( بيوت يسكنها الفئران )

بسم الله الرحمن الرحيم


( بيوت يسكنها الفئران )





يابيتنا الطين
اللي اعرفه
انك بيت قديم
عرفتك الايام قبلي
مبني من طين
من بابك الخشبي
عرفت قمة حياتي
ما عشت فيك كثير
لكن حكوا عنك كثير
تخيلتك شي مثير
يوم شفتك
قلت وينك يازمن مني ها الحين
اللي اعرفه
انه كان بيت عامر
ما يخلى أبد
تشرف الانوار من شبابيكه،، ما تنطفي
بالرغم من قلة الحال
البسمة ما تفارق اصحابه
ودايم في راحة بال



اللي اعرفه
عيالهم،، ما عرفوا شيء اسمه دلال
جمع الحطب
رعي الحلال
واللي اعرفه
انك إلى الحين موجود
في تراث الجدود
.....
يابيت بالموده والطيبه تذكرناك
بابيت بالمحبه والاخوه ذكرناك
يابيت عشنا فيه الطفوله
يابيت رحنا الحين لفله كبيره مره يابيت ..
رحنا لفله فيها غرف وفيها اكثر من مجلس وصاله
يابيت ناديتك
يابيت رحنا وتركناك لانك صغير
يابيت وين قلوبنا
يابيت وين سعادتنا اللي كنا نحسها يوم كنا فيك
يابيت الطين تعال شف الزمن وشلون غيرنا
تعال شف الوقت وشلون سرقنا
يابيت كلنا تغيرنا
تذكر يوم كنا نضحك يابيت
تذكر يوم كنا مستانسين يوم تحتوينا يابيت
تذكر يوم كنا عائله كبيره سعيده في ضلك تجمعنا يابيت
تذكر ولاناسي
تذكر
تذكر يوم كنا نلعب في الباحه يابيت
تذكر وشلون كنا نجتمع نتغدا في صحن واحد يابيت في الصاله
تذكر
الحين يابيت صار الزمن قاسي
تذكر ولا ناسي
الحين يابيت ماصرنا مثل اول
صرنا نسكن بفلل يابيت
قلوبنا تغيرت يابيت
نفوسنا تحطمت يابيت
تذكر ولا ناسي



يابيت الحين صارو الاخوان كلن يكره اخوه
يابيت صارت الفلل سجون



يابيت الطين انا في حبك مفتون
يابيت بالموده جمعنا
يابيت الطين اسمع
يابيت الطين النفوس تغيرت
صارت المشاكل في البيوت
صارت العداوه في البيوت
صار الاخو يحقد على اخوه يابيت
سلام يابيت بالموده عرفناك
سلام يابيت بالطيبه مانسيناك
يابيت الطين من فرحتنا بك ماكنا نطلع الشوارع
يابيت الطين علمتنا الاخلاص
علمتنا وشلون نحب بعض يابيت
خفف الوطأ ما أضن أديم الأرض
إلا من هذه الأجساد
وقبيح بنا وإن قدم العهد
هوان الآباء والأجداد


يابيت تذكر طفولتنا .. تذكر ولا ناسي
يازمن اسود قاسي
الحين تغيرنا يابيت صرنا نجتمع حول صحن واحد وكلن وده يذبح الثاني
صرنا نجلس بمكان واحد وكلن يظلم الثاني يابيت
يابيت القلوب الساهيه فيك ضاعت
يابيت تدري ان الزمن تغير
والنفوس تغيرت

حتى الاخوان تغيرو يابيت
اول الاخو يخدم اخته
والاخت تخدم اخوها
الحين يابيت مانخدم الا بشي
نطلب محد ينفذ الا اذا طلبوا منا شي
يابيت الطين حتى الاكل ماصار له طعم بدونك


