[align=center]مرحبا يا كل المتابعين للقصة القدامى والجدد ....
اسمحوا لي عدم ردي عليكم ما هب قصور فيكم والله بس ما كان عندي وقت ادخل النت ..... واقول لكل من كتب حرف رد على القصة له مني الف شكر معطر بنسايم حب
بحر الندى عمرة مقبولة ان شاء الله والف الحمد لله على سلمتج ونورتي نسايم الحب
الجزء التاســـــــــــــع عشــــــــــــــــــــــــــر :
فهده نامت وهي في قمة السعادة لمجرد فكرة أن ناصر ما في قلبه عليها شيء بسبب سالفة ريم .... ولأنها حاز في خاطرها حكي ناصر عن انه ما عنده أم تلحقه بالفطور وزوجته ما هي بمعترفة به
عشان كذا من أسمعت صوت المنبه اللي ضابطه ناصر على الساعة ست ونص .... قامت بسرعة عشان تحضر له الفطور قبل حتى لا يتوعى .... سوت له الفطور بسرعة وعصير البرتقال اللي دايم تسمعه يطلبه من سونيا .... وتوها بتشيل الصينية عشان تحطها له في الصالة تفاجأت بيد ناصر لامه عليها وهو يدنق على رأسها ويقول : صبحس بالخير يا بعد هالدنيا ..... فهده حست بفرحه وهي تسمع صوته بس ما أقدرت أنها تسيطر على الرجفة اللي سببتها لها لمته عليها عشان كذا كشت على نفسها وهي تفك يده من عليها وترد عليه بابتسامة خجولة وقالت : هلا صبحك بالنور ..... حياك بحط لك الفطور في الصالة ..... ناصر اللي تنهد بعد ما دفت فهده يده عنها قال وهو يحاول انه ما يخرب على نفسه الجو الهادي اللي هم فيه هذا الصباح : ليه ما تريقيني في غرفة النوم ولا ما استأهل ؟؟؟؟؟؟؟؟؟
فهده أنحرجت من حكي ناصر ولا ردت عليه بس شلت الصينية وراحت بها لغرفة النوم وحطتها على الطاولة الصغيرة قدام الكراسي وراحت عشان ترتب السرير بس ناصر وقفها وهو يقول : فهده افطري معي .... فهده اللي كانت تحس بالإحراج من مجرد وجدها معه في نفس المكان قالت وهي تحاول ما تبين ارتباكها : ما اشتهي تريق أنت وأنا بنطر البنات ..... وسكتت يوم شافت ناصر عصب وقام من الكرسي اللي كان قاعد عليه وراح غرفة الملابس وهو يقول : الله يغنيس .... ليه تعبتي نفسس في فطور وأنتي مستخسره فيني حتى القعدة معي على الفطور .........................................
فهده اللي كانت واقفة مبحلقة في ظهره وهو يدخل غرفة الملابس ..... استغربت تصرف ناصر هذا .... ليه يقول كذا ؟؟؟؟ وهو صادق على الأقل كان قعدتي معه مجاملة على الريوق .... زين يعني ما فيها شيء أذا فطر بالحالة .... لا فيها صار له عشر سنين وهو يفطر بالحالة هذا أذا فطر والفضل لس.... وذا الحين حتى في الريوق ما تبين تقعدين معه ...... ناصر أول ما طلع من غرفة الملابس بعد ما لبس ثوبه شاف فهده قاعدة على الكرسي قدام الفطور وهي مدنقه وشكلها ما انتبهت له ... ابتسم وهو يشوفها كيف كانت متوترة وهي تحرك أصابع يدها .... شاف أن أسلوبه الجديد معها جاب نتائج عشان كذا حب يكمل .... سفها بعد ما أرفعت رأسها له وراح يمشط شعره قدام التواليت وهو يلمح بطرف عينه كيف فهده تنقل نظرها بينه وبين الريوق ..... كان يعض شفايفه عشان ما يبتسم ويفضح عمره وهو يشوفها جايه له بكوب العصير..... وقفت قدامه وهي ماده له كوب العصير .... ناصر ما لف حتى عليها ولا تحاكا .... أرفعت رأسها له تشوفه وهي تقول : العصير ..... ناصر قال بصوت هادي بس صارم : ما ابغي ..... فهده لفت تشوفه في المنظرة