نسايم حب ( قصة قطرية )

ماشاء الله القصة روعة بس ليه تبخلي علينا بالاجزاء
الله يخليك عجلي بالاجزاء
ومشكورة يااخت تحفة

القصة جميلة كما هي القصة السابقة لاختنا المحبوبة تحفة فنية

اشكرك اختي ورقة على نقل القصة لنا


وفي انتظار بقية الاجزاء

عزيزتي تحفه فنيه

بصرااااحه وبدون مجامله ولا لف ولا دوراااااااااااااااااااااااااااااان

هالقصه واللي كاتبتهاااااا ابدااااااااااااااااااااااااااااااااااااااع ابداااااااااااااااااااااااع ابداااااااااااااااااااااااااااااااااااع

هذي اول مشاركه لي في هالمنتدى هني في هالموضوع

وما قدرت اشيل عيني عن شاشة الكمبيوتر غير بعد ما خلصت كل الاجزاء الموجوده

وبصرااااحه اكثر تضايقت لانج ما نزلتي باقي الاجزاء

اتمنى ان الاجزاء الباقيه تنزليهااا مره وحده لاني ميته واعرف نهااايه هالقصه

لك مني ارق تحي

الله يعطيك العافيه اختي تحفه فنيه على البارت الحلو

تسلمين يامبدعه

وانا انتظر البارت الجاي بفارغ الصبر

لا تطولين علينا بليييييييييييييييز

[align=center]السلام عليكم يا كل الاعضاء ..... مشكورين على الردود ما راح اطول عليكم اخليكم مع كلام الكاتبة .................







مرحبا يا كل المتابعين للقصة .........

اشكركم ... اشكركم اشكركم على تشجيعكم لي


الصراحة كنت حابه اني انزل لكم جزء طويل يوم السبت ... بس بعد ما قريت طلب سوسو العزيزة قلت احط على نفسي واخلص الجزء الليلة ... بس والله ما قدرت اكتب فيه اكثر من كذا .... وبتلقون الدليل على تعبي في آخر الجزء ....... سوسو ... بحر الندي ولا هانوا باقي الاعضاء اهديكم جميعاً هذا الجزء .............








الجزء الســــــــــــــادس عشـــــــــــــــر :











فهده كانت تسمع ناصر يدندن الأغنية بصوته العذب في حاله من المشاعر المختلطة بين الكره..... الغيض ... التردد ... الخوف .... الحزن .... الألم .... كانت دموعها تنزل في صمت غريب .... كأنها ترد على كل مقطع يقوله ناصر .... وعند مقطع ....أنت السبب ولعتنــي يا غزالـــــي ... وفتحت لـــــي دنيا جديدة بالآمال .... حست أن عينها ما عاد تتحمل دمعها ... غمضت عينها بقوة ... وهي تشد مها لها أكثر .... وعضت على شفايفها يوم همس ناصر قبل لا يلف ويعطيها ظهره : أنا بليت بحبكـــــم من اهبالـــي..... فهده أرفعت طرف الملحف تشوف ناصر بعد ما حست به يلف .... كان ودها تناديه وتقول له أنها آسفة على ألحكي الجارح اللي قالته له .... بس ما طاوعها ألسانها تسويها ... خافت تعتذر ويفسر اعتذارها على انه تنازل من طرفها .....أرجعت تلحف رأسها عشان ما تضعف وتعتذر له ...





















ناصر اللي كان يدندن الأغنية هو يشوف الملحف كيف يهتز ... عرف أنها تبكي .... مع هذا ما وقف واستمر في الأغنية ..... استمر عشان يوصل لها الرسالة اللي قصدها من الأغنية ...... لكنه ما استحمل انه يكمل الأغنية إلى النهاية .... تبكي وهو اللي مجروح .... عشان كذا لف وعطها ظهره وهو يحاول انه ما يلف عليها ويخنقها بيده من الحرة اللي في قلبه ..... قرار انه يشيلها من باله بأنه يفكر في مشاكل الشغل ....بس وين كل ما قرب يحل مشكلة ... اطلعت فهده قدام عينه ونسفت الحل نسف .... آخر مره اطلعت كانت نايمة على ذراعه اللي مادها على السرير جنبه .... كان يشوف عيونها وهي تشوفه .... فتح عينه على الآخر يجبرها أنها ما تسكر .... بس عينه ما طاعته وسكرت وهو يحرك أطراف أصابع يده اللي حاطها على رأسه عشان يلمس أرموش فهده بها قبل لا يختفون في نومه ............
























فهده ما قامت لصلاة الفجر ألا على صوت منبه جوالها اللي ضابطته .... قبل لا تسكر المنبه أرفعت رأسها بسرعة تشوف ناصر إذا كان في مكانه ولا طلع ..... ما لقته .... وين راح ؟؟؟؟ ما يبي يرقد هنا و راح غرفة السوني ؟؟؟؟ أكيد ... زعل وعشان كذا راح .... سكرت المنبه عشان شافت مها تتحرك ... وقامت عشان الصلاة .... صلات ورجعت تحاول تنام بس ما أقدرت .... لحفت مها وراحت عشان تشوف البنات إذا قاموا للصلاة ولا بعدهم .... بعد ما وعتهم أرجعت ... وهي عند باب الممر لفت تشوف باب غرفة السوني ..... بس أول ما حست أنها بتبكي أدخلت غرفتها بسرعة ... خافت يطلع ويشوفها ..... وقفت عند الباب تشوف مكان ناصر في السرير ... وتذكرت كيف هو كان يدندن الأغنية اللي جرحت روحها ..... لفت تشوف الورد اللي على التواليت وتذكرت البطاقة راحت وقعدت مكان ناصر على السرير جنب درج البطاقة وطلعتها تقراها .... وهي تقراها غصب عليها بكت ... ما كانت تدري هي ليه تبكي ؟؟؟؟ تبكي الأمل في أنها تحب وتنحب اللي أقتلته بيدها قبل حتى لا ينولد .... ولا تبكي أن ناصر في الحقيقة مثله مثل كل الرجاجيل مستحيل يحب .... ولا تبكي الوردة اللي ما راح تعينها اليوم على الوسادة .... لفت تشوف الوسادة .... حطت يدها تحسس على الوسادة مكان الوردة و رأس ناصر ..... حست أنها بتختنق من شعورها بالحزن اللي ما تشوف له سبب واضح .... قامت بسرعة عشان تغصب عمرها على النوم وتشيل كل ذا الأفكار من رأسها .... أول ما قامت بتلف لطرفها الثاني من السرير حست برجفة تهزها من أصابع رجلها إلى شعر رأسها يوم شافت ناصر واقف على باب غرفة الملابس وهو يشوفها .... رجلها كانت تهتز بقوة ... فهده ما تحملت أكثر أبركت في مكانها .................................................. .........

