صارت اللقمه تاخذ وقت على مابال تنتهي
تدري ليه يابيت
لان النفوس تغيرت

اذكر مره يوم كنا نلعب خطه مع البنات كنا نرسم بحصاه مثل الطباشير نرسم بالجص لعبه الخطه
ونجهز الحصا ونلعب خطه
البنات دايم يفوزون يطامرون حتى ولو كانت الحصاه في ابعد رقم كنا نلعب ومانفكر بحب ولا غيره
كانت وحده اسمها نوف دايم تجي معي ونلعب سوا كنت افرح اذا شفتها وهي تفرح بعد
نغني سوا
حمامه نودي نودي .. سلمي على سعودي
سعودي ساير مكه .. بيب ثياب بو العكه
بحطه في صندوقي .. صندوقي ماله مفتاح
والمفتاح عند الحداد .. والحداد يبغي فلوس
والفلوس عند العروس .. والعروس تبغي عيال
والعيال يبغون حليب ... والحليب عند البقر
والبقر يبغون حشيش .. والحشيش فوق اليبل
واليبل يبغي مطر ... والمطر عند الله

وكانت نوف اذا طلعت من المدرسه تلقاني عند الباب احتريها لاني اطلع قبلها من المدرسه ونلعب
ماكنا نعرف ان ذا الشي اسمه حب نبي نلعب وبس ...!
نلعب خطه نلعب طجمه .. نلعب امسك حرامي نلعب بقوارير الببسي نلعب بالمويه ... بكل شي
وكلنا على نياتنا في ذاك الوقت باقولكم قصه اخوي مع المطعم راح مره وقت صلاه لقى واحد داخل بالمطعم حرامي طبعا الحرامي الرجال مهوب اخوي اللي بداخل المطعم يوم شاف اخوي وشكله على نياته ناداه قاله تبي تصير مدير قال اخوي ايه تكفى قال تعال اجلس على الكرسي وصر مدير وقتها كان الحرامي فاتح الباب بطريقه مدري وشي المهم اخوي ماصدق خبر مدير وكرسي دوار يعني ملاهي ام كهرب وقتها جلس وصار يدور فيه الحرامي طلع بالفلوس يوم طلعو من الصلاه جو عمال المطعم لقو ذا السبيكه جالس يدور بالكرسي يوم شافو الدرج لقوه مسروق زهمو على الشرطه وجت سئلو اخوي وش مجلسك هنا لانهم يخبرون ان الحرامي يسرق ويهج قال اطلعوا بس انا المدير هنا وقتها الظاهر درو انه على نياته وفكوه
الاكلات اللي اول نعرفها الحنيني والرز والجريش والسليق والمحلات .. اقول نعرفها بس ولا نادرا مايطبخونها اول لضيق ذات اليد ..
ماكنا نعرف شي اسمه حلاق وكانت شعورنا تطول وتطول ومهنا مقص واللي شافو صورتي ايامها بيعرفون وش اقصد
وهذي الصوره للي ماصدق
[ فقط المشتركين فى المنتدى يمكنهم رؤية الرابط . اضعط هنا للتسجيل ... ]

من الذكريات كذالك كانو يخوفونا عشان مانطلع بخرافات اول نصدقها
انتبه لاتطلع يجيك **** القايله

حيث يشاع أن أم ا**** أو مثيلاتها لا يظهرون إلا

القايلة وكانت توصف أم **** أنها مزدوجة الشكل

فنصفها حيوان ونصفها الأخر ادمي رأسهاو أرجلها

وجسمها جسم ادمي …فهي وحش يشبة

الآدمي تدوس كل ما تراه أمامها من الأولاد الصغار


او لا تروح برى البيت ياكلك ابو رجل مسلوخه
او لاتطلع تجيك ام السعف والليف هههههههههههه
وكنا نصدق طبعا .. لان وقتها مانعرف ان فيه شي اسمه كذب ...
كانو يقصدون باذ التخويف يبونا مانطلع من كثر الحب