وقالت : زين الريوق بيبرد تعال قبل لا يبر.......... قطعها ناصر وهو يلف عليها و يدنق يشوفها وقال : ما ابغي فطور .... خليه أذا قعدوا البنات سخنيه لهم وتريقي معهم ..... ولا أنا ما هب مهم .... فهده اللي لفت عليه تشوفه وهي رافعه رأسها قالت بهمس : مهم ..... ليه تقول ما هب مهم ..... ناصر قال وهو يلف ويروح يأخذ غترته من الكبت : واضح .... واكبر دليل انس ما هب مهم عندس تتريقين معي .... فهده اللي ألحقته للكبت بكوب العصير قالت : أنت فهمت ألحكي غلط ... أنا ما اقصد أني ما أبي أتريق معك ...ناصر لف يشوفها وهو يقرص عينه فيها وقال : مشكورة ولا قصرتي بعد طلعت غبي ولا أفتهم ...... ورجع لتوليت عشان يلبس غترته وعقاله ..... فهده اللي كانت واقفة عند الكبت وتشوفه وهي ما هب عارفة وش ترد عليه ؟؟؟؟؟ كل ما قالت له حرف اطلعت هي الغلطانة .... وبعدين هذا وش أقول له ؟؟؟؟ يتحمس مثل البزر على العيشة .... أذا سوى نفسه بزر صيري أنتي الكبيرة وتعاملي معه على ذا الأساس .... فهده راحت وقعدت على الكرسي قدام الفطور وحطت العصير في الصينية وقالت وهي مدنقه تشوف الصينية : ما له حاجة تسوي نفسك حمسان على الفطور ... قول انك ما تبيه يومني أنا اللي موسيته .... بس ولا يهمك ذا الحين بروح وبخلي سونيا تسوي لك واحد ثاني ... ناصر اللي مسك يد فهده عشان ترجع تقعد على الكرسي وقعد جنبها وقال : تخسي سونيا وبلادن هي منها ..... ما فيهم من يسواس ويسوى عيشتن من ايديس ...... قال آخر جملة وهو يأخذ يد فهده ويبوسها ...... وكمل وهو يدفن يدها بين أيديه : بس يا روح قلبي أنتي تشوفينها عدله أني اقعد آكل بالحالي ؟؟؟؟؟ فهده أنا لي حق أني أحس أني أعرست ..... لي حق أن أمرتي تقعد معي على العيشة ... لي حق أني إلى جيت ألقاها تنطرني .... لي حق أني اقعد مع أمرتي و اسولف معها بالحالنا مثل كل رجال وأمرته ..... فهده أنا صرت اشك في نفسي .... أقول يمكن صدق فيني شيء كريه يخليها تقرف مني ولا تحب تقعد معي ..... تدرين من كثر ما قلتي لي أني الاوع كبدس صرت استقرف من نفسي .... حرام عليس ...والله حرام اللي تسوينه فيني .... وفوق ذا كله ما تبيني ازعل وأحط في خاطري عليس ؟؟؟؟؟؟؟؟؟؟؟؟؟؟؟ فهده اللي كانت تشوف ناصر وهو يبوس يدها دنقت رأسها بعد ألحكي اللي قاله .... كانت تدري أنها غلطانة في كل اللي تسويه معه وتدري انه صادق في كل اللي يقوله ... بس اللي ما كانت تعرفه انه يكون متأثر بذا الطريقة من حكيها .... متأثر لدرجة انه يستقرف من نفسه .... هذا اللي عمرها ما كانت تتخيله .... حست بشعور قوى يمتزج فيه الإحراج بالندم والحزن على كل اللي سوته ..... عشان كذا أول ما خلص ناصر حكيه جرت يدها من يده.... ومدتها على كوب العصير تأخذه من الصينية عشان تمده عليه بعد ما أرفعت رأسها تشوفه بعيون كلها دموع وقالت : أنا آسفة ....أنا ما كان قصدي أضايقك.... بس والله غصب عني .... و أوعدك أن شاء الله أن ذا الشيء ما عاد يتكرر .... العصير ....... ناصر اخذ العصير من يد فهده وقال وهو يرفع يده الثانية ويمسح دمعة عينها اللي تسيل على خدها : ارجوس لا تبكين دموعس غالية علي .... وكمل عشان يفرفش الجو وهو يلف على الصينية ويقول : بس والله انس صادقة .... ريوق سونيا أحسن من ريوقس ...........................
