نسايم حب ( قصة قطرية )

بذمتج انتي خليتي فيها ردود؟؟؟!!!!!!!!1 وش اقول وش امدح الله لايحرمنا من كتاباتج ومنج انشالله والله ماحد مانسني في فرنسا الا قصصج الي اطير العقل وانشالله ماطولين علينا ولج جزيل الشكر

يسلموووووووووووووووووووووووو

مشكووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو ووووووووووووووووووووووووورة

ألف شكر اختي تحفة على القصة الرائعة

وطبعا الشكر كمان لك اخت جود على النقل


وفي انتظار الجديد دائما

ألف شكر اختي تحفة على القصة الرائعة

وطبعا الشكر كمان لك اخت جود على النقل


وفي انتظار الجديد دائما

يسلموووووووووووو جود انتي ورقة خريف

رووووووووعه جناااااااااااااااااااااااان البارت

بس نبغى الجزء بسرعه

ويعطيك العافيه

يسلموووووووووووووووووووووووو

نبي التكملة بليز

وين التكملة لاطولين علينا بليز

لا لا لا ما ني مستحمله بليييييييييييييييييييز الباقي ياعسل

وربي مرررررة متحمسة ابي التتمة


بلييييييز عجلي علينااااااااااا

مو قادرة انتظر زياااادة

ننتظر التكملة .. بفارغ الصبر .. و مشكورة على مجهودك الرائع يلا لاتاخرين وي ار ستل ويتنغ فور ذا نيو بارت

خو خش خو خش خو خش خوووووووووووو خشششششششششششششششششش خوووووو خشئشششششش

[align=center]مرحبا يا كل المتابعين للقصة القدامى والجدد ......



احب اقول لكم الله يسلم قلوبكم من الشر يا ربي وارجوكم سامحوني على القصور بس والله هذا اللي قدرت عليه .... اختي بحر الندى تروحين وترجعين بالسلامة ... وبالنسبة لتشريح اعتقد ان ادارة المستشفى في القصة ترحب بأي دكتور او دكتورة يحبون يدخلون غرفة التشريح ........... اختكم تحفة فنية



الجزء الثامــــــــــــــــن عشـــــــــــــر :












ناصر بعد ما اخذ موجز الأنباء من موضي طلع بسرعة عشان الصلاة بعد ما اتفقوا انه بيكلمها بعد ما يطلع من الصلاة عشان يسمع التفاصيل ...... أما فهده فكانت في عالم ثاني ... عالم تحاول أنها ما تقتحمه بكل ثقة عشان ما تكون صدمتها موثقة ..... كانت تشوف نفسها في المنظرة حقت الكبت وهي قاعدة على السرير بعد ما طلع ناصر .... لأول مره تحس أنها ........... انس ويش يا فهده ؟؟؟؟؟؟؟؟ ما ادري أحساس جديد ما اعرف وش يسمونه ؟؟؟؟؟؟؟ وابتسمت لنفسها في المنظرة .... بس أحساس حلو .... ذكرني بإحساسي ليلة العيد يوم كنت بزر ... خالتي ؟؟؟؟؟؟؟؟ فهده انتبهت على صوت عفراء اللي واقفة جنبها وهي تبتسم وقالت : جعلها دوم ذا الابتسامة أن شاء الله .....وقعدت جنب خالتها على السرير وهي تقول : كيف حالس ذا الحين ؟؟؟؟؟؟؟ فهده اللي أنحرجت أن عفراء صادتها بالجرم المشهود وقالت بخجل : الحمد لله بخير .... عفاري اختس إلى ذا الحين زعلانه ؟؟؟؟؟؟؟؟؟؟؟؟؟ عفراء اختفت ابتسامتها وقالت : تسوي نفسها أنها ما هب هامها بس هي بتموت من الغيض أنا اعرف ريموه عدل ...... فهده أقطعتها وقالت وهي تقوم : عفاري تعالي خلينا نروح لها فوق نشوفها ..... عفراء اللي قامت مع خالتها قالت : ما له حاجة هي بتنزل ذا الحين ... طابعة لس الأجزاء اللي ما قرتيها من القصة وبتجيبها لس بس تنزل آخر جزء ... تعالي خالتي تقهوي في الصالة ..... مسويه فطاير من صبح ولا حد أكل منها .................................................. ...........