باموت على بابك واستريح
باموت عشان استريح
باموت على بابك يابيت
يابيت الطين خذني .. بادفن راسي على بابك واصيح يابيتنا الاول
كنت صغير مره حتى باباك مايدخل فيه واحد الا وهو منزل راسه
كان المجلس ضيق المساحه
كانت الباحه صغيره ماتكفي لخمسه مجتمعين
علمني يابيت الطين وشلون ضميتنا كلنا ..
وشلون عيشتنا كلنا بدون مانحس بالضيقه
علمنا يابيت وشلون اول نحس براحه وانت صغير
علمنا وليه الحين مانحس براحه والبيت كبير
تذكر يابيت يوم عبدالملك كان توه بثاني ابتدائي حس في البيت كنت وقتها استغرب وليه مايطبخون الا في الاسبوع مرتين
مدري ان هذا اسمه فقر ..
كان بمدرستنا شجره كبيره وفيها ثمر يشبه الفاصوليا مدري وشو
المهم يوم جت الطلعه شفت صديقي ماطلع من المدرسه قام يقطع اللي بالشجر
ويحطه بشقه سئلته ليه قال عشان اوديه لهلي يطبخونه
فرحت لقيت شي اقدر اقدمه للبيت
قمت ارجم الشجره وكني اقولها طيحي من الثمر اللي عليتس
وكان يطيح شي يشبه الفاصوليا واجمعه
واحطه بشنطتي اللي كانت من قماش تعرفونها تذكرونها
اللي بنهايتها خيط كنها صره المهم جمعت من الداصوليا باسميها تسذا
ورحت للبيت وانا فرحان ..
نسيت اني تاخرت واللي يتاخر وقتها عن البيت ياويله ....
جيت وانا فرحان لفيت ابوي وامي يحتروني لاغوني هاوشوني .
.صيحوني ورحت بركن وقمت اصيح
وليه تاخرت وانا ساكت مابي اقولهم تاخرت عشان ناكل .. عشان اجمعلكم شي يسعدكم اذا كلتوه سكت وبس
شوي وجت امي وفتحت شنطتي
وشافت ذا الخير اللي جايبه قامت تضحك وتقول لبوي شف محمد وش جايب
عاد هو ينطبخ
طبخوه واجتمعنا العائله كلنا وقاموا ياكلونه وهم يضحكون !!
يابيت بالموده والمحبه والطيبه عرفناك
صارت بيوتنا فنادق
مافيها احد صادق
صارت بيوتنا سجون
تبكي في احضانها العيون
صارت بيوتنا اشكال
كلن يتسابق على الجمال
كلن يدفن نفسه فيها
كنا وقتها تجينا ايام مانلقى اللقمه ومع تسذا تشوف الواحد خشته تسنها صدام تريله من الوناسه
كنا وقتها مانطلع ومع تسذا كنا نسولف وكن الواحد عنده قصر وبلايين في البنك
اذكر يوم كنت صغير اذا فاتنا الغدا وهي الوجبه الوحيده اللي ناكلها يومها كنا نروح بييوت الجيران نلقاها مفتوحه نتغدا معهم ونطلع ونفس الشي يسوونه الجيران عيالهم اذا فاتهم غدا يجون عندنا

كانت الابواب مفتوحه والقلوب مفتوحه
الحين لا ترجع لبيتكم تلقى كل شي مسكر
الابواب مسكره
القلوب مسكره
الكلام الحلو مسكر
كل شي يابيتنا الطين تسكر

يابيتنا الطين ابي حضنك
يابيتنا الطين ابي اموت على بابك
يابيتنا الطين رحمتك يوم شفتك قبل امس
رحمت بابك اللي ربطه ابوي بالسلاسل
وليه يابوي تسكر البيت اللي عشنا فيه ايام زينه
وليه يابوي
وليه؟
نسيت يابوي يوم كان يجينا المطر وحنا فيه
نسيت يوم بغى بيتنا يطيح علينا يوم يجي ذاك المطر
نسيت يوم طاح المرزام على راسك وانت تضحك
وكنا نضحك
لو يطيح البيت كامل علينا كنا بنموت وحنا نضحك
يابيت بالموده والطيبه والمحبه عرفناه!!
رحنا فلل وقصور
عشان الناس تقول مهنا قصور
رحنا وحنا نقول هذي قسمه
رحنا وتركنا خطاوينا
رحنا وتركناك يابيت


يابوي .. ياييمه ... يا أخوي .. وياختي ...
انتم انتم .... ولا انتم مهوب انتم..
غيرتكم الفلوس
غيركم الزمن
غيركم الوقت
غيركم البيت الكبير ..
انتم انتم ولا الزمن غيركم
مشينا نروح لبيتنا الطين
مشينا نعود مثل اول

ولا الزمن تحول


!! جواد الكلمة !!