فهده بعد ما راح ناصر كانت تحس بسعادة كبيرة أول مره تحس بها لدرجة أنها ما أقدرت ترجع تنام ..... قررت أنها تبتدي مشوارها الصباحي بدري اليوم .... راحت غرفتها عشان تبدل قلابيتها اللي يدها قصيرة وتلبس جلالها ونقابها .... بعد ما بدلت ألبست جلالها .... وهي بتلبس النقاب طاحت منه ورقة شجر .... وقفت فهده تشوفها باستغراب .... وش اللي جاب ورقة شجر في نقابي المطوي ؟؟؟؟ دنقت عشان تأخذها .... لفت نظرها اللي مكتوب عليها وابتسمت ........
(( إلى من يهمها أمـــــري إلـــى من
رجاءً إلـــى متى صبــــري رجاءً
أنا لن أشتكي همي لغيرك أنا لــن
يا روحي أشتكي روحي على من ))
فهده بعد ما قرت اللي مكتوب على الورقة اختفت ابتسامتها ..... الظاهر أني صدق مصختها معه .... أرفعت فهده عينها تشوف نفسها في المنظرة حقت التواليت ..... فهده اللي يصر غلط واكبر غلط ... هو يعطيس كل عاطفته ومشاعره وأنتي تأخذين بكل أنانية وجشع بدون ما تفكرين حتى تردين عليه شيء بسيط من مشاعرس وعطفتس أو تحسسينه انه يعني لس شيء .... بس أنا ما اعرف كيف اعبر عن ذا الشيء .... ما اعرف أبين لحد عن مشاعري .... ما اعرف .... دوري .... اسألي .... وبتعرفين كيف .... بس المهم انس ما تحقرينه بذا الطريقة ......................................
فهده بعد ما أرجعت من المطبخ الخارجي شافت موضي قاعدة مع بنتها ومها في الصالة ..... موضي من شافت فهده جايه من المطبخ ابتسمت لها بمكر وقالت : وش ذا النشاط اليوم فهيده ؟؟؟؟ سونيا تقول انس قايمه من صبح مع عمي ......أقطعتها فهده وهي تقعد على الكرسي قدامها : تقلقلت حنوكس وحنوك سونيا فوقس يا قليلة الأدب ... صابحه تنغزين بالحكي بدل ما تقولين يالله صباح خير ... اهجعي ابرك لس ..... موضي قالت وهي تبرد الحليب لبنتها ومها : والله أنتي اللي قايمه من صباح الله خير ولا أنا قايمه الساعة ثمان ونص ولفت تشوف الساعة اللي في الصالة وكملت : والساعة ذا الحين تسع وعشر .... يعني أصبحنا وذكرنا الله من زمان .... وذا الحين دورس في ألحكي ... بشري أخبار أبو عيالس ؟؟؟ كيف أصبح اليوم ؟؟؟؟ موضي كانت تتحاكا وهي تشر بعينها على مها .......
فهده اللي أنحرجت من تلميح موضي ردت عليها وهي تشر لمها تجيها : الحمد لله أصبح بخير يوم هو ما شاف وجهس .... مهاوي تعالي حبيبتي بوسيني .... ليه ما رقدتي عندي أمس ؟؟؟؟؟؟؟؟؟ موضي وهي تشوف مها تروح لفهده تلمها وتبوسها قالت : يا دفع البلا من اللي ما يشبعون بوس في الليل والنهار ..... مها قولي لها ما رقدت عندس عشان ابوسس الصباح ..... فهده اللي كانت لمه مها أحذفت موضي بالوسادة الصغيرة على وجها وهي تقول : اتقي الله حتى البزر بتعلمينها على قلة أدبس .... عيب .... عيب عليس .... موضي ما ردت على فهده لأنها أسمعت صوت المسج من جوالها وشلته على طول تشوف المسج ..... فهده كانت تشوف موضي كيف كانت تبتسم وهي تقرا المسج .... وكيف أرفعت عينها تشوف فهده بنظرة تعالي وهي تتنهد ورجعت تشوف الجوال .... فهده وهي تفك مها عشان ترجع تقعد عند موضي قالت : ضحكيني معاس .... وش فيه المسج ؟؟؟؟؟؟؟؟؟؟؟؟ موضي قالت وهي تعابل في الجوال عشان تطرش مسج : ليه اضحكس معي حد قال لس أني أقول نكت .... حبيبتي هذا سعودي حبيب عيني مطرش لي مسج وسكتي خليني اعرف أرد عليه ...... فهده عدلت قعدتها على الكرسي وقالت : موضي ليه تطرشين له مسج ؟؟؟؟؟؟؟؟؟؟ موضي أرفعت عينها عن شاشة الجوال وهي تقرص عينها في فهده بعد هذا السؤال الغبي وقالت : ليه بعد أطرش له ... أطرش لرجلي مثل ما أنتي تطرشين لرجلس رسايل حب وغرام ..... ورجعت تشوف شاشة الجوال بس أرفعت رأسها لفهده مره ثانية وقالت بشك : والله اشك فيس انس تطرشين له شيء ..... أقطعتها فهده اللي أعجبتها فكرة المسجات عشان تعبر عن مشاعرها له وقالت : أطرش حبيبتي ... حتى من كثر ما أطرش ما صار عندي مسجات جديدة ....موضي وش رايس تعطيني كم مسج من عندس؟؟؟؟؟؟؟؟؟ موضي بعد ما أرسلت المسج لسعود مدة الجوال على فهده وهي تقول : على قولت حمد اخوي حاضرين لطيبين ....... فهده انصدمت من مسجات موضي ورجلها .... حاولت قد ما تقدر أنها تختار المحتشمة منها وأرسلتها لنفسها ..... كانت تشوف موضي وهي ترقص بنتها على الموسيقى حقت سيبس تون وهي مترددة ترسل له ولا لا .... وش بيقول أذا طرشت له رسالة ؟؟؟؟ في رجاجيل ما يحبون حريمهم يطرشون لهم رسايل ..... يووووووووه أنا ليه أفكر وأعيد وأزيد خليني أجرب وأشوف وإذا عصب بقول له بالغلط ..... وطرشت له رسالة وهي تحس انه تدخل في مغامرة سرية ما به حد يعرفها ألا هي ...........
ناصر : خلاص حمد ما أطول عليك ... مثل ما اتفقنا أنت عطني بس خبر بالموعد وأنا بدبر لك التذكرة من عندي لا تحاتي تلقاها قدامك في المطار ....
حمد وهو مستعجل : على خير يا عمي ... اسمحلي لازم اسكر ما اقدر أطول أكثر من كذا .... سلم على الجماعة كلهم .........................
ناصر : الله يحفظك لا تنسى تشكر أبو حميد على المكالمة ... مع السلامة
حمد : يوصل ... مع السلامة ............
ناصر أول ما سكر عن حمد تنفس بارتياح خاصة بعد ما بداء يرجع يسيطر على كل شيء من حواليه ...... رن تلفون المكتب يقطع عليه تفكيره ..... ناصر رد على الاتصال بكل قوة بعد ما شاف الرقم : أرحب ... أرحب ....
....... : .................................................. ...................
ناصر : بشر يا رجال ؟؟؟؟؟؟؟؟؟؟؟؟؟
....... : .................................................. ...........................
ناصر : ما عرفت متى ؟؟؟؟؟؟؟؟؟؟؟
....... : .................................................. ......
ناصر : متأكد ما هب قبل العيد ؟؟؟؟؟؟؟؟؟؟؟؟؟؟؟
...... : .................................................. ............................
ناصر : لا تقول كذا يا احمد .... أنت كلمتك عندي ما بعدها شيء .... وأنا لو ما هب أثق بك كان ما دخلتك في موضوع خاص كذا .....ناصر قال آخر جملة وهو يسمع صوت المسج اللي جاه ... مد يده واخذ الجوال وهو يقول : خلاص تم بس أنت حدد الوقت واجيك أن شاء الله ....
....... : .................................................. ....
ناصر من فتح الرسالة وقراء .... رسالة قصيرة من روح قلبي .... وهو مضيع علومه .... لا سمع موعد الرجال ولا جاب اخبره كل اللي قاله له عشان يفتك منه : تم .... مع السلامة .... وهو يحاول يركز بكل جوارحه في ألحكي اللي يقراه في المسج .....................................
