| سوالف منعنشه و مواقف- للمتزوجات
[align=center]م ن ق و ل [/align]
هذة مواقف محرجة حصلت لأشخاص مختلفين كل موقف فصلته بخط
أقول مواقفي المحرجه مع زوجي والتي تتلخص بما يلي ..........:-
الخطوبه ........ اول يوم ياي المعرس الحلو يخطبني خدامتنا كانت امسويه القهوه وحاطه فيها من الغافه والعباطه بدال الهيل بهارات مشكله ...........وفقير صرطها وهو ساكت .....طبعا احنا ما كتشفنا البلوه الا بعد ماشربها .أول يوم ملجنا في ........... ريلي كت العصير على بدلتي ...........وتأخرنا على العشا.
---------------------------------------------------------------------------------------
الموقف المحرج بثاني اسبوع من عرسي انا امشي رايحه للسياره بنسافروام زوجي وراي تناديني
بس موباسمي لالالالالالالالا تناديني باسم مطلقة زوجي خخخخخخخ المشكله الاسم متقارب حتى اسم الابو متقارب <<<<<<<< توهقوا هههههههههه
انا مابي احرجها سويت نفسي ماسمعت
(((( كنا بالسفر طبعا العائله الكريمه كلها سافرت شهر عسل معانا ام زوجي وخواته وخوانه)) ناقص جيرانهم اخت زوجي بعد نادتني باسم مرته الاولى بس ماسمعتها وقعد زوجي يهاوشها وحالته حاله مسكين تخرع ودخل عندي بالغرفه
وقفلنا على نفسنا بالغرفه يعني جو رومنسي واهل زوجي كلهم برى وسااااااااااكتين ودهم يطلون علينا ههههههههههههههه
المسكين انقرد وناداني باسم مطلقته انا هنيه خززززززززززيييييييييييييييييته ودموعي تطشرررررررر مثل الدش
وطلعت برى عند اهله وهم تخرعوا يطالعوني منتففففففخه من الحره
وخليتهم ورحت الحديقه ويوم طلع زوجي ووجهه منصفق مسكين على طول تجمعوا عليه يبون يعرفون السالفه ههههههههههههههههه
---------------------------------------------------------------------------------------
انا بقول لكم موقف كان وايد محرج بس مو مع اهل ريلي...
مره كنا مسافرين ماليزيا انا وريلي مع ربعه كل واحد ومرته...عادي عادي ريلي لازم يسحب ربعه باي مكان انروح شرايجي
المهم كنا رايحين مدينة الملاهي وفي واحد من ربع ريلي ما شاء الله جسمه مقارب لزوجي بوتمبه وطويل يعني بوهته مثل ريلي
وكنا قاعدين نمشي ..جان تقوم سمسميه وتقرر انها بتدلع على ريلها وتيود ذراع ريلها وتقط راسها على جتفه....يوم رفعت راسي ولا انا قاعده ايود ذراع رفيجه !!!!!!!!!!!!!!!!!!!!!!!!!!!!!!!