ناصر اللي قام وطلع لصلاة الفجر في المسجد ... استغرب انه ما لقى فهده يوم رجع في الغرفة بس قال أكيد راحت تشوف البنات... فصخ ثوبه في غرفة الملابس ... سمع باب الغرفة يتسكر عرف أن فهده رجعت .... لف عشان يطلع ..... شاف فهده وهي تقعد مكانه على السرير .... ابتسم وهو يشوف الموقف بالكامل ... وعرف أن الرسالة أوصلت لفهده ...لا وأثرت فيها والدليل اللي قاعدة تسويه قدامه .... أول ما شافها وقفت مسح ابتسامته بسرعة عشان يبين لها أنه زعلان وأنها أجرحته بحكيها .... بس من شاف نظرة الخوف اللي في عينها وكيف طاحت على الأرض قدامه حس بقلبه هو اللي طار من مكانه لها قبله ...... فهده من حست بيد ناصر تلمها لصدره حطت أيديها الثنتين على صدره ودفته بأيديها اللي ترتجف ..... ناصر قال وهو يشوفها ويبتسم باستهزاء : ادري ... ما به داعي تقولين لي ... كبدس تلوع عليس وتستقرفين مني ومن كل شيء فيني ....وكمل بصوت ناعم بعد ما شافها كيف تشوفه بخوف : بس أنا يا روح قلبي ما يهون علي اخليس طايحه على الأرض ..... قد خبرتي حد يشوف قلبه على الأرض ويروح مدبرن عنه ؟؟؟؟؟؟؟ وشل فهده بين أيديه عشان يحطها مكانها على السرير جنب مها و غطاها بالملحف بس بدون ما يقطع النظرة المتصلة بينهم ولا لحظة .... وجلس جنبها على طرف السرير ...................























فهده اللي كانت ما تشوف في ناصر اللي عينه من يوم ما جاء وقعد جنبها على الأرض .... عينه اللي تسل روحها من جسدها مثل سلة السيف من غمده .... تسل روحها وتحبسها بين هدبها ... ليه أشوف روحي في وسط محاجرها ؟؟؟؟ ليه أشوفها حرة طليقه ما يقيدها خوف .... ليه أشوفها تضحك علي وهي تلعب في بحر عينه ؟؟؟؟؟؟؟؟؟؟ ليه ؟؟؟ ليــــــــــه ؟؟؟ ليه أحس أني اختنق وأنا أشوفها تقرب مني شوي شوي ؟؟؟؟؟ ليه قلبي يدق بسرعة وجرت النفس صارت ثقيلة ؟؟؟ ليه أحس لهيب السموم يلفح وجهي في عز البرد ؟؟؟؟؟؟؟؟ فجأة اختفى كل شيء و حوط فهده الظلام من كل مكان ..... تحولت مشاعر الحيرة إلى خوف ينهش قلبها .... أشهقت وهي تحس بيد ناصر على عينها وتسمعه يهمس في أذنها ..... أنتي تعبانه ولازم ترتاحين ذا الحين .... تصبحين على ألف مليون خير يا روح قلبي ..... فهده اللي غمض ناصر عينها يبده حست مع نهاية همسه في أذنها بالخدر اللي يسري في كل أطرافها ولا أقدرت حتى أنها ترفع يدها عشان تدف يد ناصر اللي رفعها من عينها إلى شعرها يمسح عليه .................................................. .......................
























فهده أقعدت الساعة سبع ونص على صوت عفراء وهي توعيها بصوت واطي وتقول : خالتي ... خالتي قومي ..... خالتي ...... فهده أفتحت عينها بسرعة وهي تقول : عفاري ... وش فيس؟؟؟؟ فيكم شيء ؟؟؟ ريموه تعبانه ؟؟؟؟ وجات بتقوم بسرعة بس أول ما شلت رأسها من الوسادة حست الدنيا تدور فيها أرجعت تنزله بسرعة على الوسادة وهي تسمع عفراء اللي مسكتها من كتفها عشان ما تقوم وقالت : خالتي أنتي التعبانة .... وأنتي إذا تعبتي نغدي كلنا ما هب بخير ....... وقامت عفراء تعدل الوسايد تحت رأس خالتها وهي تقول يلا عشان تتريقين .... وأول ما شافت فهده بتعترض قالت : خالتي أنتي من أمس ما أكلتي شيء لا فطور لا غدا ولا عشا .... وما تبين تتعبين .... وبعدين أنتي إذا ما أكلتي رجلس بيذبحني .... فهده من أسمعت طاري ناصر تذكرت فجأة كل اللي صار البارح ولفت بسرعة تشوف مكانه لقته خالي لفت على عفراء وهي تسمعها تقول : ما هب هنا طلع .... وكملت عفراء وهي تحط الصينية حقت الفطور في حضن خالتها : راح الشركة يقول عنده مشكلة بسيطة بيحلها و بيرجع لس بسرعة .... فهده اللي جئتها قشعريرة وهي تسمع عفراء تقول أن ناصر بيرجع لها .... حبة تخفي توترها وتغير الموضوع وقالت : عفاري أنتي ليه قايمه من صبح وش عندس ؟؟؟؟؟؟ عفراء قالت وهي تشوف مها الراقدة : وش عندي ؟؟؟؟ ولفت على فهده تكمل : عندي رجلس ...جاني يوعني الساعة ست ... قالي انه بيروح الشركة عنده شغل ضروري ... وانس تعبانه و يبيني اقعد معاس ... ويم سألته وش فيس ؟؟؟ قال لي انس طحتي عليه الفجر على غفلة وهو خايف عليس .... أنا قلت لها انس أكيد بتطحين دامس ما فطرتي ولا تغديتي ولا تعشيتي.... و عينس ما تشوف ألا النور جنني يا خالتي واشتغل علي ..... انتووا كيف تخلونها بلا عيشه ... انتووا ما تستحون ... انتووا ما فيكم مذره .... لوهي وحده فيكم كان ما خلتها بلا عيشه .... و يا الله انه سكت .....................




