(( لو المشــــــــاعر
ما تجي غير بالصوت
بذلت لك بالصوت زايد حنيني
وأقول أغليك حيل وافداك للموت
غــــــــــــــــــــلاك
أشعل نار الأشواق فيني
بس الغلا شي اكبر من الصوت
وغلاك اكبــــر من مكــاتيب أيديني ))
ناصر بعد ما قراء المسج أكثر من عشرين مره ..... قام يرمش بعيونه وهو يبتسم .... فهده ؟؟؟؟؟ فهده ؟؟؟ فهده هي اللي مطرشه ذا المسج ؟؟؟؟؟؟ والله ما هب مصدق .... فهده ؟؟؟؟ فديتس يا روح قلبي ... فديت الأرض اللي تمشين عليها .... بس والله ما هب مصدق إلى ذا الحين .... هاااااااااا لا يكون وحده من البنات مطرشه لي من جوال فهده ؟؟؟؟ يمكن ليه لا .... لان فهده ما أتوقع تسويها ذا الحين على خطتي يبي لها على الأقل أسبوعين.... لكن أنا خلني أرد على الرسالة عشان حتى أذا كانوا البنات اللي مطرشينه تشوف كيف أنا أرد عليها .....
فهده من طرشت المسج وهي ضاربها راقع .... والأفكار في رأسها تروح وتجي خاصة بعد ما استلمت تقرير الاستلام ..... غبية وش سويتي ؟؟؟ ذا الحين إذا قراها بيضحك عليس ... بيقول وش فيها جدوه استخبلت ؟؟؟؟ ولا يمكن يجي و يتمقت عليس قدام البنات ويخليس مضحكه بينهم .... زين ما فيها شيء هذا موضي مطرشه لسعود رجلها .... الله ينور عليس رجلها اللي يحبها وتحبه واللي ما بينهم اللي بينس وبين نويصر ..... لكن تستأهلين كل اللي يجيس يا الخبل وخلي شريفة مكة تنفعس .... بنفعها ... فهده ما عليس منها صدقيني الرسالة حركة حلوة منس ... على الأقل كذا بيقول تزوجت وحده تحس على دمها وتقدر كل اللي أسويه وأقوله لها .... فهيده ردي على البنات صبيتي قلوبهم ... كان هذا صوت موضي اللي تشوف فهده كيف متنحه والبنات يصبحون عليها وهي ما ترد عليهم .... فهده اللي كانت مسكه الجوال وتشوف الشاشة وهي تفكر أرفعت رأسها تشوف البنات بعد حكي موضي وقالت بهبل : وش فيكم ؟؟؟؟؟؟؟؟؟؟؟؟؟ ريم اللي كانت تحاول أنها تكون عادية مع خالتها خاصة بعد ألهده اللي صارت بينهم البارح قالت : خالتي وش اللي وش فيكم ؟؟؟؟؟ نقول لس صباح الخير .... فهده ردت عليها بتوتر وهي ترجع عينها لشاشة الجوال : هلا صبحس بالنور .... عفراء و مريم لفوا يشوفن بعض ورجعوا يشفون موضي بعد ما أسفهتهم فهده .... عفراء أشرت بيدها لموضي وتسألها عن خالتها وش فيها .... موضي ردت عليها وقالت : الله يسلمس تطرش مسجات لحبيب القلب وهو مسفه لها ..... فهده لفت تشوف موضي بسرعة وهي تقرص عينها فيها لأنها جاتها على العوق .... موضي قالت وهي تضحك بعد ما شافت فهده : لا تشوفيني كذا فيس خير دقي عليه وهاديه هو اللي اسفهس ما هب انــــــــــ..... وسكتت موضي وهي تسمع صوت المسج اللي جاي من جوال فهده ..... الكل تجمع حول فهده يبونها تفتح المسج عشان يقرون عمهم وش مطرش لها ... هذا أذا كان هو ..... فهده كانت مرعوبة انه ما يكون هو ... أو يكون مطرش لها رسالة يتمقت فيها عليها ..... عشان كذا أحرنت ولا رضت تفتح المسج قدام البنات .... وكانت تبي تقوم عنهم .... لكن موضي جرت الجوال من يدها وفتحت المسج قبل لا تقدر فهده تأخذه منها وقامت تقراه بصوت عالي تسمع الكل وهي تبتسم ..................