فهده وعفراء أول ما اطلعوا الصالة شافوا موضي اللي كانت تتحاكا في التلفون مع عمها ومن شافتهم تروعت ... أخذت التلفون وراحت المجلس الداخلي وسكرت على نفسها ..... فهده وعفراء على طول افهموا من حركة موضي أن اللي على الخط هو سعود....... اقعدوا يتقهون .... شوي وطلعت لهم موضي من المجلس ..... قالت لها فهده : أخباره حبيب القلب ؟؟؟؟؟؟؟؟؟؟؟؟؟؟ موضي ردت بخوف : من ؟؟؟؟؟؟؟؟؟؟؟؟؟؟؟؟؟؟ فهده قالت وهي تمقت على موضي : آفاااااااااااا يا موضي طلع عندس أكثر من واحد ؟؟؟ اصبري أن ما طرشت مسج لسعود اعلمه عليس ... أقطعتها موضي وهي تقول بملل : هذا والله الحالة ..... انتووا وش فيكم على رجلي فكوه برقبته ......من زين حلاي رجلس ما كلتنا عليه ...السلام عليكم ..... كان هذا صوت ناصر اللي توه داخل من برى ..... راح سيده ودنق على رأس فهده وهو يشوف يدها اللي كان فيها حب الهيل الثاني اللي ما افصخه وقال : مسس بالخير يا روح قلبي .... وقعد جنبها على الكنبة وهو يأخذ يدها اللي فيها الحب الهيل ويثبتها على رجله و يلعب به عشان يفكه وهو يقرص عينه في موضي ويقول : أنتي ذا الحين ما أكلتي قلوبنا على ذا الرجل .؟؟؟؟ كن ما به حد أعرس غيرس ؟؟؟؟؟؟ شوفي حبيبتي فهوده كيف هاديه ولا تتحاكا مثلس ..... موضي قالت تغايض عمها وهي تشوف الحركة اللي يسويها في يد فهده وهي مندقه من الإحراج : والله أنا اتحاكا في رجلي عشان أنا أشوفه شيخ الرجاجيل والشباب بس غيري يشوفون رجاجيلهم شيبان ...... فهده أرفعت رأسها اللي كانت مدنقته بسرعة لموضي وهي تحاول تجر يدها من بين يد ناصر بس هو ثبتها أكثر وهو يشوف رد فعلها على حكي موضي ..... وقال بعياره وهو يلصق جنبها : فهده صدق اللي تقوله موضي ؟؟؟؟؟؟؟ أن عندس شيبه ولا استأهل تتحاكين فيني ؟؟؟؟؟؟؟؟؟ فهده اللي كانت تقرص عينها في موضي وهي تسمع ناصر لاإراديا لفت بسرعة عشان ترد عليه وتقول له أنها كذبة .... انصدمت كان وجه ناصر لصق في وجها وهو يشوفها بعياره .... أحرجها الموقف رجعت رأسها على ورا بسرعة عشان تبعد عن وجهه وهي تشوفه بخوف ولفت تشوف عفراء اللي كان ودها تروح وتنخش ورآها من الإحراج اللي هي فيه يوم قالت : عمي ما عليك من موضي تبي تحط بينكم .... عشان تهدون .... ناصر ابتسم لعفراء وهو يقرب وجهه من فهده وقال : روح قلبي ردي عليها ولف يشوف موضي وهو يسند رأسه على كتف فهده وقال : راويها أني عندس غالي ....... فهده اللي كانت ترجف وهي تحس بناصر كيف كان لاصق فيها ..... أول ما أسمعت حكيه وشافته كيف حاط رأسه على كتفها حست بأطرافها ترتعش .... ولا هي بقادرة تسيطر عليهم .... لا بالها قربه منها بذا الطريقة .... ولا بالها الطلب اللي اطلبه .... وش أقول لموضي ؟؟؟ كيف أبين لها انه غالي ؟؟؟؟ ما اعرف وش أقول ؟؟؟؟ وارفعت عينها لموضي اللي كانت تقول وهي تبتسم : شفت ؟؟؟؟ ما قالت شيء .... عشان تعرف أنها ما تحبك مثل ما أحب رجلي ؟؟؟؟؟؟؟؟ ناصر اللي كان يحس برعشة يد فهده بين أيديه قرر يستغل الفرصة في إحراجها .... رفع رأسه عن كتفها وهو يسوي نفسه زعلان وقال وهو يشوفها : صدق فهده أنتي ما تحبيني ؟؟؟؟؟؟ فهده أفتحت عينها على الآخر من صدمتها بالسؤال اللي ما توقعته من ناصر كيف يسألني ذا السؤال ؟؟؟ كيف ؟؟؟ .... كل اللي أقدرت أنها تسويه وهي تشوف نظرة ناصر المصرة على الرد أنها أبلعت ريقها وقالت بصوت يرتعش وهو يهمس لناصر اللي كان من قربه تحس بأنفاسه على وجها : عفاري قاعدة عيب اللي انتووا تسونه ....... ناصر مات من الضحك على شكل فهده اللي ما عاد تبين ملامحها من كثر ما وجها محمر وقال وهو يحاول يسكت من الضحك بس بصوت عالي يسمع موضي وعفراء : جعلني قبل اللي يستحون ...... خلاص يا روح قلبي ... ما أبيس تقولين لموضي شيء ما يهمني تعرف وتسمع شيء ... المهم أنا ..... وسكت وهو يسمع جواله يرن .... لف يشوف المتصل ... شل الجوال ووقف عشان يطلع يكلم برى .... بس قبل لا يطلع دنق على فهده وحط في يدها حب الهيل اللي افصخه وهو يقول بصوت واطي بعد ما قرب أكثر منها : ما قلت لس أغار منه ..... وبقول لس سر خطير .... ترى ذا الحين صرت أغار من القلابية ..... وانفجر من الضحك مره ثانية بعد ما شاف فهده كيف أرفعت يدها بسرعة تحطها على صدر قلابيتها بحركة دفاعية ..... أول ما طلع ناصر من الصالة صارت الهده بين موضي وفهده اللي قالت لموضي : قسم بالله لو أني فيني حيل أني أقوم ادبغس يا قليلة الأدب .... لكن ما عليه ملحوقه ادواس عندي بعدين .... قطعتها موضي وهي تقول بثقة لأنها تدري أن فهده ما تقدر تقوم لها : أقول اللي ما توصلينه بيدس وصليه برجلس ...... واللي خلى فهده تسكت هو أن البنات انزلوا من فوق .... ما حبة تبين لهم اللي صار وكتفت بعفراء اللي ما عد تقدر تحط عينها في عينها بعد اللي صار قدامها من شوي ..... ريم قربت من خالتها وهي تعطيها أوراق القصة اللي أطبعتها لها وهي تقول : شوفي هذي الأربع فصول اللي ما قريتيها .... فهده حطت الأوراق جنبها وجرت يد ريم عشان تقعد جنبها مكان ناصر وقالت : ريموه وش فيس ؟؟؟؟؟؟؟؟ ريم قالت وهي تقعد جنب خالتها و تحضنها : ما فيني شيء .... بس متملله شوي ........


























