يتزوج حرمتين بليلة وحدة يا حظه

قصة مصرقعة حبيت أني اشاركم فيها لطرافتها

وهي عن شاب في سن الزواج راح لمه ، وقعد يلمح لها بالكلام الحلو ألي انتو خابرينة مثل يمه أنتي ما تدورين إلا سعادتي وأنا ودي تشوفين عيالي قبل ما أموت . وأمه تقوله بسم الله عليك ، وأنا من عندي أغلى منك ومن هالكلام المهم راحت وخطبت بنت جيرانهم ألي هي عارفتها والولد بعد000واهل البنت طلبوا مهلة كمن يوم 0000وكانهم تأخروا علي ابوالشباب 000ولد عم البنت دخل في الموضوع

الرجال ما فيه صبر00طلب من امة تخطب له وحدة ثانية ، وفعلا خطبت وحدة من جماعتهم ووافقوا 000 وكذلك أهل بنت جيرانهم وافقو .... ونحرج الرجال ، المهم عقد على الثنتين000وحددوا أهل العروستين أن العرس يتم يوم الخميس أخر الشهر 000وتوهق ذا المعرس وش يسوي

وحدة منهم سوت الحفل في الصالة ، والثانية في البيت ، والاخ راح وزبط حالة وقال خلها على البركة000وجلس حتى راحو المهنئن ، واتكل على الكريم ، وراح عند العروسة الاولى وجلس شوي وراح وياها للفندق ثم وصلها الغرفة وترخص منها علشان يجيب العشا0000000
ثم راح للعروسة الثانية وجلس شوي وترخص من عمته أنه يأخذ عروسته ويتعشون في الفندق (ياعيني عليه ) المهم راح لأحسن مطعم وطلب عشا حق ثلاث أشخاص مع ثلاثة بيبسي وكل شي حق ثلاثة ، وهي مستغربه بس عروس تدرون ماتقدر تقول شي ، وصل عريسنا للغرفة ودخل الأولى علي الثانية وكل وحدة متعجبة من ألي صاير ، والأخ راح وفرش العشا وقعد ، وسألوه عن السالفة فقال القصة من الأول وقال انتو الحين علي البر إلي حابه تكمل معي المشوار ياهلا ومرحبا والي ماتبي ماعندي مانع ألان أسرحها بالمعروف 0000000000
الثانية علشان ما تسبقها الأولي قالت أنا ما عندي مانع والأولى برضو قالت ما عندي أي مشكلة000000000
قال اجل اقلطن تعشن وقولن بسم الله