(( أخذت حبي وودي وكل أحاسيسي الرقيقة
ترى قلبي على قدي وأنت دليت طريقـــه
تبي جوابي وردي ومشاعري عالحقيقــة
لو هي ظروفي بيدي مأغيب عنك دقيقـة ))
موضي أول ما خلصت أرفعت رأسها تشوف فهده اللي كانت تبتسم بخجل وقالت : والله ما هب هين عمي .... ما يبي يخلس دقيقة ... وأنتي مصبحه تتشرهين على مها ما باتت عندس ....فهده اللي أنحرجت من البنات جرت الجوال من موضي وهي تقول : ما لس خص يا قليلة الأدب .... وبعدين مسجات رجلي ما لس حق تقرينها ..... موضي قالت باستغراب : خير ما سمعت ؟؟؟؟؟ ذا الحين أنتي حايسه جوالي وقريتي كل رسايلي أنا ورجلي ...لا ونسختيهم كلهم ما قلت لس حاجة .... وتقولين لي بوجه قوي ما لس حق تقرين مسجات رجلي .... معصي وأنا موضي ... فهده قبل لا ترد على موضي نفض قلبها المسج الثاني اللي جاء لجوالها .... شافت موضي من فوق إلى تحت بنظرة احتقار وراحت تقعد على كرسي بعيد بالعاني وفتحت المسج تقراه ..... المسج كان من سيد حياتي ....... أخذت نفس عميق وهي مبتسمة لا إراديا وتقراه ....................
(( وحق الذي خلاني بيوم أهوااااااااااااك
ما غاب زولك عن عيوني ثواااااااااني
لو لا الحب ما كنت للحين و ياااااااااك
ولولا المحبة ما عرفنا نعاااااااااااااااني
دامك تعيش بداخلي{{كيف بنساك.؟؟؟}
هذا الســـؤال؟؟ وحط نفسك في مكاني ))
فهده كانت تقرا المسج وهي حاطه صبع يدها الصغير في فمها وتبتسم ..... موضي من شافتها كذا جنت ..... جاتها تخب وهي تقول : قسم بالله لا أقراه ذا المسج اللي رجعس عشرين سنه وراء .... فهده كانت أسرع من موضي واقرب منها لباب الممر أدخلت وقفلت الباب قبل لتدخل موضي اللي خلتها تردح على باب الممر وهي أدخلت غرفة النوم وسكرتها عليها .... راحت تقعد على السرير وهي تعيد قراءة المسج مره ثانية ....كانت طايره من الفرح انه رد عليها ولا هب أي رد ..... طرشت له مسج ترد به على المسجين اللي طرشهم وقعدت تنطر تقرير الاستلام وهي تعض على شفايفها مثل البزر اللي ينطر له شيء متشفق عليه .......................................
ناصر اللي كان متوهق في عمره وعفس جواله يدور مسجات عشان يطرشهم على جوال فهده حتى وهو ما هب متأكد أذا كان هي اللي تطرش له ولا لا .... ارتبش يوم جاه المسج الجديد ..... افتحه يقراه .....كان بعد من روح قلبي ......................
(( لـبـى الـعـيـون الـلي تـقـرأ الرسالــــــة
رسالة تـحـمـل غــلا إنسان مـغليـــــــك
ولـبـيـه يـالـلي الـغـلا لــه لـحـالـــــــــه
يـالـلي غلاه مـا فيه هقوة وتشكيـــــــك
يـفـداه عـمـري وكـل كـلي حـــلالـــــه
وتــرخـص لــه عيوني هذي و هاذيك ))
ناصر بعد ذا المسج ارتبش وقال لازم اعرف إذا كانت هي اللي تطرش الرسايل ولا حد ثاني .... اتصل على تلفون الصالة على وعسا يلقى احد يرد عليه مع أول رنه ردت عليه عفراء .....
ناصر : السلام عليكم ....
عفراء : وعليكم السلام ... هلا والله ....
ناصر قال بتوتر : عفاري خالتس وين ؟؟؟؟؟؟
عفراء قالت وهي تقصر صوتها عشان موضي اللي تدق الباب على خالتها ما تسمعها : خالتي طاقه عن موضي في غرفتها .... قطعها ناصر وقال : ليه وش فيهم ؟؟؟؟؟ عفراء قالت بصوت واطي : الله يسلمك موضي مصره أنها تقراء المسجات اللي بينكم ... عشان كذا خالتي أدخلت وأقفلت الباب على نفسها ..... ناصر بعد ما تأكد ن فهده هي اللي تطرش له المسجات قال لعفراء بسرعة : عفاري مع السلامة .... وسكر الخط في وجه عفراء .... اللي سكرت وهي تبتسم ...