ما ابي اقولكم اشصار بويهي طماااطه من الفشله اهو وعليه سوى روحه ما يدري عن شي وانا انحشت ركض عند ريلي
ولي اليوم استحي من رفيجه واخاف من مرته لا تقول هذي تتلزق بريلي
موقف لا احسد عليه
---------------------------------------------------------------------------------------
تبون سالفه من صج قاتله؟ خالتي نايمه عندي بالويك اند وبالليل قاعده انوم بنتي وتنحائ ركضه وتدش دار خالتي وانا وراها جان اوقف واطالع والا التي قاعده اتبدل ومن غير هدوم انقص ويهي وبنتي معجعجه بهدومها وتيرها خالتي متوهقه وانا ماني قادره اساعد جان اطلع واخليها ويا حفيدتها ينيازون فشله الحين رسميا شفت امه وابوه من غير هدووم كل الخفايا مكشوفه جدامي
---------------------------------------------------------------------------------------
عيل بقولكم سالفه صارتلي قبل الزواج
حنا بالزواره نروح بيت عمتي واحنا البنات قاعدين جان تقول بنت عمتي اخوها امس ياي من السفر من لندن ومحمض صور الدنيا اهو وربعه بس مو مخلي احد يشوفهم عاد احنا لعب علينا ابليس نتجسس ونطيح على صوره اكيد فيهم بلا <<<< صج الظليمه شينه المهم قلنالها وين اخوج قالت بالدوانيه اتفقنا نصعد داره ونشوف الصور <<< صج كنا ملاقيف رحنا احنا 6 بنات صعدنا داره وطلعنا الظرف شكبره من الدرج نشوف الصور ولا صوره يغسل البطاطا وصوره يقشر البطاطا وصوره يقطع البطاطا وصوره يغلي البطاطا ولا جككك بمم الباب انفتح الا ولد عمتي وسمعي صراخ البنات وركضه انحاشوا طلعوا والصور بيدي توهقت وشي طاح على الارض المه ولا الريال مخترع من هالحشد بغرفته جان يقول ابي اخذ السويج وقعد يدور السويج وانا ادخل بالصور موراضين تقلقصوا جان يقولي اخذي راحتج وطلع انا امبييه بعد مالي لوووون والخونه ولا وحده قعدت معاي كلهم احاشوا انزلوا
---------------------------------------------------------------------------------------
اقول لكم على سوالفي مع زوجي بس عن الطنازة
لما كنا في شهر العسل كنا رايحيين ماليزيا وتعرفون اهم مشهوريين بالمعابد فكنا نزور معبد لهم (للفرجة طبعا مو تفهمون غلط) ولما كنا طالعين من المعبد وكنا نازلين على الدرج الاخت ما نزلت على الدرج حبت تتدلع وتنزل من صوب ثاني اللي يكون مسطح لعربات اليهال انشالله فهمتوا شاقصد (منحدر بدون درجات السلم) وجان اطيح هذيج الطيحة جدام الناس وزوجي بدال ما يشيلني طاح في الارض من الضحك علي ويقول لي شمركبك هناك نزلي مثل الناس (وانه ما بغيت الارض تنشق وتبلعني والناس التمو علي يقولون لي فيج شي وانه من الفشلة قمت ركض مع ان الالم ذبحني وليما الحين يضحك على زوجي
الموقف الثاني كنت شاريه كرين لتكبير الصدر لان صدري صغير وبعد الرضاعه ترهل وكنت خاشه عن زوجي الموضوع وكنت خاشه الكريم بالغرفة وهذاك اليوم استعملته ونسيته بالحمام ورحت الدوام وزوجي اجازة جان يشوفه ولما رديت البيت جان يقول لي تعالي شوي الحمام واروح وراه جان يوريني الكريم ويقول لي شنو هذا انه طبعاً انصفق ويهي وصار قوس قزح من الفشلة وطبعا هو كان ميت علي من الضحك
---------------------------------------------------------------------------------------
خالتي و عمي رادين من السفر و ريلي راح يستقبلهم بالمطار
المهم .. احنا قاعدين بيت عمي .. ننطرهم اييون .. جان يدق تلفون البيت .. انا ما اشيل تلفون بيت عمي لأنه فشله ما اعرف اللي يدقون .. و على اساس حماتي اللي تشيله .. بس المسكينه كانت مشغوله و تتكلم بالموبايل .. المهم شالت تلفون البيت و على طول عطتني اياه قالتلي ريلج على التلفون كلميه .. قوليله انا مشغوله شوي قامت حظرتي و شالت التلفون .. و قعدت اتدلع .. ريلي يقولي شي .. و ارد عليه بشي ثاني .. و اتضحك .. (( يقول منو معاي ام فلان .. و انا اقول له لا ام علان .. يعني شرايك .. و ........... )) و الريال كان رسمي حيل .. لأنه اذا اكو احد يمه دايمن اتحرش فيه و يسوي نفسه عادي و جنه ماكو شي .. المهم .. سكرت التلفون .. و وصل ريلي مع خالتي و عمي .. و سلمنا عليهم و تحمدنالهم على السلامه و ردينا البيت و عينا من الله خير جان يقول لي ريلي انتي شسويتي اليوم ؟؟ قتله ولا شي !! شالسالفه ؟؟جان يقول لما كلمتج اببيت ابويكنت حاطه (( سبيكر )) و عطيته حق ابوي عشان يكلم اختي جان تردين انتي و انتي حظرتج تتدلعين و ما مداني اخذ التلفون من ابوي .انا هني مت مت من الفشله و حسيت اني لقووفه و حرمت اسوي هالسوالف الا لما اتأكد ان كل شي تمام و الوضع مستتب
---------------------------------------------------------------------------------------
اقول لكم موقف صار لي مره كنت طالعه مع ريلي وردينا باليل متاخر المهم نزلني عند باب البيت وقالي بسفط السياره وايي زهبي العشى على ما اصعد ..
