كمبيوترك مريض ادخل وتعلم من الاسطوره الوشلى

السلام عليكم ورحمة الله وبركاته

هللوووووووووووووووووووووووووووو

شحالكم شخباركم شو علومكم .. !!!!!!!

اليوم حبيت اني افيدكم ..

سؤاال هل انت او انتي شاكين انه كمبيورتكم مفيرس أو مهكر .. !!!

اذا شاكين .. عيل ما بتشبروون شبر برع الموضوع ... ماشي

اوجيجوو ركزووا ويايه .. لا تصدوون لا يمين ولا شماال بحلقووا بعنونكم عالشاشه @_@

--------------------------------

ساعات تنزلون برامج او تستقبلون ملفاات . برامج او أغاني أو صور ..

تتحرون انه اوكي بس ما تدرون على شو تحتوي هالفايلات

ومعظم الاحيان تحتوي هالفايلات بدون ما تعرف على اشيا تخرب كمبيوترك.. يمكن تبطئه .. أو تحذف فايلاتك .. او حتى تخرب الهارديسك .. أو تفتح بورتات الكمبيوتر و تخليه عرضه للهاكرز ..

مثل Virus, Trojan, Spyware, Delaware, Hacking tools

المهم

أنا بعطيكم بعض الخطوات اللي ممكن تنخذونها عشان تطمنون انكم ع بر الأمان وكمبيوتراتكم بخير .. خخخخخخخخخ

1)
أول شي لازم لازم يكون عندكم برنامج آنتي فايرس وفاير وول في كمبيوتراتكم .. هذا يعتبر جهاز المناعة في كمبيوتراتكم .. من دونه صدقوني كمبيوتراتكم ما بتعمر .. وانصحكم تشوفوون شو احسن برامج الآنتي فايروس اللي ينصحونها بها .. لأنه مب كلها اوكي.. وطبعا حاولووا كل أسبووع تسوون scan لكمبيوتراتكم

2)
دووم يوم بتستقبلون أي ملف .. سووله scan .. خلكم ع بر الأمان وما بتخسرون شي

3)
نصيحه لا تسوون آدد حق أي شخص ما تعرفوونه أو تعطون ايميلكم لأي شخص عالنت .. لأنه صدقووني من يعرفوون ايميلكم .. ما يحتاي يطرشوون لكم شي وتسووله اكسبت .. يقدروون يهكروون بكل سهوله .. ولا تفتحون اي ايميل ما تعرفوون من عند منوو ... خاهص هالايميلات الملخبطه مكتوبه بحروف عربيه وانجليزيخ .. معظم الاحيان بتحصلونها في Junk mail

4)
لا تحطوون اي شي شخصي عكمبيوتراتكم .. خااصه الصور ..

5)
اذا حسيتووا باي شي غريب يصير في الكمبيوتر .. مثلا تسكر عندكم صفحاات او الماوس يتحرك من نفسه .. على طوول اجلعووا واير النت .. لأنه احتمال شخص يهكر ع كمبيوتركم .. والنت هي الطريقه اللي بتخليه يوصل للكمبيوتر


بعطيكم لنكين ..ان شاء الله تستفيدوون ..

وخلكم واثقين اني ما بحط لكم لنك الا وأنا مجربتنه أو واثقه منه

أول لينك

هو [ فقط المشتركين فى المنتدى يمكنهم رؤية الرابط . اضعط هنا للتسجيل ... ]

باندا اون لاين سكان انتي فايروس .. هاي شركة تصدر برنامج آنتي فايرس ..

وفي موقعها تقدرون بالمجان انكم تسوون اون لاين سكان ..

وصدقووني وايدين استخدمووه .. وطلع لهم بلاوي في كمبيوترهم ..

وثاني موقع أقدمه لكم هو [ فقط المشتركين فى المنتدى يمكنهم رؤية الرابط . اضعط هنا للتسجيل ... ]

هذا الموقع يخبركم بأخطر الفايرسات لليوم .. اوبالاسبوع أو بالشهر .. او السنه .. يعطيكم معلومات عن الفيرسات وانواعها ومخاطرها و اوصافها ..

عشان أكون صريحه هاللنك الثاني يديد علي .. بس هو تبع شركه NOD 32 وهاي الشركه بعد تصدربرنامج آنتي فايروس