذ واحد عنده شهادة اقل من دكتورا وانتي تقولين لي ما عنده شهادة ابتدائية .... ولا أنت تدري أني ما تهمني ذا الأشياء ..... سعود ابتسم وقال : بتعلمين فيس .... قومي ... قومي خلني اوديس بيت عمس ابطينه عليه .... من متى وهو داق علينا ...... موضي قامت وهي تقول : خمس دقايق حبيبي البس جوجو ونطلع ..... بس وهي بتطلع من باب الصالة وقفت عند الباب ولفت على سعود وهي تقرص عينها فيه وقالت : تعال سويره كانت تعرف وحده غيري في الجامعة اسمها موضي ؟؟؟؟
























مريم أرفعت عنها تشوف العيون اللي مبحلقة فيها تنطر ردها وهي ما هب عرفة كيف تعبر عن اللي تبي تقوله ..... الصمت كان موترها ومشوش على تفكرها عشان كذا حاولت تشرح لهم باختصار اللي تفكر فيه بكلمتين وقالت : حمد اخوي ...... ورجعت تكمل : يعني أنا أحسه مثل حمد ومحمد أخواني ..... وسكتت لأنها ما عرفت وش تقول أكثر من كذا ..... موضي اللي كان ما هب عجبها رد مريم قالت بسرعة : بس هو ما هب اخوس ..... هو ولد عمس .... واللي سكت موضي هو ناصر اللي قال : موضي اسكتي خلينا نشوف هي وش تبي .... ولف على مريم وقال : مريم أنا قلت لس كل اللي اعرفه واللي شاك أن أبوس بيسويه فيس ..... وأحب أزيد عليس أنا سمعت أن الرجال اللي شاك فيه معزم يعرس بعد العيد على طول يعني ما به وقت قدامنا .... إما من جهة أن حمد اخوس .... فأنا ما قدامي واحد غيره ذا الحين ....وبعدين انتووا حتى لو تملكتوا مابه عرس ذا الحين ..... ما به شيء ألا بعد ما يخلص حمد الكلية وأنتي تخلصين الثانوية على الأقل ....وإذا جاء وقت العرس وأنتي على رايس ما تبينه مابه حد بيغصبس عليه .... مثل ما دخلنا بالمعروف نطلع بالمعروف .... في اسواء الحالات تكونين مطلقة وأنتي متملكه بس ... أحسن مليون مره من انس تكونين مطلقة ووراس بزر ولا اثنين وأنتي بروحس بزر .. مريموم انا كل اللي خايف منه أن ابوس يملكس وحنا ما ندري .... و ذيك الساعة اسمحيلي يا بنت اخوي أنا ما اقدر أسوي شيء ...... وسكت ناصر وهو يشوف ساعته ورجع يكمل وقال : شوفي مريوم قدامس نص ساعة على صلاة المغرب بعدها أنا بروح المطار أجيب حمد ..... بعد ما اطلع من المسجد بمر البيت اخذ ردس على الموضوع عشان اقدر أتحرك بسرعة قبل لا يدري ابوس بردت حمد ويهد علينا ياخذس ...... وقام عشان يطلع وهو يقول : أنا ما ابغيس تقولين عمي غصبني على شيء أنتي حره فكري وقرري .... وطلع ناصر من المجلس الداخلي وعيون فهده تتبعه .... فهده اللي من يوم قال قدامس نص ساعة قبل صلاة المغرب وهي تشوفه وتفكر هو وش سالفته مع صلاة المغرب ..... يوم تحاكا معي عن ملكتنا قال معاس اللي قبل المغرب وذا الحين يقول لمريوم معاس لبعد المغرب وابتسمت وهي تشوفه يمشيء في الصالة ... على ذا الترتيب موضي كان ردها بعد صلاة العصر...... وانتبهت فهده على صوت مريم اللي تبكي وهي تقول لموضي اللي لمه عليها : أنا خايفه ............................... ناصر بعد صلاة المغرب جاء عشان يسمع قرار مريم اللي قالت له أنها موافقة على الملكه .... بس بشرط انه يفهم حمد أن الملكه ما هي بشرط عشان يعرسون ..... وأنها تعتبره مثل أخوها بس وافقت على الملكه عشان ما يجوزها أبوها واحد ثاني ..... وقبل لا يطلع ناصر اللي ما رد عليها بحرف وقفته وقالت : عمي أهم شيء تقوله له أن فضله على راسي من فوق واني ما هب ناسيته إلى أن أموت .......... طبعا ناصر ما استغرب من عدم استياء حمد من حكي مريوم يوم علمه وهم جاين من المطار لأنه يدري أن حمد حاله من حال مريوم .....




















ناصر كان واقف وهو يشوف فهده كيف تلم على حمد وتبوسه وتتفداه وهو يغلي من الغيض .... لف بوجهه بسرعة وهو يحاول انه ما يركز معهم بعد ما جات عينه في