ناصر رجع للصالة بوجه غير اللي طلع به رغم انه حاول يخفي ذا الشيء بس فهده شافت ذا الشيء بكل وضوح في عينه خاصة بعد ما جاء يوقف قدام ريم اللي حاضنه فهده وهو يقول لها : انتووا وبعدين معكم ؟؟؟؟؟؟؟ أطلاقها يعني عشان ترتحون ؟؟؟؟؟؟ ما أروح وارجع اللي القي وحده فيكم ما خذه مكاني ..... ريم ابتسمت غصب عليها وهي تقوم وتروح تقعد جنب مريم .....ناصر فصخ غترته وعقاله ورماهم على أوراق القصة بدون ما ينتبه لها واخذ وساده صغيرة وحطها على رجل فهده ونام عليها بعد ما اخذ حب الهيل اللي كانت ماسكته في يدها عشان يلعب به وهو يشر لها على رأسه عشان تغطه ..... فهده ما همها أي احد من اللي قاعدين ذا المرة على طول بدت تغط رأسه وهي مدنقه تشوفه وأفكارها تأخذها وتجيبها .... هو وش اللي فيه ليه رجع قالب كذا ..الاتصال اللي جاه ؟؟؟؟؟... فيه شيء ما هب خالي ... بس وش اللي فيه ؟؟؟؟؟؟؟؟؟؟؟؟؟؟؟؟؟























ناصر بعد ما حط رأسه على رجل فهده عشان تغط رأسه قال لموضي اللي قاعدة قدامه : موضي اخوس وش فيه ؟؟؟؟؟؟؟؟؟؟؟؟ موضي اللي كانت منحرجه من اللي سواه أخوها أرفعت عينها بسرعة لفهده تطلب منها أنها تتدخل وهي تقول : وش فيه ؟؟؟؟؟؟؟؟ هو قال لك فيه شيء ؟؟؟؟؟؟؟؟؟؟؟
ناصر قال : لا ما قال بس أشوفه ضايق يوم رحنا المسجد ولا يتحاكا ... أنا قلت أكيد فيه شيء ....
فهده اللي أفهمت نظرة موضي حاولت تدخل وقالت : يمكنه تعبان من التدريب ..... ناصر اللي كان توه بيلف رأسه عشان يشوف فهده وقف بعد ما سمع ريم تقول : ما هب من التدريب غير من سواد وجهه ..... عم سكون رهيب بعد اللي قالته ريم في الصالة .... فهده أبلعت ريقها وهي تشوف كيف ناصر دف يدها عن رأسه عشان يقعد على حيله وهو يقرص عينه في ريم وقال بكل هدوء وحزم : وش سواد الوجه اللي سواه ؟؟؟؟؟؟؟؟؟؟؟؟؟؟؟؟؟؟؟؟؟ ريم اللي كانت محتره إلى ذا الحين على محمد ما صدقت على الله خبر حد سألها وانطلقت مثل الصروخ وهي تقول له كل اللي صار من يوم ما طق محمد الباب إلى أن اطلعت موضي عليهم من المجلس .... بس أول ما قالت وش قال لها محمد عن النقاب ..... ناصر وفهده لفوا يشوفون بعض لا إراديا ..... ناصر حس كأن حاجز من الزجاج طلع بينهم فجأة .... حاجز الماضي الزجاجي اللي لو حاول أي واحد فيهم انه يقرب منه بيتكسر عليهم هم الاثنين ... بيجرحهم أكثر ما بيقربهم لبعض .... خاف ....خاصة بعد نظرة فهده الزايغة والخايفة اللي كانت تشوفه بها .... رجع يشوف ريم وهي تتحاكا عشان ما يسمح لفهده تلمح الخوف في عينه .......
أول ما خلصت ريم حكيها ناصر قام بسرعة رمه الحب الهيل اللي كان يلعب فيه مكانه على الكرسي واخذ غترته وعقاله وطلع من الصالة ..... عفراء من طلع عمها أحشرت ريم وقامت تهادها على ألحكي اللي قالته عن محمد لعمها و موضي كانت تحاول تهدي الموقف بينهم .................. فهده اللي كانت تشوف الفراغ مكان ناصر على الكرسي ما حست بشيء من كل اللي صار .... كل همها ناصر ... ونظرة ناصر لها بعد ما سمع حكي ريم عن النقاب .... نظرته الخالية من أي تعبير .... نظرته اللي رجعتها عشر سنين ورا .... نظرته اللي تقول لها الماضي يعيد نفسه ..... الماضي اللي عمري ما هب مسامحس عليها مهما صار............................................... ......





