ااايه ياخوي

هذي الدنيا

تتغير ماتدوم لاحد

والدنيا تتغير وتطور
صحيح التطور زين

بس له كثير من الاضرار
وهي التفرقه في البيت

انا درسة بالجامعه انواع العوائل في امريكا


وهم نوعين

النوع الاول وهو العوائل القديمه

وهي الي يكون فيها البيت كبير وفيه الجد والجده والابنا واولادهم وزوجاتهم يعني بيت كبير

والنوع الثاني

وهو نه يكون الزوج وزوجته بس

وفيه انوع جديده طلعت
وهي بيت الطلقة اذا كانت لوحده

او بيت الاعزب
اوبيت البنت الهربانه

او بيت وبيت وبيت وبيت

وبيت

وبيت

الحين ماحد يسئل عن احد

الحين ماضل فيه باقي الا قليل من هالكلام الي كان ول


فيه الصديق موجود

وانت اكبر مثال للصديق الطيب الودود

صديق الخير انشاء الله اخو يمحمد


مع ان كلمة صديق بدت تنقرض بس مازالت الدنيا بخير

الكلام الي كاتبه اخوي موجود بالقراء فقط

المدن قليل قليل قليل جدااًً


مع شكري لك اخوي

واسف اني طلعت عن الموضوع بس حبيت اضيف هالكلمات

الف شكر

اخوك البدر

وصديقك البدر

هلا وغلا

محمد العتيبي

ذكريات حلوه وجميله

يتذكرها قلبك البريء

إنها أيام الطفوله وما أجملها من أيام

حيث يجمعنا بيت صغير بحجمه كبير بالموده والمحبه التي تجمع كل من أفراد الأسره

أما الآن أين نحن من تلك الأيام

نحن نسكن في أجمل الفلل التي تحيطها اجمل الأسوار

صحيح أنها فلل ولكنها سجون تبعد كل منا عن الآخر

يابيت تذكر طفولتنا .. تذكر ولا ناسي

يازمن اسود قاسي

الحين تغيرنا يابيت صرنا نجتمع حول صحن واحد وكلن وده يذبح الثاني

صرنا نجلس بمكان واحد وكلن يظلم الثاني يابيت

يابيت القلوب الساهيه فيك ضاعت

يابيت تدري ان الزمن تغير

والنفوس تغيرت

تباعدنا بالمسافات

وتباعدت قلوبنا


وياليت نعود للماضي وأيامه الحلوه

وأنا جداً أعجبتني هذه الأنشوده

ههههه

هههههههه


حمامه نودي نودي .. سلمي على سعودي

سعودي ساير مكه .. بيب ثياب بو العكه

بحطه في صندوقي .. صندوقي ماله مفتاح

والمفتاح عند الحداد .. والحداد يبغي فلوس

والفلوس عند العروس .. والعروس تبغي عيال

والعيال يبغون حليب ... والحليب عند البقر

والبقر يبغون حشيش .. والحشيش فوق اليبل

واليبل يبغي مطر ... والمطر عند الله


يا حلو ذكرياتك محمد

جد حلوه

يسلموووووو

ليالي الشرقية

هلا والله اخوي البدر



ومساك الله بالف خير يا القرم



ونا مهب معك فى مقولة

تتغير ماتدوم لاحد

والدنيا تتغير وتطور




يا الغالي الزمن عمره ما يتغير بس حنا اللي نتغير


نفوس البشر هي اللي تتغير


الزمن ماشي ماعلية من احد يوم يبتسم لك وعشرة لا


حنا اللي بيدنا كل شئ مهب فى يد الزمن


ربنا عطانا نعمة العقل ما عطي الزمن العقل عشان يقف امام هذا ويترك هذا



لا يا الغالي حنا اللي بيدنا كل شئ بيدنا مفاتيح الكون اول مفتاح الايمان بالله وحده


ثاني مفتاح الايمان بالله ورسوله وجميع الانبياء والروسول الذين مذكورين با القرإن الكريم



