باكيتا ماذا فعل للاخضر

ياجماعه اول مامسك باكيتا تدريب الاخضر اذكر تكلمت مع الاستاذ الكبير صالح الحمادي عن طريق ( المسنجر ) وبعد مباراه وديه قلت باكيتا ماراح يفيد المنتخب ولاراح يسوي شي ..
قال انت استعجلت الحكم ..
قلت الكتاب باين من عنوانه ...
على اي اساس بنيت تصوري ؟
اول شي باكيتا مع الهلال لم يكن مقنع ابدآ ابدآ ومتخبط ( وبارك الله في كماتشو اللي حسمها اكثر من مره خلال كور ثابته ) .. الجميع يشهد بمافي ذلك جمهور الانديه الاخرى المنافسه للهلال انه فريق ممتع وتطرب له عندما يلعب ( كل هذا تغير مع باكيتا ) فريق يدافع اكثر منه يهاجم . حارب نواف التمياط كثيرآ والدليل انه يحبس حريات نواف ( والكل يعرف حتى ابسط من يعرفون كرة القدم ان نواف التمياط ومحمد نور لاعبين اطلق عنانهم في الملعب ولن تخسر )..
هذاا اول شي .
ثاني شي .. مباراة تونس في كاس العالم ( ربك ستر ) والا اي مدرب يسوي كذا من خمسه في المنتصف يشيلهم ويبقى المحاور بس ..
مباراة اكرانيا مدرب مابقي ( الا يجيب كور لمنتخب اكرانيا ويصفق لهم ) شوط كامل لم يتحرك ؟؟؟؟؟
بعد مارجعنا من كاس العالم ( قام يخبص ) ( يعني يشيل ويحط في التشكيله ) بالله وين المنتخب اللي بيبدع ويستقر وانت كل مباراه في تشكيله ..
مدرب من قبل كاس العالم واحنا نسولف ونتكلم في مشكلة الدفاع ورحنا لكاس العالم وجينا ولحد مايروح باكيتاا واحنا نتكلم ( يعني غصب نجنس له تفاريس ؟؟)
مدرب ينزل الملعب وهو ماعين لاعب معين للكرات الثابته ( ذكروني في الابتدائيه في مباراة تونس كل واحد يمسك الكوره تكفوون ياعيال بشووت ).. المهم
باكيتااا ماااينفع والله مااينفع الا كان ( نانسي عجرم تعرف تدرب )
يعني اناا لو اجيب واحد صووته عالي ومايتعب واقوول له اووقف على خط التماس وقل تكفوون ياعيال تكفون ياعيال لحد ماتنتهي المباراه والله يسووون اكثر من اللي يسوويه باكيتا مع الاخضر ..
اذا مارااح باكيتاا فنحن على خطى الكوويت وانا ماقلتها من فرااااااغ ( الكويت العصر بتشكيله وبعد المغرب بتشكيله ثانيه )
باكيتااااا واللي يرحم والديك ارحل ارحل ارحل ..
مرحبآآآآآآآآآآ بأي مدرب هجومي ... آآآآآآه يااخضر 84 و88 و92و94 و96 وكمااااااااااااااان مايهون اخضر 2000