ناصر من طلع من الصالة وراح المجلس الخارجي لمحمد ما رجع ...... أما عفراء وريم فكان الوضع بينهم متوتر حتى بعد ما أقدرت موضي تسيطر عليهم .... في الوقت اللي كانت هي ومريم حسين فيه بالإحراج من أن كل اللي يصير بسبب أخوهم ...... فهده اللي ما كانت قادرة تحدد هي من ويش خايفه ..... ما تحركت من فوق الكرسي وعينها تحرس الباب ..... وقلبها ينتفض كل ما تحرك الباب من الهوى .... أنتي ليه خايفة كذا ؟؟؟؟؟؟ ما ادري .... بس من يوم ما طلع وأنا أحس بروحي اطلعت معه ...... أبغيه يرجع ..... أبغي روحي ترجع معه ...... ابغي أشوف عينه .... أشوفها و أتأكد ...... تتأكدين من ويش ؟؟؟؟؟؟؟؟؟؟؟؟ ما ادري .... ما ادري .... أتأكد أذا كان هيضه حكي ريموه وتذكر كل اللي صار له بسبايبي .... أتأكد إذا كان ما عاد يبي يتحاكا معي أو ما عاد يبي يقول لي حكيه اللي يخلي قلبي يرجف بين ضلوعي ...... أتأكد أني اقدر أشوف نفسي في عينه ولا ما عاد لي فيها مكان ؟؟؟؟؟؟؟؟؟؟؟؟؟؟؟؟ انتبهت فهده على عفراء اللي كانت نازله من فوق وهي تناديها .... أرفعت عينها لها وقالت : خير عفاري ؟؟؟؟؟؟؟؟؟؟؟؟؟؟عفراء قالت : خالتي عمي اتصال علي يقول لس عنده رجال على العشاء سوي له عشا خفيف ..... فهده وهي تسمع عفراء حست أنها بتبكي .... اتصل على عفاري .... ماله خاطر حتى يسمع صوتي .... اجل كيف بيشوف وجهي .... أبلعت فهده عبرتها اللي كانت على وشك الانفجار وقالت وهي تقوم عشان تدخل تبدل وتروح المطبخ تسوي له العشا على الرغم من تعبها : أن شاء الله ذا الحين بروح .....وقفتها عفراء وهي تقول : خالتي اسويرتس نسيتيها على الكرسي ..............فهده أرجعت ودنقت عشان تأخذها من على الكرسي اللي أدفنت فيه دمعه ثايره من وسط محاجرها .................................................. ...........................





