فهده استغلت فرصة أن عفراء توعي مها وقالت أنها تبي تدخل الحمام تسبح .... كانت تبي تقعد بالحالها شوي خاصة أنها كانت شفيانه تلقا على الوسادة شيء ولا عينته .... أقفلت باب غرفة الملابس عليها وقعدت في غرفة الملابس على الأرض لأنها كانت تحس بدوخة خفيفة ..... وش سوت بس الدنيا يا فهده ؟؟؟؟ لا عدتي تعرفين رجلس من راسس ..... وش اللي وصلس لذا ؟؟؟؟؟ .................................................. .............. ما به احد غيره .... البرج ... الصديع ... المنحل ... قليل الأدب .... عيب اللي أنتي قاعدة تقولينه هذا رجلس ... احشميه ... مثل ما هو يعملس بما يرضي الله أنتي بعد عامليه بالمثل لا تخلينه أحسن منس في شيء يا فهده .... صدق هو اصغر منس .... بس هو رجلس ... يعني حتى بينس وبين نفسس احترمه وناديه باحترام .... شوفي لا تزيدين وتعدين في ألحكي ... ما به رجال يستأهل الاحترام .... كلهم نفس الشيء ..... لا فيه .... وهو واحد منهم .... اللــــــــــــــــــــــــــــه .... وكيف عرفتي انه منهم ؟؟؟ اكبر دليل البارح .... البارح وبعد ألحكي الجارح اللي قلته له ما هان عليه يشوفني طايحه في الأرض ... واحد غيره كان خلاني أنا وال*** واحد ... ولا افتكر فيني .. وقال هذي حوبتي ..... كم مره أقول لس الرجال يخطط لشيء في رأسه بس أنتي بقرة بقرون ..... لو هو صدق يخطط لشيء كان استغل فرصة تعبي البارح واخذ كل اللي يبيه ...ألا بالعكس كان حنون معي ... أنا أول مره حد يعاملني بذا الطرقة .....صبر .. صبر .. قبل لا تقولين لي قصة حياتس المملة ... أنتي وش ادراس انه ما اخذ اللي يبيه ؟؟؟؟؟؟؟ لا عاد عند هنا ووقفي .... أنا إلى ذا الحين ما استخبلت وضيعت الحاسيه .... لا تحمقين علي أنا .... لمس ولا ما لمس ؟؟؟؟ شالس ولا ما شالس ؟؟؟؟ احضنس وأنتي نايمة ولا ما احضنس ؟؟؟؟ يمكن اللي كان في باله البارح هذا بس ..... صديه حتى في ذا الأشياء وشوفي كيف بينقلب لوحش كاسر وبتظهر الحقيقة .... اللي أنتي مصره ما تشوفينها ..... ما به رجال في الدنيا تهمه مشاعر أمرته أو أي مره في الدنيا ........فهده حست أنها مع ذا الأفكار ما هب واصله لبر .... عشان كذا قررت أنها تأخذ لها دش سريع يمكن تصحصح بعده ..... أدخلت للحمام .... أول ما وقفت قدام الحنفية أفتحت ثمها وهي تشوف منظرة الحمام وتقرا اللي مكتوب عليها بقلم المحدد حقها المحطوط على الحنفية .........


((
ضي عيني
يا ضي عيني أنت
زدني هوى لا هنت
وزدني وله لا هنت
عاشق ولو قلبك صخر و أهواك
ومحتاج مع عمري عمر و أنساك
))
























فهده اطلعت من الحمام بحيرة وخوف اكبر من اللي أدخلت بهم .... وقفت قدام المنظرة حقت التواليت وهي تشوف نفسها ....ألمحت الورد ..... مدت يدها تحسس على أوراق الورد .... ليه تسوي كذا ؟؟؟؟ ليـــــــه ؟؟؟ حرام عليك ... حرام تعذبني وتقلب حياتي فوق تحت عشان شيء ممكن تلقاه عند ألف وحده غيري ...ألف وحده تتمنى أنها تكون أمرتك صدق ..... لفت فهده مفزوعة على رنت جوالها ..... سيد حياتي يتصل بك .... فهده حست أنها ما تقدر توقف أقعدت على الكرسي عشان تقدر تتحاكا وهي تضغط على الزر وقالت : الو .....................
ناصر قال بصوت هادي بس حزين : صبحس بالخير .....
فهده قالت بنبرة ما هي ببعيدة من نبرته : هلا صباحك بالنور ....................
ناصر : كيف حالس ذا الحين ؟؟؟؟ اربس أشوى ؟؟؟ تريقتي ولا ما أكلتي عيشه ؟؟؟؟؟
فهده ابتسمت غصب وهي تسمعه وقالت : الحمد لله أنا بخير ولا فيني ألا العافية و عفاري ما قصرت ريقتني بالغصب ......
ناصر قال بشك : متأكدة .... ما أنتي بمستوجعها من شيء .... أذا مستوجعه بوديس المستشفى ....
فهده أقطعته وهي تقول : والله ما فيني شيء .... تطمن ..... ولا يحتاج انك توديني المستشفى .....بس تعال أنت فطرت ولا طلعت بلا فطور مثل أمس .؟؟؟؟؟؟؟؟؟
ناصر قال وهو يحاول انه يبتسم : والله وش اقولس ؟؟؟؟ أنا رجال يتيم ... يعني ما عندي أم تلحقني بالفطور .... وإمرتي إلى ذا الحين ما أعرفت فيني رجل لها .... بس الحمد لله مشيتها حليب كرك .. فهده اللي حز في خاطرها ألحكي اللي قاله ردت عليه وقالت : زين تعال تريق ذا الحين ........
ناصر قال بسرعة يقطعها : لا وين أجي ذا الحين .... أنا في نص الدوحة ..... فهده ..........
فهده ردت عليه بسرعة : لبيــــــــــــــــــــه .......
ناصر ابتسم من قلب ذا المرة وقال بصوت مرهق وهو يتنهد : لبيتي في منى ..... فهده ادعي لي أن الله يوفقني واحل ذا المشكلة اليوم ..................
فهده اللي عورها قلبها عليه من طريقة حكيه قالت : الله يوفقك ويسر لك كل صعب يا الله ... وتقدر تحلها وتحل كل ما صعب عليك بجاه الحبيب المصطفى قول آمين .... ناصر رد عليها : آميـــــــــــــــــــــــــــــــــــــــــــــــ ــــــــــــن ....... يا بعد أمي وأبوي أنتي على ذا الدعوة ...... فهده قالت بحرج بعد ما أسمعت حكيه : أن شاء الله .. الله يستجيبها ... لا تقول كله من فهده هي اللي أنحستني .....قطعها ناصر وهو يقول بسرعة : يشهد على ربي من فوق سبع سموات أني من شفتس وأنا شايف الخير كله .... فهده أنا وصلت وبنزل ذا الحين تأمريني شيء ؟؟؟؟؟؟؟؟؟؟؟؟؟
فهده قالت بسرعة عشان تسكر : سلامة راسك .... الله يحفظك .... مع السلامة .... بعد ذا المكالمة قدرت تتوضح قدامها بعض الأمور .... منها أنها لازم تهتم فيه وتراعيه مثل ما ترعي أي زوجه زوجها وخصوصا انه يتيم ولا عنده احد يهتم فيه يعني حاله حال ذا الأيتام اللي في البيت ..... والشيء الثاني أنها ما تأخذ كل ألحكي اللي يقوله لها على محمل الجد .... عشان ما تتعب من كثر التفكير ..... ما فيها شيء أذا مشت له بعض الأشياء والحركات طول ما هو ما يتعدى حدوده فيها ..... بالعكس المفروض تحاول أنها تستمتع بكل لحظه من ذي اللحظات .... لأنها عمرها ما راح تتكرر عليها من رجل تحبه ويحبها صدق ....




