والمفتاح الاخير : الاهل لا تقول لهم افن ولا تنهر بهما



والباب الاول / الصدق والامانه والاخلاص


والباب الثاني / با النسبة للصدق : با انواعه مع الاهل مع الاصداق مع الجيران مع بشرية الكون


والباب الثالث / با النسبة الامانة : الامانه بمنزلك الامانه مع اصداقك الامانه مع العمل

ومع بشرية الكون


والباب الرابع / بالنسية الاخلاص : الاخلاص مع الاهل ايضآ ومع الاصداق وبعملك ومع الناس كلة



الاشياء هذه متوفرة فى اي انسان صدقوني يا جماعه الخير


بيكسب الكثير والكثير اهمها رضي الله سبحانه وتعالي والثانية راضي الاهل


وبعدين ياتي ضور الاصدقاء



الاخ الغالي البدر ارجو ان افدك با كلامي هذا يا الغالي


واسف علي الاطالة



منا ومنكم الافادة والاستفادة



!! جواد الكلمة !!

يالغالي كلك فايده في مواضيعك وردودك

ولولا اختفلا الاذواق لباتت السلع

واختلف الاراء لايفسد للود قضيه


كلامك في غاية الفائدة وعلى عيني وراسي

بس انا مقتنع وبشده ان الدنيا تتغير

صح الانسان يغيرها

بس تجبر الانسان على التغيير

الدنيا = القدر

القدر وكلنا نؤمن بالقدر
خيرة وشره ولله الحمد


وهذا الشي مقدر ومكتوب لنا

وشي معروف

ونحن في ااخر الدنيا

ومرعوف التفرقه والاشياء التي سوف تحدث في ااخر الدنيا




مابي اتلفسف بزياده لاني مو عالم في هذا ا لموضوع اخوي محمد

بس احب اشكرك على هالموضوع الجميل والرد الاجمل اخوي


اخوك البدر

هلا والله اخوي البدر



انا اتشرف بان اتكلم با حوار ساخن مع احد العقول الصحيحة لا جدال بها




اخوي الغالي البدر



يا الغالي انا ما اقصد ان نؤمن بهذا الشئ ولا لا



انا بنفسي امؤمن بمقولة تتغير ماتدوم لاحد


صحيح ان الدنيا تتغير


لكن لدي شئ يا الغالي وارجو منك انك تجاريني به



الصناعات والتكنلوجيا اللي حنا فيها من اللي مخترعها ؟؟

الغرب : صح ولا انا غلطان


لنفرض انه صحيح : تخيل معي يا الغالي


ان اذا مافي غرب فى الدنيا كلها وهذا قدرانا ان حنا ما نسوي شئ فى الدنيا


لكن اذا الغرب مهب في الدنيا او مثل العرب ما يخترعون شئ


العالم كله ماشي ب اختراعات الغرب

لكن اذا مافي غرب وش بيصار بيكون فى اختراعات فى الدنيا ؟؟؟؟


تعال واحلم معي ومع قلمي وقلمك با داخل عقولنا


قبل ان نحلم مع بعض انا ائومن با القدر والمكتوب

وفى مقوله تقول اللي كتبة لك رب العباد لازم تشوفة العين واحط تحت المقولة هذه



ملالالالالالالالاين الخطوط يعني اذان في قدر ومكتوب والمكتوب لازم تشوفة العين


الدنيا تتغير وتطور من اللي بيغير الدنيا ويطورها مهب حنا


المهم مبي اطول عليك يا الغالي


تعال نحلم ونشوف وش بيصار فى الحلم هذا


نحلم ان رب العباد ما خلق الغرب بالمرررررررررة وحنا ما طورنا بعض البعض


ومافي شئ تطور فى الحياة هل الحياة تطور نفسها ب نفسها ولا حنا اللي لازم نتحرك


ونطورها تعال نشوف لنفرض ان مثل ما حنا علية فى الوقت الحالي نفس الشئ اذا مافي

غرب وحنا ما نتحرك هل بيكون فيه كره بعضنا لبعض بين الاخوان بين الاهل


عداوه راح اختصر عليك يا الغالي


وراح اقول الغــــــــرب هو اللي افسد عقولنا نعم افسد عقولنا ودخل الطمع والجشع

فى قلوبنا الاثنين موجودين فى القلب اذان بيولد غيرهم مثل العداوه الكراهية ........ إلخ



احسبها يا الغالي فى راسك وشوفها زين واحلم وفكر شفها اشلون تطلع لك


!! جواد الكلمة !!