انا كنت ساكنه عند حمولتي و فدشيت البيت ومريت بالحوش وكان حوشهم خرمس ظلمه دخلت الا هالحرمه الي بويهي وشايله ياهل حسبتها وحده من خدمهم ماسكه واحد من عيال حمواني المهم ما عطيتها ويه وشخطت بسرعه وصعدت شقتي وزهبت العشى وتكشخت وريلي طول شوي المهم ياني بعد فتره وقعد يسولف ..جان انا اساله مني هالخدامه الي تحت شكلها يديه من مالته ان يظحك قال اي خدامه هذي اختي انا هني بققت عيوني اي اخت اختك متيييينه والي شفتها ظعيفه وماسكه ياهل ضحك علي قال الظاهر انتي مانتبهتيلها عدل هذي اختي معاها ولد اخوي طلعت حماتي تخيلو لانه ظلمه ماشفت ويها وتهيالي انها ظعيفه عاد فشله ماسلمت عليها كنت مو شايفتها من مده
---------------------------------------------------------------------------------------
انا اول ما تزوجت كنت ساكنه ببيت اهل ريلي المهم ريلي سافر مع قوات حفظ السلام عقب زواجي بشهرين المهم طول هناك شهر عاد رجع الريال برمضان و الناس صيام و الريال ولهان عاد فهموا المهم نزلنا تحت علشان الفطور مع خالتي و حمواني عاد عقب الفطور مباشرة صعد ريلي فوق انا انحرجت بصراحة يعني وين رايحين ؟ المهم ما صعدت علطول عن الفشله عاد شويه بعدين صعدت فوق و مرت دقائق معدودة و اذاالا شنو صار الا الباب يدق دقات قويه منو الا خالته يايه تبي تسلم عليه عاد رد عليها و قال روحي تحت و انا بييج قالت له بس بسلم عليك قال لها روحي تحت كاني نازل و انا اقول له روح سلم عليها و هم مو راضي
>>>>>>>>>ليش يا ترى ؟؟؟؟؟ما ادري!!!!!<<<<<<<<<<<<<
عاد شنو صار لما نزل الا اهي رايحة و احنا كنا معزوميين كلنا عاد اهما راحوا و دقت على خالتي تقول بدز لج السايق ييبج عاد ريلي طلع و قلت انا بروح العزيمه دشيت و سلمت على الناس الا منو جدامي منو تهقون خالت ريلي جان تسلم على تقول انتو شعندكم انا ادق عليكم الباب ليش ما فتحتوا لي بعدين يقول لي بنزل لج و انا اقعد انطر و محد ينزلي
تخيلوا كلامها جدام الناس و انا ويهي يعطي الوان احمر اخضر بنفسجي ازرق برتقالي اصفر وردي
فية مواقف كثيرة بس علشان ما اطول عليكم
الى اللقاء
التعديل الأخير تم بواسطة : sder بتاريخ 4-8-1427 الساعة 02:40 مساء.
| 
هذه الرسالة تفيد بأنك غير مشترك في منتديات سارق القلوب. لتسجيل الرجاء اضغط هنـا 
4-8-1427, 02:34 مساء
العرض العادي