ناصر من سكر عن عفراء على طول اتصل على فهده اللي كانت تشوف سيد حياتي يتصل ولا هي بقادرة ترد عليه من الإحراج ... الفرحة .... الخوف ... حطت يدها على قلبها يمكن تهدي دقات قلبها المسموعة ... لكن بعد الرنة الخامسة ردت عليه وقالت بصوت حاولت قد ما تقدر انه يكون هادي ومتزن : السلام عليكم .....
ناصر رد عليها بصوت عكس صوتها ميه وثمانين درجة .... صوت كله لهفه وشوق وولع وهو يقول : روووووووووح قلبـــــــــــــــــــــــــــــي ..... احبس ... احبس ... احبس ... احبس .... لالالا اسمحيلي ما احبس ..... أموووووووووووووووووووووووووووووووووت عليس .... أموت في كل شيء فيس ... لا .... أذوب .... أذوب من نظرة عينس .....أذوب في ابتسامتس ..... فهده ..... فهده .................................................. فهده اللي كانت ما هي بقادرة تستوعب اللي تسمعه وتحس بجسمها كله يرجف من حكي ناصر قالت بصوت يرجف : لبيــــــــــه ..... ابتسم ناصر بعد ما سمعها وقال بصوت كلها رقه ونعومة : احبس ........... احبس ...... احبس .......... ويا ليتس تحبيني ربع الحب اللي احبس .................................. فهده تحبيني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
فهده أول ما أسمعت سؤاله حست الدنيا تدور فيها ولا كانت قادرة حتى تبلع ريقها من توترها ..... وزاد توترها وهي تسمعه يناديها ويقول : فهده ..... روح قلبي ارجوس طمني قلبي .... ردي علي ... تحبيني ؟؟؟؟؟؟؟؟؟؟؟؟؟ ناصر أنصدم من رد فهده على سؤاله .... سكرت في وجهه الخط .... حس كأنه كان في سابع سما وفجأة نزل لسابع ارض .... معقولة هذا ردها على ألحكي اللي قاله لها ؟؟؟؟ معقولة ما تحبه ؟؟؟؟ ما هب لازم حب ... ما تغليه ... ما تعزه .... ما يصير أنها ما تحس تجاهه بأي مشاعر .... ولا كان ما طرشت ذا المسجات ولا قالت ألحكي اللي قالته اليوم الصباح ؟؟؟؟؟؟؟؟؟؟ ناصر انتبه على صوت المسج ... افتحه بعصبية ..... كانت أغنية منها ...... أغنية (( كلمة احبك )) لعبد المجيد عبد الله من قطر كول .....
(( تنتظر كلمة أحبك ............... شايفك مشغول فيها
كل شي بوقته حلووو............ليش مستعجل عليها
بكرة هي اللي تجيك .......... وتمر كل لحظة عليك
أنت بس طولي بالك ......... وكل شي بوقته حلووو
في ثواني في دقايق ..............في شهور ولا سنة
القلوب هي اللي تحكم ..............ماهو أنت أو أنا
ينولد حبك وحبي ..............وأعشقك ياروح قلبي
أنت بس طولي بالك ..........وكل شي بوقته حلووو
خلنا نفهم بعضنا .................قبل ما نهوى نضيع
ما بعد برد الشتا ...................ألا نسمات الربيع
واوعدك كلمة أحبك ...............منها ما يمل قلبك
أنت بس طولي بالك .........وكل شي بوقته حلووو ))
ناصر بعد ما سمع الأغنية عرف أن فهده ما هي بمستعدة انه تعترف بحبها ذا الحين ... ما كان هامه وش الأسباب ... سواء كانت خوف ولا خجل ... بس قرر انه يعطيها وقت اكبر عشان تقدر تحدد مشاعرها تجاهه بكل حرية ...... وعلى ذا الأساس طرش لها مسج .... يوضح لها ذا القرار ....
(( كابـــــــر قد ما تكابــــــر أنا معك متحمـــــل وصابـــــــــر
وأعرفـــــك أكثر من إحساسي تجاهـــــك وأنت خابـــــــــر
أن حبــــك لي كبيـــر و مال جرحــــك يا حبيبـــــــي ألا أنا
أنا جرحك وأنا اللي أحمله وأعرف أن البعد ما حطم طموح
وأعرفـــــــــك يا سيدي كلك سموح لا تكابـــــــــــــــــــــــر ))[/align]
هذه الرسالة تفيد بأنك غير مشترك في منتديات سارق القلوب. لتسجيل الرجاء اضغط هنـا 
15-7-1427, 08:29 صباحاً