فهده بعد ما خلصت مهام عملها اليومي ..وتطمنت على محمد انه فطر قبل لا يروح النادي .. أرجعت تقعد في الصالة اللي تحت وهي تشوف عفراء ومها يعجنون عجينه في المطبخ الداخلي ..... كانت سعيدة بعد ما قررت أنها تستمتع بحياتها مثل أي عروس .... أخذت الجوال ودقت على جوال جمله .... كانت مشتاقة لها .....

فهده : السلام عليكم .............
جملة : الله حيها العروس ......................
فهده : الله يحيس ويبقيس ... كيف حالس يا القاطعة لا تدقين ولا تسالين ؟؟؟؟؟؟؟؟؟؟؟
جملة : يا أختي ليه يوم أدق عليس مضيعه أهلي .... مره ما طاف على عرسها أربعة أيام وش حاجتي أدقدق عليها .......
فهده اللي كانت تسمع صوت موضي جنب جملة تقول : انشديها أخبار العرس معها ؟؟؟؟؟ ردت وقالت : جملة وش جاب ذا المصيبة عندس ؟؟؟؟؟؟؟؟
جملة : الله يسلمس أذا المصيبة جايبتها لكم ... رجلها مناوب يومين الله يعنكم عليها ... شافتني بطلع قالت لي أجيبها لكم ....وحنا ذا الحين بندخل بيتكم ...
فهده قالت وهي تضحك : ما نيبها رديها دامكم ما بعد نزلتوا من السيارة .....وقامت عشان تفتح لهم باب الصالة وهي تقول لجملة : جمول ليه ما نزلتي ؟؟؟؟؟؟؟؟؟
جمله : ما عليه فديتس بس والله عجله بروح أشوف لعيالي لوازم العيد ..... أقطعتها فهده وهي تقول : جمول جعلني قبلس والله أني مشتاقة لس انزلي شوي ... بس على الأقل تقهوي وبعدين روحي ......
فهده قالت لموضي اللي دخلت وهي شاله بنتها وخدامتها ورآها بالشنطة : موضي شكلس كذا كنس اللي راجعين بيت أهلهم وهن مطلقات ....موضي ردت وهي تدف كتف فهده بعد ما كانت تسلم عليها : بسم الله على حبيبي .... فالس ما قبلناه .... هذا آخر المعروف فيس يا فهيده عقب ما راكضت لس في عرسس تفاولين على بالطلاق من سعود حبيبي ؟؟؟؟؟؟؟؟؟؟؟؟؟؟؟؟؟؟؟؟؟؟
فهده قالت بسرعة تراضي موضي لأنها تعرف أن نقطة ضعفها الحقيقة هي رجلها اللي تحبه صدق : لا أن شاء الله جعلكم ما أتبدلون في بعض ... أنا بس اضحك على شكل الشنطة اللي ورأس .... جملة اللي واقفة عند وجه الباب قالت : خلو التشره بعدين ودخلوني .... الجو بارد .....






















البنات اقعدوا يسولفون ويتقهون إلى أن جات سالفة التجهيز للعيد ... واغلطت فهده غلطت حيتها وقالت أنا ابغي اشتري لبس للعيد قدام موضي اللي ردت عليها : اتقي الله ... تبين لبس للعيد وأنتي عندس جهاز ما بعد طاف عليه أربعة أيام .... حرام عليس ... اجل أنا وش أقول اللي صار لي سنتين معرسة؟؟؟؟؟ فهده ردت عليها تحاول تفهمها : أنا ما قلت أن ما عندي ثياب ... بس كل اللي عندي ما يصلح للعيد ... كله عاري ومكشوف ... وقصير .... وأنا ما اقدر البس كذا قدام الكل ....جملة حبة تشارك برأيها وقالت : فهود حلاته كل اللي قلتيه أنتي عروس ولازم تلبسين خاصة انس ما عندس احد في البيت غريب ......... فهده قالت : الصراحة ما اقدر محمد الله يحفظه رجال ولا اقدر البس كذا قدامه ... ولا ابغي أحرج الصبي معي وهو يأكل ويقعد هنا .... وبعدين ناصر منبه علينا كلنا ما فينا وحده تطلع غير وهي متسترة ....موضي لفت على عفراء اللي قاعدة تتفرج عليهم في صمت وقالت : وأنا أقول وش عند عفاري وريموه أربع وعشرين ساعة بالجلال والنقاب ؟؟؟؟؟ اثاريه عمي الحمش ؟؟؟ بس والله ما اخبره حمش ... اخبره سهلات .... عفراء قالت لموضي : هذاك أول... ذا الحين حمش ونص ... ويغار على محارمه ولا يبي حد يشوفهم .... موضي لفت على فهده بسرعة وقالت : كله منس خربتي عمي علينا من اخذس وهو حاشرنا ... كن ما به حد أعرس غير هو ؟؟؟؟؟؟ والله ما دري عاد وش عليه حاشرنا ؟؟؟؟؟ على الخفسة ..... فهده ردت عليها : الخفسة والله أنتي ... وبعدين رجلي وهو حر يسوي اللي يبي فيكم .... ما هب هو ولي أمركم ؟؟؟؟؟ موضي اللي تدري أن فهده ما تحب حد يحكمها قالت : لا تنسين وامرس معنا .... فهده قالت بدلع تغايض موضي : أمري وعمري وحياتي ... وخبطي راسس في الطوفة ..... جملة قالت وهي تبتسم لفهده وتغمز لها : والله تطورات ... الله يرحم اللي مضا ..... موضي قالت وهي توقف: جمله قومي خلنا نشوف للعروس شيء تلبسه للعيد قبل لا تروحين .... قاموا كلهم بس عفراء ما أدخلت معهم لأنها تعرف موضي وسوالفها اللي عشانها بتطردها من الغرفة بأي حجه ... فقررت أنها تروح تشوف الفطاير اللي سوتها هي ومها أذا أخلصت ولا ما بعد ....خاصة أن مها راحت تلعب عند بنت موضي فوق ...................................