موضي وهي تقرب من فهده في المطبخ الخارجي قالت لها بصوت واطي عشان ما يسمعهم الطباخ : فهيده حبيبتي روحي أنتي ارتاحي وأنا بسوي الباقي ...... فهده ردت عليها وهي تلف تشوفها وقالت بصوت خانقته العبرة : أنا كذا مرتاحة ....... موضي قالت : أنتي زعلانه عشان المشكلة اللي سواها محمد مع ريم .؟؟؟؟؟؟؟؟؟؟؟؟؟؟؟؟ فهده اللي كانت ناسيه ذا السالفة قالت لموضي : أنا زعلانه لكن ما هب على محمد هو ما سوى شيء يستأهل .... زعلانه على بنتي اللي ما عرفت أربيه واعلمها الأدب .... لكن أنا بعرف شغلي معها بعدين ....... موضي الله يخليس ما عليه تسبحين مها وتبدلين لها بعد العشا ..... وجيبيها لي في الغرفة ...... أنا أذا خلصت بروح أسبح .... ريحتي كلها طباخ وبعدها بنام مع مها ..... موضي قالت : زين روحي ذا الحين وأنا بأكمل ..... أقطعتها فهده وقالت : لا ما يحتاج قدني خالصة ........................... فهده من أدخلت الحمام وهي في حالة انهيار تام .... أقعدت على الأرض في الحمام وهي تبكي بكل قوتها ...قوتها اللي اختفت أول ما حست بالأرض الباردة تحتها .... شعور غريب من الضعف والخوف والظلام اللي بداء يزحف مع البرد لقلبها وينعكس في دموع عينها ... ليه تبكين ؟؟؟؟؟؟؟؟ ليــــــــــــــــــــه ؟؟؟؟؟؟؟؟؟؟؟ ابكي من الخوف .... الخوف ما هب غريب عليس يا فهده .... الخوف منس و فيس وطول عمرس عايشه معه ...... لا ... هذا خوف جديد .... خوف ما تعود عقلي على تفسيره ولا تعود قلبي على تأثيره ......خوف من شيء كبير .. مهم ... غالي .... عزيز .... شيء أبغيه وأحبه .... يختفي من حياتي فجأة ..... شيء مثل وش هو ؟؟؟؟؟؟؟؟ ما ادري ..... لو أني اعرف كان رحمت عمري ..... أنا بقول لس .... أنتي خايفه تخسرين ناصر ... لا ..... ما هب ناصر اللي خايفه اخسره ..... بس يمكن أنا خايفه افقد الشعور اللي عطاني أيها دخوله في حياتي .... أول مره أحس أني عندي عايله كاملة .... لي ... لي أنا بالحالي ..... وبس ؟؟؟؟؟؟؟؟؟ أيه بس ......... أكيد ؟؟؟؟؟؟؟؟ أيه أكيد ...... اجل أبشرس .... ترى ما هب متغير عليس شيء لان اللي صار ما هب بمؤثر عليكم من ذا الناحية .... ألا أذا كان اللي تبكين عليه شيء ثاني ؟؟؟؟؟؟؟؟؟؟ هااااااااااااااااااااااااااااااااااااااااااااااااا اااااااااااااااا ..... من قال هااااااااااا ؟؟؟؟؟؟؟؟؟؟؟؟ ليه ما تكونين شجاعة وتعترفين انس خايفه يبعد عنس .... خايفه تفقدين صوته الهامس اللي يدغدغ فيس كل أحاسيسس.... خايفه تفقدين حكيه اللي يأخذس معه لعالم جديد ......عالم كنتي واقف على بابه سنين إلى أن ماتت فيس كل المشاعر...... خايفه تفقدين لمسته الحنونة لس .... لا لمسته لا .... يمكن اللي قلتيه صحيح بس لمسته لا....... ليه لا ؟؟؟؟؟؟؟ تنكرين أن لمسته لس تحسس انه مهتم فيس .... تنكرين انه أذا لمس تحسين بالحنان والأمان ..... تنكرين انس طول ما أنتي معه في شوق أن أيده تلمس أيدس ....وانس ما تحسن انس مره لها قلب ومشاعر وأحاسيس ألا أذا كانت يدس بين أيده ........ تنكرين أن ذا الشيء يعطيس أحلا شعور في الدنيا .... ليه ما تستمتعين فيها ؟؟؟ ليه تضيعي كل لحظه حلوه في حياتس ....... ما أنكر بس كل خوفي أني لو اعترفت بكل ذا الأشياء وحاولت أني استمتع فيها مثل ما تقولين .... يفهمني غلط ويفسر موقفي على انه تنزل له عن كل شيء .... وأنا ما اقدر أقوله عطني كل احسيسك ومشاعرك ولا تطلب مني في المقابل شيء ..... اللــــــــــــــــــــــــــه وش ذا الاجتماع المغلق .... ليه ما نطرتوني ..... لأن أصلا ما نبيس ..... ومن قال أني جايه لس .... أنا جايه أقول لذا الخبله أنا الشيخ نويصر ذا اللي قاعدة تتغزلين في خصاله الحميدة أول ما بيأخذ اللي يبيه بيقول لس مع السلامة ..... ما تلزمني في شيء يا جدوه .......... فهده لا تسمعين حكيها ..... لا تسمع حكيس اللي مقعدها في الحمام تبكي .؟؟؟؟ قومي خلس قوية لا تضعفين في الدنيا قدام شيء ... حتى قدام نفسس .... إذا سمعتيها بتخسرين كل شيء ......... كل شيء حلو في حياتس .... والاهم بتخسرين ناصر إلى الأبد .............................