كم يشرفني الحوار معك اخوي الغالي محمد

كلامك صح الغرب هو الي جاب هالتكنولوجيا كلها

بس عندي بعض الاشياء احب اقولها


الغرب بدون العرب لايسوون شي

اول العلم واساس العلم خرج من رجال العرب

الرياضيات والطب وكثير من العلوم حتى الفلسلفه من علماء عرب

امثال ابن خلدون وابن سينا وابن حيان وكثير من العماء

احن ان انوه الى شي معين

اكثر علماء الغرب الحليون هم علماء عرب

او من اصول عربيه

ماقول ان الغرب مو علماء وعباقرة لكن العرب ايضاء علماء وعباقرة

لكن الغرب الآن مهيا لهم جميع الاجواء للأختراع والتطور

عندهم مدارسوجامعات متخصصه

واحب ان اقول اغلب المدرسين والدكاترة هم عرب ومن بلدان اخرى

وابي اذكرك في شيء بالنسبه للخلافات

احب اذكر كفي حاجه الكل يعرفها الا وهي قصة النبي يوسف عليه السلام

اخذه اخوته ورموه في الجب

مع ان ليس عندهم تطور ولا اي نوع من التطور والتكنلوجيا الموجوده

ولكن هناك الحسد موجود

وهناك الغيرة موجوده

ولنعد ايضاء للخلف

بقصة ابليس دحرة الله

عندما قال لابونا ادم وسوس له بان ياكل من شجرة الزقوم

الحسد والغيرة والمشاكل مخلوقة مع الانسااان

ليس للتطور والتكنلوجيا اي دخل

والف شكر اخوي على ردك الجميل

ونقااشك الممتع

اخوك البدر

هلا والله البدر






زادني شرف طال عمرك علي مفاهمتك لقولي



والحقيقى يا الغالي العلم موجود فى كل مكان دام العقل موجود



ويعمل زاد العلم نور يا الغالي



شكرلك مرورك الكريم



والله يا الغالي حوراك شيق جدآ


ومشاء الله عقلك متفتح واسعدني هذا العقل حااال

ومجاراته با حوار علي صفيح ساااااااخن


شكرلك علي هذا اللقاء الشيق يا الغالي


ولاهنت علي هذه المجاراه


!! جواد الكلمة !!

هلا والله اختي ليالي



شكرلك مروك الكريم



مهب احلي من مرورك الكريم




وما احلي مروك العذب علي هذه الذكريات




لاهنتي



!! جواد الكلمة !!

هلا والله الاخت الملتاعه


وما احلي هذه الذكريات التي نثرتيها من قلم الطيب



الحقيقة اختي زادني نور وتعليم من هذه المصافحة



ومن قلمك الساحر الذي يطيح علينا با تعلم وتنشيط العقل



اسعدني تواجد قلمك البراق اختي الملتاعه حااااااال



وما كتبتي من خرباشات علي هذه الساحة ما يقال عليها خربشة


يقول عليها قليل من بوح الذكريات


شكرلك مرورك الكريم علي هذه الساحة


ولاهنتي علي ما سطر به ايامانك هنا


!! جواد الكلمة !!

والله مدري اكتب وعبر عن مووووضوووعك الحلوووو


علي العمووووم انت الاحلي


تحياتي

هلا والله اخوي مجنون



شكرلك مرورك الكريم



انت اللاحلي يا السنافي



ولاهنت



!! جواد الكلمة !!

ااايه ياخوي

هذي الدنيا

تتغير ماتدوم لاحد

والدنيا تتغير وتطور
صحيح التطور زين

يسلموووووووو

آآآآآآآآآآآآآآآهـ على ايام زمااان اذا سمعت او قريت كلام عنها تعجبني مرررهـ

تسلم ويسلم قلبك على موضوعك الاكثر من رااائـع,,

بسم الله الرحمن الرحيم

شكراً لك اخي الكريم على هذا المقال