فهده اللي قاعدة على الكرسي في غرفة النوم وجملة جنبها قالت وهي تشوف موضي تفتح الباب حق الكبت : كبت رجلي ما لس فيه حاجة سكريه ..... سكرته موضي وهي تشوف فهده بنظرة استنكار وراحت لباب الكبت الأخير وافتحته قبل حتى لا تعترض فهده ووقفت قدامه تتأمله ....ولفت على فهده وقالت : فهيده قولي الصدق وعليس آمان الله ...... أنتي ما تلبسين ثياب نوم ؟؟؟؟؟؟؟؟؟؟؟؟؟؟؟؟؟؟؟؟؟
فهده صار وجها احمر من الخوف والإحراج في نفس الوقت وقالت وهي تبلع ريقها : ألا ... ليه تسالين ؟؟؟؟؟؟؟ موضي ردت وهي توجه نظرة لجملة عشان تنتبه : فهيده الثياب على حطت يدي وترتيبي ولا فيهم شيء يبان عليه انه ملبوس ؟؟؟؟؟؟؟؟؟؟؟؟ وبعدين هم نفس العدد ما تغير منهم شيء ؟؟؟ يعني اللي تلبسينه ما ينغسل ما ينكوي ؟؟؟؟؟ فهده ردت بتسرع وقالت : ألا ... مغسلين ومكوين ....
موضي أرجعت توقف قدام الكبت وقالت : أشوف وين المغسلين والمكوين كلهم أجداد ونفس الشيء ؟؟؟؟؟؟ فهده عشان تنقذ نفسها قالت : كلهم ... وكملت حكيها بعد ما شافت نظرت موضي اللي تكذبها فيها : كلهم صدقين مغسولين ومكوين عشان كذا تشوفينهم كلهم نفس الشيء..... موضي اللي كانت تشوف احمرار وجه فهده لفت على جملة وقالت وهي تغمز لها وتضحك : يا حليله عمي .... صدق معرس .... عشرين ثوب في ثلاث أيام ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ فهده حست أنها ذابت على الكرسي من الإحراج بعد ما أفهمت حكي موضي ...وتمنت الأرض تنشق وتبلعها وهي تسمع جملة تقول لموضي وهي تضحك : جعلس تجدرين ما لس حاجه في المرة .... بكيفها تلبس ما تلبس .... هي حرة ما أنتي برجلها .... موضي قالت : لا ما هب حرة .... اجل تكذب علي تقول لي أنها ألبستهم كلهم .... لا ومغسولين ومكوين ... وريحت العود اللي أنا مدخنتهم به فيهم إلى ذا الحين ...... وبعدين عمي يتيم و ما ورآها أم رجل تأخذ حق ولدها من فهيده اللي ما بعد ألبست له ثوب نوم ....... ولفت تشوف فهده وهي تقول : ولا شفتيه يا بعدهم طويل حبتين وقلتي ماله داعي ما هب شايف شيء ؟؟؟؟؟ فهده اللي احترت على حكي موضي ردت عليها بدون تفكير وهي ترفع رأسها وتشوفها : لا تحاتينه ما هب حارم عمره شوفت شيء .... موضي جات تخب وقعدت قدام فهده وهي تقول : صدق والله ؟؟؟؟ وش شاف ؟؟؟؟؟؟؟؟؟؟؟؟ خلت فهده تصرخ عليها وتقول : يااااااااااااااااااااااااااااااااااااااااااااااااا ااااااو .... جعلس الجدري إلي يقطع قلبس ... أنتي ما تستحين ... وبعدين أنتي وش لس وش يشوف ... بكيفه ... يشوف اللي يشوفه يا قليلة الأدب ...... أصلا أنا غلطانة اللي ادخل وحده مثلس غرفتي وارويها أغراضي ...... أقطعتها موضي وقالت : ارجوس يا أم أغراض ... يا عنود الصيد كان ما دريتي أنا بعلمس اغراضس أنا اللي شاريتهم لس قطعه ... قطعه .. يعني اعترفي وقولي الصدق ذا الحين وش تلبسين من ثلاثة أيام يومس ما لبستي ولا واحده منهم ؟؟؟؟؟؟؟ فهده ما حبة أنها تكون في موقف ضعيف قدام موضي وجملة .... استجمعت كل شجاعتها وقالت بكل قوة : ما البس شيء ... عمس ما يبي البس ثياب نوم ارتحتي ؟؟؟؟؟؟؟؟؟؟؟؟؟؟؟؟؟؟؟؟ ولا اكتشفت فهده أنها زادت الطين بله ألا بعد ما أسمعت موضي تقول وهي تلف على جملة : آفاااااااااااااااااااااا .... طلع عمي شيبه .... والله حتى الشيبان ذا الأيام يبون ثياب نوم ..... كل ساعة أقعدها في ذا البيت أنصدم في عمي ... ولفت تشوف ثياب النوم اللي في الكبت وقالت : يا حسافة الفلوس اللي ندفعت فيهم .... ورجعت تشوف فهده وهي تقول : بس أنا ما هب مقتنعة بذا السالفة ... كيف يعني ما يبي ثياب نوم ؟؟؟؟ ما يصير كذا والله ما يصير ..............أقطعتها فهده اللي قربت دمعتها من حكي موضي وهي تقول : مويضي قسم بالله ببكي إذا ما سكتي ... أنتي ما تستحين ؟؟؟؟؟ موضي قالت بسرعة : يا أختي أنتي اللي تقولين حكي ما يدخل الرأس ... كيف يعني ما يبي ؟؟؟؟ ليه ما هب رجال مثل باقي الرجاجيل ؟؟؟ما يبي يشوف أمرته وهي ..........؟؟ جملة أقطعت موضي وقالت تسكتها بعد ما شافت دموع فهده قبل تغطي وجها بيدها : موضي خلاصنا .... هذا شيء ما ينتحاكا فيه .... ما به احد اسالس وش تلبسين لرجلس ؟؟عشان تسألينها ذا الأسئلة ؟؟ ولا في حد يرضا أنا ينقال له ذا ألحكي .... واللي قاعدة تتحاكين فيه هذا شيء اسمه أسرار الأزواج .... استحي على وجهس ولا عاد تفتحين ذا الطاري أخير لس .... حنا دخلنا عشان نشوف لها فستان ما هب نفتش عليها .... وكبت مالس فيه حاجة لا تفتحينه .....قالت جملة آخر جملة وهي تسكر باب كبت ثياب النوم ..... ورجعت تقعد جنب فهده وهي تجر يدها عن وجها وتأشر في نفس الوقت لموضي أنها تجي وتعذر لفهده وقالت : فهوده .... خلاص عاد أنتي تدرين بها قليلة أدب من زمان ... بس قلبها طيب ولا تقصد تضيق عليس ... ورفعت رأسها لموضي بنظرة عشان تدخل ..... موضي لمت على فهده وهي تقول : أنا صدق بموت من الفضول ... بس اوعدس أني ما عاد اسالس عن شيء .... أقطعتها فهده وهي تفك يد موضي عنها ... ولا تجبين طاري ذا السالفة لعمس .... موضي تنهدت وهي تقول : حرام عليس كنت بأخذ عليها دراهم وبعوض الألفين ... لكن يا الله عشان خاطرس .....ما هب جايبه له طاري ....... بس تعالي أنتي وش فيس ؟؟؟؟ ما كنس بعروس وش ذا البس ؟؟؟ وين المكياج ؟؟؟ وين الثياب ؟؟؟ حتى خاتم ما في يدس .... الله يلوع كبدس ما ينلام إلى أصبح وراح الشغل .... والله أنا عجزت معاس ...............................






