عفراء اللي كانت لمه على مها في فراشها قالت لموضي : موضي اخف خالتي تعصب إذا ما ودينا مها لها ؟؟؟؟؟؟؟؟ موضي اللي كانت تبدل لبنتها أرفعت رأسها لعفراء وقالت : عفاري لا تخافين ما هي بزعلانه .... أول شيء هي تعبانه ولا فيها على ترقيد بزران ..... وبعدين أنا موجودة وادف أختي على مرت عمي ...عيب ولا هي بحلوة في حقي .... والاهم من ذا كله عمي ذا الفقير اللي ما اخذ راحت مع أمرته من ثاني يوم في عرسهم وهي ترقد عندهم ..... تدرين مفكره أخذها معي البيت أذا رحت ..... عفراء أقطعتها وقالت : لا موضي جعلني قبلس خليها عندي ... أنا بحطها في عيني ... وبعدين عمي وخالتي ما هب راضين أنها تروح معاس بيتس ....موضي على طري عمي ما عرفتي وش سوى مع محمد بعد حكي ريموه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
موضي قالت وهي تبتسم : لو ما دريت إلى ذا الحين كان ما شفتيني صاخه كذا .... أنا اتصلت على محمد وسألته .... قال لي أن عمي خلاه يقول له هو وش قال لريم ... عشان يسمع حكيه مثل ما سمع حكيها وبعدها ... تفاهم معه وتحاكوا عن كيف لازم الرجال يتعامل مع الحريم .....خاصة أذا كانوا أهله..... وكيف لازم يوسع صدره عليهم ..... ولا يغلط عليهم قد ما يقدر....... عشان يكسبهم .......ويفرض احترامه عليهم بالطيب ..... تدرين ذا الحين عرفت عمي كيف مسيطر علينا كلنا .....
عفراء قالت وهي تجر الملحف على مها اللي أرقدت وتقوم تقعد عند موضي : تدرين خالتي بعد أدخلت على ريموه وتهادت معها .... صوتها كان ينسمع من الصالة .... موضي قالت وهي تقرص عينها في الفراغ : أنا خالتس ما هب عاجبتني .... أحس فيها شيء ما هب طبيعي ....عفراء قالت باهتمام : وش فيها ؟؟؟؟؟؟؟؟؟؟؟؟؟ موضي قالت : ما ادري بس ما تحسين فيها عروس مثل كل العرايس .... مره تلقينها فرحنه ومره ضايقه .... وحتى شكلها ما هب شكل عروس ... لا تلبس ولا تتعدل ولا تكشخ ألا أذا حد بيجيها .... وأنا اللي اعرفه أن العروس تتعدل وتتكشخ لرجلها ما هب للناس خاصة أول الأيام من عرسهم .................................................. ...........................................


























ناصر ما دخل البيت ألا على الساعة 11 فليل ..... بعد ما قفل الباب حق الصالة ..... قعد في الصالة وهو يشوف باب الممر كان خايف يدخل .... خايف من فهده .... من نظرتها له ..... خايف ينكشف قدامها .... خايف يكون حكي ريم رجعها للماضي بكل ما فيه من ذكريات مؤلمة معه ..... أكيد ذا الحين لو دخلت عليها بتكون قالبه علي ..... آآآآآآآآآآآآآآه والله أني كنت حاسس أنها ما هب مطوله في رضاها علي .... قام ناصر عشان يدخل وهو يحس انه بينفجر من الضغط اللي يحس فيه من كل صوب ولا هو عارف بيلاقيها من وين ولا من وين ؟؟؟؟؟ من الشغل والمشاكل اللي فيه؟؟؟؟؟ ولا من عيال خالد ؟؟؟؟؟؟ ولا من فهده ............ دخل الغرفة وشاف فهده نايمة على السرير بس الليت كان مفتوح .... ارتاح نسبيين أنها راقدة لكن استغرب أن مهما ما هي بموجودة .... وين البنت ؟؟؟؟؟؟؟؟ يمكن فهده ودتها عند البنات عشان ما تخلي لي عذر أني أنام معها في نفس الغرفة ..... لف ناصر بسرعة يشوف فهده اللي قالت بصوت تعبان بس بدون ما ترفع الملحف عن وجها : عفاري جبتي الحبوب ؟؟؟؟؟؟؟؟؟؟؟؟؟ ناصر جمد في مكانه لحظه يستوعب حضور صوتها بكل جوارحه..... وفي نفس الوقت كان خايف أنها تقوم وتشوفه وتطرده من الغرفة ..... أنقذ موقفه عفراء اللي أفتحت الباب ودخلت واللي أول ما شافت عمها أرجعت على ورا بسرعة وقالت: آسفة ما دقيت الباب .... خالتي قالت انك ما جيت .... ناصر ما رد على عفراء بس لف يشوف فهده اللي من سمعت عفراء أرفعت الملحف عن رأسها تشوفهم ..... ناصر تروع من شكل فهده كانت عيونها حمره ومنفوخة بصورة بشعة ..... وأول ما شافته قامت تبكي ..... ناصر ما يدر هو كيف وصل السرير في خطوة وحده بس ... قعد جنبها ودنق عليها وهو يمسح بطرف أصبعه على خدها وقال بهمس : وش فيس يا روح قلبي ؟؟؟؟؟؟؟ عفراء اللي قربت منهم قالت : ما عليها شر ... لا تخاف عمي هي بس رأسها يعورها شوي بتأخذ الحبوب و بتصير بخير ..... ناصر اللي كان يشوف عفراء حس بفهده اللي بعدت خدها عن أصبعه بهدوء ..عرف أنها بالفعل قالبه عليه .. قال لعفراء وهو يمد يده عليها : عفاري عطيني الحبوب أنا اللي بعطيها .... عفراء عطت عمها الحبوب وهي منحرجه منه واطلعت بسرعة حتى بدون ما تسال خالتها أذا تبي منها شيء ثاني ..... ناصر بعد ما اطلعت عفراء لف على فهده اللي كانت تشوف الصوب الثاني وهي تبكي ..... مد يده واخذ غرشة الماي الصغيرة اللي على الطاولة وقال : فهده قومي اخذي الحبوب ..... فهده قامت بس بدون ما ترفع عينها اللي كلها دموع فيه .... بعد ما أشربت الماي اخذ ناصر الغرشة من يدها وقام وهو يقول : سلامتس ما تشوفين .... ودخل لغرفة الملابس وسكر الباب .................................................. ............





























فهده من بعد انهيارها في الحمام اطلعت منه وهي مقتنعة بشيء واحد أنها ما تبي تفقد ناصر من حياتها ولا هب مهم عندها الأسباب ..... ولا أنها تعبانه قررت أنها ترتاح شوي وهي ترقد مها وتفكر بهدوء أكثر في سالفة ريم اللي هدتها وشرشحتها وطلعت عنها وهي تبكي .... موضي تأخرت على فهده ولا جابت مها لها .... اتصلت على موضي عشان تسال عنها ... انصدمت أن موضي ما تبغي تجيب مها لها .... فهده اللي تدري أن حكي موضي اللي قالته لها صحيح هي تعبانه ولا تقدر حتى تقوم من مكانها بس خافت يدخل ناصر ولا يشوف مها ويخليها ويروح يرقد في غرفة السوني وهو أصلا ما جاء يرقد هنا ألا عشان مها .... وممكن انه يفسر الموقف تفسير ثاني .... ممكن يقول تبي تطردني من غرفتي مثل ما أطردتني من بيتي من عشر سنين ....... خافت من مواجهة ناصر بالحالها خصوصاً وهي حالتها النفسية تعبانه أكثر من جسمها .... قالت لموضي تطرش عفراء عليها بحبوب .... كانت تبي تخلي عفراء عندها إلى أن يجي ... عشان أذا شاف عفراء عندها وهو في خاطره يهدها ولا يقول لها أي شيء عن السالفة النقاب القديمة يهون ..... كان التوتر يشد كل عصب في جسمها وهي تنطر ناصر....... وش بقول له ؟؟؟؟؟؟؟؟؟؟؟؟؟؟؟؟؟؟؟ أذا قال لي ليه سويتي كذا وش أقول له ؟؟؟؟؟؟؟؟ أقول له لعنه مني ؟؟؟؟ ولا أقول له أني فرحت أن في احد اخذ حقي ودافع عني وعيشني شعور اللي ورآها عزوه وظهر لأول مره في حياتي ولا قدرت افقد هذا الشعور حتى لو كان على أحسابك ؟؟؟؟؟؟؟ أول ما أسمعت صوت الباب ينفتح خف توترها وارتاحت أن عفراء جاتها .... بس من أسمعت صوت الباب ينفتح مره ثانية .... ماتت من الخوف وحست أن الدم نشف في عروقها واللي خوفها أكثر حكي عفراء اللي أسمعته ... أرفعت الملحف بسرعة تشوف وتتأكد من فيهم اللي كان قبل في الغرفة .... من شافت ناصر هو اللي دخل قبل ما قدرت تمسك دمعتها اللي أنزلت من مجرد إحساسها انه موجود معها في الغرفة قبل عفراء بس بدون ما يهادها أو يقول لها شيء ..... من حست بلمسة يده على خدها وهي تسمعه يقول وش فيس يا روح قلبي ؟؟؟ غمضت عينها بقوة ترحب بروحها اللي أرجعت لجسدها برجعته لها .... بس صوت عفراء ذكرها أن هو يقول لها كذا بسبب عفاري اللي هي جابتها لنفس السبب .... ابعدي أنتي ... ابعدي قبل لا يبعد هو عنس أول ما تطلع عفاري .... اسحبي نفسس بكل هدوء لا تضعفين وتبين حاجتس لمشاعره وعطفه وحنانه ....... بس بعد ما أسمعته يقول لها تقوم عشان تأخذ الحبوب .... أخنقتها عبراتها وهي تفكر كيف بتقدر تخفي حاجتها لمشاعره وعطفه وحنانه وهو يغمرها بهم ويخليها تحس بالحاجة لهم أكثر و أكثر ..... بعد ما أسمعت صوت باب غرفة الملابس يتسكر أرفعت عينها تشوفه .... انسدحت على الوسادة وهي تشوف الباب .... بيروح ... بيروح غرفة السوني ... أكيد بعد ما يبدل ثيابه بيروح .... جرت الملحف على رأسها وهي تسمعه يفتح باب غرفة الملابس ..... غمضت عينها بقوة وهي تنطره يطلع من الغرفة ويسكر الباب ..... بس يوم أسمعته يكبر أفتحت عينها ورفعت طرف الملحف تشوفه .... كان يصلي .... فهده استغربت وخاصة بعد ما شافته يسلم ويروح يقعد على الكرسي ويقرا قرآن ..... لذا الدرجة ضايقه الموضوع .... الله يستر بس ...... كانت تحس أنها هايمه في الهوى وهي تسمعه يقرا القرآن بكل عذوبة .... راحة عجيبة خيمت على الجو المتكهرب في الغرفة ..... فهده ما كانت تدري هي واعية ولا نايمة يوم أسمعت صوت ناصر يناديها ويقول : فهده ...... روح قلبي .... ردت عليه بسرعة وهي ترفع طرف الملحف وتشوفه عشان تتأكد انه صدق يكلمها وقالت : لبيـــــــــه ........ ناصر ابتسم بعد ما شافها وقال وهو يحط المصحف على الطاولة و يجي عشان ينسدح على السرير : كيف حالس ذا الحين ؟؟؟؟؟؟ اربس بخير ؟؟؟؟؟؟؟؟؟؟؟؟ فهده قالت له وهي ترد عليه بابتسامة خجولة : الحمد لله بخير ..... واختفت ابتسامتها وهي تشوف كيف تغيرت ملامح ناصر وهو يقول : فهده أنا ابغي اخذ رايس في شي .... أنا ابغي أجيب محمد يقعد في غرفة السوني أذا ما كان ذا الشيء يضايقس .... بس صدقيني أني ما هب مسوي كذا ألا عشان شيء مهم ..... وسامحيني أذا كنت ما اقدر اقولس وش هو ..... فهده أقطعته وهي تقول : لا تزيد أنا ما عندي أي مشكلة واصلا أنا غرفة السوني ما أروح لها ..... ناصر قال وهو يشوف فهده بنظرات تأكلها آكل : بس فهده أنا ابغيس ما تطلعين من باب غرفتس ألا وأنتي متغطية عدل .... والباب .... الباب حق الغرفة أبيس دايم تقفلينه بالمفتاح طول ما أنتي فيها ..... روح قلبي أنا أغار ........... فهده اللي كان المفروض أنها ترد عليه رد قوي بعد ألحكي اللي قاله لجمتها نظراته لها وخطفت أنفاسها آخر جمله قالها ... ما قدرت تقول له غير : أن شاء الله ..... ناصر قال وهو يعدل الوسادة ويرقد عليها و يشوف فهده الرقدة قدامه : فهده ممكن طلب ثاني ؟؟؟؟ ادري أكثرت طلباتي ..... وكمل بعد ما شاف فهده تبتسم : فهده الله يخليس بنات خالد خليهم على طول تحت عينس .... وحاولي انس ما تستقبلين أي حد ما تعرفينه عدل من النسوان ...... فهده اللي كانت بتموت من الفرحة بناصر اللي نايم جنبها واللي باين عليه انه ما هب زعلان منها سيطرت عليها مشاعر الخوف من حكي ناصر الغريب .... وقالت بخوف : خير وش اللي صاير ؟؟؟؟؟؟؟؟ ناصر قال وهو يجر يدها ويبوسها قبل لا يدفنها ي صدره وهو يقول : أن شاء الله خير لا تخافين بس أنا ما بيهم يحسون أن حنا مقصرين عليهم في شيء وإذا على الزوار الغرب تدرين أنا اخف يجونس نسوان ما اعرفهم ويشوفونس و يستخسرون زينس فيني ويخطفونس ........ فهده بعد ما ولع وجها حاولت أنها تسحب يدها من بين أيده اللي كان يضغط بها على صدره ...... ناصر اللي شافها كيف أنحرجت قال خلني أكمل عليها لأنه كان يموت على شكلها وهي منحرجه منه وقال : فهده كيف حال بطنس ذا الحين ؟؟؟؟؟؟؟؟؟؟؟؟؟ فهده قالت بسرعة بدون ما تنتبه : الحمد لله بخـــــــــــــــــــ ............ ويوم انتبهت لسؤال ناصر قالت بشك : تقصد راسي الحمد لله بخير............. ناصر قال وهو يبتسم : لا ما اقصد راسس .... فهده أنا اعرف وش فيس ............ فطس من الضحك وهو يشوف الصدمة والخوف في وجه فهده اللي صار احمر ...... ويم شافها كشت إلى طرف السرير قرب رأسه منها بمكر وقال في همس : ما تبين أقول لس كيف عرفت ؟؟؟؟؟؟؟؟؟؟ فهده اللي أفتحت عينها على الآخر من حكي ناصر الجريء معها ....خافت انه يزودها عشان كذا أضربته على كتفه وهي تدفه على ورآه وقالت : أنت قليل أدب ..... ناصر اللي ما أثرت فيه ضربتها رد عليها بسرعة وهو يرجع لمكانه : وأنتي روح قلبي .... تصبحين على خير .................. فهده كانت تشوفه كيف اخذ نفس طويل بكل سعادة وهو يجر الملحف عليه ويغمض عينه وهو يبتسم وينام .................................................. .....



ارجوكم الردود والتوقعات السريعة ..... اختكم تحفة فنية .... [/align]

عسل والله عسل


مشكورة اختي تحفة فنية

وياليت ما تطولين علينا في بقية الاجزاء

وشكرا اخت جود على النقل

مشكووووووووووووره يالغلا على البارت

اوووووووووووووووه من زمان استنى

يسلمووووووووووووووو جود وتحفه

اكيد البارت روووووعه