فهده وهي تحط سجادتها في الدرج بعد ما صلت الظهر لفت تشوف نفسها في منظرة الكبت .... موضي صادقه شكلي ما هب شكل وحده عروس .... وما دام موضي لاحظت أكيد الكل ملاحظ .... فهده لازم تراعين ذا الموضوع ... بس أخاف أني أتعدل يظن أني أسوي كذا عشانه ؟؟؟؟؟؟ ولا يظن ولا شيء أصلا هو ما يعرف أذا كنتي تتعدلين كذا قبل العرس ولا لا ... وإذا حسيتي انه بيلمح لشيء قولي له أن أنتي دايم كذا في البيت .....زين وش البس ؟؟؟؟؟؟؟ هو صدق محمد ما هب جاي على الغدا بس ما يصير البس فستان الظهر ....آووه خليها العصر ذا الحين بروح انكب الغدا ......... بعد ما اطلعت في الصالة أقعدت مع موضي اللي تغدي بنتها ....لفت عليها موضي وقالت وهي تشوفها تبتسم : وش فيس ؟؟؟ فهده ردت عليها وهي تنزل تقعد معها على الأرض : ما فيني شيء .... بس أحب أشوف البزران .... موضي عطيني أوكلها.... من زمان ما مسكت بزران صغار .... موضي عطت فهده الملعقة وهي تشوفها كيف تمدها على بنتها بابتسامة وقالت : الله يرزقس درزن بزران قولي يالله .... فهده أرفعت رأسها لموضي وهي تقول باستنكار : درزن عاد ؟؟؟؟؟ ما كأنهم واجد ؟؟؟؟
موضي قالت : والله أنا بعد أقول واجد .... بس الشيبة اللي عندس يبي درزن .... من قبل الملكة وهو يقول انه يبيس تجبين لها درزن عشان يصير عنده عزوه .... ويصطفون في المجلس ستة على يمينه وستة على يساره ..... فهده بحلقت في موضي وهي تحاول تتخيل الموقف وضحكت بعد ما تخيلت ناصر قاعد في المجلس وعلى يمنه ويساره عيالها اللي كلهم أطوال وأعراض مثله وقالت وهي تدنق تأكل بنت موضي : على كذا كلهم عيال .... وأنا أحب البنات واجد ... وابـــــ........
أسكتت فهده وهي تشوف ناصر اللي فتح الباب يدخل ويقول : السلام عليكم .......
ردت عليه السلام هي وموضي اللي قامت تواجه عمها ... شكله تعبان وضايق .... باين عليه حتى من طرقة حكيه مع موضي وتحفيه لها ...... ناصر بعد ما سلمت عليه موضي راح سيده للغرفة حتى بدون ما يلف على فهده اللي كانت تتبعه بالنظر إلى باب الممر اللي دخله وسكره ورآه ...... وش جري عليه ؟؟؟؟؟ تعبان من الشغل ؟؟؟؟ الظاهر أن موضوعه ما انحل ؟؟؟؟؟ أكيد عشان كذا ضايق ..... انتبهت فهده على صوت موضي وهي تسألها باهتمام : وش فيه عمي ؟؟؟؟؟؟ ردت عليه فهده : والله ما ادري ؟؟؟؟؟؟ موضي قالت لها وهي تأشر على الباب : وش تنطرين الحقي رجلس ... شوفي وش فيه .. وش يبي ؟؟؟؟؟؟؟؟؟؟؟؟؟؟؟؟؟؟؟؟؟؟





























فهده أول ما أفتحت الباب حق غرفة النوم لقت الليت مطفي وناصر نايم على السرير وهو مغطي رأسه بالوسادة .... ما تدري ليه بس حست قلبها طاح في ارجيلها من ذا المنظر وتخيلت أن كل المصايب اللي في الدنيا صايره ... وان السالفة ما هي بسالفة شغل ..... خلت الباب مفتوح وراحت له سيده .... قربت منه وقعدت على طرف السرير وهي تناديه بصوت يرتجف : ناصر .... ولما ما رد عليها أرجعت تناديه مره ثانية بصوت أعلى : ناصر ؟؟؟؟؟؟ كانت بتناديه للمرة الثالثة لو ما حست بأصابعه تضغط على يدها وهو يرفع طرف الوسادة ويقول بهمس : قصري الصوت راسي بينفجر علي وجيبي لي حبوب أدول بسرعة ما اقدر أقوم أجيب ..... فهده كانت تسمعه وهي منصدمة ناصر مريض ... ناصر يمرض .... أول مره في حياتها تشوفه يشتكي من شيء أو يقول تعبان ولا يقدر يقوم ...........




ايه نسيت .... الله يخليك لا تنسون الردود السريعة اختكم تحفة فنية ..........................[/align]

واااو وااااااو يسلمووووو جود عرب على التكملة

وربي دوبي ادخل المنتدى مرررة متشوقة ابي التتمة والحمدالله انك نزلتيهاااا

مشكووورة حبيبتي على مجهودك

والف شكر للــمــــبــدعــــــــــــــــــــــــــة تحفة فنية


تحياااتي

الف شكرررررر جود عرب وتحفه فنيه عالقصه

واااو الجزء هذاا راااااائع


مشكورين مررره ثانيه اتحفتونا بقصتكم وفي انتظار المزيد

ومرررحبا بالغاليه رموووووشه

الف الف شكر على البارت الجديد

بصراحه لسه ما قريته

لكن متأكده انه راح يكون روعه

مشكورة اختي جود وفي انتظار الجزء اللي بعده


بس ما تطولين علينا

البارت رهييييييييييييييييييب وانشالله ماتاخرين علينا بس قصير
هلمرة بعذرج
وشكرخاص ل<<جود عرب و تحفة فنية>>

يعطيكم الف الف عااافيه اختي جود واختي تحفه على البااارت الرااائع

وانتظر البقيه

لا تطولين علينااااا بلييييييييييييييييييييز

ارق تحيه

آفــــاااا جوووووود عرب

متوقعه ادخل القى البارررت الجديد
’’

زعلتوني ليش تاخرتوا,,

بلييييييييييييز لاتتاخرون

بلييييييييييييييييييييييييييييييييز بسرعه لا تتأخرين

ترانا زعلنا عليكم ليش ما نزلتوا باقي القصة
بلييييييييييييييييييز أسرعوا

وييييييييييييينك يا جود عررررب

ننتظر البقية بفاارغ الصبر

بلييييييييييز ما تتأخري علينااااااااا


تحياااتي لك

[align=center]مرحبا يا كل المتابعين للقصة .....


ادري تاخرت عليكم بس ما خلص الجزء الا من خمس دقايق ... عشان كذا لا تحرموني من ردودكم السريعة على الجزء





الجزء السابــــــــــع عشــــــــــــــر :









فهده بعد ما استوعبت أن ناصر تعبان .... شبه طارت للباب .... لقتها موضي أول ما اطلعت من باب الممر تنطرها في الصالة ... وقالت : ها وش فيه ؟؟؟؟؟؟؟؟؟؟؟؟؟
فهده قالت وهي تروح للمطبخ الداخلي : رأسه يعوره ... بروح أجيب له حبوب .....موضي الله يخليس لا تخلين حد يدخل عليه ما يبي صوت ..... موضي قالت لفهده وهي تشوفها بنظرات كلها خوف : أن شاء الله ............أرجعت فهده لناصر بسرعة وهي جايبة في يدها كوب حليب مراعي بارد مع الحبوب ..... حطت الكوب على الطاولة جنب ناصر و قعدت جنبه على السرير ... دنقت تطل عليه من تحت الوسادة وهي تناديه بهمس : ناصر .... قوم اخذ الحبوب ....ناصر رفع رأسه بصعوبة وهو يكرمش بوجهه .... اخذ الحبوب من فهده ويوم عطته كوب الحليب عشان يشربه على الحبوب ... رفع ناصر لها عينه بصعوبة بنظرة سؤال .... ردت عليه فهده بهمس : حليب بارد عشان معدتك ما توجعك إلى أخذت الحبوب على الخلاه ......شرب ناصر الحليب على الحبوب وهو يسمع فهده تسأله : أجيب لك غدا ؟؟؟؟؟ ناصر اشر بيده لها أشارة لا ورجع يشر على الليت عشان تطفيه مره ثانية ..... فهده بعد ما طفت الليت راحت تقعد في مكانها على السرير عشان تقابل ناصر اللي لف على ذا الطرف قبل لا تقوم وتسكر الليت ..... المكان كان مظلم ولا تقدر تشوفها عدل .... يمكن عشان عيني ما أخذت على الظلام .... لفت تشوف النور اللي يدخل من تحت الباب ورجعت تشوف ناصر اللي مغطي وجهه بالوسادة ..... تعبان ومستوجع ... أول مره أشوفه مستوجع كذا .... ليه ما هب بشر ؟؟؟ لازم يمرض من وقت إلى وقت مثل باقي البشر .... بس حرام واجد شكله متألم .... وأنتي وش كاسر خاطرس عليه لذا الدرجة ؟؟؟؟ أنا أصلا ما أحب أشوف احد مستوجع ولا أساعده ... كيف واحد هو في ذمتي حاله حال كل اللي في البيت .... واحد ما به له حد غيري ؟؟؟؟ عنده بنات أخوه اللي تارسين البيت ..... أنا اقرب له من بنات أخوها .... وبعدين كيف تقولين كذا وهو ما طاف على اللي سواه لس الفجر حتى يوم .... ادري وش بتقولين ... ما سواه لله .... بس أنا اللي بسوية .. بسوية لله .... ما فيها شيء إذا اعتبرته مثل حمد واهتميت فيه ........ وفي الأخير أنا مسئولة عنه قدام رب العالمين ..... فهده انتبهت من أفكارها على يد ناصر اللي أمسكت يدها .... جر يدها عشان يحطها على رأسه تحت الوسادة وضغط بيدها على رأسه .... فهده أفهمت انه يبيها تغط له رأسه .... قربت منه أكثر وارفعت الوسادة بهدوء ومدت يدها الثانية وبدت تغط له رأسه ..... بدت عينها تتعود على الظلام وقدرت تشوف وجهه بوضوح أكثر كانت تشوف كيف مغمض عينه بقوة وهي تضغط على رأسه .... وكيف بدت ملامح وجهه ترتاح مع تدليكها لرأسه .... فهده كانت قريبه واجد من رأس ناصر لدرجة أنها ما انتبهت لحركة ناصر السريعة اللي سواها ألا بعد ما حط رأسه في حظنها وجر الملحف على وجهه ..... بس فهده اللي ما استغربت ذا الحركة المتعودتها من حمد ولد أختها إذا كان مريض فسرتها لنفسها أن ناصر يبي يكون قريب منها عشان تقدر تغط رأسه بصورة أحسن ....مسكين صدق مستوجع .... يضرب برأسه في كل مكان كأنه بزر ....بس ليه يحطه على رجلس ؟؟؟ يمكن يحسني مثل أمه .... بس ما أنتي بأمة ؟؟؟ يمكن وصله ذا الشعور من طريقة معاملتس له ... صح أنا سويت له نفس اللي أسويه لحمد لعاده مريض يعني ذا الحين هو فهم انه هو وحمد نفس الشيء ... عشان كذا حط رأسه في حضني عشان أدلك له أحسن نفس حمد ..............................................




















انتشار خبر تعب ناصر بين البنات بعد ما انزلوا للغدا ولا لقوا فهده اللي من يوم ما أدخلت عند ناصر ما عاد طلعت .... ريم قالت وهي رايحه لباب الممر : أنا بروح أشوفه ... مريوم ما تبين تجين ؟؟؟ ردت عليها موضي توقفها بسرعة : ريموه عمي تعبان ولا يبي حد يزعجه اقعدي معنا وانطري خالتس إلى اطلعت بتطمنا كلنا عليه ..... تبون غدا روحوا تغدوا ما تبون انطروا معي هذا ني انطر قبلكم ............... ريم قالت : بس عمي يقول لي انه إذا شافني وهو تعبان يغدي بخير .... موضي اللي ما عجبها حكي ريم قالت وهي تقرص عينها فيها : ريموه عن الحركات ما عادس ببزر ... رجال وأمرته ومسكرين الباب عليهم ....وش تبين تدخلين عليهم ؟؟؟؟ عيب ..................ريم بعد حكي موضي أرجعت وقعدت جنب عفراء اللي كانت على أعصابها وقالت : والله أن ذا الاثنين جايتهم عين الصبح خالتي تعبانه والظهر عمي يتعب .... الله يشافيه يا رب ... بس والله خاطري اتطمن عليه ... لكن كيف ؟؟؟؟؟؟؟؟؟؟؟؟؟؟ مريم اللي قاعدة جنب موضي قالت وهي تمد يدها لعفراء : هذا ما هب جوال خالتس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


























فهده اللي كانت تدلك رأس ناصر اللي على رجلها تحول تدليكها مع التفكير إلى لعب في شعره .... ما لفت نظرها ألا ضوء شاشة جوال ناصر اللي ولعت قبل لا يرن الجوال .... خافت فهده أن يزعجه الجوال اللي يرن وهو راقد .... حاولت ترفع نفسها بس بدون ما تحرك رأسه اللي على رجلها عشان تأخذ الجوال من فوق الطاولة وتسكره ..... بس بعد ما أخذت الجوال ما قدرت تمسك نفسها من أنها تشوف من المتصل قبل لا تسكر الرنة ..... كان من تلفون الصالة .... لفت فهده تدور جوالها في مكانه بس ما لقته .... وتذكرت أنها نسته في الصالة برى ..... أكتبت رسالة لموضي اللي أكيد تحاتي عمها و طرشتها على جوالها اللي في الصالة .....


(( هو ذا الحين راقد بس أن شاء الله
بعد الحبوب انه بخير .. أول ما
يقوم بخليه يكلمس .... موضي
ارفعي غدا لمحمد .....ولعمس ))




وكتبت رقم جوالها وعطته إرسال ووقفت تشوف تقرير الاستلام ..... فتحت عينها على الآخر وهي تقرا ( تم تسليم روح قلبي ) اختفى التقرير بالسرعة اللي طلع فيها بس بدون ما يأثر في فهده اللي تمت مبحلقة في الشاشة حتى بعد ما انطفت الإضاءة .... دنقت تشوف رأسه على رجلها .... مدت يدها لشعره تمسح عليه بأصابع مرتجفها وهي تقول بهمس : الله يسامحك على اللي تسويه فيني ......





























فهده بعد ما أسمعت أذن العصر كان ودها تقوم تصلي بس ما قدرت تحرك رأس ناصر من على رجلها .....انطرت حوالي نص ساعة بعد الأذن..... بعدها جرت الملحف عن وجه ناصر اللي ما تحرك من يوم ما حط رأسه على رجلها وهي تناديه بصوت واطي : ناصر .... ناصر ... ناصر قوم أذن العصر ما تبي تصلي ....... ناصر..... أعرفت انه توعى يوم حرك رأسه ... فتح عينه على خفيف وهو يشوف فهده .... رجع سكر عينه وفتحها بقوة وهو يرسم على شفايفة شبه ابتسامة وقال وهو يهمس : فهده ؟؟؟؟ لا أكيد أنا مت وفي الجنة .......... ردت عليه فهده وهي تحاول أنها ما تبتسم رد على ابتسامته وقالت : بسم الله عليك من الموت ... كيف حال راسك ذا الحين ؟؟؟؟ ناصر قال وهو يرفع رأسه عن رجل فهده ويحطه على الوسادة : الحمد لله أحسن بواجد ... أذن ؟؟؟؟ فهده ردت عليه : من نص ساعة ... ناصر كشر وقال : ليه مواعيتيني عشان الصلاة ؟؟؟؟ وكمل ناصر وهو يحط يده على ركبت فهده اللي جنب يده : يرضيس